تاكيت الباب واستنيتك.. كم انت جميلة يا نجلاء

[طارق الحسن محمد]

[align=center]تاكيت الباب واستنيتك..
صيفين..وشتا..ورشة مطره
ما حسك كان صاحي وبي خير
والو انك واضحة ومختصرة
وكتين ما جيت …….
ضايرت الخوف..حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك
وبراى ..هل كنت براي قايل ؟
صورتك جواي ……
و الفكرة الخاصة المجنونة..
ونستنا في آخر الليل …
و الليل..
ومشيت عديت كم ساحة
حالقاك..
سجمانة..ورازة..ونطاحة
متعكننةْ ….
بشتنتة الساعات …….
ودقا يق الروح المتراوحات..
والزمن ألما بيكون منحاز …….
ويلمني بيك رحيتو دقيق..
نسوان السوق عاسنو فطير ..
ميتان حيلو
مازمنك ما بقبل غيرو ..
ولا غيرك غير
سكران بالهم..ما وعيتك
مطعون جرحك متسربل دم ..؟
ما داويتك ..
غبيت احترته ..
ومِرّق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق
تسريحة بت الجيران
وغُنا الصِبيان ساعة المطرة ..
وريتم اسمك في الشجرة..
بي خط فرحان منحوت اسمك..
قوسين و … فلان
حاتكسر الليل ولا أفوتك..
الشوق والبيت .
تاكيت الباب..واستنيتك
صيفين .. وشتا ..
و أول مطره. . . .
ذاعت أخبارك في دمي
وانحسرت تواً لفحه حر
كِبرت فجأة ضلالة البيت..
يا هل طليت..
يا هل . . .
طليت..
يا ..
هل ..
طليت…؟؟

[/align]

[طارق الحسن محمد]

المشاركة الأصلية كتبت بواسطة طارق الحسن محمد

[align=center]تاكيت الباب واستنيتك..
صيفين..وشتا..ورشة مطره
ما حسك كان صاحي وبي خير
والو انك واضحة ومختصرة
وكتين ما جيت …….
ضايرت الخوف..حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك
وبراى ..هل كنت براي قايل ؟
صورتك جواي ……
و الفكرة الخاصة المجنونة..
ونستنا في آخر الليل …
و الليل..
ومشيت عديت كم ساحة
حالقاك..
سجمانة..ورازة..ونطاحة
متعكننةْ ….
بشتنتة الساعات …….
ودقا يق الروح المتراوحات..
والزمن ألما بيكون منحاز …….
ويلمني بيك رحيتو دقيق..
نسوان السوق عاسنو فطير ..
ميتان حيلو
مازمنك ما بقبل غيرو ..
ولا غيرك غير
سكران بالهم..ما وعيتك
مطعون جرحك متسربل دم ..؟
ما داويتك ..
غبيت احترته ..
ومِرّق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق
تسريحة بت الجيران
وغُنا الصِبيان ساعة المطرة ..
وريتم اسمك في الشجرة..
بي خط فرحان منحوت اسمك..
قوسين و … فلان
حاتكسر الليل ولا أفوتك..
الشوق والبيت .
تاكيت الباب..واستنيتك
صيفين .. وشتا ..
و أول مطره. . . .
ذاعت أخبارك في دمي
وانحسرت تواً لفحه حر
كِبرت فجأة ضلالة البيت..
يا هل طليت..
يا هل . . .
طليت..
يا ..
هل ..
طليت…؟؟




........................
[/align]

للنص للشاعرة - نجلاء عثمان التوم

[أشتر]

اخخخخخخخخخخخخ
حاجة تزهّج والله !!!!

ومِرِق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدّن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق

ياخ عليك الله لو بتعرفا سلّم عليها ان شاءالله في قدوما

[عكــود]

سلام يا طارق . .

القراية البتتوّر النَفَس ياها المِتِل دي،
إنت زول عزّال بالحيل . .
من أصحابك لي الحديث المجيّه.

أشتر . .
ريّحتني بالحيل بتشكيل كلمة . .
مِرِق و
عدّن
القراية الصاح مهمّة.

