الي أشتر يا صاحب الحُزن النبيل

محمد مصطفي · 25-02-2011, 12:38 AM

ثم ماذا بعد هذا يا صاحبي
لو بكينا خالد الحاج مليون عام لما اكتفينا
وما بتغسل دموعنا حزن مكن كل الدواخل فينا
ما دام مكتوب من رب العزة يا أشتر نحن رضينا
فاخرج الينا نحمل عنك بعض ما تحتويه نفسك من حزن أليم
يا صاحبي ...
هذه الحياة علي امتداد الطريق لنا فيها محطات ... الي ان يحين موعدنا
محطتنا الخالدة هنا حين التقيناكم ورزقنا الله كل هذا الود فيكم ............
فلا تحرمنا ودادك والتواصل ... ولن تجني بانفرادك حاملاً آهات ذكراك الجميلة
لرجل حملنا في عالمه الجميلة وظللنا بكل الحب وجمع التضاد في السياسة والفكرة والاعتقاد
يا أشتر ...
تعال يا صاحب الكلمات ... تعال قول لينا عن حزنك .. وعن ليلك .. وكيف بتعيشو انت براك
يا زول كفاك .. ما تسكن الألم بين مسامك وفكرتك .. ولا تجعل مذاق حياتك آهة
فخالد يستحق حزنك ... ولكن الحياة تستحق ان نعيشها حتي نكمل مسيرته
هو نداء العودة يا الحبيب
تعال نتشارك الاحزان وبرضو نعيش تعال يا زول

الرشيد اسماعيل محمود · 25-02-2011, 02:57 PM

محمد مصطفي تحيّاتي..
شكراً ياصاحب..
فقد قلتَ كلَّ ما في الخاطر..
فقط لو نسمو قليلاً فوق جراحنا الكبيرة..
فقط.
تحيّاتي وعزائي أشتر.

الجيلى أحمد · 25-02-2011, 04:18 PM

تحياتى يامحمد,

وعبرك التحية لصديقنا أشتر..
كنا والله بالأمس فى سيرته مع سارة وعم رأفت ..

فياأشتر ياصديقنا
تلك سنة الحياة ,
فعد ياصاحبى
لاذال فى النشيد بقية

مرافي · 25-02-2011, 06:54 PM

سيتعافى من حزنه ويعود أكثر املاً يا محمد

بس انتوا ما عارفنو اشتر في كل شيء....

طارق الحسن محمد · 25-02-2011, 08:48 PM

اقتباس:

المشاركة الأصلية كتبت بواسطة مرافي

سيتعافى من حزنه ويعود أكثر املاً يا محمد

بس انتوا ما عارفنو اشتر في كل شيء....

حزنه عجيب
وحقو براه
اشتر زول
براه
سوف يعود حين يعود

محمد مصطفي · 25-02-2011, 10:28 PM

اقتباس:

اقتباس:
المشاركة الأصلية كتبت بواسطة طارق الحسن محمد

حزنه عجيب
وحقو براه
اشتر زول
براه
سوف يعود حين يعود

بما انك جيت يا طارق
شايل حزنك وكابا دموعك
جيت تقالد حروف الناس والكلمات
اكيد ارتحت ....
هي نفسها
علي أشتر ان يكون هنا
لو ارد تضميد الجراح
فلن تتوقف الحياة ... ولا هي آخر محطات الموت
الي أشتر ...
ارجع ياخ

محمد مصطفي · 25-02-2011, 10:25 PM

اقتباس:

اقتباس:
المشاركة الأصلية كتبت بواسطة مرافي

سيتعافى من حزنه ويعود أكثر املاً يا محمد

بس انتوا ما عارفنو اشتر في كل شيء....

مرافينا .... تحياتي وودي
نأمل ان يتعافي قريباً ويعود
فنحن في اشد الحوجة للجميع
وأشتر فينا ذو شأن ومعني
فخلينا نقول ليهو
بطل شتارة ياخي وتعال
كفاية كده ..........

محمد مصطفي · 25-02-2011, 10:22 PM

اقتباس:

اقتباس:
المشاركة الأصلية كتبت بواسطة الجيلى أحمد

تحياتى يامحمد,

وعبرك التحية لصديقنا أشتر..
كنا والله بالأمس فى سيرته مع سارة وعم رأفت ..

فياأشتر ياصديقنا
تلك سنة الحياة ,
فعد ياصاحبى
لاذال فى النشيد بقية

كل التحايا الجيلي
نعم .....
ما زال للنشيد بقية
ننتظر عودته ....

