** الأستاذ/ محمد وردي ،، الموسيقار الذي يجمل أيامنا طرباً و شجون **

[فيصل سعد]

[align=center][bimg]http://www.sudanyat.org/upload/uploads/wrdi.jpg[/bimg][/align]


[align=center]الفنان الشامخ العظيم، شموخ نيلنا و عظمة نخيلنا، الاستاذ الموسيقار / محمد وردي، لاكثر من 52 عاما ظل مرابطا في خندق عطاء الغناء و الموسيقى الامامي؛ صادحا بالكلمة القوية المعبرة و الالحان الشجية المدوزنة للحب و الشجن، و المشاعرالاحاسيس النبيلة ، تغنى للوطن الحبيب و للحبيبة الوطن، فأستحق بجدارة و علم و عمل و فجر مواهبه حبا لهذا الوطن و انسانه، هذا البوست احتفالا و احتفاء به و بابداعه، و وفاء للذخيرة الغنائية التي فجرها في مسيرته الظافرة على مر الدهور و الاجيال، التي كانت و ما زالت تبادله الحب و الوفاء ..

و في البداية، نغوص مع كلمات الراحل المقيم، الاستاذ الشاعر / محمد عثمان كجراي و رائعته "مافي داعي تقولي مافي"

مافي داعي تقولي مافي
يا الربيع في عطرو دافي
لهفة الشوق في سلامك
في كلامك في غرامك
ماهو خافِ
مافي داعي

إرتعاشاتك بتحكي
قصة أحلامك معاي
وكل خفقة في قلبي نغمة
تحكي ليكي شوقي وهواي
إنت في بهجة شبابك
وحبي ليك من غير نهاية
مافي داعي

قلبي أخضر
و لسة في ريعان شبابو
في حرارة شوقو بيسطر كتابو
شوفي كيف نشوانا
بتتراقص حروفو
كل لحظة شوق
بتتجدد ظروفو
مافي داعي

عشنا في دنيا الصبابة
والسعادة فتحنا بابها
بهجة الدنيا وشبابها
ابتساماتك حبابها
مافي داعي ..


و مع الاستاذ / محمد وردي نتعلم كيف نسمع بالقلب و نتذوق بالحس ..
و كل عام و انتم بخير ..[/align]



[align=center][flash=http://www.youtube.com/v/5M9yvnJrS9Y?&rel=1]WIDTH=400 HEIGHT=350[/flash][/align]

[فيصل سعد]

[align=center]
قلت أرحل
التجاني سعيد

قلت أرحل
أسوق خطواتي
من زولاً نسى الإلفة
أهوِّم ليل
أساهر ليل
أتوه من مرفى لي مرفى
ابدل ريد بعد ريدك
عشان يمكن يكون اوفي
رحلت و جيت
في بعدك لقيت
كل الأرض منفى

عيونك زي سحاب الصيف
تجافي بلاد وتسقي بلاد
وزي فرحاً يشيل
مني الشقا ويزداد
وزي كلمات بتتأوّه
تتوه لمن يجي الميعاد
وزي عيدا غشاني و فات
و عاد عمّ البلد أعياد
وزي فرح البعيد العاد
وزي وطناً وكت اشتاقلو
برحل ليهو من غير زاد
بدون عينيك بصبح زول
بدون ذكرى وبدون ميلاد

زمان الفُرقة والتجريح
بسِيبُو عشان تشيلو الريح
بسيبو عشان صحيح الذكرى
بتوِّه عمرنا صحيح
وانتِ معايا لا بندم
و لا بقضي العمر تبريح
أصلو العمر شوقا ،
و حزنا كان وصبرا كان
فسيح وفسيح
أصلو العمر كان
دربا مشيتو كسيح
وكان غرسا سقيتو بكاء
وقبضت الريح
رحلت وجيت
في بعدك لقيت
كل الأرض منفى [/align]


[align=center][flash=http://www.youtube.com/v/2sQmaLwiNyc?fs=1&rel=1]WIDTH=400 HEIGHT=350[/flash][/align]


[align=center][flash=http://www.youtube.com/v/wz2KmdD2crg?fs=1&rel=1]WIDTH=400 HEIGHT=350[/flash][/align]

[فيصل سعد]

[align=center]
الحزن القديم
عمر الطيب الدوش

ولا الحزن القديم إنتِ
و لا لون الفرح إنتِ
و لا الشوق المشيتْ بيهو
وغلبْنى أقيف
و ما بِنْتِ
ولا التذكار ولا كُنْتِ

بتطْلَعِى إنتِ من غابات
و من وديان...
و منى أنا..
و مِن صحْيَة جروف النيل
مع الموجَة الصباحيَّة
و من شهقَة زهور عطشانَهْ
فوق أحزانهْا متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ

تَجينى معاكْ زمن
أمتِّع نفسى بالدهشَهْ
طبول بتْدُق
و ساحات لى فرح نَوّر
و جمّل للحُزن..ممْشى
و تمشي معاي
خُطانا الإلفَهْ والوحشَهْ
و تمشى معاي... وتْرُوحى
و تمشى معاي وسط روحى
و لا البلْقاهو بِعْرِفنى
و لا بعرِف معاكْ ..روحى[/align]

[align=center][flash=http://www.youtube.com/v/xESNmlSP2p4&rel=1]WIDTH=400 HEIGHT=350[/flash][/align]

[فيصل سعد]

[align=center]
عصافير الخريف
اسحاق الحلنقي

هـجرة عـصافير الـخريف
فـى مـوسم الـشوق الحلو
هـيج رحـيلها مـع الـغروب
احـساس غـلبنى اتـحملو
وكتمت اشواق الحنـيـن
داير الدموع يتـقـلـو
ورجعـت خليت الـدموع
يـنسابو مـنى و يـنزلو
ليـه يا عصافيـر الخريف
خضرة مـشاعـرى
اشيلها صيف
ليـه يا عصافيـر الخريف

تـحت الـغمام شـايف
مـواكب الـهجرة
اتـلاشت سراع
ليه يـا عـصافير ليه الاسف
مين علمك أسف الوداع
وعارف دا ما اول سفر
لبلاد بـعيدة بـدون مـتاع
زى ما بتخافي مـن الرياح
بنخاف كمان انحن الضياع

ليه يا عصافير ليه الضنى
صفقة جناحك احزنها
غـايـب الـسنين الـليلة مالو
غنا العصافير غـلبو
طراهو زولا كان ولوف
كم رضا خاطرو و طيبو
سمع قليبو كـلام حـنين
هـدهد مـشاعرو و دوبـو
الـناس سعيدم فى الـحياة
لا ضاق فراق لا جربو
وانا حالى فى بعد الوطن
دفـعنى ضي العين تمن [/align]


[align=center][flash=http://www.youtube.com/v/vTUFFSHYIrA&rel=1]WIDTH=400 HEIGHT=350[/flash][/align]

[فيصل سعد]

سلامات يا ود الحاج و عيدكم مبارك، كل سنة و انتوا طيبين خيرا و عافية
و محبة،، و رحم الله استاذنا الموسيقار علي ميرغني و احسن اليه، و طبعا
حاج علي كما تحلو لنا تسميته، علم في رأسه نار، و رجل ساهم بجدارة و ريادة
في خارطة الاغنية السودانية، و هو خال اختنا الفاضلة بكندا فائزة الحسن و زوجها
اخونا الكومندان عماد عباس، نعم الجيران، و رفقاء نضال و كفاح و معاناة المنافي
و العمل العام، و اصبحوا لنا اكثر من اهل و اصدقاء لهم التحايا.. انا اعرف
الخال علي ميرغني و الاستاذ احمد المصطفى بحكم صداقتهم لجدنا الراحل زين العابدين
"زينكو"و كانوا ثلاثي لا يفترق في الامسيات،، و الرجل كما تفضلت كان
كذلك استاذنا في قصر الشباب في تجوالنا العشوائي في اجازاتنا المدرسية، و معك
ننتظر ان يسرد لنا الحبيب النور يوسف بعض مسيرته الزاخرة و عطائه الثر، و
في نفس الوقت نواصل في غناء و موسيقى الاستاذ/ محمد وردي و لا نريد ان نخلط
الامور و نشربكها و نشخصنها، هدفنا ابراز غناء باذخ و تليد، و كل رؤيتك و مواقفك
و وجهات نظرك يسعها هذا البوست بكل ترحاب ..

و خليك بالجوار، و نتوقع كذلك مساهمتك
بنادر التسجيلات و نقيها و جيدها ..

يديك العافية ..

[خالد الحاج]

الحبيب الصديق فيصل
كل عام وأنت بألف خير والأسرة الحبيبة
صدقني يا صاحب لم أفكر في الموضوع كشخصنة .
تخيلتك توثق لوردي فقلت أضيف للبوست ما كنت أجمعه لإنصاف الخال المرحوم علي ميرغني
وأظنني أخطأت التصويب فلك العتبي حتى ترضي.
قمت بحذف المداخلات .
محبتي الأكيدة

[nezam aldeen]

وردي ولمن نجي ونقول وردي


ياسلاااااااااام

ياخ أول حاجة أشكرك
حد ماأطربني هذا الوردي .,,,,,

وعن وردي تعال نقول اجمل قصيدة
فيها بيتين من النيل
وتلاتة من الصحراء
وأبرعة من البير
وخمسة الحرازة
زستة من التبلدي
وسبعة من الهشابة
وتمنية من الحفاير
وتسعة من النخلة
ومن عشرة لحدي أربعطاشر من الحبشة
ومن اربعطاشر لحدي مية من أفريقيا
ومن مية لحدي النهاية مني انا بس