دحين لو محل كلمة (مِرِق)
ختّت كلمة (آرنيق)
ما كان أظبط؟
أنا غايتو بقراها:
آرنيق الصبر الشايل حيلك . .
مال بالحيل.

[أشتر]

المشاركة الأصلية كتبت بواسطة عكــود

سلام يا طارق . .
القراية البتتوّر النَفَس ياها المِتِل دي،
إنت زول عزّال بالحيل . .
من أصحابك لي الحديث المجيّه.

أشتر . .
ريّحتني بالحيل بتشكيل كلمة . .
مِرِق و
عدّن
القراية الصاح مهمّة.

دحين لو محل كلمة (مِرِق)
ختّت كلمة (آرنيق)
ما كان أظبط؟
أنا غايتو بقراها:
آرنيق الصبر الشايل حيلك . .
مال بالحيل.

القراية البتتوّر النَفَس ياها المِتِل دي،
والفهم البعذب سيدو ياهو متل قولك دا !!!!
إت قائل القراية الصاح براها بتطلع منها بنتيجة ؟؟؟!!!
لكن والله إتّا ذااااتك ريّحتني في حناني وأحب الناس البِتْفلّي الحروف وتصقع المعني
والله يا عكود كلامك صاح مية المية عارف ليه ...
لأنو ما دام المسألة فيها ميلان وتِكيل يبقى آرنيق
لأنو المرق دا لو قام كدا مال !!! بخلي العالم تميل ...
ونميل سوا يا جميل وخشم البيت جاتو كبسيبة
اها يا عكود ياخوي لمن وصلت لى (عدن)
قلت انا متين وصلت اليمن السعيد مع إنو الحكاية كانت عكننة ... والمحلي داخل عطبرة
ياخ والله زي ما ريّحتك عطرتني والله يريّحك كمان وكمان في ظل الأمانة العامة وهكذا جغمسات
ياخ عليك الله سيبك من الموال دا وخليك هنا ...
بلاش تفارق ...
العيون البتلقط ناس كسرة وشدة ديل منهم جكة ... وهرولة بين الفتحتين فتحة التهوية وفاتحة الجعليين
والله ريحتني ياخ ...
الناس البتسكت فترات طويلة وتتكلم دي بتغيّر سير المباراة طوالي ...
غايتو أحسن من برجقتنا الكتيرة دي غير وجع القلب ما طلعنا منها بفائدة تُذكر ...
اهو كدا الواحد يبدأ يومو وهو مطمئن على روحي خسوسا والدنيا خميس مشيط ...
وشططت

[عكــود]

والله يريّحك كمان وكمان في ظل الأمانة العامة وهكذا جغمسات
ياخ عليك الله سيبك من الموال دا وخليك هنا ...

دي برضو بقراها كده:

والله يريّحك كمان وكمان من هم الأمانة العامة وهكذا جغمسات
ياخ عليك الله سيبك من الموال دا وخليك هنا ...

وحأتّبع نصيحتك على هكذا قراءة والموّال سايبو سايبو!

سلام يا اشتر،
برجقتك الكتيرة الطلعوا منّها بفايدة نحن ديل . .
إنت ما عارف الناس البتقرا هي المستفيدة وللكاتبين الرماد؟
أبداها من قيس وجُر معاك لييييي عند التجاني وجمّاع وعمر الحسين (عليهم الرحمة أجمعين).
بس قول اللهمّ ارزقنا العمل الصالح وحُسن الخاتمة.

على جنب:
باقي لك في داعي نفسّر كلمة (آرنيق) وللاّ نحوّلها لبوست المصطلحات العاميّة؟
معانا حناكيش وكده!
يسعد لي ها الصباح.

[طارق الحسن محمد]

المشاركة الأصلية كتبت بواسطة عكــود

سلام يا طارق . .

القراية البتتوّر النَفَس ياها المِتِل دي،
إنت زول عزّال بالحيل . .
من أصحابك لي الحديث المجيّه.

أشتر . .
ريّحتني بالحيل بتشكيل كلمة . .
مِرِق و
عدّن
القراية الصاح مهمّة.

