بتوسدك

[imported_عماد الدين ضرار]

مدخل ... اليها مع كل الامنيات العشم

مرات كتيرة بكون....
استنطق انشودة الوعي الخرافي
والمطر اللسه فينا بينزف ...
وبطرق ابواب الصمت الجاسم فينا
وبرتع... ومرات بكون ...
سكون الشهقة المكتومة ...
تم..تم.....تم ... تم....
افأنت التي حركتي برق السكون..
مطر الضياء .. رشة عبير ..
مسك الارض .. ضمة حنين ساعة هجير ..
يا غيمة .. لا خلي مطرك يرش
مرة نترة.. ومرة جبها .. او..
او خليها طرفة ... تروي العروق تبرد حشى
تبكي وتزيد ...
بس كيفن نروق ..
ومرات كتيرة بكون .. ولف ..
قهوة صباح وضل ضحى .. راكوبة قش ..
امونة يا.. هجعة زول مسافر ..
في وطن زي الغريق بيلوح من بعيد
يمكن يلقالوا الوطن مدالوا ايد
وفطومة يا بلد ..
جايك انا .. شايلك جواي وطن ...
اجيك شايل قناديل الصمت الكلام
اجيك فال وخرزة فوق الجبين تنشال
اجيك مضمخ بي اريج الارض فواح
اجيك حلم ضواي وفرحة ناس وقت تلقى
العشم والفال.....
ومرات كتيرة بكون...

[imported_بدور التركي]

جايك انا .. شايلك جواي وطن ...
اجيك شايل قناديل الصمت الكﻼ‌م
اجيك فال وخرزة فوق الجبين تنشال
اجيك مضمخ بي اريج اﻻ‌رض فواح
اجيك حلم ضواي وفرحة ناس وقت تلقى
العشم والفال.....
ومرات كتيرة بكون...
 

[imported_مهند الخطيب]

عماد الدين كيفنك ؟ ومرحب بيك في سودانيات .....

اسمع كلامي ........

ياخ مدخلك ده دقداق ووعر جدا .......

بعيدا عن أخطاء الاملاء والكتابة السافرة زي (الجاسم) الذي يفترض انو يكون (الجاثم) والله أعلم ... وكمان (أفأنت التي حركتي) الياء الأخيرة دي ماادونا ليها مع ياءات اللغة العربية .......

بعيدا عن الاخطاء دي وغيرا أنا لا لميت في موسيقى داخلية لا فضاء قصيدة لا جرس ايحاء .....!!!!!

الحاصل شنو ان شاء الله خير؟.

اوعى يكون النص البيلحق المدخل من نفس شاكلة المدخل .......!

[imported_محمد مصطفي]

تحياتي يا عمدة .... وكل الامنيات ان يروق لك المكان

عادتاً يا عماد القصيدة بتشدك ليها قبال تقراها
والقراية عندنا ما نطق حروف مرسومة ومدوزنة
الشعر بالذات غير باقي الكتابة ... بتحس قبال القراية
ما ضليع في اللغة العربية عشان اعرف الخطأ وين
بس النص كلو ما قدرت احسو ...
رغم اني حاولت اجردو من حتة انو شعر ... بس حتي نثراً ما هبش حاجة فيني

جايك انا .. شايلك جواي وطن ...
اجيك شايل قناديل الصمت الكلام
اجيك فال وخرزة فوق الجبين تنشال
اجيك مضمخ بي اريج الارض فواح
اجيك حلم ضواي وفرحة ناس وقت تلقى
العشم والفال.....

هنا القافية رغم وجودها لكن لو قريتو بدون تمعن بتحس بيهو كلام ساي
غايتو كلامي ده رأي ... لكن احتمال اكون في رأي آخر وسيم شوية
اعتقد انو الشعر بالذات بحتمل النقد ومثل هذه الاراء
فما تزعل مننا
لو عصرتا شوية ممكن تطلع شعر أجمل .....
لا أجيز النص
كل الود يا عمدة ياخ

[imported_أميرى]

بعيدا عن لوثة النقد التي إنتظمت سودانيات (مؤخرا) حبابك عماد و في إنتظار كل الجيات و الجايات

[اشرف السر]

