هل ماتبقى للشيوعية فقط ...أغانى وشعارات (يوجد تحريش)

imported_سمراء · 22-12-2009, 10:31 AM

حقيقه نحنا من جيل اتظلم ظلم الحسن والحسين من الناحية السياسية ، وثقافاته ...
فقد وجدنا انفسنا فى عالم يُحكم من خلال الكاكاى ، والبوت والنبوت ،،، ولم نسمع سوى
اصوات المارشات فى كل حين واخر معلنا طلوع او هبوط شخص لمنصة الحكم ...
ومن خلال تلك الفرتات تسطع بين الحين ايضا والاخر جلبة ، وجلابيب وعمائم يلتف حولها بشر
تختلف سحناتهم ، وشعاراتهم ،
ثم تداخلت الصور والوجوه فى بعضها البعض ،،،وافرزت مسميات وكيانات (مكسينق) ....

وفى ظل كل تلك الاحداث قرأنا الكثير ، وسمعنا الاكثر ..ولكن تشابهت علينا البقر .....

وسمعنا جعجعة طواحين كثيرة ......ولم نرى ذرة دقيق واحده تخرج تسد افواه المنتظرين من الشعب ......

ما جعلنى اختار وسط الكم الهائل من تلك التجمعات الحزب الشيوعى ، والذى حدثنى عنه والدى كثيرا فى فترة كان هو احد اعضائه ،،،ولكنه تركه بلا عودة ....ولم يخبرنى بالسبب ....اعتقد بان سببه يرجع لعادة والدى فى عدم الخوض فى (عورات ) من تركهم ....

ولكنى احترت وانا اجد نفسى فى وسط زملاء جميعهم ينتمون الى الحزب الشيوعى ،،وعند الاقتراب منهم لا اسمع عن هذا الحزب .....سوى مصطفى سيد احمد وابو عركى ....وود اللمين ووردى .....!!!!
اصبحت اميز الشيوعى من خلال (الشكل فقط ) !!!
اى شخص يرتدى بنطلون جنز (وسخان) وشعرو منكوش ويبرم فيهو ،،،ويستمع لاحد هؤلاء ...ويدخل فى نصف كلامه عبارات الديمقراطية .....الكيزان....امنجى ....الخ
طوالى بعرف انو شيوعى .....

ولكن خلاف ذلك .....لم ارى من اهداف الشيوعية .....شى !!!

اعينونى ....بربكم واعتبرو بانكم تدرسون طالب بالصف الاول ابتدائى ......سياسة!!

اها حارساكم انا ....

imported_سمراء · 22-12-2009, 11:31 AM

شنو يا (اعمامنا ) طلعنا دفعة ولا شنو ؟؟؟

حكمتو باااااااااااالغه والله !!!

خلاص ممكن نغير مسار البوست ونحاول نستهلكو فى حاجه مفيده ....وكدة ؟

imported_أشتر · 22-12-2009, 11:39 AM

غايتو انا ما عندي قضية بالسياسة !!!
ليبرالي وكدا يعني ...
خالد الحاج شاتو بمكالمة هاتفية ...
مااااا إلِك إلا جيلي ...
الجيلي أحمد وكيشو ...

imported_شبارقة · 22-12-2009, 11:58 AM

اقتباس:

المشاركة الأصلية كتبت بواسطة سمراء

فقد وجدنا انفسنا فى عالم يُحكم من خلال الكاكاى ،

[align=justify]

غايتو إلا كان حاكمانا جدادة

[/align]

[align=justify]مرحب بيك يا سمراء[/align]

imported_تجـــاني · 22-12-2009, 12:13 PM

اقتباس:

المشاركة الأصلية كتبت بواسطة سمراء

....اعتقد بان سببه يرجع لعادة والدى فى عدم الخوض فى (عورات ) من تركهم ....
....

