الزمن الجميل..استشعار..واستذكار...!!

[Ismat]

نهائيات ستنيات القرن الماضى...
والانغام تنساب جذلة...تتراقص على حفيف نسائم الهوى..وتنتشى
بالحروف المترعه النديه..والشباب يتفجرفى ريعان توثبه..والحروف..
مخضرة مثل الجروف...يانعه. مفرهده مثل اخضراراوراق الربيع...
مبتسمه.فرحة.منسابه..ومتبرجه فى حياء وخجل...
دعونا نستمع...يا احباب...http://www.youtube.com/watch?v=DXAif...eature=related

http://www.youtube.com/watch?v=K0VISFOiNCQ


http://www.youtube.com/watch?v=ufD-C...eature=related

http://www.youtube.com/watch?v=ffQbU...eature=related

http://www.youtube.com/watch?v=4zBrv...eature=related


http://www.youtube.com/watch?v=4ShvA...eature=related

[imported_خلاسية]

استاذ عصمت لك التحايا
دوما نحن للزمن الجميل
ولكن التكنلوجيا جعلته ممكن ان يتواصل
فقط نحتاج لقيل من البحث
كما فعلت انت واخرجت تلك الاغنيات

[imported_فيصل سعد]

سلامات استاذنا و حبيبنا
الاديب الاريب عصمت
و كل ايامك محبة ..

http://www.youtube.com/watch?v=oAyrsd2Wd1w

يا ديارا اذا حننت اليها
كحنين الغريب للترحال
لست انساك و البروق تجاوبن
و روح النهار في اضمحلال

[imported_فيصل سعد]

يا رجائي و سلوتي
و عزائي

http://www.youtube.com/watch?v=24Jz-...feature=relmfu

[Ismat]

خلاسيه..العزيزه...
طوافك هنا...شرف وتجمل.وسعاده...
وطبعا الزمن الجميل عشناه طولا وعرضا...وسبحنا على امواجه..وشملتنا لحظاته بكل فيض وجمال وتمنى...
اوخرستنيات القرن الماضى وسبعنياته...كانت المجالس بامنها وامانها .وكانت العقول تسمو فوق المشاعر.وكانت القلوب تنبض بالمحبه بالسلام..وكانت الموده والاحترام هما مبدأ وديدن...
اتفق معك بان التكنلوجيا قد ساعدت فى البحث والتنقيب لكن هنالك دررا لم يحضرها الرصد ولا التسجيل فاصبحت ذكريات فى الاذهان..كثير غاب..وكثيراندسر..
لك حيا الله لازلنا نسعى ونجتهد..
لك كثافة الاعزاز...
واليك هذه.من الذكريات.الوضيئه...
http://www.youtube.com/watch?v=LYzaVFlMa24

[imported_يحي عثمان عيسي]

الحبيب عصمت
لك الود والتحايا
تفتح بابا يعرج بنا الي السماء
سدرة منتهي الجمال
فأي المدارج نسلك
أيام كنا نلهو في الروض الجميل
ام خلف هذا الغزال الشارد من المسالمه
كنا نضحك ويضحك الزمن الجميل
في فصل الرازي بمدرسة محمد حسين الثانوية بام درمان وكانت كلما تأتي من قريب اوبعيد ذكري الاستقلال يقول استاذنا الحوري عليه رحمة الله العلم ده اومن ( لمن ) رفعوه أنا كنت حاضر ونضحك ويضحك ويضحك الزمن الجميل .ثم نتحايل للخروج من باب المدرسة في فسحة الفطوير الي دكان بله والفول المصلح وتاتي لحظه الحساب ( وكلها عشرة قروش) يقسم كمال حسن أن ليس معه سوي قرش ويصر ان يخرج كل جيوب الرداء الازرق الخاوية نتحملها وندفع لكن اكتشف ود البدوي لعبته في مرة واقترب من كمال واخرج خمسة قروش كانت مخبأة في ثنية سرواله تحت الرداء ...ونضحك ويضحك الزمن الجميل
وحتما نعود الي النيل

[Ismat]

[frame="1 50"]
الاثير الوجيه الصديق العزيز فيصل سعد...
ايها الرائع الجميل..
وانت احد خزائن الزمن الجميل..وتعرف ابعاد مسافاته.وتدرك وتعرف وانت مخزون الذكريات...ومرجعية ذلك الزمن الجميل..
كم تاسرنى دائما بمعالجاتك الشافيه...وانت تبعثر روائع الالحان...وانت تفتح الملفات..
عزيزنا...فيصل..
ايه رايكم فى فتح بوست عن الزمن الجميل..ودعنا نسزق فى دروبه الرحبه..ونضيف العزيز سيد احمد محمد على المأمون .وهو مخزن متسع. لذكريات الزمن الجميل.والباشمهندس الفنان ود عثمان وهو موسوعة الالحان...
دعنا نحكى..وباسهاب..اجتر الفكره ..واهضمها ثم اطرحها..
لك معزتى وللاسره الكريمه..
[/frame]http://www.youtube.com/watch?v=qji-D...eature=related

