أربعة ثُوّار ومرتين !!!

[ود الخير]

اليوم 11/6 مضت إحدى عشر يوماً ، على إنطلاق حملة 100 يوم لإسقاط حكومة الوحدة الوطنية/الإنقاذ، أنا عن نفسي سمعت بيها بعد 10 يوم من إنطلاقتها ، وما عارف ؟؟ هي الحملة ما كان معمول ليها إعلام من قبل ، ولا أنا ما متابع؟؟؟ في كل الحالات ما فات شئ !
حصيلتنا إلى الآن العدد الموجود في العنوان!

[ود الخير]

الشعب قلبو وآقف من الحروب ونَفسُو قائم.. من كمية الناس القاعدة في الكراسي ، وعاوزين تزيدوه معاناة... الوطن ما ناقصاهو ثورة ولا عدمان الثوّار.. نحمد الله القصر مليان ثوار، والبرلمان مستف مجاهدين أولاد ثوار كمان!
والبلد بجيشها، ودواويين حكمها، ماشه زي الساعة ، أها الناقصكم شنو؟؟ عشان
تضيعوا زمنكم، وتدخلو في الناس الخُلَع ، وكمان جابت ليها تحديد! إنتو يا ثوّار، عارفين أنا خائف ليكم من شنو؟؟ خائف ليكم من انكم ما تقدروا تعملوا حاجة! في ال100 دي... وتمتحنو الشعب وأنفسكم، وتمتحنونا، ونبقى في الإعادة والملاحق ، ودا كلو تأخير للبلد وشعبها الغِلب حيلة معاكم، المواطن حا يستفيد شنو! لو مرق سبدرات ودخل الشفيع! ولو عارض كبر وبقى الوالي نور،
كلو زي بعضو!

بس وصيتي ليكم الشعب السوداني دا اوعكم من تلمسوا، دينو، خلاويه، زواياهو، ناروا المولعة جواه، ونارو المولعة ما بطفيها إلا تبعدوا الدين مِنّو!!!

قالوا الوصية بالمهلة... الدّين لا... ياهو أكلنا وشرابنا ومعاشنا، وميعادنا!!

[د اسامه]

100 يوم مما يعدون

سلامات ود الخير

[ود الخير]

المشاركة الأصلية كتبت بواسطة د اسامه

100 يوم مما يعدون

سلامات ود الخير

(قُلِ اللَّهُمَّ مَالِكَ الْمُلْكِ
تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ....)

كلو بأمر ربنا.

المائة يوم ذاتها يا دكتور ربنا لو شاء ممكن تبقى جمعتين بس!

الله يسخر ليها ناسا الجمعتين !

حبابك دكتور أسامة ...

[رأفت ميلاد]

المشاركة الأصلية كتبت بواسطة ود الخير

(قُلِ اللَّهُمَّ مَالِكَ الْمُلْكِ
تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ....)

كلو بأمر ربنا.

المائة يوم ذاتها يا دكتور ربنا لو شاء ممكن تبقى جمعتين بس!

الله يسخر ليها ناسا الجمعتين !

حبابك دكتور أسامة ...

والله ربنا ده تعبان معاكم جنس تعب .. بلاويكم كلها رامنها عليكم .. ياربى كان معاكم فى الدبابة .. ولّ يمكن بتقصد أنو نوع من الأبتلاء

يا سيدى كلو بأمر ربنا ما أختلفنا زى ما قالت الآية .. زى ما جابم بى دبابة ممكن يشيلم بى ثورة ..

اللعب بالدين أوسخ ما ورثتوه من هؤلاء السفلة

[أسعد]

يا ود الخير انت واحد من اتنين
يا تور للنظام، ودي ح تكون مشكلة للحكومة
يا كمان غواصة للمعارضة ودي يمكن تكون المحمدة الوحيدة للمعارضة في معارضتها








عليك الله كلم قيس يجي يديني بالمربع والمثلث والسداسي

[ود الخير]

المشاركة الأصلية كتبت بواسطة رأفت ميلاد

والله ربنا ده تعبان معاكم جنس تعب .. بلاويكم كلها رامنها عليكم .. ياربى كان معاكم فى الدبابة .. ولّ يمكن بتقصد أنو نوع من الأبتلاء

يا سيدى كلو بأمر ربنا ما أختلفنا زى ما قالت الآية .. زى ما جابم بى دبابة ممكن يشيلم بى ثورة ..

اللعب بالدين أوسخ ما ورثتوه من هؤلاء السفلة

دا منو؟؟؟؟؟

يا ولد جيب العود داك.. وحيات الله يا رأفت ما تبقى ما رق... إلا يفرزونا بريحة الكأس....