اقتباس:

المشاركة الأصلية كتبت بواسطة سمراء

ولكنى احترت وانا اجد نفسى فى وسط زملاء جميعهم ينتمون الى الحزب الشيوعى ،،وعند الاقتراب منهم لا اسمع عن هذا الحزب .....سوى مصطفى سيد احمد وابو عركى ....وود اللمين ووردى .....!!!!
....

اقتباس:

المشاركة الأصلية كتبت بواسطة سمراء

اصبحت اميز الشيوعى من خلال (الشكل فقط ) !!!
....

اقتباس:

المشاركة الأصلية كتبت بواسطة سمراء

اى شخص يرتدى بنطلون جنز (وسخان) وشعرو منكوش ويبرم فيهو ،،،ويستمع لاحد هؤلاء ...ويدخل فى نصف كلامه عبارات الديمقراطية .....الكيزان....امنجى ....الخ
طوالى بعرف انو شيوعى .....
....

اقتباس:

المشاركة الأصلية كتبت بواسطة سمراء

ولكن خلاف ذلك .....لم ارى من اهداف الشيوعية .....شى !!!
....

اطلاق الحكم بالتعميم غالباً لا يحتمل الصواب

بالله يا سمراء النظرة للشيوعية وعلى حسب ما ورد فى البوست دا كلها ما فاتت زول بتكلم وبسمع لمصطفى ووردي وود اللمين وعركي وبنطلون وسخان وشعر منكوش وعبارات كوز وامنجي وديمقراطية ...

انا لله

اها دي قعدة ونتفرج

بابكر عباس · 22-12-2009, 12:17 PM

اقتباس:

المشاركة الأصلية كتبت بواسطة سمراء

وسمعنا جعجعة طواحين كثيرة ......ولم نرى ذرة دقيق واحده تخرج تسد افواه المنتظرين من الشعب ......
....

و لحظة طار عصفور من صدرك
رتب فيتا إحساس بالإلفة
و دوزن عصب الزمن الاشتر...

قبل ما نحكي عن طحين الحزب

دايرك يا سمرا (من غير همزة) تختبري وجود الطحين دا في نفسك،
بإعتبارك إنتاج محارب قديم..
نتمنى ان يكون بعده مجرد استراحة مقاتل..

imported_hatim ALi · 22-12-2009, 12:21 PM

اقتباس:

المشاركة الأصلية كتبت بواسطة سمراء

حقيقه نحنا من جيل اتظلم ظلم الحسن والحسين من الناحية السياسية

سلام يا سمراء

كدي ورينا بالأول ياتو جيل إنتو ؟

بس أوعا تطلعي جيل منال

تبقى مصيبة

imported_سمراء · 22-12-2009, 12:25 PM

اقتباس:

المشاركة الأصلية كتبت بواسطة محمد أبوعاقلة

غايتو انا ما عندي قضية بالسياسة !!!
ليبرالي وكدا يعني ...
خالد الحاج شاتو بمكالمة هاتفية ...
مااااا إلِك إلا جيلي ...
الجيلي أحمد وكيشو ...

انت بالزات ياود ابو عاقله ....ممنوع الاقتراب او التحوقل فى بوستينى ده
ببوظ ليك مودك الجديد ياخ
تبراء وتستبراء منو شديد خالس خالس

قلت لى خالد شاتوهو بى مكالمة ....بس !!
ليه هو اصلا كان فاتح اتصالات ..عندهم !!

imported_سمراء · 22-12-2009, 12:27 PM

اقتباس:

المشاركة الأصلية كتبت بواسطة شبارقة

[align=justify]

غايتو إلا كان حاكمانا جدادة

[/align]

[align=justify]مرحب بيك يا سمراء[/align]

دى كيفتنى تكييف مركزى ياشبارقة الوطن الناشف

عاين ماهو زااااتو الجداد خشم اقفاص
ولا ما موش ؟

imported_سمراء · 22-12-2009, 12:30 PM

اقتباس:

المشاركة الأصلية كتبت بواسطة تجـــاني

انا لله

اها دي قعدة ونتفرج

التجانى ( البخيل)
تتفرج بس ياكافى البلاء ؟ هو انت ياتجيب لى صينية فاضية
ولا تجى تقعد ملح سااااى بدون راى !!