ماذا سيستفيد الكاتب ان كان كل من يمر بما كتب ينفحه بعبارات من شاكلة

رائع يا مبدع
وشفيف يا زاهر

وكلام شكر لا ينفع الكاتب ولا ينير طريقه ليجود ادوات كتاباته
النقد زاوية أساسية في أي عملية ابداعية
وأصدق النقد ما كان من قاريء عادي غير متخصص في أمور النقد

[imported_عماد الدين ضرار]

المشاركة الأصلية كتبت بواسطة أميرى

بعيدا عن لوثة النقد التي إنتظمت سودانيات (مؤخرا) حبابك عماد و في إنتظار كل الجيات و الجايات

تسلم اميري لكن الظاهر الشوك هنا كتيربس الواحد يجازف

[imported_عماد الدين ضرار]

المشاركة الأصلية كتبت بواسطة محمد مصطفي

تحياتي يا عمدة .... وكل الامنيات ان يروق لك المكان

عادتاً يا عماد القصيدة بتشدك ليها قبال تقراها
والقراية عندنا ما نطق حروف مرسومة ومدوزنة
الشعر بالذات غير باقي الكتابة ... بتحس قبال القراية
ما ضليع في اللغة العربية عشان اعرف الخطأ وين
بس النص كلو ما قدرت احسو ...
رغم اني حاولت اجردو من حتة انو شعر ... بس حتي نثراً ما هبش حاجة فيني


هنا القافية رغم وجودها لكن لو قريتو بدون تمعن بتحس بيهو كلام ساي
غايتو كلامي ده رأي ... لكن احتمال اكون في رأي آخر وسيم شوية
اعتقد انو الشعر بالذات بحتمل النقد ومثل هذه الاراء
فما تزعل مننا
لو عصرتا شوية ممكن تطلع شعر أجمل .....
لا أجيز النص
كل الود يا عمدة ياخ

تسلم النقد واتقبل بكل رحابة صدر

[imported_عماد الدين ضرار]

المشاركة الأصلية كتبت بواسطة مهند الخطيب

عماد الدين كيفنك ؟ ومرحب بيك في سودانيات .....

اسمع كلامي ........

ياخ مدخلك ده دقداق ووعر جدا .......

بعيدا عن أخطاء الاملاء والكتابة السافرة زي (الجاسم) الذي يفترض انو يكون (الجاثم) والله أعلم ... وكمان (أفأنت التي حركتي) الياء الأخيرة دي ماادونا ليها مع ياءات اللغة العربية .......

بعيدا عن الاخطاء دي وغيرا أنا لا لميت في موسيقى داخلية لا فضاء قصيدة لا جرس ايحاء .....!!!!!

الحاصل شنو ان شاء الله خير؟.

اوعى يكون النص البيلحق المدخل من نفس شاكلة المدخل .......!

مهند كيفك ...
كلامك سمعتوا وقابلتا متلوا كتير
وممكن بشبهوا بالزول البكب الشوك (ضريسة ) في طريق الناس والناس دي ممكن تواصل طريقها وتدوس علي الشوك او ترجع تشوف طريق تاني وانا اتعودتا ادوس علي الشوك ...
حبيبنا مهند ليس هكذا يكون النقد وبالنسبة للاخطاء ممكن ترجعها للكيبورد وليس للعجز اللغوي
عموماً نتقبل النقد في سبيل تصحيح المسار

[imported_مهند الخطيب]

المشاركة الأصلية كتبت بواسطة عماد الدين ضرار

مهند كيفك ...
كلامك سمعتوا وقابلتا متلوا كتير
وممكن بشبهوا بالزول البكب الشوك (ضريسة ) في طريق الناس والناس دي ممكن تواصل طريقها وتدوس علي الشوك او ترجع تشوف طريق تاني وانا اتعودتا ادوس علي الشوك ...
حبيبنا مهند ليس هكذا يكون النقد وبالنسبة للاخطاء ممكن ترجعها للكيبورد وليس للعجز اللغوي
عموماً نتقبل النقد في سبيل تصحيح المسار

خلاص وكت طلعتنا بتاعين شوك نقوم نتحول للفريق الآخر ونختار الورود ....

نصك بديع ....

كلماتك رائعة ....

القصيدة مليئة بموسيقى تعجز عنها (طائر النار) .....

