حــــــافظ حســــين !!

[سمراء]

الغائب الحاضر ...

ياخ انا شاعرة بضيق غريب اليوم !!
حاسه انو كل ذرة جواى بتضيق وتصغر ....

طبيعتى فى الحياة ، مابحب اشر معرفتى ولا اكتر دائرتى من الناس ...بس حقيقة
قدر العندى من اصدقاء بكون لكل زول (مناخ ) جواى بخصو ...

غايتو الليلة مناخى الزول (الفقر) قاشر حسين ده !
ياخ امرق عليك الله خلينا النفضفض شوية ونمرق من مناخك الشين ده !

[سمراء]

فى ناس بقدر ماتعمل (رايح ) منهم فى الدنيا دى ...بجبروك تتلفت ليهم !
بسكنو فى ود عينك ويزكروك بالشى الانت بتحاول تزوق منو !
ليه ؟
ياحافظ ياخ عليك الله بى مناخك ده خليتنى (اخج) طاستى المدفونة فى رملة حياتى
الراكدة ، رغم انو خاصية الرمال انها (متحركة )! بس حكمة الله فى خلقو ...رملتى
ساااااااااااكنة فى محلها !

اها قووووم شنو القى ليك طاستى اتاريها اتكشحت ! وانا ماحاسة بيها !

[سارة]

بالمناسبة
لو حافظ دا جاكى قولى ليهو سارة قالت ليك
المشتهى الحنيطير يطير { بابكر عباس زاتو لاطشها ما من تاليفو}

[سمراء]

المشاركة الأصلية كتبت بواسطة سارة

بالمناسبة
لو حافظ دا جاكى قولى ليهو سارة قالت ليك
المشتهى الحنيطير يطير { بابكر عباسزاتو لاطشة ما من تاليفو}

حافظ حسين ياسرورة قلبى انا
بعتبرو حالة !!

بس مابطال برضو نديهو (المشتهى الحنيطير يطير 19) بستاهلة ياخ !
ولا عذاء لى الرويعى ومبر

[الرشيد اسماعيل محمود]

المشاركة الأصلية كتبت بواسطة سمراء


ياحافظ ياخ عليك الله بى مناخك ده خليتنى (اخج) طاستى المدفونة فى رملة حياتى

الراكدة ، رغم انو خاصية الرمال انها (متحركة )! بس حكمة الله فى خلقو ...رملتى
ساااااااااااكنة فى محلها !

قلتي لي رملة راكدة وكدة..!!
والله لقيتك نجّارة جنس نجِر..
بطريقتك دي ما بعيد المداخلة الجاية نلقاك كاتبة :
والله ياحافظ أمس كهربتنا جمدت لمّا سيحناها بالبوتجاز.
مش خاصيّة الكهرباء انها (سائلة) برضو..؟؟
حافظ ياخي تعال وخلينا نتلاقي في رملة سمراء الساكنة في محلها دي.

[أسامة معاوية الطيب]

المشاركة الأصلية كتبت بواسطة الرشيد اسماعيل محمود

قلتي لي رملة راكدة وكدة..!!
والله لقيتك نجّارة جنس نجِر..
بطريقتك دي ما بعيد المداخلة الجاية نلقاك كاتبة :

والله ياحافظ أمس كهربتنا جمدت لمّا سيحناها بالبوتجاز.
مش خاصيّة الكهرباء انها (سائلة) برضو..؟؟
حافظ ياخي تعال وخلينا نتلاقي في رملة سمراء الساكنة في محلها دي.

سمراء صباح الخير
الرشيد سلامات
غايتو انا الكهربا ما بعرفا لكن عندنا قريبنا حلف قال البليلة فاكهة ... كدي شوف لي الموضوع معاك بالله
حافظ حسين بقى فتى غلاف برضك
ملحوظة : قريبنا تاني بيسمي الشعيرية سوائل .... يعني بعد يكمل صحن الفول يقول ... كدي عليك يا الرشيد مد السوائل دي ... (,اشار بالسبابة تجاه صحن الشعيرية طيبة الذكر )
يعني اسي بعد كلامك العلمي الفوق دا الشعيرية والكهربا ديل اخوان ؟

[سمراء]

والله يا الرشيد وأسامة
دخلتكم دى بالحيل شجعتنى انى اواصل ( التماهى ) وحالة (الانجذاب ) الروحى
نحو تلك الشجون المعتقة بداخلى ، والتى تشابه الى حد ما ، شكل ذاك (السلفى ) الطالح بداخلى ..!
قاشر حسين ..يفترض عليك لو أصلاُ مته من ناحية موضوعية تدينا خبر !
اقلاها ياخ نمسحك من اجندتنا عشان مانقوم كل مرة نتزكرك ..جوانا زحمة ياخ عاوذين
نفرغ دواخلنا ..فترنا من شيل هم الاخرين ياخ

[حافظ حسين]

سمرمر يا شبه المرمر
سرور كيفك
الرشيد صديقنا البعيد كيف؟
اسامة البيت إنشاء الله تم؟

لو قلت ليكم مستني بص الثورة تصدقوني؟
لو قلت ليكم كل ما أفتح الجهاز عشان أكتب حرف تطير الحروف و تحترق حتصدقوا؟
و الله حالة العزوف عن الكتابة دي ما عندها علاقة بمرض الخال ربنا يشفيه و يجيبه لينا سالم , و لا كمان بمرض ناصر البقي كويس.... ليها علاقة زي ما قالت ست الودع بمرض حامد يخصني .....

يا سمرمر أنا لسا حي و بجي راجع بعد زوال الحال و إستعدال المزاج
تشكرون علي السؤال

[الرشيد اسماعيل محمود]

المشاركة الأصلية كتبت بواسطة أسامة معاوية الطيب
غايتو انا الكهربا ما بعرفا لكن عندنا قريبنا حلف قال البليلة فاكهة ... كدي شوف لي الموضوع معاك بالله

؟
قبيل ياوريف، دخلت دكان أشتري حاجة..
جا واحد بيشبه قريبكم (الحالف طلاق علي فكهانيّة البليلة ده) قال لسيد الدكان:
أديني شاي الظرف داااااك..
لمّا مسك الظرف لقي مكتوب عليهو شاي الشّفق..
قال أيوااااا..أنا ذاتي شفقان والله.
أها بالله إتحرّك لينا في موضوع فكّ الإشتباك مابين الشّفق والشّفقة ده.
عشان نشوف هل الشفقة تطير ولا ترِك.