دحين لو محل كلمة (مِرِق)
ختّت كلمة (آرنيق)
ما كان أظبط؟
أنا غايتو بقراها:
آرنيق الصبر الشايل حيلك . .
مال بالحيل.

عكود سلام ياعمدة
بت اعمك دى ما هينة ابدا
ياريت لو جبدتنى

[رأفت ميلاد]

ياخ بعد ما سريت بالى وقلت بورتك إتفكت .. ترجع تقول لى نجلاء التوم
مشتاقين ياخ ..

كلام سمح ويشيل الفتر ويريح البال ..

سلم لى عليها .. فى يدها أنا ما أشتر .. أنا أكتر

مشتاقين كتير والله وكل سنة وأنت طيب

[أشتر]

المشاركة الأصلية كتبت بواسطة رأفت ميلاد

سلم لى عليها .. فى يدها أنا ما أشتر .. أنا أكتر

بس غالبكم تقولو لكن !!!!

المشاركة الأصلية كتبت بواسطة عكــود

دي برضو بقراها كده:
وحأتّبع نصيحتك على هكذا قراءة والموّال سايبو سايبو!
سلام يا اشتر،
برجقتك الكتيرة الطلعوا منّها بفايدة نحن ديل . .
إنت ما عارف الناس البتقرا هي المستفيدة وللكاتبين الرماد؟
أبداها من قيس وجُر معاك لييييي عند التجاني وجمّاع وعمر الحسين (عليهم الرحمة أجمعين).
بس قول اللهمّ ارزقنا العمل الصالح وحُسن الخاتمة.

على جنب:
باقي لك في داعي نفسّر كلمة (آرنيق) وللاّ نحوّلها لبوست المصطلحات العاميّة؟
معانا حناكيش وكده!
يسعد لي ها الصباح.

يا زول والله خير وبركة من هم الإداراة العامة وهكذا وشوشات
ما كنّا قايلنكم ممكونين وصابرين قدر دا !!!!
على الأقل نرتاح من فيصل سعد ومن لفّ لفه فهو مِنّا .. وأذى
ياسيدي الأمنتا عليك في معاني كلمات من السياق ساي ظااااهرة
لكن ما دام معانا حناكيش (أتْكِلُم بى شِعبة بكونو مرخرخين خلقة)
يعني مفروض يتعبو شوية كمان ...
الحكاية بقت ما زي زمان ... مع هذا السما المفتوح دائما ... لو رضينا وطايبنا خاطرنا ...
وكمان عندي كلام كدا من يومين خاتي في راسي اجيبو المصطلحات والكلمة القلتها دي في نصو ...
وربما كلمة أنت قائلها صادفت هوى في نفسي ... والابدال في كتير من الأحوال تصليح حال ...
وكلمات تانية أبت لي كلوكلو حيث عصلجتها بتجبٌر الواحد يجيبا لشبارقة مقنّع الكاشفات القنعن منو ...
بيني وبينك الما بعرف المِرِق من الشِعبة إخير ليهو المسلّح بلا سيخ ويقوم كدا إتهتِر فوق راسو ...
عشان يعرف فوائد التِتِكِل شنو

[طارق الحسن محمد]

المشاركة الأصلية كتبت بواسطة رأفت ميلاد

ياخ بعد ما سريت بالى وقلت بورتك إتفكت .. ترجع تقول لى نجلاء التوم
مشتاقين ياخ ..

كلام سمح ويشيل الفتر ويريح البال ..

سلم لى عليها .. فى يدها أنا ما أشتر .. أنا أكتر

مشتاقين كتير والله وكل سنة وأنت طيب

والله
يا مقدس بورتى دى
زى طشمتى
اصلو ما بتفك




وسلامك وصل
وسلام ما اشتر

[طارق الحسن محمد]

المشاركة الأصلية كتبت بواسطة أشتر

اخخخخخخخخخخخخ
حاجة تزهّج والله !!!!