انت اظنك( ش جى ) اووووعك تسالنى منها دى يعنى شنو ؟

imported_سمراء · 22-12-2009, 12:34 PM

اقتباس:

المشاركة الأصلية كتبت بواسطة بابكر عباس

و لحظة طار عصفور من صدرك
رتب فيتا إحساس بالإلفة
و دوزن عصب الزمن الاشتر...

قبل ما نحكي عن طحين الحزب

دايرك يا سمرا (من غير همزة) تختبري وجود الطحين دا في نفسك،
بإعتبارك إنتاج محارب قديم..
نتمنى ان يكون بعده مجرد استراحة مقاتل..

اوللتن شى رجع لى همزتى ياخ

تانى شى يابابكر اقول ليك النصيحه ، انا كلامى ده كلام ذول موجوع
انا مخرج طاحونه اصليه ، ودقيقه نضيف من تربة ارضنا البكر لمن كانت مامحتاجه اسمدة اجنبية ،،،،،ورويانه من موية الله البيور
عشان كده طلعت طحين نضيف ، ومغربل ،،،،، وبالهناء والشفاء

بس الحصل شنو ؟
ولى شنو ؟
وكيف ؟

والحل !!!!!

imported_عادل عسوم · 22-12-2009, 12:38 PM

اقتباس:

المشاركة الأصلية كتبت بواسطة سمراء

التجانى ( البخيل)
تتفرج بس ياكافى البلاء ؟ هو انت ياتجيب لى صينية فاضية
ولا تجى تقعد ملح سااااى بدون راى !!

انت اظنك( ش جى ) اووووعك تسالنى منها دى يعنى شنو ؟

سمراء وتجاني
قالوا (والعهدة على الراوي) ...
ما كان الود عامرا بين المرحوم البروف عبدالله الطيب وقريبنا الأستاذ الشوش
الجماعة سألوا البروف عن السبب...
لم يجاوبهم في البدئ
وعندما ألحوا عليهو قال لهم:
أما رأيتم تكأكُئِ الشينات عليه
شينان في اسمه
وشين الشايقية
وشين الشيوعية

imported_سمراء · 22-12-2009, 12:43 PM

اقتباس:

المشاركة الأصلية كتبت بواسطة hatim ALi

سلام يا سمراء

كدي ورينا بالأول ياتو جيل إنتو ؟

بس أوعا تطلعي جيل منال

تبقى مصيبة

انا من جيل الزمبعة

جيل الامجاد ....الضايعة
والبطولات البقت ونسة حبوبات

انا من الجيل البدل اركان النقاش بى اركان البلياردو

والشيشه

imported_تجـــاني · 22-12-2009, 12:46 PM

اقتباس:

المشاركة الأصلية كتبت بواسطة سمراء

التجانى ( البخيل)
تتفرج بس ياكافى البلاء ؟ هو انت ياتجيب لى صينية فاضية
ولا تجى تقعد ملح سااااى بدون راى !!
انت اظنك( ش جى ) اووووعك تسالنى منها دى يعنى شنو ؟

النبى فيك يا سمراء شين وجيم ديل ناس منو

عشان ما اقلب ليك البوست دا سلطة

ياخ الصينية الفاضية جايب ليك بدلها تورتة (رويال) عديييل كدا بس شيلى الصبر

imported_سمراء · 22-12-2009, 12:46 PM

اقتباس:

المشاركة الأصلية كتبت بواسطة عادل عسوم

سمراء وتجاني
قالوا (والعهدة على الراوي) ...
ما كان الود عامرا بين المرحوم البروف عبدالله الطيب وقريبنا الأستاذ الشوش
الجماعة سألوا البروف عن السبب...
لم يجاوبهم في البدئ
وعندما ألحوا عليهو قال لهم:
أما رأيتم تكأكُئِ الشينات عليه
شينان في اسمه
وشين الشايقية
وشين الشيوعية

ياخ ينصر دينك انت والعلامة المرحوم عبد الله ،،،قدر ماريحتونى فى حنانى زاتو

بس الزعلنى انو الزول ده طلع قريبك

معقوله انت ...هناى ياخ !

