الما ضاقو ليه إن شاء الله ليهو أسهل وآحلى

بابكر مخير · 11-06-2009, 11:38 AM

أخدتا ليا أيام
أمشي وأجي
أحوم في الأوضة الخصاني بيها الحبيب مولانا مصطفى حسن محجوب،، كسكن في ضيافتو،،،
بي براحها وكبرها وحلاوتها،،
أقلق في راحتو وولده وود أخته والجيران والبنايات المجاورة،،
الليل وكل النهار ووش الصبح والعصر كمان،،
السجادة بقت مكاني المفضل في الأوضة فيها أكتر من أكون في السرير، إنسهكت من كترت القعاد فيها،،،
يديا بقن بدل مدلدلات، بقن وضعهن الطبيعي، مشمطات لي فوق،،
والدعوة والتمني،،
والطلب الدايم من العزيز الغالي،
للمولى عز وجل،،،
مدون بتي تتحل بي السلام،،
ربنا يشفيها من ضغط الدم الظهر ليها وهي في شهرها التامن،،،
ما هي زولة ربنا يحفظها، شايلة إسم وطبع،،
أكان من أمها
أكان من أمي...
متأكد ناس المستشفى الهي فيهو حسي،، دايرنها تستمر معاهم فترة أطول،،
لأنها جميلة خلقة وأخلاق...
وحتى إن شاء الله بعد تلدي، شايفهم قالوا حيمسكوها معاهم، لأنها حيولدوها،، حفاظا لي صحتها والجنين الفي بطنها،،
إن شاء الله ربنا يقدرني والحق أكون قريب منها ومن وليدي الحبيب أشرف عوض، زوجها العظيم،،،
ياهو دآ،،
طعم الحياة،،
فرح وزنقة ويا رب فرحة كبييييييييييييرة بعد الزنقة،،
والما ضاق جنس دآ؟؟
ربنا يديهو منو!!
بس الحلو والسآآآآهل،،
ما بي زنقتو ذي حقتي دي...

غايتو أنا شاء الله مسافر ليها لندن عشان أكون معاها

تحفة حوا · 11-06-2009, 12:02 PM

ربنا يحلها بالسلامة ويطمنك عليها
وأحسن حاجة تسافر ليها وتكون جنبها عشان تطمنا وانت كمان تطمئن
ودعواتنا ليها إن شاء الله كل يوم ح أدعي ليها
عندي أخواتي اتنين بيلدوا بي عملية بي سبب الضغط فما تشيل هم بسيطة إن شاء الله
وتاني ربنا يحلها بالسلامة وتفرحوا بالمولود ان شاء الله

بابكر مخير · 11-06-2009, 12:23 PM

اقتباس:

المشاركة الأصلية كتبت بواسطة تحفة حوا

ربنا يحلها بالسلامة ويطمنك عليها
وأحسن حاجة تسافر ليها وتكون جنبها عشان تطمنا وانت كمان تطمئن
ودعواتنا ليها إن شاء الله كل يوم ح أدعي ليها
عندي أخواتي اتنين بيلدوا بي عملية بي سبب الضغط فما تشيل هم بسيطة إن شاء الله
وتاني ربنا يحلها بالسلامة وتفرحوا بالمولود ان شاء الله

العزيزة الغالية
شكرن ليك يما كتير
تقلتي قلبي بكلامك دآ
وربنا سهل عليهن في المستقبل ويلدن دون مضاعفات
ودعواتك يا الحبيبة

Nour · 11-06-2009, 12:34 PM

الله يديها العافية ويحلها بالسلامة تفرح بيها وبمولودها بس بعدين ماتقوم تحب ولدها اكتر منها تخلي مدون ست الكون تغير وبركة الله ورسول الله يحلها بالسلامة ودعواتنا معاها.

Hassan Farah · 11-06-2009, 01:31 PM

بنتنا مدينة ربنا يحلها بالسلامة يا رب تعافيها وتسهل عليها وتمنحها الولد او البنية ويكونوا اصحاء معافين وتسعدها به--بها وتسعد الحبوب ود مخير بالطفرة الحياتية الجديدة--- انت تكون جد شئ رائع -- والبنات اصلهن بكبروا

خالد الحاج · 11-06-2009, 03:11 PM

ربنا يطمنك عليهم يا بابو يا أخي..
وبعد شفقتك البتبكي الحجر دي يا بابكر يا أخوي أشرف ومدينة وجب عليهم الاسم بابكر إن كان المولود ذكر ..

