فى أغرب حادثة : أهالي همشكوريب يطاردون طاقم مسرحية (الزوجة نمرة اثنين) بالحجارة ...!!

[imported_الزوول]

طارد أهالي منطقة (همشكوريب) بالقرب من مدينة كسلا بالحجارة ممثلين كانوا يقومون بتقديم عرض مسرحي بالمدينة , و هو الأمر الذي أسفر عن إصابة الممثل جمال حسن سعيد الذي كان مشاركا فى المسرحية مع عدد من الممثلين .
و تعود التفاصيل التي روتها : الممثلة نفيسة محمد محمود الي ان طاقم مسرحية (الزوجة نمرة اثنين) كان يعتزم تقديم احد عروضه بمنطقة (همشكوريب) التي تشتهر بانتشار خلاوي القران فيها بكثرة , إلا ان بعض الأهالي عارضوا إقامة العرض المسرحي فيها , و بعد مشاورات ماراثونية وافقوا على إقامة العرض , لكن بعد نهايته تفاجأوا بهجوم عنيف من أهالي المنطقة بالحجارة على طاقم المسرحية .
الذين أطلقوا سيقانهم للريح للنجاة بأنفسهم من غضبة الأهالي , و هو الأمر الذي أسفر عن إصابة الممثل جمال حسن سعيد فى ركبته بحجر ضخم , إلا انه تماسك حتى وصل الى مكان وقوف سيارتهم الخاصة التي امتطوها و انطلقوا بها هاربين من جحيم الحجارة التي كانت تتنزل على رؤوسهم مثل المطر .
...

نقلاً عن موقع النيلين الذي نقله من صحيفة فنون

[imported_أميرى]

الزول سلامات
لو صحت الحكاية دي يبقي أهل القرأن ديل وقعوا في كمية من الحاجات البعيدة من روح الإسلام زي نقضهم للعهد والغدر و الكذب وعدم إكرام الضيف وجفظ سلامته
وحاجات كتيرة تبين جهلهم وإنهم مجرد حمار يحمل أسفارا
هنيئا لهم غيهم الذي فيه يعمهون

[imported_الزوول]

المشاركة الأصلية كتبت بواسطة أميرى

الزول سلامات
لو صحت الحكاية دي يبقي أهل القرأن ديل وقعوا في كمية من الحاجات البعيدة من روح الإسلام زي نقضهم للعهد والغدر و الكذب وعدم إكرام الضيف وجفظ سلامته
وحاجات كتيرة تبين جهلهم وإنهم مجرد حمار يحمل أسفارا
هنيئا لهم غيهم الذي فيه يعمهون

....
حباب أميري
انت ماشي بعيد مالك
مش والي سنار السيد أحمد عباس جمع الحشود ليشهدوا هدم وتدمير سينما سنار العريقة ويهللوا ويكبروا مع سقوط الحجارة وتناثرها (لقد هدمنا الصنم)
ثم أطلق قولته المشهورة: " إني أتقرّب إلى الله بعملي هذا"
....
بعد ده كلو نلوم أهل همشكوريب
بالنسبة دي
كان مفروض يركبوا حصينم ويسلو سيوفم ويعلنو الجهاد على جمال حسن سعيد وفرقته.
...

[imported_أميرى]

المشاركة الأصلية كتبت بواسطة الزوول

....
حباب أميري
انت ماشي بعيد مالك
مش والي سنار السيد أحمد عباس جمع الحشود ليشهدوا هدم وتدمير سينما سنار العريقة ويهللوا ويكبروا مع سقوط الحجارة وتناثرها (لقد هدمنا الصنم)
ثم أطلق قولته المشهورة: " إني أتقرّب إلى الله بعملي هذا"
....
بعد ده كلو نلوم أهل همشكوريب
بالنسبة دي
كان مفروض يركبوا حصينم ويسلو سيوفم ويعلنو الجهاد على جمال حسن سعيد وفرقته.
...

