يا الـطـّالـة فى صُبــح العشــم !

[سمراء]

اتصبرى وماتشيلى ....هم !!

ولمن يكون الهم مترادفة أصيلة فى دفتر حياتك ! تسوى شنو ؟

صباح لالون له ...ولا رائحه سوى رائحه النتانة المقرفة ، والتى تنبعث فى إصرار مخلفه بعض
(صرة فى الوش) ومعدة تكاد تفرغ مابداخلها ، وتراخى فى عضلات الجفون !!

أتيت وانا اتأبط همى ، وكأنه حارسى الخصوصى ، ياله من رفيق مقيت !
اجرجر ارجلى فى تكاسل واضح ، وكأنى ذاهبة الى حتفى فى مقصلة الدنيا الظالمة ..
اتوسد حزن بداخلى لا ادرى اخلق هو من قبلى ..ام اعترانى صغيرة ! فقط صار رفيقا لايهمد له جفن ...ولا يزوره النعاس ! اتفقده احيانا فى حالة سكونه ، كونه صار رفيقا دائما !

وانا فى رحلتى اليوميه ، كرحلة الشمس من يقظتها وحتى منامها ، اسرح فى تفاصيل لم اكن لا اقف عندها لولا حركتها الدائبة بداخلى ، وكانها ترفع شعارات لمسيرة ظـُلم ضد حاكم ظالم ..

اواصل..

[بدور التركي]

ان ننصدم في شي ألفناه صدمة تسبب لنا ألام كثيرة
تعلمت يا سمراء ان اكون متعقلة في احاسيسي مع الغير
وان لا اندفع ولا اتعلق بشي لا وجود له
كي لا تترك آثارها المؤلمة في نفسي

انت رقيقة وحساسة جداً
لذا ح تتعبي كثييير في حياتك


صباحاتو مليانة خير واماني

[سمراء]

المشاركة الأصلية كتبت بواسطة بدور التركي

ان ننصدم في شي ألفناه صدمة تسبب لنا ألام كثيرة
تعلمت يا سمراء ان اكون متعقلة في احاسيسي مع الغير
وان لا اندفع ولا اتعلق بشي لا وجود له
كي لا تترك آثارها المؤلمة في نفسي
انت رقيقة وحساسة جداً
لذا ح تتعبي كثييير في حياتك
صباحاتو مليانة خير واماني

الانسانة بدور
للاسف مافى مفر من طبيعة اتزرعت جواى !
حساسة لدرجة قف
كل الحياة اقابلها بقلب نقى وروح تهفو للخير وحبه
اعاف الكلمة المسمومة
اكره النفوس المريضة
التسامح متلازمة لروحى التى خلقة بها
ولكن
الدنيا تسير بطريق
وانا بطريق مخالف ....!!
ودى مشكلتى !

[فيصل سعد]

المشاركة الأصلية كتبت بواسطة سمراء

ولكن
الدنيا تسير بطريق
وانا بطريق مخالف ....!!
ودى مشكلتى !

اعملي حسابك شديد دي
العلامات و العتبات الاولى
للجنون و الشر برة
و بعيد، اوزني بلوفك شوية
للواقع و شوية لطريقك و ما يصير
الا كل خير، و تمسكي بالخير و
النقاء و التسامح، انت لها و سيدة
الوزنات و الدوزنات .. و لك
السلام و التحية و ايضا لبدور ..

يديكم العافية ..

[بدور التركي]

المشاركة الأصلية كتبت بواسطة سمراء

الانسانة بدور
للاسف مافى مفر من طبيعة اتزرعت جواى !
حساسة لدرجة قف
كل الحياة اقابلها بقلب نقى وروح تهفو للخير وحبه
اعاف الكلمة المسمومة
اكره النفوس المريضة
التسامح متلازمة لروحى التى خلقة بها
ولكن
الدنيا تسير بطريق
وانا بطريق مخالف ....!!
ودى مشكلتى !

ومألوف طبيعة حلوة
حافظي عليها
القلوب المتسامحة ظاهرها وباطنها عسل صافي ولها بريق أخاذ

خذي يا سمرا من القلوب التي حولك كل الأشياء الجميلة
واستمدي أصالتك من الارض التي نشأتي عليها ارض الخير والعطاء
وما تنتظري من احد ان يعطيك
خليكي دائما انتي النهر الساكب حب وعطاء
وستكتشفي كم هم البؤساء...

[جانيت]

مااااااااااااالك يا حبيبة غساي

ما تخلي الهم ياخد منك
ولا استياء يتمكنك

روحك الجميلة الطاهرة اودعيها في امان السعادة والمرح المن اصل طبعك

لكن للضمان كده النكلمك بوستيك ده الا تشختي ليه يحلك منو الحلا بلة

وتبري من الحل بلة

وقبلة قطنية علي جبينك اطيب بيها خاطرك الغالي

وارمي حمولك علي

[jezabell]

جانيت..
يعني شنو قبلة قطنية؟

سمورتي..
انتي ما كلموك بحاجة اسمها ميتة القلب.. دي غايتو حصلت لي.. لو دايرة بكتب ليك الوصفة او بديك من عندي حبة على شكل قدر ظروفك وكدا

واخر قولي أن: جلّي يا منقة.. قبل ما تجلّي منك

[طارق الحسن محمد]

اليوم منتصفه اجمل
وقادمات الايام
اجمل اكثر
واكثر
ياصحبة فى زمن
كعب
بس ...........