نادر السماني · 11-06-2009, 03:33 PM

الحِنَيِّن بابكر

اقتباس:

الله يديها العافية ويحلها بالسلامة تفرح بيها وبمولودها بس بعدين ماتقوم تحب ولدها اكتر منها تخلي مدون ست الكون تغير وبركة الله ورسول الله يحلها بالسلامة ودعواتنا معاها.

وشكرا لك يا نور فقد استلفت كلماتك الجميلة

بابكر مخير · 11-06-2009, 07:17 PM

تحفة حوا مرة تانية
يا وش الخير
نور يا كل الخير
وود الخال المنو الخير
وخلود البيهو بيعم الخير
وود السماني الخيرو، كتير ووفير؛ ما شيتن نادر
ربنا لي دعاكم إستجاب،،
والحمد لي الله،، البنية حقت أبوها شوية قليلة وعشانا محفوظة لغاية ما ربنا يسمح ليها تتوسد ضراع أمها وتشرب من ضرع أمها ويرويها ويشبعها ويشد حيلها،،
أما بتي أنا؟؟
ما القيصيرية محتاجالا لي كمين يوم كدي،،
بس باكر إن الله آدى في العمر بكون غادي معاها أعاضددا،،
وبي قدر حيلي المهدود دآ أسندآ..

شكرن ليكم ولي الماضاق جنا الجنا،،
إن شاء الله يضوقو

ميرغني الشريف سليمان · 11-06-2009, 07:44 PM

اللهم كما دعوتك لنفسى أدعوك لمن فيك أحبهم بأن ترزقهم الزريه الصالحه يالله بكل خفقة قلب فرجا وبكل طرفة عين مخرجا وبكل صباح عفوا وبكل مساء صفوا وبكل ركعة استقرارا وأمنا وبكل دعوه أستجابه ورزقا . (ومولود مبارك أنشاءالله )

بابكر مخير · 11-06-2009, 07:53 PM

اقتباس:

المشاركة الأصلية كتبت بواسطة ميرغني الشريف سليمان

اللهم كما دعوتك لنفسى أدعوك لمن فيك أحبهم بأن ترزقهم الزريه الصالحه يالله بكل خفقة قلب فرجا وبكل طرفة عين مخرجا وبكل صباح عفوا وبكل مساء صفوا وبكل ركعة استقرارا وأمنا وبكل دعوه أستجابه ورزقا . (ومولود مبارك أنشاءالله )

يابا
الدعاء أصدقه البيكون في شان الله
جآي من قلب قاصد خوة ومحبة
وإياهو دآ حالك،،
إتا يابا
مانا داخرنك لي جنس دآ
يوم ننشدآ،
بي دعواتكم تفكها علينا
كتر الف خيرك
وإن شاء الله
تضوق حلاتو
وأيامو الصعيبة
تضاير منك غادي
سلام

بدور التركي · 11-06-2009, 08:04 PM

إن شاء الله تضوك كل السمح يابا
ويطمن قلبك ويسعد روحك

سميها بدور

بابكر مخير · 11-06-2009, 08:09 PM

اقتباس:

المشاركة الأصلية كتبت بواسطة ياسمين

إن شاء الله تضوك كل السمح يابا
ويطمن قلبك ويسعد روحك
سميها بدور

عات يما دآ كلام برضو؟؟
البيت محروس وستو تكوس
الناس داخلا ومارقا وإتي غياب،،
يعني حسي تخليني كدي
أتكلكع، أضيف في الضيوف
لا تقولي نلحق أبويا أديهو إيد تسندو
ولا إخيتك تقيفي جمبها، تلولي ليها البنية
شكرن ليك وطلتك بالدنيا

بدور التركي · 11-06-2009, 08:13 PM

اقتباس:

المشاركة الأصلية كتبت بواسطة بابكر مخير

عات يما دآ كلام برضو؟؟
البيت محروس وستو تكوس
الناس داخلا ومارقا وإتي غياب،،
يعني حسي تخليني كدي
أتكلكع، أضيف في الضيوف
لا تقولي نلحق أبويا أديهو إيد تسندو
ولا إخيتك تقيفي جمبها، تلولي ليها البنية
شكرن ليك وطلتك بالدنيا

واقفة معاكم بقلبى
وياريتنى جبها كنت
قمت بالواجب واكثر
انت عارف معزتكم عندى قدر ايه
وما عايزة احلف ليك

علاء الدين الدفينة · 11-06-2009, 08:29 PM

[align=right]عم بابكر تحياتي...
أسأل الله الكريم ورب العرش العظيم أن تشوف جنى جنى جنى جناها...وأكتر.
وهي ربنا يحفظا ويطول في عمرا وعمر عيالا وإنشا الله ما تشوفو إلا الخير ...
والمولوده ربنا يجعلا من المؤمنات المستورات ...[/align]

قوت القلوب · 11-06-2009, 08:32 PM

قطعت قلبنا معاك ربنا يحلها بالسلامة
ويدها البار
الصالح

اسمها جميل ربي يحفظها
هو الجمال من ناس بدري فايت وين
عيني باردة

وادعو لاختي معاكم
برضو في زنقة زي دي

وربي يضوقنا حلاوة جنا الجنا يارب

11-06-2009, 11:38 AM	#[1]
بابكر مخير :: كــاتب نشــط::	الما ضاقو ليه إن شاء الله ليهو أسهل وآحلى أخدتا ليا أيام أمشي وأجي أحوم في الأوضة الخصاني بيها الحبيب مولانا مصطفى حسن محجوب،، كسكن في ضيافتو،،، بي براحها وكبرها وحلاوتها،، أقلق في راحتو وولده وود أخته والجيران والبنايات المجاورة،، الليل وكل النهار ووش الصبح والعصر كمان،، السجادة بقت مكاني المفضل في الأوضة فيها أكتر من أكون في السرير، إنسهكت من كترت القعاد فيها،،، يديا بقن بدل مدلدلات، بقن وضعهن الطبيعي، مشمطات لي فوق،، والدعوة والتمني،، والطلب الدايم من العزيز الغالي، للمولى عز وجل،،، مدون بتي تتحل بي السلام،، ربنا يشفيها من ضغط الدم الظهر ليها وهي في شهرها التامن،،، ما هي زولة ربنا يحفظها، شايلة إسم وطبع،، أكان من أمها أكان من أمي... متأكد ناس المستشفى الهي فيهو حسي،، دايرنها تستمر معاهم فترة أطول،، لأنها جميلة خلقة وأخلاق... وحتى إن شاء الله بعد تلدي، شايفهم قالوا حيمسكوها معاهم، لأنها حيولدوها،، حفاظا لي صحتها والجنين الفي بطنها،، إن شاء الله ربنا يقدرني والحق أكون قريب منها ومن وليدي الحبيب أشرف عوض، زوجها العظيم،،، ياهو دآ،، طعم الحياة،، فرح وزنقة ويا رب فرحة كبييييييييييييرة بعد الزنقة،، والما ضاق جنس دآ؟؟ ربنا يديهو منو!! بس الحلو والسآآآآهل،، ما بي زنقتو ذي حقتي دي... غايتو أنا شاء الله مسافر ليها لندن عشان أكون معاها
بابكر مخير :: كــاتب نشــط::	التوقيع:

11-06-2009, 12:02 PM	#[2]
تحفة حوا :: كــاتب نشــط::	ربنا يحلها بالسلامة ويطمنك عليها وأحسن حاجة تسافر ليها وتكون جنبها عشان تطمنا وانت كمان تطمئن ودعواتنا ليها إن شاء الله كل يوم ح أدعي ليها عندي أخواتي اتنين بيلدوا بي عملية بي سبب الضغط فما تشيل هم بسيطة إن شاء الله وتاني ربنا يحلها بالسلامة وتفرحوا بالمولود ان شاء الله
تحفة حوا :: كــاتب نشــط::

11-06-2009, 12:34 PM	#[4]
Nour :: كــاتب نشــط::	الله يديها العافية ويحلها بالسلامة تفرح بيها وبمولودها بس بعدين ماتقوم تحب ولدها اكتر منها تخلي مدون ست الكون تغير وبركة الله ورسول الله يحلها بالسلامة ودعواتنا معاها.
Nour :: كــاتب نشــط::

