** يا شباب العفو و العافية و ابقوا عشرة على المحبة **

[مشرف منتدى الحوار1]

الاحباب الاعزاء جميعا ..

السلام و التحايا و الاحترام ،،،

افيدكم علما بانني سعدت بالعمل معكم و بينكم سنينا عددا في الاشراف على منتدى الحوار .. و عاصرنا معا مختلف المجالس الادارية و الامانات العامة مع اخوة و اخوات لنا حملناهم و حملونا اعزازا و مودة ،، قبل ان نغادر منصة الاشراف المنبري،، نؤكد لكم جميعا بان شعار التواصل و المحبة كان عاليا خفاقا طوال هذه المسيرة .. و سيظل مرفوعا و مبذولا على طول الطريق..

اودعكم كمشرف على منتدى الحوار و ايادينا بيضاء ممدودة لكم .. و قلوبنا كذلك .. و العفو و العافية .. و سامحونا على اي تقصير او سؤ فهم او اخطاء وقعت طوال تلك السنين .. متمنين للطاقم الجديد من المشرفين و الذي سيعلن قريبا، الانجازات و كامل التوفيق و السداد ..

و ابقوا عشرة على المحبة ..

فيصل سعد
المشرف السابق لمنتدى الحوار ..

[ناصر يوسف]

لولا ظروفك الخاصة يا فيصل وعدم وجود الوقت الكافي
لمانعتُ ترجلك من علي صهوة الإشراف يا شريف يا أصيل

انا ما عاوز أقول ليك شكراً ،،، أها رأيك شنو لأنو ده طبعك وده بكانك ووجودك إنتَ فيه كان واجب من يخدم بيته وأهل بيته

كامل المحبة يا حبوب وإنتض ده التعفي لينا ياخ

[خضر حسين خليل]

ماقصرت يا صاحب
ابقي داخل لا جوة

[جيجي]

انت اعفي لينا ياصاحب
وشكرا لما وهبتنا من وقتك واهتمامك وكل حاجاتك الحلوة

[بدر الطائف]

منتدى الحوار من اصعب المنتديات على الاشراف.
شكرا ودسعد فقد عملت واديت رسالتك بكل هدوء وتفانى.

[سارة]

فيصل يا جميل انت من تستحق الشكر والتقدير
وربى يسهل عليك اميش ما تمشى ووين ما تقبل

[خال فاطنة]

مبروك يا فيصل ياخ، و كفارة للقادم....

و ايادينا بيضاء ممدودة لكم

مرحب بأيادي خالية من المقصات و المشارط...الزمن دا كلو مسلحين بالمقصات في مواجهة شعب أعزل

............


لينا أن نحتفل بكاتب فذ و قلم ود ناس...
مراحب يا فيصل، و كوم من الانبساطة بإنعتاقك دا

[نبراس السيد الدمرداش]

حمدا لله على السلامه يا حبوب
وشكرا ليك كتييير يا كبير
ربنا يوفقك ويديك لما يرضيك
وهنيئا لسودانيات بكيبوردك بعد التفرغ من الاشراف

[ود البلد]

تشكرات ... ياجميل الروح
لك كل المعزه والتقدير

[جيجي]

المشاركة الأصلية كتبت بواسطة ود البلد

تشكرات ... ياجميل الروح
لك كل المعزه والتقدير

وليك انت دا

[لنا جعفر]

فيصل القريب من الروح....
المكان ده انت أحد أعمدته وعملت كل جهدك للحفاظ عليه
وللحفاظ على أواصر ناسو وتلاقيهم
انت حارس أمين وروح حادبة ظلت مضللة علينا وح تظل
كل وفاءك ونبلك وتضحياتك القدمتها بتتقاصر دونها الكلمات
عرفناك أداري فذّ وصاحب مبادئة وانت قيمة كبيييييرة لسودانيات
ظللت تًعطي بلا كلل ولا من ولا شكاية
خبير بشغلك وقور وفارس وسند للكل
مابينفع الكلام مع كل القدمتو
ولا ممكن اتعامل مع كلامك او كلامي كأنه حفل وداع حتى للأشراف
على المنتدى....ح تظل المرجع والخبير والقلبك لينا وعلينا
مقدر ليك تكون واحد من أعمدة المكان وح تظل يافيصل
ولولا ظرفك سودانيات مابتقدر تتعامل مع غيبتك كمشرف
وربنا يعين أحمد اللي هو قدر المسئولية وقدر العطاء
وثقتنا في احمد لاتحدها حدود
وقطعاً أحمد ح يكون قريب من نبع صافي ورقراق
ظلّ يسقينا ويضاري علينا
محبتي قطعاً واصلاك وعارفا ومتيقن منها
وانت اكبر من اي كلام ياغالي
وعارفاااااك ح تظل قريب
ومنتظرنك ككاتب هنا والشي السعيد الوحيد
في تركك للاشراف هو اننا كسبناك
كقلم غني وروح حية ح تحيي المنتدى
كل الرضا والمحبة يافافا

[الرشيد اسماعيل محمود]

المشاركة الأصلية كتبت بواسطة خال فاطنة

مرحب بأيادي خالية من المقصات و المشارط...الزمن دا كلو مسلحين بالمقصات في مواجهة شعب أعزل

إلا من الأظافر، الخربشة برضو نوع جيّد من وسائل الهيمنة

يا نديدو،،
ما قصّرتَ في المهمّة، ولو بعرف أرفع فيديو، كنت جبت ليك أفراح عصام في "غصن الرياض المايد"

[سارة]

المشاركة الأصلية كتبت بواسطة الرشيد اسماعيل محمود

إلا من الأظافر، الخربشة برضو نوع جيّد من وسائل الهيمنة

يا نديدو،،
ما قصّرتَ في المهمّة، ولو بعرف أرفع فيديو، كنت جبت ليك أفراح عصام في "غصن الرياض المايد"

نجيبها نحنا ليك ولود سعد

http://www.youtube.com/watch?v=UYoMFEsN5xU

[أسعد]

والمحبة الفيها لو ما إنت
ما كانت محبة

http://www.youtube.com/watch?v=IlGbjrzBmTY

[عبدالمنعم الطيب حسن]

عارف يا فيصل طوال سنوات
كان اسمك مرتبطا ووثيقا جدا بسودانيات ،
كنت ما ان افتح المنتدى ،
حتى يطالع اسمك كاجمل بشارة ترحيب ،
ادخل اقرا اونبسط ،
واجري واجيهو راجع ،
ولا يزال اسمك عاليا خفاقا
تعبيرا عن كبرياء شعب
وعنوان لعزيمة امة ،
قدمت زمنك الغالي لخضرة هذا المكان ،
ولنمائه ، ولبقائه
لله درك يا لك من صنديد ،
خدمت هذا المكان اقل ما تستحقه منا ،
ان نرفع لك القبعات وعالية
تسلم ،
يالك من حبوب
دمت سعيدا يا صديقي الحبيب