محمد مصطفي · 25-02-2011, 10:20 PM

اقتباس:

اقتباس:
المشاركة الأصلية كتبت بواسطة الرشيد اسماعيل محمود

محمد مصطفي تحيّاتي..
شكراً ياصاحب..
فقد قلتَ كلَّ ما في الخاطر..
فقط لو نسمو قليلاً فوق جراحنا الكبيرة..
فقط.
تحيّاتي وعزائي أشتر.

الرشيد تحياتي يا صاحب
وينك مُختفي .... فقدناك
قالو لي ضاربين القرير جناين وموية
وجيتو انتو بي وجوهكم السمحة واكتلمت الاية
وكلنا بذات الصوت
الي أشتر ,,, عود يا صاحب

أشتر · 02-03-2011, 11:24 AM

اقتباس:

المشاركة الأصلية كتبت بواسطة الرشيد اسماعيل محمود

محمد مصطفي تحيّاتي..
شكراً ياصاحب..
فقد قلتَ كلَّ ما في الخاطر..
فقط لو نسمو قليلاً فوق جراحنا الكبيرة..
فقط.
تحيّاتي وعزائي أشتر.

إتا موش قتا جراحنا الكبيرة دي احنا البقيناها بهذه الدرجة من السمو ...
اساسا الجراح دي لو ما جابت دمها ما بنشيل همها ...
دي جراح ارتوازية ياخ ... لو نسيتا بتجي نابلة ليك براها في أي لحظة تكسر فيك ركبة أو تطفج فيك مخروقة ...
الوجدان دا ما عندو علاقة نهائي بكنترولاتنا الفشنك دي ...
قال ليك الجعلي قلع جلابيتو ووقف نص الحفلة اخد ليو كم سوط ...
وبالليل خالص قبل ينوم سأل نفسو ...
الكان جابرني شنو ساااي بس !!!!
تقول شنو !!!
لكن مافي علاقة بين قصتي القطعتها من راسي دي وبين الاحاسيس الآكتيف الـ بنمسو بيها عاااادي ...
ياخ خلينا نسمو بيها وين المشكلة ...
هو لو ما سمونا بيها القاعدين ليها شنو ...
هو ذاتو لو ما اشتغلتا بيها تلقى روحك سموت بها ...
لكن في نفس اللحظة ماب نقدر نقول ليها انسينا ...
دي والله غسول الروح من درن كتير ...
ياخ الأوجاع دي بتحسسك انك في .. وساري المفعول .. وزي ما بظهر ضعفنا في اضعف صورو كمان بتلقى الشهامة ذااااتا تجيك مطفرة من وين ما تعرف ..
هي المسأله موش مسام نشط وعروق فيها خير ... ينشّف ريقا اللحظة المرة .. وتنتح لو (..........)
اعتقد دا تفاعل طبيعي مع مستجدات الدنيا وطقس الحاجات المميز .. والـ زي الواطة دي ...
ولّ شنو ؟؟؟ ( دا ما سؤال جرجرة لكن حبيت اقول العندي وامضي في الحال)

محمد مصطفي · 26-02-2011, 12:51 PM

لسة ما رجع

سمراء · 27-02-2011, 08:11 AM

هو أشتر غائب !!!!
كدى اتحسس حولك يامحمد ..بتلقاهو
اشتر ده طيف
ياهو داك واقف وعاصر على قلبو وماسك ركائز سودانيات
واقف ورافع فوق راسو الامانة التقيلة
واقع بين نارين ...
قلبو ...وعقلو
ارادتو ...والامانة
لو عليهو ماداير يفتح سودانيات عشان مايفتح نار جواهو
بس مغصوب بحب الخال وحب عشمو فوقو ...
اشتر للزول البعرفو ، انسان من طينة مختلفة
مكوناته خلاصية
ربنا يقدرو

هيفاء عبدالستار · 27-02-2011, 06:09 PM

محمد مصطفي كيفنك ..

أبو عاقله يا خوي ..

شايلنّو الحزن في الجوف

علي خالد ...تقل شيلنا ..

لكن نسوى شنو هذا ما قاله القدر ..

نبكي وتسير بنا الحياه ..

تعال .....

محمد مصطفي · 02-03-2011, 02:33 AM

اقتباس:

اقتباس:
المشاركة الأصلية كتبت بواسطة هيفاء عبدالستار

محمد مصطفي كيفنك ..

