اقتباس:
|
أمسحها لي في وشي يا كاظم ياخ
|
حرّم في وشّي أنا ده..
ما عشان أداءه للأغنية ولا شي.. بس عشان وليد زاكي الدين كفنّان فاشل جدّا..
أداء أكاديمي.. هزّة راس ولولحة.. غميضة عيون ما جايبة حقها..و..و
قبل كدة مشينا شلّة معرض الخرطوم الدولي..
البرنامج المصاحب فيهو نادر خضر و وليد زاكي الدين(للأسف).. ونحن قاعدين..
مرّروا لينا استبيان عاملو وليد زاكي الدين.. مكتوب عليهو حاجات كتيرة كدة..
وليد زاكي الدين فنان:
متطوّر..
ثابت في مكانه..
متراجع..
و..و..
كلّنا من غير ما نتفق علي حاجة.. ملينا الاستبيان وأشّرنا علي كل الخيارات الكعبة..
ما قدرنا نغشو والله..
وبعدين يا همس.. ممّا تلقي ليك فنان بعمل استبيان.. إتأكدي إنو عارف نفسو ما عندو شي..
يعني الاستبيان الجد جد.. هو الجمهور فقط.. من غير ورقة ولا قلم..
زي وليد زاكي الدين ده.. أحسن يواصل في تقديم برنامج "كلّ الجمال" التلفزيوني..
مشي فيهو كويس والله.. بس حكاية فنان دي ينساها خالص في رأيي..
بجيك للمقارنة بين وليد وأشباهه من الفنانين الما قدرو يفرضو فنّهم.. والفنانين الحقيقيين.
