مابين الدهشه والاعجاب والاستغراب..كده كده يا التريلا..

[قرقاش]

http://youtu.be/heSx4mRb46U

[ود الخير]

قدرت أسمع ثواني بس ! صعب للذوق السوداني ...

سلام أخ قرقاش

YouTube

[رأفت ميلاد]

سلامات يا قرقاش

عامل فيها عنتر وشايل ليهو خنجر

دى ما ناقشنها الجماعة ديل

[قرقاش]

المشاركة الأصلية كتبت بواسطة ود الخير

قدرت أسمع ثواني بس ! صعب للذوق السوداني ...

سلام أخ قرقاش






http://m.youtube.com/watch?v=heSx4mR...ature=youtu.be

ود الخير ...سلام وربنا يزيدك خير ومحل ماتخت ايدك يطلع بئر .. منه نابع الخير ..
طبعا حبابينا الايام دى قادلين فى الخليج ومشنقين الطاقيه ..وكل واحد فيه لابس تى شيرت مكتوب فيه ..الراعى الامين ودعمنا ... لوعندك امانه جيبها نمسكها ليك ...
والحقيقه حكايه الراعى الامين دى شكلها فيها ..انه ...اقصد الزوبعه حولها خصوص انه قبلها بايام كان هناك نيه لاعلان الحرب على فكره انه السودانى كسلان وانه بلدهم اسمها كسلا ..وانه الواحد فيهم يصحى من النوم ويقول عاوز يرتاح شويه ..( والله ان شخصيا بصحى من النوم تعبا ن وكانه كنت فى حرب )
المهم حكايه الراعى الامين جابت ليها جانب تانى او بالاصح مدخل تانى لى قلوب الخلايجيه ...
ده كله كوم ..
الكوم التانى لوصبرت على الاغنيه شويه وشفته السكسكه والحركات اللى هيه من احبايبنا الخلايجه ...
لكنت تساءلت مثلى وقلت ما اجمل الغناء الذى يقرب القلوب الى بعضهم البعض بكل هذا الحب ..
بمعنى يعنى واحد من الكانوا يسكسكوا ديل لو قابل سودانى فى وجهه ح يقول ليه شنو ..؟
ياود الخير ياسلام على الفن ..يقرب بين القلوب ..
تحياتنا الى كل فنان حتى ولو غنى كده كده يالتريلا ..

[قرقاش]

المشاركة الأصلية كتبت بواسطة رأفت ميلاد

سلامات يا قرقاش

عامل فيها عنتر وشايل ليهو خنجر

دى ما ناقشنها الجماعة ديل

الحبيب رافت ..
والله ليك وحشه ..
من القلب للقلب رسول ..امبارح فى السوق الشعبى اتذكرتك ..وقلته ياربى ناس نظافه شوارع فى سويسرا تعبانين ولامرتاحين شويه ..
(واللبيب بلاشاره يفهم ..)
حكايه الخنجر دى يارفت ياخوى ده فهمك براك ..عندنا ياهو عنتر وشايل ليه خنجر الليل حديد زى حق ابو يمن ..
ذكرتنى قريبى بعد ماعدى التمانين ..قلت ياحاج نحنه فى الدرب سائرون ..البنى التحتيه تبعكم كيف ..؟ قال لى بى حسره والله ياولدى عايشين على الذكريات
وتقول لى برضه الجماعه ماناقشين الخنجر ...

[زول الله]

المشاركة الأصلية كتبت بواسطة رأفت ميلاد

سلامات يا قرقاش
عامل فيها عنتر وشايل ليهو خنجر
دى ما ناقشنها الجماعة ديل

المشاركة الأصلية كتبت بواسطة قرقاش

الحبيب رافت ..
ذكرتنى قريبى بعد ماعدى التمانين ..قلت ياحاج نحنه فى الدرب سائرون ..البنى التحتيه تبعكم كيف ..؟ قال لى بى حسره والله ياولدى عايشين على الذكريات
وتقول لى برضه الجماعه ماناقشين الخنجر ...

