بيني....وبين "حميّــد" ....و..."المطرة"

[هيثم علي الشفيع]

العملاق محمد الحسن سالم " حميد" لي معه علاقة لا هي بالوطيدة ولا هي بالسطحية ،تسببت فيها قصيدة أخرى لي ساقوم بنشرها لاحقاً في هذا المنتدى..
في خريف 2007م والذي كان قاسياً على أهلي الطيبين ، فهدم ما هدم من منازل وأتلف ما أتلف من ممتلكات ، وكان النيل في تلك السنة متآمراً مع الأمطار على الشعب المسكين ففاض وأغرق ما شاء..
في ذلك الخريف ، التقيت "حميد " مصادفة في أحد مستوصفات الخرطوم – كلانا يرافق مريضاً – وبعد التحايا تناقشنا لفترة عن الشعر والشعراء و غيرها من المواضيع،وبينما نحن كذلك بدأت الأمطار في الهطول، وكان أن ذهبت لمقابلة الطبيب الذي جئت اليه ، وظنني هو أنني غادرت فأرسل لي sms بها مقطع شعري عن الأمطار .، ولما التقيته بعد خروجي من الطبيب سألني هل استلمت المقطع؟ وأجبته بالإيجاب....فقال لي (الشي دي عافرا.....تمها عليك الله...، غلبني أكملا).......
فكتبت النص القادم عن الحال والمآل في ذلك الخريف وضمنته المقطع الخاص بحميد....

هو لكم الآن :

بتسأل...
والسؤال واقف على حلقك
وقوف حالك
بتسأل عن بلد منسية من ناسا
لاشرقت عليها شموس
ولا داعب ...صباح - بي غلطة – إحساسا
وتسأل عن عيون الناس
وكيف – بي قدرتك ربي – بقت عميانة
لا شافت ولا بتشوف ....سوى موج الحزن غرَّق
جروف أحلاما من ساسا..........ولي ..........راسا
.......
......
محاصر ..
لا طريق تمشيهو .... لاترجع
مطر..........فيضان
نزل فوقك......
على الخوف السكن جوّة المسام عشعش
ملاك أحزان
محاصر...
من جهاتا الستة يا مسكين:-
شروقك .......نوح
وغربك مافي قيفة تلوح
شمالك..........غم
جنوبك ديدبان الهم
سماك .......مقدود
وأرضك – حول لا قوة –
ممدد زي حشاك مهرود
.........مذلة ......هوان.
ووين تمشي؟؟؟
تقبِّل وين؟؟؟؟
...كأنها حتى هي انسخطت : -
بدل كانت ...:
كما وحي السما بتنزل
........دوام بالخير علي بلادك
كما لحن الخلود يعزف
...........تخاها رخا على اولادك
رذاذ ......عشاق
خدار.......مشتاق
نغم يرويلو كم عطشان
بقت مرّة طعم غصة.........تهد لي الجايي فيك والكان
تشوِّه ذكرياتا معاك
تنشِّز كل غناوي زمان:

(نغني تملِّي للمطرة

رشيعتا نبدا ننجارى

تارة نصن تحت شدرة

وتحت كفة يدين تارة

فهل خوفاً علي طينّا

أم أنّ الطينة تاوارة

جدل ياخلقة المخلوق

حكاية الموجة والسارة)*

............أو ...ال....طوفان...
وتتمدد..
كما جبل الهموم فوقك
خراب من كسلا لي بارا
....تقيف.............تسمع:
(نغني....تملّي...) ...لا ...لا اسكت

(بقينا نخاف من المطرة
رشيعتا كيّة بي نارا
تارة حيطنا تتوقع
وسيل يلفح عفش تارة
فهل نقنع من الحاضر
ام انّ النفس أمّارة
وجل يا روح خلق مخلوق
وحل ورّانا أسرارا)

