طـزَّ

[azzam_farah]

* طزَّ
أدخل يقولون طزّ حمارو مع حمير الكتبة لسرعتها وحماره بطئ يضرب لمن تشبه بمن فوقه. طَزّ في عينه عور. يقولون فلان ما بِنْظَزْ ولا بِنْلَزْ أي لا يقدّم أي خدمة لأحد. ظُز كلمة يقولها الإنسان إذا شاهد شيئًا رديئًا أو قبيحًا فتكون بمعنى السخرية ولعلها من دُز الفارسية وطُنْز التركية وعربت. أو لعل أصلها طُز التركية وتعني الملح وقد كان الولاة الترك لا يأخذون ضريبة على الملح (...)

ــــــــــــــــــــــــــــــــ
المصدر:
قاموس اللهجة العامية في السودان/ص (608)-عمود (2)-سطر (1)/دكتور عَون الشريف قاسِم/الطبعة الثالثة 2002م/الدار السودانية للكتب

وكِده!

(ما بتحسِنو الظن كُلو كُلو.. سُبْحان الله!)

[معتصم الطاهر]

براك بتلاوز يا نسيبي ..


هذا الكتاب قامة و جهد يحتاج لاكمال

[يحي عثمان عيسي]

الحبيب عزام علك عافية

جاءت استعمالات كثيره لكلمة طُز منها :
طزفيش : يقولون فلان طزفيش ساكت :
وطزفيك :
وطزين ياسيدي :
فهلا تكرمت بالشرح

[azzam_farah]

يحيى عثمان عيسي
كيف حالك؟ علك طَيِب

طزفيش : يقولون فلان طزفيش ساكت :
وطزفيك :
وطزين ياسيدي :

طُز فيك:

ظُز كلمة يقولها الإنسان إذا شاهد شيئًا رديئًا أو قبيحًا فتكون بمعنى السخرية

طزين:

أعلاه مرفوع بِالقُوة2

طزفيش = لا أعلم

[هشام ديدي]

تم حذف المداخلة من قبل الأمانة العامة لمخالفتها لائحة منتدى سودانيات

[هشام ديدي]

آسف للرد الفوق...السبب عنوانك..

[azzam_farah]

دي هلوسه طيزين..يا طز واحد..اوع تكون اسد وراجل لبوه ..ما اصلوا الاسد

بعرس لبوه...يا اسد..وطز..

آسف للرد الفوق...السبب عنوانك..

هشام ديدي.. ماف داعي للأسف.. ما ذنبك.. كُل إناء بِما فيه ينضحُ.. ونضحك منو نضحك

[ناصر يوسف]

عزام فرح

ياخي إنزييييييك ونعلك طيب ياخ
النعمنو كدي الواحد مشتاقلك كشوقه لصحن ( تركين + صحن بصلة وشطة دنكابه )

بركه بشوفة قلمك ياخ

طز فيك ..

بيكثر إستخدامها في الشارع العام
خصوصا في لحظات الشجار العابر بين إتنين إختلفوا ليهم في موضوع ما

وبتجي بمعنيين ...

واحد ( حقاره ) والتانية فيها شوية ( قلة أدب )

طبعا المفاهيم المجازية بتاعة الرجاله وكشئ متوارث
ومتعارف عليه ...

تقوم تعلي صوتك وتقول للزول الانت مختلف معاه
خصوصا لما يحيب ليك سيرة عمي البوليص كيس ولا الحيكومه

وتقول ليه:


ياخي طز فيك وفي حكومتك ذاتها ياخ


فياخي شنوووووو طز في الطزطزه ظاتها ياخ

[هشام ديدي]

المشاركة الأصلية كتبت بواسطة azzam_farah

هشام ديدي.. ماف داعي للأسف.. ما ذنبك.. كُل إناء بِما فيه ينضحُ.. ونضحك منو نضحك

اقارن بين ما كتبته انا وما كتبته انت ...فاجد نفسي معتزرا لك اذا كان ما يخدش

به نفسك..او آخرين...

هشام ديدي

[azzam_farah]

هشام ديدي

اقارن بين ما كتبته انا وما كتبته انت ...فاجد نفسي معتزرا لك اذا كان ما يخدش

به نفسك..او آخرين...

إعْتِذارُك غَير مقبول لَدي البتة.. أرى أن تعتمِد الخُطة (ب) والتي فحَوها:-
(1) تمْشي بِوَشك (الإبْتِعاد قدر المُسْتطاع مِن أعمدتي).
(2) مزيد مِن بذل الجهد في القراءة والإطلاع على الأساليب المُسْتخدمة في الكِتابة.