[imported_عبد القادر جاويش]

العزير عصمت
تحياتى ليك ولكل المصابيين بداء (نستالجيا)الزمن الجميل وانا منهم ..
حكاية عجيبة ..بالمناسبة الستينات كان اظنة شباب العام كله..الهيبز ،غناء الجاز ، الحركات الشبابية المتمردة فى اروبا، ثورات المدراس التشكيلية؛فى افريقيا عبد الناصر ولوممبا ..وهنا الشعر ، والسياسة ..الامل الكبير ,,ناس ود المكى عبر عن جيلهم واحلامهم..قال ..وسنبدع الدنيا الجديدة وفق ما نهوى .. الناس كانت طالعة من فترة الاستعمار بامال عريضة ..واروبا محبطة بعد الحرب العالمية ..والجيل كلو كان بفتش لى امل ..
بالمناسبه التمانينات برضو كان فيهو احلام كبيرة ..
البوست جميل وبرجع ليك تانى ..

[Ismat]

العزيز يحيى...

هذا عشق ارتباط موثق لا فكاك منه ..ابدا..
ترانيمجرس ذلك الاحساس تنقر فى خبايا الاحساس وتستلهم كل المشاعر وتستدعى الذكريات.اشياء لن تنمحى من الذاكره على الاطلاق..واستعادات تتمركز وترتكز على ارث تليد.يجرف كل ارتعاش ويهيمن على مفاتيح ومغالق الدواخل ..ويتواصل فيه نبش الذاكره.لتدرعليك بنفح يحيى كلما مات فى خبايا النسيان..
احسا مفرح..تصطلى فيه الانفس بما يلهب حسها.ويفيض عليها.شريط يعيد ويعاد فيه الماضى بكل ركابه المطهم ياتيك هكذا ليدهشك ..يشجيك ويفرحك ويعيد لك سيرتك الاولى...
هذا احساس رطيب..يا صديقى..
تذكر واستدرج الذاكره واشحذها فهى تعطيك كل شىء جميل ومبدع ورائع..
منعزتى...

[Ismat]

العزيز ود جاويش....

الحنين للزمن القديم...ليس هو بداء..انه تمكن اعراق مستغرق.زياخذك بمجامعك ويعيدك ينفس تلك الخطوات الى ايقاعات ذلك الزمن البهيج..وياله من زمن فاره ومتعاظم ومعطاء..وقتها... جغرافيا...
البون مارشيه..واتنى..وكوباكوبانا...وسودان كرافت..وشارع الجمهوريه.وسانت جيمس وغردون ميوزك هول..وقتها ياصديقى....
اهل السعوديه والمحميات البريطانيه وقتها..كان ياتون ليتفرجوا على شارع الجمووريه...وياكلون عيش بابا كوستا...وسندوتشات زكى...ويرون البهرجه والحضاره والتقدم..وكل الفرق الاجنبيه تاتى للخرطوم وتعزف فى انديتها بالليل..وكان ليل الخرطوم وقتها مشرقا مضى..
ونمره 2...السليمانى...وحفيف ذلك الحى الراقى...
ومقرن النيلين..موسيقى القوات المسلحه تعزف كل مساء خميس ومساء سبت..والناس تتوافد لتمرح وتسرح وتعيشروعة كل ذلك الزمن الجميل..
وفى من الخريف عندما يفيض النيل ويتدفق فى خور ابوعنجه..وقتها كانت
المراكب وعليها الفنانين تعبرالخورجئة وذهابا..والقمر صافى فى دورة كماله..استضفنا وفودا من المسرح العالمى عند حافة الخور..بكل اشكال الكرم السودانى..الشيه والنيه..والحلل..والضيافه الموسوعه..فاعجبوا بالمكان والطعام وهالهم الكرم وتلك الاريحيه وذلك الجمال المبهر الفياض....واسموه فنيسيا السودان..كان وقتها كمل شىء سهل ومتقن...والمجالس بامنها وامانها..
وكان..وكان..وكان..

ودى نقطه فى خضم الذكريات..

لك معزتى وتقديرى...

http://www.youtube.com/watch?feature...5uRrvWIQE&NR=1