جاكي العيد يا بلدي يغني

[Hassan Farah]

جاكي العيد يا بلدي يغني

https://www.facebook.com/video.php?v=758655830892430


جاكي العيد يا بلدي يغني
وكل خلق الله الجاتني تهني
مبسوطين بي استقلالك فارشين ليك الدنيا تمني
وانا فوق كل الناس مبسوطلك فرحان ليك شرقان لاكني
لسع شايفك ما اتحليتي ولسع كاتفك حبل الجني
جاي العيد يا بلدي يغني
من فاتوك عيال فكتوريا بين العسكر والاحزاب ياهم زاتم ديلك وديلا
واحد فاشي وديكتاتور وواحد ارزق زول كضاب
اتشلبوك شلية شلية سيدي وسيدك ونحنا عبيد
عينا تشوف العوج اتمدد طول لسناتنا وقصر الايد
فوقك يرفرف علم العزة وتحتك صوت الذل والقيد
اي سيد سوالو جماعة واي جماعة تزل وتهين
معتصمين بي حبل النعرة ديمة عليهم متفرقين
جعلي وشايقي الحال المايل دي الهدتلا ركن ركين
كل ما يوم هادنلك طوبة لامن جوك تجار الدين
كلمات الاستاذ محمد الحسن بن عوف له التحية عبركم