صباحـات ..مــزارع

[imported_somiaadam]

[align=center]
..
أحلم بي مدن تصحي علي الاذان
تصلي ..وتدعي ..للرحمن
وتتسالم ..وتقول..صباح الخير علي الجيران
وتتقالد ..وتتفقد للصبح عيان
وينادو الصغار...تعالو اللمه ياحبان
وبي ضحكه ..وفي قهوة صباح ريان
يمشوا أولادو للحصه اصلو الحصه بالالوان
رسم ناسا وسط نيلا جميل فايض بالكرم مليان
كرم واصاله وزايد بالحنين جريان
يقوم احمد ..يشيل طوريتو للوديان
ويفتح ..جدولو ..المليان
علي الزرع ..الصبح عطشان
تجيهو فطومه مبتسمه ..تهون ليهو
الهجير ,,وتعب السنين الكان
تقولو ..خلاص يا ساسنا ...راجينك
يشيل الخير ..ويتبسم علي الضيفان
ويحصد زرعو ..ويشكر ربه الرحمن
ويتفقد ..للصبح جعان
ويبقي الكل صبح شبعان
ومافي أحزان
ويتكي علي فرشو ..
وينــــــــــــوم فرحان
ويحلم بالشجر نديان
ويصحي الفجر ..وينادي
يارحمن ...
يااارحمن..
يارحمن ..



((وريقات متناثرة))[/align]

[imported_جيجي]

وصباحات بت مزارعية
دافنة بذور محبة وريد
وساقية الجرف حنية
ودافقة على الورد لونها
عشان تبقى الدنيا نديانة وفرايحية

[imported_Dr. Mohammed Hassan]

المشاركة الأصلية كتبت بواسطة جيجي

وصباحات بت مزارعية
دافنة بذور محبة وريد
وساقية الجرف حنية
ودافقة على الورد لونها
عشان تبقى الدنيا نديانة وفرايحية

كفتني الاخت جيجي
رهق التكتب

لكن مجتنعات التحية والاحترام

[imported_حافظ اسماعيل احمد]

حلاة بلدي وحلاة نيلها
حلاته بشيلها في قلبي
واشيل طنبورى اغني ليها
حلاة الساقية لما تدور تكب الطين
حلاة تربالها لما يدور في الحيضان شمال و يمين
مشمر ساعد طول الليل عشان الخير يكون خيرين
( المزارعية مزراعية وبقو دكتارة انتي منهم )

[imported_ام التيمان]

المشاركة الأصلية كتبت بواسطة somiaadam

[align=center]
..
أحلم بي مدن تصحي علي الاذان
تصلي ..وتدعي ..للرحمن
وتتسالم ..وتقول..صباح الخير علي الجيران
وتتقالد ..وتتفقد للصبح عيان
وينادو الصغار...تعالو اللمه ياحبان
وبي ضحكه ..وفي قهوة صباح ريان
يمشوا أولادو للحصه اصلو الحصه بالالوان
رسم ناسا وسط نيلا جميل فايض بالكرم مليان
كرم واصاله وزايد بالحنين جريان
يقوم احمد ..يشيل طوريتو للوديان
ويفتح ..جدولو ..المليان
علي الزرع ..الصبح عطشان
تجيهو فطومه مبتسمه ..تهون ليهو
الهجير ,,وتعب السنين الكان
تقولو ..خلاص يا ساسنا ...راجينك
يشيل الخير ..ويتبسم علي الضيفان
ويحصد زرعو ..ويشكر ربه الرحمن
ويتفقد ..للصبح جعان
ويبقي الكل صبح شبعان
ومافي أحزان
ويتكي علي فرشو ..
وينــــــــــــوم فرحان
ويحلم بالشجر نديان
ويصحي الفجر ..وينادي
يارحمن ...
يااارحمن..
يارحمن ..



((وريقات متناثرة))[/align]

حكى جميل الغالية سمية
ياريت لو كان سنة 50

[imported_somiaadam]

المشاركة الأصلية كتبت بواسطة جيجي

وصباحات بت مزارعية
دافنة بذور محبة وريد
وساقية الجرف حنية
ودافقة على الورد لونها
عشان تبقى الدنيا نديانة وفرايحية

صباحاتك نديه
ملانه شوق وحب وحنيه
معطره بالاريحيه
ومجرتقه بالورديابت ياامزارعيه
دمتي بخير

[imported_somiaadam]

المشاركة الأصلية كتبت بواسطة Dr. Mohammed Hassan

كفتني الاخت جيجي
رهق التكتب

لكن مجتنعات التحية والاحترام

تسلم ياادكتور
طلتك بهيه زي المزارعيه
وليك تقديرنا كميه
دمت بخير

[imported_somiaadam]

المشاركة الأصلية كتبت بواسطة حافظ اسماعيل احمد

حلاة بلدي وحلاة نيلها
حلاته بشيلها في قلبي
واشيل طنبورى اغني ليها
حلاة الساقية لما تدور تكب الطين
حلاة تربالها لما يدور في الحيضان شمال و يمين
مشمر ساعد طول الليل عشان الخير يكون خيرين
( المزارعية مزراعية وبقو دكتارة انتي منهم )

الاخ الكريم حافظ لك تحية يااامزارع ليك الف تحيه
التي تشق عنان الفضاء
شكرا لهذه الكلمات التي نرددها ونعشقها دوما
شكرا لك يااادكتور
دمت بخير

[imported_somiaadam]

المشاركة الأصلية كتبت بواسطة ام التيمان

حكى جميل الغالية سمية
ياريت لو كان سنة 50

الجميله ام التيمان
ياااريت ..لكنه المزارع هو هو نعشقه في كل زمان ومكان ونتغني له
ياازارع الحقل في البكور** عيشك الدهر اخضر

وياامزارع ليك الف تحية
من موية الجروف مرويه
وبي جداول عشقنا مسقيه
((ترباليه))
دمتي بخير

[محمد علي]

[align=center][/align]

مزارع بات علي عشقين

تراب بلدو

وسماح فوق بت مزارعيه...

[imported_somiaadam]

المشاركة الأصلية كتبت بواسطة الفطن الوسيم

[align=center][/align]

مزارع بات علي عشقين

تراب بلدو

وسماح فوق بت مزارعيه...

اخونا الفطن الوسيم الكريم
عشق وطنا جميل ونبيل
كريم واصيل
وانسانو .. مالو مثيل
بنوتو ..سماحتن تحاكي الخيل
واولادو ..شجاعه ونبل نابع من جمال النيل
دمت بخير