11-06-2009, 01:31 PM	#[5]
Hassan Farah :: كــاتب نشــط::	بنتنا مدينة ربنا يحلها بالسلامة يا رب تعافيها وتسهل عليها وتمنحها الولد او البنية ويكونوا اصحاء معافين وتسعدها به--بها وتسعد الحبوب ود مخير بالطفرة الحياتية الجديدة--- انت تكون جد شئ رائع -- والبنات اصلهن بكبروا
Hassan Farah :: كــاتب نشــط::

11-06-2009, 03:11 PM	#[6]
خالد الحاج :: كــاتب نشــط::	ربنا يطمنك عليهم يا بابو يا أخي.. وبعد شفقتك البتبكي الحجر دي يا بابكر يا أخوي أشرف ومدينة وجب عليهم الاسم بابكر إن كان المولود ذكر ..
خالد الحاج :: كــاتب نشــط::	التوقيع: [align=center]هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا من رجْسِها، حتى تصالحَنا السماءُ، وتزدَهِي الأرضُ المواتْ ؟ علّمتنا يا أيها الوطنُ الصباحْ فنّ النّهوضِ من الجراحْ. (عالم عباس)[/align]

11-06-2009, 07:17 PM	#[8]
بابكر مخير :: كــاتب نشــط::	تحفة حوا مرة تانية يا وش الخير نور يا كل الخير وود الخال المنو الخير وخلود البيهو بيعم الخير وود السماني الخيرو، كتير ووفير؛ ما شيتن نادر ربنا لي دعاكم إستجاب،، والحمد لي الله،، البنية حقت أبوها شوية قليلة وعشانا محفوظة لغاية ما ربنا يسمح ليها تتوسد ضراع أمها وتشرب من ضرع أمها ويرويها ويشبعها ويشد حيلها،، أما بتي أنا؟؟ ما القيصيرية محتاجالا لي كمين يوم كدي،، بس باكر إن الله آدى في العمر بكون غادي معاها أعاضددا،، وبي قدر حيلي المهدود دآ أسندآ.. شكرن ليكم ولي الماضاق جنا الجنا،، إن شاء الله يضوقو
بابكر مخير :: كــاتب نشــط::	التوقيع:

11-06-2009, 07:44 PM	#[9]
ميرغني الشريف سليمان :: كــاتب جديـــد ::	اللهم كما دعوتك لنفسى أدعوك لمن فيك أحبهم بأن ترزقهم الزريه الصالحه يالله بكل خفقة قلب فرجا وبكل طرفة عين مخرجا وبكل صباح عفوا وبكل مساء صفوا وبكل ركعة استقرارا وأمنا وبكل دعوه أستجابه ورزقا . (ومولود مبارك أنشاءالله )
ميرغني الشريف سليمان :: كــاتب جديـــد ::

11-06-2009, 08:04 PM	#[11]
بدور التركي :: كــاتب نشــط::	إن شاء الله تضوك كل السمح يابا ويطمن قلبك ويسعد روحك سميها بدور
بدور التركي :: كــاتب نشــط::

11-06-2009, 08:29 PM	#[14]
علاء الدين الدفينة :: كــاتب نشــط::	[align=right]عم بابكر تحياتي... أسأل الله الكريم ورب العرش العظيم أن تشوف جنى جنى جنى جناها...وأكتر. وهي ربنا يحفظا ويطول في عمرا وعمر عيالا وإنشا الله ما تشوفو إلا الخير ... والمولوده ربنا يجعلا من المؤمنات المستورات ...[/align]
علاء الدين الدفينة :: كــاتب نشــط::

11-06-2009, 08:32 PM	#[15]
قوت القلوب :: كــاتب نشــط::	قطعت قلبنا معاك ربنا يحلها بالسلامة ويدها البار الصالح اسمها جميل ربي يحفظها هو الجمال من ناس بدري فايت وين عيني باردة وادعو لاختي معاكم برضو في زنقة زي دي وربي يضوقنا حلاوة جنا الجنا يارب
قوت القلوب :: كــاتب نشــط::