الجميلة هيفاء
خالص الود والتحايا وكل الشوق
بوجودكم انا ديمة طيب

محمد مصطفي · 02-03-2011, 03:27 AM

أشتر .... يا أشتر
اناديلك فتُبكيني ...
لساك موجوع والوجع ما زاد طريقاً زين ... شن بنسوي لو الزمن بقي شين
مستفين بيك في جوانا ... في حدقاتنا ... وفي ودالعين وبيك حاسين يا زول
حقك تكابس في الكواليس عشان نتوهط في قعدتنا لكنك عارف يا الحبيب براك ما بتحلي قعدتنا
حقنا فيك لما نفتش في البوستات عن حاجاتك في كل صباح ده حقنا منك وحق شرعي
ده الحق الفرضتو مودتنا وسماحة حرفك النديان ... وحتي لو الكلام صبح حزنان
ما تديرنا من وراء الظلام ات زولاً ضؤ وحرفك نور
اشتر ...
اول مرة راسلتك في الخاص قلت لي ابقي عشرة علي الصلاة
عرفت عمق ايمانك والايمان مصدر قوانا والدنيا ساقية .....
شوف حرفك صانع الود البيني وبينك وبينك وبين كل الناس الحبت قولك
يا اشتر ... لن تبقينا الدنيا ان طال حزننا فيها ... ولا حتي لو زاد الفرح قيراط
عرفت ليه بنغني للزمن وبنقول ليهو وقف شوية ...
وقف شوية عشان نمتع روحنا بي لمة حبايبنا
وقف شوية عشان الموت ما احكم مصايرنا
وقف شوية عشان نتلاقي بي ريدنا النسجنا حرف
وقف شوية عشان البينا خالص ريدة وحب ... وولف
ياخ وقف
وبرضو ما بقيف .. ندعي ليهو وندعي عليهو وبرضو ماشي وشايت شوتو
هي الدنيا دي شنو يا أشتر ؟
تصدق يا ود ابوعاقلة نفسي اجاوب السؤال لي زمن ولسة ما مرت في الخاطر اجابة
تعرف يا اشتر ... رغم اني تميت قراية ردك ما بين الدموع وكان حزنك مدادك
بس ياخي برضو بركة انك بتقرانا وجيت تكتب
ياخ تعال اكتب
تعال ورينا شكل الكتابة في موسمها الجديد ... تعال قالدنا بي حرفك
تعال ابكيهو فراق صاحبك ... تعال خلينا نبكي معاك .. تعال تلقانا ديمة حداك
تعال اكتب

25-02-2011, 12:38 AM	#[1]
محمد مصطفي :: كــاتب نشــط::	الي أشتر يا صاحب الحُزن النبيل ثم ماذا بعد هذا يا صاحبي لو بكينا خالد الحاج مليون عام لما اكتفينا وما بتغسل دموعنا حزن مكن كل الدواخل فينا ما دام مكتوب من رب العزة يا أشتر نحن رضينا فاخرج الينا نحمل عنك بعض ما تحتويه نفسك من حزن أليم يا صاحبي ... هذه الحياة علي امتداد الطريق لنا فيها محطات ... الي ان يحين موعدنا محطتنا الخالدة هنا حين التقيناكم ورزقنا الله كل هذا الود فيكم ............ فلا تحرمنا ودادك والتواصل ... ولن تجني بانفرادك حاملاً آهات ذكراك الجميلة لرجل حملنا في عالمه الجميلة وظللنا بكل الحب وجمع التضاد في السياسة والفكرة والاعتقاد يا أشتر ... تعال يا صاحب الكلمات ... تعال قول لينا عن حزنك .. وعن ليلك .. وكيف بتعيشو انت براك يا زول كفاك .. ما تسكن الألم بين مسامك وفكرتك .. ولا تجعل مذاق حياتك آهة فخالد يستحق حزنك ... ولكن الحياة تستحق ان نعيشها حتي نكمل مسيرته هو نداء العودة يا الحبيب تعال نتشارك الاحزان وبرضو نعيش تعال يا زول التعديل الأخير تم بواسطة محمد مصطفي ; 25-02-2011 الساعة 01:20 AM.
محمد مصطفي :: كــاتب نشــط::	التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي أشواق يضحك الفجر لها وتضمها مدائن الفرح اشراق ضرار ستبقي في قلوبنا ابداً يا خال

25-02-2011, 02:57 PM	#[2]
الرشيد اسماعيل محمود :: كــاتب نشــط::	محمد مصطفي تحيّاتي.. شكراً ياصاحب.. فقد قلتَ كلَّ ما في الخاطر.. فقط لو نسمو قليلاً فوق جراحنا الكبيرة.. فقط. تحيّاتي وعزائي أشتر.
الرشيد اسماعيل محمود :: كــاتب نشــط::