.............أو ....ال..غثيان
.....
أمش آخوي
أمش لا تقيف
وما ترجاها تستناك،،،،،،،،أصل لي عندها وأسأل:
متين آدنيا نتصالح؟؟
متين تديني كل حقي؟؟
متين بالبسمة نتصابح؟؟؟
أجر آخوي
أجر لا تقيف وقوف حالك
......
وشيل نفسك
وعلِّم لي زمانك كيف ...
إرادتك فوق قساويهو
.......بتبني من الخراب أوطان
إرادتك يافجر نرجاهو وان طوّل.....
كما نجم السما – تضوِّي- .....وتزيدو الضلمة في اللمعان
كتلك الكان يمين موسى
بتلقف أي كيد صنعو
عدوك وعدوها وين ما كان
كما العنقاء
بتطلع من رماد احباطنا..، تحضن لي حلمنا تطير
ويفضل فينا..
لا بنفارقو يوم في نوم ....ولا صحيان
إرادتك يا حلمنا تظل
وتفضل فينا
لابتفوتنا يوم في نوم
ولا صحيان.

- بحري 8/8/2007م-

*المقطع لمحمد الحسن سالم(حميد)

[طارق الحسن محمد]

تشابه علينا الجمال

افرز يازول

مودتى هيثم

[هيثم علي الشفيع]

اقتباس:
المشاركة الأصلية كتبت بواسطة طارق الحسن محمد
تشابه علينا الجمال

افرز يازول





يااااااااااااااا أستاذ طارق

الكلام دة كتير باللحيل علي...

أنا؟؟ بكتب كلام بيشبه كلام "حميد"!!؟؟؟؟؟

آآآآآآآآآآآآآآآآآآآآآآمين

ومن يوم الليلة كان قالوا ليك هيثم كرعينو بقن ما بيصلن الواطة ...تعرف روحك السبب

[أسامة معاوية الطيب]

اقتباس:
المشاركة الأصلية كتبت بواسطة هيثم علي الشفيع









–

:

(نغني تملِّي للمطرة

رشيعتا نبدا ننجارى

فهل خوفاً علي طينّا

أم أنّ الطينة تاوارة

بتطلع من رماد احباطنا..، تحضن لي حلمنا تطير

)

هيثم يا رايق
هذا الحميد أسهل من يكتب أصعب الشعر
انا غايتو لو اداني أبيات اتمها ... اتم شنو ياخي ؟ اتم شنو ؟ هو عندو ابيات ناقصة أصلا ؟
القصيدة أجمل ما عجبني فيها انها ما بتشهبك ... مرقك حميد دا من جلدك ...
ياخي دا كلام جميل جمال ... لا حولااااااا

[هيثم علي الشفيع]

اقتباس:
المشاركة الأصلية كتبت بواسطة أسامة معاوية الطيب
القصيدة أجمل ما عجبني فيها انها ما بتشهبك ... مرقك حميد دا من جلدك ...
ياخي دا كلام جميل جمال ... لا حولااااااا



أسامة يا معاوية

لعلك تعلم أن رأيك يهمني جداً فيما أكتب
ولما كان ذلك كذلك
فقد سعدت أيما سعادة بما خططت

عظيم ودي والتقدير

[هيثم علي الشفيع]

مشيت أبحِّت في حاجاتي القديمة

لقيت ليك الناس مااااااااااااااااا هببتْ لي الشي دي لمن نزلتها
(كتّر خير طارق الحسن وأسامة معاوية)

قلت النبقى "لحوح" شوية ونمرقا لي برة

يمكن يغيروا رايُنْ

[محمد حسن الشيخ العالم]

اقتباس:
المشاركة الأصلية كتبت بواسطة هيثم علي الشفيع
...كأنها حتى هي انسخطت : -
بدل كانت ...:
كما وحي السما بتنزل
........دوام بالخير علي بلادك
كما لحن الخلود يعزف
...........تخاها رخا على اولادك
رذاذ ......عشاق
خدار.......مشتاق
نغم يرويلو كم عطشان
بقت مرّة طعم غصة.........تهد لي الجايي فيك والكان
تشوِّه ذكرياتا معاك
تنشِّز كل غناوي زمان:

(نغني تملِّي للمطرة

رشيعتا نبدا ننجارى

تارة نصن تحت شدرة

وتحت كفة يدين تارة

فهل خوفاً علي طينّا

أم أنّ الطينة تاوارة

جدل ياخلقة المخلوق

حكاية الموجة والسارة)*

تماهي يداعب كالزذاذ
وسمو يطرق باب الغيم
هيثم : حميد قامة وقمة
وانت لا تقل ارتفاعا

اتمنى الا ينحصر هذا الابداع في موسم اللقاءات الصدفة
جود علينا
فنحن احباب الحروف

سلمت

[سمراء]

والله ياهيثم بقوله ليك
انا كلامك ده لابقدر ارد عليك ولا شى
ده كلام بخلى الزول ذى المجذوب
كلام فاق حد الابداع
اننا لله ياخ
وكمان حميد !!

[هيثم علي الشفيع]

المشاركة الأصلية كتبت بواسطة سمراء

انا كلامك ده لابقدر ارد عليك ولا شى

أيا سمــــــــــــــــــــــراء

وحاة سيدي علي بتقدري

بس قولي بسم الله

شكرن"بالنون" على الكلام السمح باللحيل

[الرشيد اسماعيل محمود]

هيثم..
بالله..!!
سمراء ماقالت إلا الصدق..
ياسلام عليك..
والنص..بينك وحميد والمطرة..مرآة عاكسة ولسان تذوق طعم الاشياء
قبل وبعد..وتحول بوصلة المذاق في عالم يتحرَك كل لحظة..
فهل حقائق الطبيعة ايضا تتغير أم هي فقط المذاقات..؟؟
ولكني أري أنَه:
بينك والجمال نفاج..
وبينك والنسيم همسة..
جميل ياخي..
اكتب اكتب..
وذلك دأب الشعراء القلقين..
يديك العافية ياهيثم.

[هيثم علي الشفيع]

المشاركة الأصلية كتبت بواسطة الرشيد اسماعيل محمود

فهل حقائق الطبيعة ايضا تتغير أم هي فقط المذاقات..؟؟

وإن وجدت يا عزيزي إجابة فالحقني بها

فقد أرهقني هذا التساؤل كثيراً في اليومين السابقين ولما أقتنع باجاباتي

[هيثم علي الشفيع]

المشاركة الأصلية كتبت بواسطة محمد حسن الشيخ العالم

اتمنى الا ينحصر هذا الابداع في موسم اللقاءات الصدفة
جود علينا
فنحن احباب الحروف

محمد ياابن العالم

أتمناها مثلك ...، الاّ أنتظر المصادفات وقبلها ألاّ أوصف بالبخل

والحمدلله الذي جعلكم أحباباً للحرف وجعلني أحبه وأحب من أحبه

عظيم مودتي

[هيثم علي الشفيع]

المشاركة الأصلية كتبت بواسطة هيثم علي الشفيع

العملاق محمد الحسن سالم " حميد" لي معه علاقة لا هي بالوطيدة ولا هي بالسطحية ،تسببت فيها قصيدة أخرى لي ساقوم بنشرها لاحقاً في هذا المنتدى..
في خريف 2007م والذي كان قاسياً على أهلي الطيبين ، فهدم ما هدم من منازل وأتلف ما أتلف من ممتلكات ، وكان النيل في تلك السنة متآمراً مع الأمطار على الشعب المسكين ففاض وأغرق ما شاء..
في ذلك الخريف ، التقيت "حميد " مصادفة في أحد مستوصفات الخرطوم – كلانا يرافق مريضاً – وبعد التحايا تناقشنا لفترة عن الشعر والشعراء و غيرها من المواضيع،وبينما نحن كذلك بدأت الأمطار في الهطول، وكان أن ذهبت لمقابلة الطبيب الذي جئت اليه ، وظنني هو أنني غادرت فأرسل لي sms بها مقطع شعري عن الأمطار .، ولما التقيته بعد خروجي من الطبيب سألني هل استلمت المقطع؟ وأجبته بالإيجاب....فقال لي (الشي دي عافرا.....تمها عليك الله...، غلبني أكملا).......
فكتبت النص القادم عن الحال والمآل في ذلك الخريف وضمنته المقطع الخاص بحميد....