[طارق الحسن محمد]

المشاركة الأصلية كتبت بواسطة بدور التركي

ومألوف طبيعة حلوة
حافظي عليها
القلوب المتسامحة ظاهرها وباطنها عسل صافي ولها بريق أخاذ

خذي يا سمرا من القلوب التي حولك كل الأشياء الجميلة
واستمدي أصالتك من الارض التي نشأتي عليها ارض الخير والعطاء
وما تنتظري من احد ان يعطيك
خليكي دائما انتي النهر الساكب حب وعطاء
وستكتشفي كم هم البؤساء...

ياسلام ..... ياسلام
يابدور
بتمرق المعنى
من بطنه
بسهلك المنيع

وستكتشفي كم هم البؤساء

[جانيت]

المشاركة الأصلية كتبت بواسطة جود

جانيت..
يعني شنو قبلة قطنية؟

جود اسالي بدور
القبلة دي حقتها بعدين انتي ضميتي القاف ليييييييي
اكسريها يمكن تبقى قبلة برضو

المهم رسلي لي معاها حبة

[جانيت]

المشاركة الأصلية كتبت بواسطة طارق الحسن محمد

ياسلام ..... ياسلام
يابدور
بتمرق المعنى
من بطنه
بسهلك المنيع

طروق ياخ شكل الكلمة دي

ويععععععععع

[ناصر يوسف]

المشاركة الأصلية كتبت بواسطة سمراء

اتصبرى وماتشيلى ....هم !!

ولمن يكون الهم مترادفة أصيلة فى دفتر حياتك ! تسوى شنو ؟

صباح لالون له ...ولا رائحه سوى رائحه النتانة المقرفة ، والتى تنبعث فى إصرار مخلفه بعض
(صرة فى الوش) ومعدة تكاد تفرغ مابداخلها ، وتراخى فى عضلات الجفون !!

أتيت وانا اتأبط همى ، وكأنه حارسى الخصوصى ، ياله من رفيق مقيت !
اجرجر ارجلى فى تكاسل واضح ، وكأنى ذاهبة الى حتفى فى مقصلة الدنيا الظالمة ..
اتوسد حزن بداخلى لا ادرى اخلق هو من قبلى ..ام اعترانى صغيرة ! فقط صار رفيقا لايهمد له جفن ...ولا يزوره النعاس ! اتفقده احيانا فى حالة سكونه ، كونه صار رفيقا دائما !

وانا فى رحلتى اليوميه ، كرحلة الشمس من يقظتها وحتى منامها ، اسرح فى تفاصيل لم اكن لا اقف عندها لولا حركتها الدائبة بداخلى ، وكانها ترفع شعارات لمسيرة ظـُلم ضد حاكم ظالم ..

اواصل..

خلاص ؟؟؟

الحالة عُشرُمية جات تااااااااني ؟؟؟

إنتي يا بت ؟؟ ....

أنا ما قلت ليكي بطلي السجم والرماد البتشربي فيهو ده ؟؟؟؟


إنّا لله ياخي وحالتو الدنيا شهر رمضان ؟؟؟

[تحفة حوا]

الصبر ثم الصبر ثم الصبر
علماء النفس ينصحون بان يصاحب المرء من يحبونه ويبتعد عمن يكرهونه
حتى لا يصاب بالاحباط والاكتئاب
وابحثي عن كل ما هو جميل حولك فستجدين فيه السلوى ان شاء الله

ربنا يفرج هموم الجميع

[jezabell]

المشاركة الأصلية كتبت بواسطة جانيت

جود اسالي بدور
القبلة دي حقتها بعدين انتي ضميتي القاف ليييييييي
اكسريها يمكن تبقى قبلة برضو

المهم رسلي لي معاها حبة

لا خلاص..
لو حقت بدور يبقى ماف داعي اسأل.. بكون اتنشفت بيها قبل كدا

[jezabell]

المشاركة الأصلية كتبت بواسطة ناصر يوسف

خلاص ؟؟؟

الحالة عُشرُمية جات تااااااااني ؟؟؟

إنتي يا بت ؟؟ ....

أنا ما قلت ليكي بطلي السجم والرماد البتشربي فيهو ده ؟؟؟؟


إنّا لله ياخي وحالتو الدنيا شهر رمضان ؟؟؟

ناصر يوسف
انا غايتو رايحة لي حاجة عندك.. ما عارفاها شنو.. بس لو لقيتها.. النبي تلمها لي