أحمد عباس أو هم كلهم راكبين السرج بالمقلوب أحدهم تسانده السلطة والآخرين الجهل
وزمان قالوا جهل زايد سلطة يساوي كوز

[بابكر عباس]

الزوول و ضيفة أميري سلامات
- أعتقد إنو تصرف ناس همشكوريب دا (لو حصل) بيكون متسق تماما مع دينم

- يا أخي الإسلام دا فيهو طبعات خطيرة خلاص!

- يا أخي نحن ديل ناس المدن و في المدن ناس مدني،
لو ما ناس محمود محمد طه، شحرور، جعيط و أمير المؤمنين،
الدين دا كان تعبنا ليك تعب شديد خلاص

- بارك الله في المخارج الجمهورية الشحرورية الجعيطية

هسع المشكلة ما في الفليق،
ناس همشكوريب و نافع* ديل البطلعم لي برة شنو؟ و متين؟
هامش:
نافع دا قرأ في يو إس A

[imported_مبر محمود]

تحيّاتي يا الزول ..
أسمح لي أعلق على كلام بابكر دا بشوية إختلاف..
يا بابكر ناس محمود وشحرور وجعيط جو متاخرين جداً، أو بالأحرى هم جو لمكافحة آثار مفسدة الدين الكبرى التي صنعها الحَرفيين والساسة الدينيين من وهابية وغيرهم..

الإسلام السمح المعافى من كل هذه الأمراض دخل بلاد السودان وإنتشر فيها قبل ما الأستاذ محمود وشحرور يتولدوا ..
تقول لي دين ناس المدن وغيرو!؟؟

أنا شايف يأخوي إنو إنتو زاتكم بخطابكم دا رضختو لسطوة خطاب المفسدة دي، وبقيتوا تتعاملوا معاهوا بإعتبار إنو دا الدين الرسمي الذي أراده الله ورسوله، ومن ثمّ هرعتوا لتنهلوا من مُخارجات الأستاذ محمود وغيره.. وأنا شايف كل دا مفارقة درب ليس إلا (وفي ليس إلا يمكن لي أن أتبع حديثي الفوق دا بأحاديث وأحاديث)

[imported_سارة]

هسى علاقة القران والخلاوى بطقيع الحجارة شنو؟؟؟

[imported_أميرى]

بابكر سلامات
حاشا ياخ يكون تصرفهم بيتسق مع دينهم إلا كان دينهم دة دينا تاني غير الإسلام فماذا قصدت بي حتة يتسق مع دينهم دي؟
في ظني إنت قاصد بيتسق مع (فهمهم) لي دينهم ولا شنو

[imported_ود الخير]

الزوول رمضان كريم
وتصوم وتفطر على خير انت ومن حولك

والله جمال حسن سعيد ما يستاهل
راجل وفنان بيدخل السرور فى القلب

القريه في السودان لها خصوصيه فى تطبيق القوانيين
أوقات بتتفق مع مشروع الحكومه الذى تنادى به وأخرى لا
فى قريه من قرى الشماليه إستلم قسم الشرطه ضابط مشهود
ليه بتطبيق القانون زي ما درسوا فأول ما عايز يطبقوا
إنو ليه الحفله فى القريه مابتنتهى الساعه 11؟ وقام هجم علي
اول حفله وفرتقها وسط دهشة الجميع ناس العرس وكل ناس القريه
مشوا وقفوا قدام بيتوا وما قدر يطلع الأّ بواسطة الوالى الحاج ادم ونُقل مباشره
انصياعاً لرغبة ناس القريه.
ونفس الضابط عندو موقف مع ست سودانيه
في لحظة ركوبها الباخره وهى في طريقها
للقاهره وكان لبسها فى نظروا غير محتشم
فقال ليها شنو في الخرطوم في شريعه وهنا مافى؟!

فقايتو ناس همشكوريب نفتش ليهم عُذر.

[بابكر عباس]

المشاركة الأصلية كتبت بواسطة مبر محمود

تحيّاتي يا الزول ..
أسمح لي أعلق على كلام بابكر دا بشوية إختلاف..
يا بابكر ناس محمود وشحرور وجعيط جو متاخرين جداً، أو بالأحرى هم جو لمكافحة آثار مفسدة الدين الكبرى التي صنعها الحَرفيين والساسة الدينيين من وهابية وغيرهم..

