لا خير فينا إن لم نقلها!! سودانيات بيتمرض يا ناس
من الأمراض المعروفة وصعبة مرض السكري، تعاطي السكر المسرف واحد من مسبباته.
من الحالات المستعصية علاجها، حالات الادمان.
نقطتين هن مرتكزات أساسية في أن سودانيات تتسبب في مرض الناس، ذي ما انا والعديد متلي.
حلاوة سودانيات الزايدة جاية من نوع قصب سكر إسمو شمال ود الحاج (تجد مدن كتيرة في السودان تحمل مسميات ذي دي، ود الفادني، ودمدني وهناك سكر غرب سنار) ونوع إسمو الحنانة (على مسمى الكنانة) ونوع الطاهر (على وزن حي المظاهر، يسكنه تجمعات ناس حلويين) ونوع فاخر إسمو التنقناوي (ما في السودان تنسب الاشياء الي المعالم الهامة والشخصيات الهامة)
شوفتو دي الحلاوة الزايدة جاية من أنواع قصب السكر المختلفة دي وهناك أنواع أخرى منها على سبيل المثال وما الحصر القصب القناتاوي.
أما الحالات التي تؤدي الي الأدمان
كلام ناس عالم والعالم، والطيب وباقي البشايرا، والسيدات بأقلامن الحلوة ذي حلات روحن والشابات بي إطلالتن وسماحة روحن.
كتابات باشمهندس عبدالله وشعر سفيرنا الباسم وين طلا، وناصر وبندر شاه بي مزيكتو الدوام ترد الروح وقصايد عبدالله من وسط ضباب لندن تلفحك بي مزاج، وعم شوقي بدري بي كتاباتو المسخنة ومنها تشم روائح الشدايد (تعبير خاص بي ناس المزاج ومن حق إدارة الويب حذفو) تختلط بحلاوة ذكريات زمن ناس كتيرا ما حضرتو، وناس بتحب كلاماتو (وعلى رأس المجموعة الما موجوعة من كتاباتو الحبيب دكتور كمال برير الذي عن طريقي يغريه حار السلام والإعجاب)
سودانيات بتمرض من حلاوتا من الإدمان الشديد عليها
|