[Nour]

[QUOTE=ود الخير;543082]. الوطن ما ناقصاهو ثورة ولا عدمان الثوّار.. نحمد الله القصر مليان ثوار، والبرلمان مستف مجاهدين أولاد ثوار كمان!
والبلد بجيشها، ودواويين حكمها، ماشه زي الساعة ، أها الناقصكم شنو؟؟

السلام عليكم, انت جادي في كلامك دا

[ود الخير]

[QUOTE=Nour;543171][QUOTE=

السلام عليكم, انت جادي في كلامك دا[/QUOTE]



وعليك السلام
أنا جديتي قدُر جدية الثُوّار أبان مئة يوم ديل!!

(حبيبنا زول الله لما المداخلة تظهر بالصورة دي يكون من شنو؟؟؟)
والله يا زول الله اتعلم الاقتباس المتعدد داك! تاني إلا تجرو

[Nour]

[QUOTE=ود الخير;543221]

المشاركة الأصلية كتبت بواسطة Nour

وعليك السلام
أنا جديتي قدُر جدية الثُوّار أبان مئة يوم ديل!!

والله انا جدية الثوار ابان مئة يوم ديل انا ما بعرفها لكن البعرفو انه لا القصر ولا البرلمان ملانيين ثوار ولا ابناء الثوار حافظوا علي البلاد وحقوق العباد ما نراه اليوم فساد ضارب كل عضو ومفصل في هذه البلد الممكونة التي ابتليت بقوم لا يراعوا حرمة وليس لديهم اي سقف اخلاقي يحكمهم ولا حياء يقيدهم وهم الان يعتقدون انهم في مامن من الثورات وانا هذا الشعب لا يعول عليه في قيام ثورة ظنا منهم ان الضرب علي وتر البديل قد اجدي نفعا وان الناس تخوفا من الاسواء لن يتجاسروا للخروج عليهم كم من ثورة قامت في تاريخنا القريب هذا من دون خطة ولا بديل ونجحت في مرحلة ما ما يهم الناس هو ازاحة هؤلا وليستلم الحكم من يستلمه طالما عن طريق انتخابات حرة ونزيهة اقرا واقع الحال من غير خداع للناس ولنفسك ستجد انهم في الرمق والتغيير قادم لامحالة وهذه سنة الله في الارض.

[ود الخير]

[QUOTE=Nour;543222]

المشاركة الأصلية كتبت بواسطة ود الخير

والله انا جدية الثوار ابان مئة يوم ديل انا ما بعرفها لكن البعرفو انه لا القصر ولا البرلمان ملانيين ثوار ولا ابناء الثوار حافظوا علي البلاد وحقوق العباد ما نراه اليوم فساد ضارب كل عضو ومفصل في هذه البلد الممكونة التي ابتليت بقوم لا يراعوا حرمة وليس لديهم اي سقف اخلاقي يحكمهم ولا حياء يقيدهم وهم الان يعتقدون انهم في مامن من الثورات وانا هذا الشعب لا يعول عليه في قيام ثورة ظنا منهم ان الضرب علي وتر البديل قد اجدي نفعا وان الناس تخوفا من الاسواء لن يتجاسروا للخروج عليهم كم من ثورة قامت في تاريخنا القريب هذا من دون خطة ولا بديل ونجحت في مرحلة ما ما يهم الناس هو ازاحة هؤلا وليستلم الحكم من يستلمه طالما عن طريق انتخابات حرة ونزيهة اقرا واقع الحال من غير خداع للناس ولنفسك ستجد انهم في الرمق والتغيير قادم لامحالة وهذه سنة الله في الارض.

أنا متفق معاك تمام... والله أنا ما أحسن من السودانيين المقلقين ديل!!لكن زي ما ذكرتي الشعب يعمل الثورة ! وانا ازيد ويستنشق البونبان وحال البلد يقيف زيادة عشان ينزل ود الصادق وتستلم بنته ولا عشان يمشي زيد ويجي عبيد وقيسي على كل الأسماء الموجودة ، والبتنادي بالثورة... ثورة الشعب لما ساعتها تجئ أبداً مافي مانع بيمنعها مهما كبر وعظم.... لكن ناس عشان الحاجات تبقا كويسة ديل حملتك بي لا بتقوّم ثورة ولا عربية زاتووو...(والشعب الحاجات البتبقا كويسة زااااتها ما عارفة... أها يمرق ساي كدا على البركة... والحاجات البتبقا كويسة في في بطن أصحابها)!.