22-12-2009, 10:31 AM	#[1]
imported_سمراء :: كــاتب نشــط::	هل ماتبقى للشيوعية فقط ...أغانى وشعارات (يوجد تحريش) حقيقه نحنا من جيل اتظلم ظلم الحسن والحسين من الناحية السياسية ، وثقافاته ... فقد وجدنا انفسنا فى عالم يُحكم من خلال الكاكاى ، والبوت والنبوت ،،، ولم نسمع سوى اصوات المارشات فى كل حين واخر معلنا طلوع او هبوط شخص لمنصة الحكم ... ومن خلال تلك الفرتات تسطع بين الحين ايضا والاخر جلبة ، وجلابيب وعمائم يلتف حولها بشر تختلف سحناتهم ، وشعاراتهم ، ثم تداخلت الصور والوجوه فى بعضها البعض ،،،وافرزت مسميات وكيانات (مكسينق) .... وفى ظل كل تلك الاحداث قرأنا الكثير ، وسمعنا الاكثر ..ولكن تشابهت علينا البقر ..... وسمعنا جعجعة طواحين كثيرة ......ولم نرى ذرة دقيق واحده تخرج تسد افواه المنتظرين من الشعب ...... ما جعلنى اختار وسط الكم الهائل من تلك التجمعات الحزب الشيوعى ، والذى حدثنى عنه والدى كثيرا فى فترة كان هو احد اعضائه ،،،ولكنه تركه بلا عودة ....ولم يخبرنى بالسبب ....اعتقد بان سببه يرجع لعادة والدى فى عدم الخوض فى (عورات ) من تركهم .... ولكنى احترت وانا اجد نفسى فى وسط زملاء جميعهم ينتمون الى الحزب الشيوعى ،،وعند الاقتراب منهم لا اسمع عن هذا الحزب .....سوى مصطفى سيد احمد وابو عركى ....وود اللمين ووردى .....!!!! اصبحت اميز الشيوعى من خلال (الشكل فقط ) !!! اى شخص يرتدى بنطلون جنز (وسخان) وشعرو منكوش ويبرم فيهو ،،،ويستمع لاحد هؤلاء ...ويدخل فى نصف كلامه عبارات الديمقراطية .....الكيزان....امنجى ....الخ طوالى بعرف انو شيوعى ..... ولكن خلاف ذلك .....لم ارى من اهداف الشيوعية .....شى !!! اعينونى ....بربكم واعتبرو بانكم تدرسون طالب بالصف الاول ابتدائى ......سياسة!! اها حارساكم انا ....
imported_سمراء :: كــاتب نشــط::

22-12-2009, 11:31 AM	#[2]
imported_سمراء :: كــاتب نشــط::	شنو يا (اعمامنا ) طلعنا دفعة ولا شنو ؟؟؟ حكمتو باااااااااااالغه والله !!! خلاص ممكن نغير مسار البوست ونحاول نستهلكو فى حاجه مفيده ....وكدة ؟
imported_سمراء :: كــاتب نشــط::

22-12-2009, 11:39 AM	#[3]
imported_أشتر :: كــاتب نشــط::	غايتو انا ما عندي قضية بالسياسة !!! ليبرالي وكدا يعني ... خالد الحاج شاتو بمكالمة هاتفية ... مااااا إلِك إلا جيلي ... الجيلي أحمد وكيشو ...
imported_أشتر :: كــاتب نشــط::