أوعى تقولي نسيتها عيونك
كيف من غيرك تبقى الدنيا
وكيف الدنيا تكون من دونك
********
فـِكري معاك شاغلاه شجونك
اعيش الليل في صمته سكونك
محال الفُـرقة تكون بيناتنا
وكل العمر نذرته اصونك
********
الكروان آسراه لحونك
والياسمين غيران من لونك
الحور العين تتمنى تكونك
ليه ما اكون انا بس مجنونك
********
بلاك العمر قضيته أسِـيّـه
دمعة بتجري ودمعة عصيّـه
إنت الذكرى الغاليه عليّ
وانا ذكراي عندك منسيـّه
********
والله حرام ما تسألي فيّ
مناي يا روحي أكون ممنونك
********
انسى الدنيا وكل الفيها
لمّا عيونك أعاين فيها
ابكي اماسي ندمت عليها
أقول لو تاني يعود ماضيها
وأكون يا ليلى بقيت مجنونك
********