والله لمن قريتا للمرة التلتاشر لمّان دخت وحسيت بكرعي يعفصن في حدود وادي عبقر .!!!!!!!!!!!!!!!!!!!!!

بالجمبة كده:
أشرف السر ووجدي الاسعد ومحمد مصطفى بالله لملموا عدتكم ويللا أطلعوا قدامي من هنا (الحتة قالوا حتة لباقة)

[imported_مهند الخطيب]

المشاركة الأصلية كتبت بواسطة عماد الدين ضرار

مهند كيفك ...
كلامك سمعتوا وقابلتا متلوا كتير
وممكن بشبهوا بالزول البكب الشوك (ضريسة ) في طريق الناس والناس دي ممكن تواصل طريقها وتدوس علي الشوك او ترجع تشوف طريق تاني وانا اتعودتا ادوس علي الشوك ...
حبيبنا مهند ليس هكذا يكون النقد وبالنسبة للاخطاء ممكن ترجعها للكيبورد وليس للعجز اللغوي
عموماً نتقبل النقد في سبيل تصحيح المسار

ارجع تاني لمداخلتك دي قبل ماأرجع للنص زاتو (ماتفتكر بكلامك ده بتخليني أرخي النص)

أول شي:
حتة أنو ماهكذا يكون النقد دي ماسليمة لأنو أنت لو كانت رؤيتك النقدية مكتملة للنص كنت نزلت النص ومعاهو نقدو ، يعني طيب ورينا كيف يكون النقد عشان ننقدو ليك بالجمبة البتريحك!!!!
لو ماعارف ياسيد عماد أعرف النقد أساسا (ضريسة) ماهو ورد ، والزول مايقوم يحرقو الكلام ويقول قولو بعد داك يجيك يقول ليك

عموما نتقبل النقد في سبيل تصحيح المسار

!!!!!!!!!!!!!!

[imported_مهند الخطيب]

وأشير الى أن مداخلاتي أعلاه هي بعيدة عن لوثة (التطبيل) والتحكحك التي انتظمت سودانيات لسنين عددا ... وبرضو مرحب بيك ياعماد الدين

[imported_عماد الدين ضرار]

المشاركة الأصلية كتبت بواسطة بدور التركي

جايك انا .. شايلك جواي وطن ...
اجيك شايل قناديل الصمت الكﻼ‌م
اجيك فال وخرزة فوق الجبين تنشال
اجيك مضمخ بي اريج اﻻ‌رض فواح
اجيك حلم ضواي وفرحة ناس وقت تلقى
العشم والفال.....
ومرات كتيرة بكون...
 

ومرات كتيرة بكون

[imported_وهاد ابراهيم محمد]

يعني الواحد كان رش ليهو شوية (لباقة) فوق أصابعو حتى نقر كيبورده ده بيحصل شنو؟

ما هكذا تورد الإبل يا إخوة..


..........

عماد الدين مرحبابك

جوِّد, إصقل, ولمِّع...
وأدر للحروف موسيقاها, تضمن لك رشاقة رقصها في الحضور.
وكن حاضراً..
فليس كل ما نفَّر, أخطأ
وليس كل ما سرَّ, أفاد.

وطب مقاماً.

[imported_مهند الخطيب]

المشاركة الأصلية كتبت بواسطة وهاد ابراهيم محمد

يعني الواحد كان رش ليهو شوية (لباقة) فوق أصابعو حتى نقر كيبورده ده بيحصل شنو؟

ما هكذا تورد الإبل يا إخوة..


..........

عماد الدين مرحبابك

جوِّد, إصقل, ولمِّع...
وأدر للحروف موسيقاها, تضمن لك رشاقة رقصها في الحضور.
وكن حاضراً..
فليس كل ما نفَّر, أخطأ
وليس كل ما سرَّ, أفاد.

وطب مقاماً.

وهاد العروسة ألف مبروك وعساك طيبة ......

ياوهاد (لباقة) شنو ؟ أخونا عماد ده لو كنا لاقيناهو في بوست ترحيب كان وريناهو لباقة لامن هو زاتو يتحير لكن لاقيناو في نص كتبو هو بعضمة أصابع كيبوردو ده .... جينا وقلنا رأينا ...

ماباقي لي المقام مقام لباقة ......