(فاجد نفسي معتزرا لك

(اذا كان ما يخدش به نفسك

(فداحتك في تركيب الجُمل، أكبر -عِنْدي- مِن أخطاءك الإملائِية)

[azzam_farah]

ناصِر يوسُف

مشتاقلك كشوقه لصحن ( تركين + صحن بصلة وشطة دنكابه )

هذا شَوق جائِعٌ ومُريب!

يـا حفـيـظ أحـفـظ مِن الوحـوش أكـالا
لينا "السمك" وليكم "تـمـك" وأشْـكلا
خـبـارا الويـكي؟ عاد النقول شَـكـالا!
رمتلتو فوق تركينا بس التقول سكالا

[Hassan Farah]

المشاركة الأصلية كتبت بواسطة azzam_farah

ناصِر يوسُف

هذا شَوق جائِعٌ ومُريب!

يـا حفـيـظ أحـفـظ مِن الوحـوش أكـالا
لينا "السمك" وليكم "تـمـك" وأشْـكلا
خـبـارا الويـكي؟ عاد النقول شَـكـالا!
رمتلتو فوق تركينا بس التقول سكالا

---------------------------------------------------------
عزام حسن فرح جمعتك مباركة ولو نيتك مفتوحة اتفضل وخليك من الكلام البيحمل عدة معانى...
مﻼح الويكه دہ الدﯾمہ شاغل
بالي
يوم ألقاهو في الصينيه بعدل
حالي
عاجبني المغبش ولحمتو...
العجالي
والصحن الكبير في لحظه
بصبح خالى
*******
عاجبني الكجيك تركيزو دايما
عالي
جربو بالعصيدة بتلقى طعمو
خيالي
كل ما نشتهيك نجري ونجيك
طوالي
متوفر رخييص ماك المكلف
وغالي
*******
عاجباني أم رقيقه الطاعمة
والتقليه
والقراصه كان عاسوها
بالباكريه
والشطه التخلي الزول يقول
أحيييا
مابنساها في كوم المراره
النيه
*******
ضبحولنا الكبش قبال طلوع
اب ريا
جابولنا القدح ملياااان مستف
شية
صحن الشطة داك جنبو
المرارة النية
بطلقو فيني نار الله الملهلبة
حيية
******
يوم قطعوا العصيده وزبطو
المفروكه
بدري دموعي سالت وسبت
أكل الشوكه
مابتدي المعاك والله لو
خنقوكا
غايتو تشيل تبلع بس تقول
خلعوكا
*******
قراصة السرور ... ختيها يا
المبروكة
ما تنسى البصل بي شطتو
المدكوكة
كان ضقت المﻼح مااا بتدي
منو اخوكا
دمعة ضان مظبطة بالبصل
مسبوكة
*******
ياالويكاب كتير جهجهت لي
باكاتي
يوم كبو السمن خلونا ليهو
نتاتي
مابعزم أخويا وﻻ كمان
أخواتي
ولو سبكوكا صاح أنا بنقلب
بعااااتي
******
فيك يا الروب بردد كل يوم
نماتي
والمدحك يمين يا الروب
بكون مو خاااتي
ثابت عندي من زمني اللي
كنت بتاتي
صحنك في الفطور سويتو من
عاداتي
*******
الشاي المنعنع بيهو تم الكيف
ولو فيهو القرنفل دق تحية
وأقيف
اﻻ القهوة بنريدا ومزاجا
ظريف
دي البنجيبا من بعد الفطور
للضيف
*******
الشاي المنعنع في حرارة
الصيف
بشيل مني الصداع وقتي وبتم
الكيف
اما الجبنة عاد قريافا متل
السيف
اكان ما شربتها الصبحية
امرق كيف ؟،

[azzam_farah]

Hassan Farah

مﻼح الويكه
الكجيك
أم رقيقه
المفروكه
الويكاب

ده زول ما جَرب وضاق صينية المكرونة بالباشميل.. اللايوق ما بديهو فَرقا تاااب أنا أخوك

[هشام ديدي]

المشاركة الأصلية كتبت بواسطة azzam_farah

هشام ديدي

إعْتِذارُك غَير مقبول لَدي البتة.. أرى أن تعتمِد الخُطة (ب) والتي فحَوها:-
(1) تمْشي بِوَشك (الإبْتِعاد قدر المُسْتطاع مِن أعمدتي).
(2) مزيد مِن بذل الجهد في القراءة والإطلاع على الأساليب المُسْتخدمة في الكِتابة.

(فداحتك في تركيب الجُمل، أكبر -عِنْدي- مِن أخطاءك الإملائِية)

لا نترجاك ..

[هشام ديدي]

تم حذف المداخلة من قبل الأمانة العامة لمخالفتها لائحة منتدى سودانيات