اوسكاااااااااار والله






اقول قولي هذا واستغفرالله لي...................

[عبدو منصور]

بختك ياقرقاش أدوك الاوسكار حتة واحدة وانا من عندى بهديك أغنية ماضى الذكريات تستمع تسكسك تبكى على كيفك .وبرضو كدة كدة ياقرقاش

[رأفت ميلاد]

المشاركة الأصلية كتبت بواسطة زول الله

اوسكاااااااااار والله






اقول قولي هذا واستغفرالله لي...................

لا لا أنتو الأتنين بالكم مشى بعيد .. ما داير أفسر غايتو توحة ما يشوف الكلام ده

[ZEIN ABDALLA]

المشاركة الأصلية كتبت بواسطة رأفت ميلاد

لا لا أنتو الأتنين بالكم مشى بعيد .. ما داير أفسر غايتو توحة ما يشوف الكلام ده

فى الحقيقة يا روفى (وقبل ما يجى توحة) تقول الكلمات الاصل:
عامل فيها عنتر...... وراكب ليهو هَنتَر
كان شفتوهو عنتر ..... دا العسل المقطر
--------------
حسع قرقاش يقوم يقول ما سمع بالهنتر

[قرقاش]

المشاركة الأصلية كتبت بواسطة ZEIN ABDALLA

فى الحقيقة يا روفى (وقبل ما يجى توحة) تقول الكلمات الاصل:
عامل فيها عنتر...... وراكب ليهو هَنتَر
كان شفتوهو عنتر ..... دا العسل المقطر
--------------
حسع قرقاش يقوم يقول ما سمع بالهنتر

زين العابدين عبد الله حبابك الف ..
نميرى لمن جاء الحكم قال انا اابوى كان غفير فى مركنتايل فى مدنى ....ومافى وزير تانى يركب عربيه اغلى من الهنتر ...والعربيه الهنتر ايامها كان زى ماتقول عربيه شعبيه تكاسيه ...برغم انها فى اواخر ايامها نافست الهلمان فى تسميه الكانون (اى الموقد ) والهلمان والهنتر كان بجيبم حبيبنا برسميان ..واذكر انه شغل لاعب المريخ ( حسنين جمعه موظف معاه فى قسم الاسبيرات )..العربيه المورس كان بجيبه جلاتلى هانكى للجزيره بورت ..
اها امتحانى ليك ...منو الجاب العربيه الكونسل للسودان ...البيعرف الاجابه ..عنده جائزه ...
على فكره اول مره نصنع فرعون فى السودان كان نميرى ..

[قرقاش]

المشاركة الأصلية كتبت بواسطة رأفت ميلاد

لا لا أنتو الأتنين بالكم مشى بعيد .. ما داير أفسر غايتو توحة ما يشوف الكلام ده

اشرح ابن افصح
تكلم ايها الرجل
واعرب عما بدالك
سقاك الله مماتشتهى الانفس ...

[قرقاش]

المشاركة الأصلية كتبت بواسطة زول الله

اوسكاااااااااار والله





اقول قولي هذا واستغفرالله لي...................

كتر خيرك يالغالى ..وغفر الله لنا ولكم ولاحبه المنتدى اجمعين ..

[قرقاش]

المشاركة الأصلية كتبت بواسطة عبدو منصور

بختك ياقرقاش أدوك الاوسكار حتة واحدة وانا من عندى بهديك أغنية ماضى الذكريات تستمع تسكسك تبكى على كيفك .وبرضو كدة كدة ياقرقاش

عبودى سلام ..
وحاتك ياغالى الذكريات دى فيها جنس مغصه ..
بس كدى لمن تصل المحطه دى اعمل لينا اننشاء الله مس كول
ونحن حنرسل المواساه
ده لو كنا قاعدين
ربنا يطول فى عمر الجميع ..