الإسلام السمح المعافى من كل هذه الأمراض دخل بلاد السودان وإنتشر فيها قبل ما الأستاذ محمود وشحرور يتولدوا ..
تقول لي دين ناس المدن وغيرو!؟؟

يا اخي الصوفية دي إنهزمت هزيمة كبيرة بواسطة السيد محمد أحمد عبد الله الشهير بالمهدي!
و جا حفيد المهدي في القرن الماضي زوج أختو لزعيم الوهابية، لتصبح همشكوريب في الأيام دي أكبر معقل للصوفية الوهابية الجهادية!
يا زول نحن فتيشنا لناس محمود و شحرور و جعيط ديل، جا من هين؟!

علي فكرة نحن ناس حداثة، المخرج الصوفي دا ما بنفع معانا هسع!
دا مخرج جديم!
المخرج دا يا عملات عبد المنعم: راحت عليهو!

لكن برضو عشان خاطرك:
عاشت المخارج الصوفية "سابقا"

- بعدين يا أخي نحن ككائنات "مجرّية"
برضو الناس العايشين داخل نفوذ الوهابية في القصيم (بُريدة، و عنيزة، البكيرية و كبد)، برضو بهمونا و ما ظنيت انو الصوفية دي كانت قبل كدا ليهم مخرج!

[بابكر عباس]

المشاركة الأصلية كتبت بواسطة أميرى

بابكر سلامات
حاشا ياخ يكون تصرفهم بيتسق مع دينهم إلا كان دينهم دة دينا تاني غير الإسلام فماذا قصدت بي حتة يتسق مع دينهم دي؟
في ظني إنت قاصد بيتسق مع (فهمهم) لي دينهم ولا شنو

يا أميري أنا بقصد الطبعة الجديدة بتاعة: الصوفية الوهابية المسيطرة على همشكوريب حاليا

[imported_مبر محمود]

المشاركة الأصلية كتبت بواسطة بابكر عباس

يا اخي الصوفية دي إنهزمت هزيمة كبيرة بواسطة السيد محمد أحمد عبد الله الشهير بالمهدي!
و جا حفيد المهدي في القرن الماضي زوج أختو لزعيم الوهابية، لتصبح همشكوريب في الأيام دي أكبر معقل للصوفية الوهابية الجهادية!
يا زول نحن فتيشنا لناس محمود و شحرور و جعيط ديل، جا من هين؟!
علي فكرة نحن ناس حداثة، المخرج الصوفي دا ما بنفع معانا هسع!
دا مخرج جديم!
المخرج دا يا عملات عبد المنعم: راحت عليهو!
لكن برضو عشان خاطرك:
عاشت المخارج الصوفية "سابقا"
- بعدين يا أخي نحن ككائنات "مجرّية"
برضو الناس العايشين داخل نفوذ الوهابية في القصيم (بُريدة، و عنيزة، البكيرية و كبد)، برضو بهمونا و ما ظنيت انو الصوفية دي كانت قبل كدا ليهم مخرج!

سلام يا بابكر..
أنا قطعاً لا أتحدّث عن هزيمة أو إنتصار، فبطبيعة حركة التاريخ قد تُهزم الأفكار أو تنتصر، دون أن يعني أو يدل ذلك على جودة الأفكار أو عدم جودتها..
أنا ببساطة أتحدّث عن أين الدين "الحق" من كل هذه الفوضى؟

ثمّ دعني أسألك ماذا تعني بمخرجات؟ وما هي القضايا التي تراها تحتاج لمخارجة؟ ولماذا؟

[imported_أميرى]

يامبر سلامات ياخ والله بابكر دة لو كايس للمخارجات وحاتك في القرآن دة يلقاها هسي عليك الله الأية الكريمة إمساك بمعروف او تسريح بإحسان دي براها ما بتكفي كمخرج لأعظم كارثه في الحياة متمثلة في انهيار الحياة الزوجية وما يتبعها من انهيار كامل لي حياة طرفي المعادلة الزوجية
ياخ لو مافي في القرآن إلا الآية دي لكفت ووفت عشان تورينا عظمة وسماحة وعدالة الدين دة
وحاتك يا بابكر كل المخارجات الدايرها بتلقاها في كتاب الله دة ولكنا لا نري جيدا ولا نتدبرر
ياخ جعيط؟