ومِرِق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدّن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق

ياخ عليك الله لو بتعرفا سلّم عليها ان شاءالله في قدوما

ياخى الزولة دى معرسا ومتموم
حلوها
وقبل اسبوعين
بكرت بوليد
- تخريمة : شفت الشايقية ديل كتابين كيف

[نزار حسن علي]

حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك

طارق الحبيب تسلم يا جميل

[طارق الحسن محمد]

المشاركة الأصلية كتبت بواسطة نزار حسن علي

حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك

طارق الحبيب تسلم يا جميل

نزورى
ود لفان
اوخورفكان
كله
ان
ان
انت وين يازولة
غيبتك طالت كتير والله

[عمر كبير]

المشاركة الأصلية كتبت بواسطة طارق الحسن محمد

[align=center]تاكيت الباب واستنيتك..
صيفين..وشتا..ورشة مطره
ما حسك كان صاحي وبي خير
والو انك واضحة ومختصرة
وكتين ما جيت …….
ضايرت الخوف..حزمت التوب
وصيت الغيمة تلاوح البيت
وما تسد الباب..جايين راجعين
متيمنة بيك ..وشاردة معاك
حافتش ليك.. برات الضل …جوات الدمْ
ما بين النار و صراخ جمرة
حاجيك…….حاجيك
وبراى ..هل كنت براي قايل ؟
صورتك جواي ……
و الفكرة الخاصة المجنونة..
ونستنا في آخر الليل …
و الليل..
ومشيت عديت كم ساحة
حالقاك..
سجمانة..ورازة..ونطاحة
متعكننةْ ….
بشتنتة الساعات …….
ودقا يق الروح المتراوحات..
والزمن ألما بيكون منحاز …….
ويلمني بيك رحيتو دقيق..
نسوان السوق عاسنو فطير ..
ميتان حيلو
مازمنك ما بقبل غيرو ..
ولا غيرك غير
سكران بالهم..ما وعيتك
مطعون جرحك متسربل دم ..؟
ما داويتك ..
غبيت احترته ..
ومِرّق الصبر الشايل حيلك ….
مال بالحيل ..
ضللت عليك بي قولة الحق ..
ما عارف إني معاك بسواك..
لكن وحدك متغابي وطيب
وغايظني..
عدن كم حول مستني أقول …
يآخي احبك
وأتآمر ضدك . . .
أناْ . . . و . . . الشوق
تسريحة بت الجيران
وغُنا الصِبيان ساعة المطرة ..
وريتم اسمك في الشجرة..
بي خط فرحان منحوت اسمك..
قوسين و … فلان
حاتكسر الليل ولا أفوتك..
الشوق والبيت .
تاكيت الباب..واستنيتك
صيفين .. وشتا ..
و أول مطره. . . .
ذاعت أخبارك في دمي
وانحسرت تواً لفحه حر
كِبرت فجأة ضلالة البيت..
يا هل طليت..
يا هل . . .
طليت..
يا ..
هل ..
طليت…؟؟

[/align]

طارق يا جميل
يا اخي الزولة دي بتكتب بي شنو؟؟؟
وتكتب من وين اصلا؟؟؟
دي زولة مليانة شعر لما بدفق دقيق وفطير ووعد ايوة وعد وده الأهم من ديل كلهم
خلو بابها ده متاكا في كل الأحوال هي كسبانة كان جا ...جات ...جو ولا لا المهم التاكت باب الروح دي زولة سمحة بالحيل والله
وانت سمحين يا طارق العجبك النص وجبتو لينا هنا
سلام يغشاك
ويغشاها هي بي بابها المتاكا ده

[طارق الحسن محمد]

المشاركة الأصلية كتبت بواسطة عمر كبير

طارق يا جميل
يا اخي الزولة دي بتكتب بي شنو؟؟؟
وتكتب من وين اصلا؟؟؟
دي زولة مليانة شعر لما بدفق دقيق وفطير ووعد ايوة وعد وده الأهم من ديل كلهم
خلو بابها ده متاكا في كل الأحوال هي كسبانة كان جا ...جات ...جو ولا لا المهم التاكت باب الروح دي زولة سمحة بالحيل والله
وانت سمحين يا طارق العجبك النص وجبتو لينا هنا
سلام يغشاك
ويغشاها هي بي بابها المتاكا ده

وسلام يغشاك يا كبير
مودتى