أجمل (ترنيمة للوطن) عادل مسلم ...

[imported_عبير خيري]

.


لم أكن أبداً أتوقع ان أجد من تمازج الكلمات واللحن في غناء الوطن ما وجدت في هذه الترنيمة

رغم ثقتي الكبيرة في طريق الفنان عادل مسلم منذ البداية

وأن طريقه غير طرق الفنانين الذين يلجون إلى ساحاتنا بقوة ويخرجون منها بنفس القوة دون ترك مؤونة من الذكرى!

إختار للكلمات المرثية تمازج الشرق والغرب في اللحن ورسم لوحة جميلة من التفاؤل حمل النص فيها ما يحتمل وأكثر

الكلمات للشاعر محجوب سراج

(نص) ترنيمة للوطن

لما بعدت بيك مسافات السفر
اتكيت بالحيل علي الخاطر الحزين
كنت تسأل عن طفولة هناك ضايعة
بين عجاجات المعارك وفي عيون النازحين
اطفال بتمشي على المحارق
في إيديهم الألعاب بنادق
أرض تقفل كل شبابيك الأمل
تدي العذابات والأنين
لي متين حتحزن يا بلد
ولي وين موديك الحنين
يلا نمسح دمعة القرى والبوادي نونسها
ونسقي أزهارها ودروبها
يلا نسرح نحكي حجواتنا القديمة نحدثها
ونملا بالافراح جيوبها
لمة الحبان شاي العصاري
وقعدة الجنيات وحبوبات حنان
وام بتسال عن وليداً وعن غناويه الحبيبة
وام بتسأل عن ميزة الرايحة يلاكم نجيبها
إنت يا بلد الحضارات القديمة
إنت يا بلد الرسالات العظيمة
فيك روح الأرض بكرة
فيك سماحة الخلق فطرة
فيك ملامح بكرة اجمل
أرض مخضرة ورحيبة

http://www.youtube.com/watch?v=PrMke9xyBiA

[ناصر يوسف]

عبير خيري كيفنك يا بت العم
وليكي الشوق أرتال أرتال ياخ
قبيل إتذكرتك برااااااااااي كدي يعلم الله
أصلو صورة صاحبتنا المشتركة ديك لا زالت في درجي
دي علي وزن ( الرصاصة لا تزال في جيبي )

عادل مًسلم هذا الشاب الأبنوسي النحيف ،،
فنان بيع ،، صاحب صوت جميل وملحن وموزع موسيقي من الطراز الفريد
ربنا يحفظو زُخر للأغنية والموسيقي السودانية يا رب

وربنا يشفي أستاذنا محجوب سراج