[imported_رأفت ميلاد]

المشاركة الأصلية كتبت بواسطة مبر محمود
أنا شايف يأخوي إنو إنتو زاتكم بخطابكم دا رضختو لسطوة خطاب المفسدة دي، وبقيتوا تتعاملوا معاهوا بإعتبار إنو دا الدين الرسمي الذي أراده الله ورسوله، ومن ثمّ هرعتوا لتنهلوا من مُخارجات الأستاذ محمود وغيره.. وأنا شايف كل دا مفارقة درب ليس إلا (وفي ليس إلا يمكن لي أن أتبع حديثي الفوق دا بأحاديث وأحاديث)

سلامات يا مبر
ياخ ما بالضرورة سماع هذا أو داك لتحديد الدرب .. ولكن تنوع الآراء بزيد الوعى .. فنقاط الخلاف محددة داخل الدين .. ولكن الدين نفسه ليس الخلاف .. عشان كدة بتكون المرونة فى الفهم داخل المدينة .. وتتكثف المرجعيات .. فالناس بتقتع الصراع بعيد من ..

مقولة (إن ألإعراب أكثر كفراً ونفاقا) سمعت ليها تفسير قبل كدة لكن ما تسألنى وين .. لأنى ما متذكر ..

التفسير: أولاً المقصود من ألإعراب ..خلى بالك الهمزة من تحت .. لا تعنى العرب .. ويقصد بها ناس الأقاليم القصية .. وكفرهم لأنهم بصلهم الدين منقوص .. ويسيرهم الفوكيا (جمع فكى) ودى أوع تصلحا لفقهاء .. لأن الفرق خيالى ..

بمناسبة المقولة دى زاتا أحكى ليك عليها قصة .. أخونا عبد العزيز أحمد حماد .. بتاع كاركتير عزيز فى الصحافة زمان كان سمعته بيهو .. جاب ليهو مكوجى غرباوى يوم الجمعة فى بيتو فى أركويت .. الراجل بكوى وعزيز طالع من الحمام منتشى بصفر .. فناهو بالمكوة زاغ منها بقدرة قادر .. عبد العزيز أتخلع وهو زول مسالم شديد .. قال ليهو يا زول مالك .. قال ليهو ما تصفر حرام .. قال ياخ مافى كلام زى ده فى الدين .. قال ليهو موش قالوا ليك (العرب أكثر كفراً ونفاخا)

فناس همشكوريب زى الناس الكانوا دايرين يضبحوا المعلمة الأنجليزية .. أوع تقول ديل ناس الخرتوم .. ناس الخرتوم نزحوا زمااان قدام آل الخليفة الجدد

[imported_مبر محمود]

المشاركة الأصلية كتبت بواسطة رأفت ميلاد

سلامات يا مبر
ياخ ما بالضرورة سماع هذا أو داك لتحديد الدرب .. ولكن تنوع الآراء بزيد الوعى .. فنقاط الخلاف محددة داخل الدين .. ولكن الدين نفسه ليس الخلاف .. عشان كدة بتكون المرونة فى الفهم داخل المدينة .. وتتكثف المرجعيات .. فالناس بتقتع الصراع بعيد من ..

تحيّاتي يا عمي الحاج
رمضان كريم ولكّ المودة كلها..
سليم يا سيدي، ما كان لي أن أشير لجملة "مفارقة الدرب" تلك، ففيها ما فيها من إيحاء لئيم بأنني أمتلك على الدرب القويم، وهذة مسألة قبيحة ولا تجوز، خصوصاً داخل أضابير المحاورات الدينيه..

شاكر لك التنبيه اللطيف، الذي أتمنى أن أكون قد فهمته وتنصلت عنه بالوجه الذي يرضيك وتحب. وطبعاً يلزمني إعتذار عنه لبابكر وللقراء. كن بخير