[Hassan Farah]

اقتباس:
المشاركة الأصلية كتبت بواسطة ود الخير
الشعب قلبو وآقف من الحروب ونَفسُو قائم.. من كمية الناس القاعدة في الكراسي ، وعاوزين تزيدوه معاناة... الوطن ما ناقصاهو ثورة ولا عدمان الثوّار.. نحمد الله القصر مليان ثوار، والبرلمان مستف مجاهدين أولاد ثوار كمان!
والبلد بجيشها، ودواويين حكمها، ماشه زي الساعة ، أها الناقصكم شنو؟؟ عشان
تضيعوا زمنكم، وتدخلو في الناس الخُلَع ، وكمان جابت ليها تحديد! إنتو يا ثوّار، عارفين أنا خائف ليكم من شنو؟؟ خائف ليكم من انكم ما تقدروا تعملوا حاجة! في ال100 دي... وتمتحنو الشعب وأنفسكم، وتمتحنونا، ونبقى في الإعادة والملاحق ، ودا كلو تأخير للبلد وشعبها الغِلب حيلة معاكم، المواطن حا يستفيد شنو! لو مرق سبدرات ودخل الشفيع! ولو عارض كبر وبقى الوالي نور،
كلو زي بعضو!

بس وصيتي ليكم الشعب السوداني دا اوعكم من تلمسوا، دينو، خلاويه، زواياهو، ناروا المولعة جواه، ونارو المولعة ما بطفيها إلا تبعدوا الدين مِنّو!!!

قالوا الوصية بالمهلة... الدّين لا... ياهو أكلنا وشرابنا ومعاشنا، وميعادنا!!
------------------------------------------------------------------------------
يا ود الخير ناس المعارضة قالوا بعد مائة يوم.....قد يكون تمنيا بس ما كتير على الله..... نافع قال قاعدين لمية سنة. وربما اكثر وانت يا خوى اتى حديثك مؤيدا لقول نافع...كأنكم خالدين فيها ابدا... لقد افتريتم وتجاهلتم حتى قوله تعالى: وَتِلْكَ الأَيَّامُ نُدَاوِلُها بَينَ النَّاسِ....و تداول الشيء يعني: حصوله في يد هذا تارة وهذا تارة أخرى، ومنه اشتقت الدولة، ومن أمثال العرب: الحرب سجال، والأيام دول، فهي تارة لهؤلاء وتارة لأولئك....ولو دامت لغيرك ما وصلت اليك ...
يا عالم بطلوا الخداع والمتاجرة بالدين فقد بلغت الروح الحلقوم.....

[ود الخير]

[youtube]http://m.youtube.com/watch?v=AKOegs_9QtM[/youtube]

[نبراس السيد الدمرداش]

سلام يا خالد

الحمد لله انك جبت الكلام براك(ينزع الملك ممن يشاء)
يعني مهما قعدوا في النهايه حيمشوا بكرا بعد 100 يوم بعد 50 سنه برضو حيمشو

دا منو؟؟؟؟؟

يا ولد جيب العود داك.. وحيات الله يا رأفت ما تبقى ما رق... إلا يفرزونا بريحة الكأس....

لو بقى عود باوتار غني لينا بناديها
ولو بقى عود تاني بتكون بالغت يا خالد

بالمناسبه الدولار بقى ب 7300 في السوق دا امس اليوم ما معروف بكم
يعني تقريبا قريب من ال 20 ج سنه 89

[ود الخير]

المشاركة الأصلية كتبت بواسطة نبراس السيد الدمرداش

سلام يا خالد

الحمد لله انك جبت الكلام براك(ينزع الملك ممن يشاء)
يعني مهما قعدوا في النهايه حيمشوا بكرا بعد 100 يوم بعد 50 سنه برضو حيمشو



لو بقى عود باوتار غني لينا بناديها
ولو بقى عود تاني بتكون بالغت يا خالد

بالمناسبه الدولار بقى ب 7300 في السوق دا امس اليوم ما معروف بكم
يعني تقريبا قريب من ال 20 ج سنه 89

تحياتي نبراس
بعد 50 سنة ؟؟؟نقول آمييين ، على الأقل يقدروا يكملوا طريق الانقاذ الغربي!
لأنو لو قدر الله وذهبت الانقاذ قبل كدا، أخاف بعد مائة سنة ما يكتمل!!
والدليل من خروج الاستعمار حتى الانقاذ في مشاريع مافي زول جره فيها قلم!
ودا البِهم أية مواطن قلبو على البلد...(التنمية)
ويا نبراس أنا ما متمني دوام الانقاذ ... لكن خائف يجئ خليفتهم ويمسح كل ما عملوه في 23 سنة بجرة قلم.... فحقو الخلفاء ديل يطمئنوا الناس القلبا جايبلو خَفَا! زيي كدا! طمأنينة بس وما بنطالبهم بتنفيذ!
لكن يخلونا كدا ، دي مجازفة!!




موضوع العود دا (حمدو في بطنو) ما تشتغلي بيه!