هو لكم الآن :

بتسأل...
والسؤال واقف على حلقك
وقوف حالك
بتسأل عن بلد منسية من ناسا
لاشرقت عليها شموس
ولا داعب ...صباح - بي غلطة – إحساسا
وتسأل عن عيون الناس
وكيف – بي قدرتك ربي – بقت عميانة
لا شافت ولا بتشوف ....سوى موج الحزن غرَّق
جروف أحلاما من ساسا..........ولي ..........راسا
.......
......
محاصر ..
لا طريق تمشيهو .... لاترجع
مطر..........فيضان
نزل فوقك......
على الخوف السكن جوّة المسام عشعش
ملاك أحزان
محاصر...
من جهاتا الستة يا مسكين:-
شروقك .......نوح
وغربك مافي قيفة تلوح
شمالك..........غم
جنوبك ديدبان الهم
سماك .......مقدود
وأرضك – حول لا قوة –
ممدد زي حشاك مهرود
.........مذلة ......هوان.
ووين تمشي؟؟؟
تقبِّل وين؟؟؟؟
...كأنها حتى هي انسخطت : -
بدل كانت ...:
كما وحي السما بتنزل
........دوام بالخير علي بلادك
كما لحن الخلود يعزف
...........تخاها رخا على اولادك
رذاذ ......عشاق
خدار.......مشتاق
نغم يرويلو كم عطشان
بقت مرّة طعم غصة.........تهد لي الجايي فيك والكان
تشوِّه ذكرياتا معاك
تنشِّز كل غناوي زمان:

(نغني تملِّي للمطرة

رشيعتا نبدا ننجارى

تارة نصن تحت شدرة

وتحت كفة يدين تارة

فهل خوفاً علي طينّا

أم أنّ الطينة تاوارة

جدل ياخلقة المخلوق

حكاية الموجة والسارة)*

............أو ...ال....طوفان...
وتتمدد..
كما جبل الهموم فوقك
خراب من كسلا لي بارا
....تقيف.............تسمع:
(نغني....تملّي...) ...لا ...لا اسكت

(بقينا نخاف من المطرة
رشيعتا كيّة بي نارا
تارة حيطنا تتوقع
وسيل يلفح عفش تارة
فهل نقنع من الحاضر
ام انّ النفس أمّارة
وجل يا روح خلق مخلوق
وحل ورّانا أسرارا)

.............أو ....ال..غثيان
.....
أمش آخوي
أمش لا تقيف
وما ترجاها تستناك،،،،،،،،أصل لي عندها وأسأل:
متين آدنيا نتصالح؟؟
متين تديني كل حقي؟؟
متين بالبسمة نتصابح؟؟؟
أجر آخوي
أجر لا تقيف وقوف حالك
......
وشيل نفسك
وعلِّم لي زمانك كيف ...
إرادتك فوق قساويهو
.......بتبني من الخراب أوطان
إرادتك يافجر نرجاهو وان طوّل.....
كما نجم السما – تضوِّي- .....وتزيدو الضلمة في اللمعان
كتلك الكان يمين موسى
بتلقف أي كيد صنعو
عدوك وعدوها وين ما كان
كما العنقاء
بتطلع من رماد احباطنا..، تحضن لي حلمنا تطير
ويفضل فينا..
لا بنفارقو يوم في نوم ....ولا صحيان
إرادتك يا حلمنا تظل
وتفضل فينا
لابتفوتنا يوم في نوم
ولا صحيان.

- بحري 8/8/2007م-

*المقطع لمحمد الحسن سالم(حميد)

المناظر هيّ ذااااااااااااااااتا
والصور ...نفس المشاهد

[هيثم علي الشفيع]

المشاركة الأصلية كتبت بواسطة هيثم علي الشفيع

شكلو البوست دة حيكون مقرر ليكم.....

(حبة ..كل.....مطرة)

المشاركة الأصلية كتبت بواسطة هيثم علي الشفيع

المناظر هيّ ذااااااااااااااااتا
والصور ...نفس المشاهد

مش قلت ليكم ...

حبة كلّ مطرة ....و.............سيل!؟؟