عقد الياسمين

[جيجي]

اصدقاء عانقوا روحي بجمال كلمهم وشفيف مشاعرهم
فارتأيت ان اسكنهم جيدي ورود من ياسمين كي يظل العناق
وكي يظل عبيرهم ينسرب الى دواخلي دوما واظل يسكنني الجمال
اسعدني الزمان بلقاء اثنين منهم وتمنيت ان التقي الاخرين
كان بيننا دوما حلو الحديث ونقاءه
تبادلنا سجال الشعروالنثر وكان الحب دوماهو المضياف بيننا
احببت ان انقل اليكم بعض عبيرهم هنا على صفحاتكم التي احببت
باقات من الجمال المقفى وبعض الرياحين
ساتي باسماء من يوجد بين جنباتنا هنا وسارمز لمن لم يسعده الحظ بالتواجد
ستكون مداخلتي باللون الازرق الذي ارمز به لللحب دون كل الاخرين
كونوا معي قاريين و ومتداخلين

[مي هاشم]

تحية طيبة جيجي
من يحمل الأصدقاء عقداً من ياسمين بهذا الحب فهو دون شك..وفيّ..
والوفاء صفة تندر في هذا الزمان..فلك أختي تقديراً لقلبك الوفي المحب..



متابعة..

[جيجي]

المشاركة الأصلية كتبت بواسطة مي هاشم

تحية طيبة جيجي
من يحمل الأصدقاء عقداً من ياسمين بهذا الحب فهو دون شك..وفيّ..
والوفاء صفة تندر في هذا الزمان..فلك أختي تقديراً لقلبك الوفي المحب..



متابعة..

شكرا لك جميلة الجميلات
شكرا لك احرفك العطرة ولك الوداد

[جيجي]

دعونا نبدأ بكبيرهم الذي علمنا الشعر
المحترم جدا
الجميل جدا سجمان في هذا التمازج الحلو
-----------------

المشاركة الأصلية كتبت بواسطة جيجي
-------
اتخيل انك ذي قليبي
هل حتصبح يوم حجر
-----
اتخيل انك نور عيوني
هل حتحرمني لبصر
-----
واتخيل انك ذي رويحتي
هل بتتحمل مفارقة الجسد

سجمان:
إنت بس خليني أبقى
والزمن براو بحدد
إنو نورك هو البوافي
الكون ضياو..
والعيون الفيها نورك
يهدي مرة..
ومرات يهدد
والرويحة الفيهو إيضاً
مرة تخذل ..
ومرة تسند..
إنت بس خليك إنت..
وسيب خيالك أوعى يبعد..
بكرة تعرف كوني إنك..
ما مجزأ..
ولسة برضك بالسؤال
عنك دوام طوالي بفقد

[جيجي]

المشاركة الأصلية كتبت بواسطة سجمان
إنت بس خليني أبقى
والزمن براو بحدد
إنو نورك هو البوافي
الكون ضياو..
والعيون الفيها نورك
يهدي مرة..
ومرات يهدد
والرويحة الفيهو إيضاً
مرة تخذل ..
ومرة تسند..
إنت بس خليك إنت..
وسيب خيالك أوعى يبعد..
بكرة تعرف كوني إنك..
ما مجزأ..
ولسة برضك بالسؤال
عنك دوام طوالي بفقد..

جيجي
اصله نور العين بوارق
لسفنا الما بتهدى
والرويحة الزي شراع
مرة تقلب لشجونك
ومرة ترضى
كيف خيالك يبقى راسي
ويبقى كونك ذي مراسي
شطه مليان بالمحنى
وابقى اسال
ولينا افقد
وابقى اسند لي محنى

--------------------

[جيجي]

المشاركة الأصلية كتبت بواسطة جيجي
اصله نور العين بوارق
لسفنا الما بتهدى
والرويحة الزي شراع
مرة تقلب لشجونك
ومرة ترضى
كيف خيالك يبقى راسي
ويبقى كونك ذي مراسي
شطه مليان بالمحنى
وابقى اسال
ولينا افقد
وابقى اسند لي محنى

