الباكستالى الله يديهو العافية
بالأمس وبعد دوام 9 ساعات ذهبت للحلاق الباكستانى حيث المحل به 6 كراسى للحلاقين وطقم جلوس فاخر لمن ينتظر الدور وتكييف فريون حااااااااااجة تلخم. دخلتى من الباب جانى أب كرشة وقال لى (إطفضل) وياريتو كان ما قالا
. قلت ليه إنت الحلاق؟؟ قال: نعم أنا (هلاق
). قلت ليهو طيب عاوز (أهلق) نفس (الهلاقة) القديمة. قال: (طمام) وبالعربى (تمام)
. لف لى الكرسى وقعدتى فى الكرسى رخمت وصاحبك جاب عدتو وبدأ جزر من مؤخرة الرأس أخدت لى غفوة. صحانى قال عاوز تهلق دقن؟؟ أيوة عاوز. المهم زبط الدقن تمااااااااااااااام وقال لى(هلاص) كدة. شكرتو وإتوكلت على البيت وأنا أتحسس الردماغ بين كل شوية.
اليوم الصباح طالع على الدوام وقفت فى المراية وأنا أردد أغنية شايف ليك كل حزمة شعر براها. يخوانا دة شنو؟؟ بى سرى قلت عشان الراس مبلول. قدر ما حاولت أبقيهو زى ما طلعت بيهو أمس من الحلاق حلف ستين يمين أكان يبقى. رجعت للباكستانى وفى راسى أقد كرشتو الطالعة نص متر دى. لقيت أشخاص آخرين قلت ليهم ياخى أنا أمس حلقت هنا ومشيت البيت نمت وجيت بالحالة دى
رد واحد كرشتو لا بأس بها مقارنة مع الآخر قال مين هذا سوى ليك(هلاقة)؟؟ قبل ما أرد عليهو عاينت لى كرشتو فقال لى إنت (هلق) هذا صديق فى بطن كبير؟؟ قلت ليهو أيي ياهو زاااااااااتو أب كرشة الله يازاهو
. قال لى خلاس إنت يجى مساء وشوف ليش هو يسوى كدة. قلت ياخى أول شئ تصلحو لى الحلاقة دى هسسسسسسسى ولا رجعو لى شعرى وقروشى ولا بجيب الشرطة
. قال أنا ما (هلقت) ليك خلى نفر فى إنت (هلق) يجى مافى مشكلة. يا مخلوق أنا ماشى الشغل وما بمشى كدة. قال لى جيب الشرطة
طوالى أخوكم الكاشف رخا وجرا واطى قلت ليهو طيب أنا عاوز أحلق من جديد وتحلق لى أنت وبحاسبك ونجى المساء نشوف موضوع أب كرشة داك يا رجع لى قروشى ولا رجع لى باقى شعرى. صاجبك زيطك زيطك زيييييطك زبط الدماغ تماااااااام. قلت ليهو دقيقة أجيب القروش من برة وأجى. وعييييييييييييييييييييييييييييييييك هاااااااااااك يا الفتح
ولى هسى أظنو بيكون بيفتشنى
.
وبهذا نطالب برفع مذكرة مدمجة مع إلغاء قانون النظام العام لإقفال محلات الباكستانيين نسبة للأضرار.