سجمان
يلا عبي الشوق وسارع
كومو..
أصلو غلطان البصادف ضيهن
والبفوت.. بنلومو..
والهموم في الكون بقت
في زول كلامي منومو..
غلطانة كشفت للهبوب..
منديلا كشحت حبتين ذرة هوى
وحبة طيوب..
من خيوط نور العيون..
قعدت ساهر بنضمو..
المحنة كيف أعقر رويحتي..
وكلام كتييييييييير ما بننضمو..
والخيال السآلة منو..
من يوم عناد حرف السجم..
وشيتاً كتر..
من يوما داكا مبومو..

[نزار حسن علي]

الكريمة
جيجي

والله انا بالذات ما بقدر علي كلامك ده

اهديك بيت شعر لقاروق جويدة

لماذا اراك علي كل شئ كأنك في الارض كل البشر
كأنك درب بغير انتهاء واني خلقتي لهذا السفر

مودتي لك اينما كنتي

[جيجي]

المشاركة الأصلية كتبت بواسطة نزار حسن علي

الكريمة
جيجي

والله انا بالذات ما بقدر علي كلامك ده

اهديك بيت شعر لقاروق جويدة

لماذا اراك علي كل شئ كأنك في الارض كل البشر
كأنك درب بغير انتهاء واني خلقتي لهذا السفر

مودتي لك اينما كنتي

شكرا يانذار
انت اصلك نور شعاع
ديمة ضاوي الدار بريقك
وديمة عارف وين طريقك
وديمة سابق لي رفيقك

برجع لبيت جويدة احاول علني
اقتبس شئيا من شعاعه

[جيجي]

-3-
اتخيل انك
نور ....ونار
في ايد بنيتا قاعدة في ضل التكل
والليل خريف
والمطرة جووووووووووو
والضلمه ساكناه الفريق
والزيف يشق
كيفن تسيب لهبك يخف
كيفن يصير حال البنية لو جمرك يكف

[جيجي]

-4-
اتخيل انك زول طبيب
وانا زي مريض
غاية التعب
كل الفريق من سسترات وممرضات
جارين جري
قيسوا النبض في الثانية كم
شوفوا القلب يمكن وقف
والحمى فوق الاربعين
وغاية الالم
كيفن تسيب قلبا رهيف
لازمله لز
ودرب حنان
وفتيل حبوب
فيتامين امل

[جيجي]

وبدأ التداخل بذاك الجميل

ابوغ......
اتخيلنا عاد جيجي العسل
ليها الفراشات حبت تصل
كل الفراشات من غير نحل
قاصدة الزهور حت لو بصل

واتخيل انك حلة ملاح
وانا عاد بصل
كيفن يكون طبخك مسبك
وزي عسل
وكيفن يكون شكل الملاح فوق الصحن

[فيصل سعد]

المشاركة الأصلية كتبت بواسطة نزار حسن علي

الكريمة
جيجي

والله انا بالذات ما بقدر علي كلامك ده

اهديك بيت شعر لقاروق جويدة

لماذا اراك علي كل شئ كأنك في الارض كل البشر
كأنك درب بغير انتهاء واني خلقتي لهذا السفر

مودتي لك اينما كنتي

غريبة و ما عوايدك
تمر بدون نكتة

الجماعة وين الايام دي
فكوك عكس الهواء ..

تحياتي يا ضو ..

[جيجي]

لماذا اراك علي كل شئ كأنك في الارض كل البشر
كأنك درب بغير انتهاء واني خلقتي لهذا السفر

مودتي لك اينما كنتي

لماذا بروحي
سكبت صنوف االدموع
صفدت الانين
صهرت الالم
كاأنك درب بقاع الجحيم
واني كسيت ذنوب البشر

محاولة خجلى.........لا زلنا نحبو
العذر موصول لك اخي نذار ولفاروق جويدة