25-02-2011, 04:18 PM	#[3]
الجيلى أحمد :: كــاتب نشــط::	تحياتى يامحمد, وعبرك التحية لصديقنا أشتر.. كنا والله بالأمس فى سيرته مع سارة وعم رأفت .. فياأشتر ياصديقنا تلك سنة الحياة , فعد ياصاحبى لاذال فى النشيد بقية
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

25-02-2011, 06:54 PM	#[4]
مرافي :: كــاتب نشــط::	سيتعافى من حزنه ويعود أكثر املاً يا محمد بس انتوا ما عارفنو اشتر في كل شيء....
مرافي :: كــاتب نشــط::	التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame]

26-02-2011, 12:51 PM	#[11]
محمد مصطفي :: كــاتب نشــط::	لسة ما رجع
محمد مصطفي :: كــاتب نشــط::	التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي أشواق يضحك الفجر لها وتضمها مدائن الفرح اشراق ضرار ستبقي في قلوبنا ابداً يا خال

27-02-2011, 08:11 AM	#[12]
سمراء :: كــاتب نشــط::	هو أشتر غائب !!!! كدى اتحسس حولك يامحمد ..بتلقاهو اشتر ده طيف ياهو داك واقف وعاصر على قلبو وماسك ركائز سودانيات واقف ورافع فوق راسو الامانة التقيلة واقع بين نارين ... قلبو ...وعقلو ارادتو ...والامانة لو عليهو ماداير يفتح سودانيات عشان مايفتح نار جواهو بس مغصوب بحب الخال وحب عشمو فوقو ... اشتر للزول البعرفو ، انسان من طينة مختلفة مكوناته خلاصية ربنا يقدرو
سمراء :: كــاتب نشــط::	التوقيع:

27-02-2011, 06:09 PM	#[13]
هيفاء عبدالستار :: كــاتب نشــط::	محمد مصطفي كيفنك .. أبو عاقله يا خوي .. شايلنّو الحزن في الجوف علي خالد ...تقل شيلنا .. لكن نسوى شنو هذا ما قاله القدر .. نبكي وتسير بنا الحياه .. تعال .....
هيفاء عبدالستار :: كــاتب نشــط::	التوقيع: [frame="7 80"][align=center]إني مهرتك خافقي فافرد ذراعيك احتويني[/align] [align=left]هيفاء[/align][/frame]

02-03-2011, 03:27 AM	#[15]
محمد مصطفي :: كــاتب نشــط::	أشتر .... يا أشتر اناديلك فتُبكيني ... لساك موجوع والوجع ما زاد طريقاً زين ... شن بنسوي لو الزمن بقي شين مستفين بيك في جوانا ... في حدقاتنا ... وفي ودالعين وبيك حاسين يا زول حقك تكابس في الكواليس عشان نتوهط في قعدتنا لكنك عارف يا الحبيب براك ما بتحلي قعدتنا حقنا فيك لما نفتش في البوستات عن حاجاتك في كل صباح ده حقنا منك وحق شرعي ده الحق الفرضتو مودتنا وسماحة حرفك النديان ... وحتي لو الكلام صبح حزنان ما تديرنا من وراء الظلام ات زولاً ضؤ وحرفك نور اشتر ... اول مرة راسلتك في الخاص قلت لي ابقي عشرة علي الصلاة عرفت عمق ايمانك والايمان مصدر قوانا والدنيا ساقية ..... شوف حرفك صانع الود البيني وبينك وبينك وبين كل الناس الحبت قولك يا اشتر ... لن تبقينا الدنيا ان طال حزننا فيها ... ولا حتي لو زاد الفرح قيراط عرفت ليه بنغني للزمن وبنقول ليهو وقف شوية ... وقف شوية عشان نمتع روحنا بي لمة حبايبنا وقف شوية عشان الموت ما احكم مصايرنا وقف شوية عشان نتلاقي بي ريدنا النسجنا حرف وقف شوية عشان البينا خالص ريدة وحب ... وولف ياخ وقف وبرضو ما بقيف .. ندعي ليهو وندعي عليهو وبرضو ماشي وشايت شوتو هي الدنيا دي شنو يا أشتر ؟ تصدق يا ود ابوعاقلة نفسي اجاوب السؤال لي زمن ولسة ما مرت في الخاطر اجابة تعرف يا اشتر ... رغم اني تميت قراية ردك ما بين الدموع وكان حزنك مدادك بس ياخي برضو بركة انك بتقرانا وجيت تكتب ياخ تعال اكتب تعال ورينا شكل الكتابة في موسمها الجديد ... تعال قالدنا بي حرفك تعال ابكيهو فراق صاحبك ... تعال خلينا نبكي معاك .. تعال تلقانا ديمة حداك تعال اكتب
محمد مصطفي :: كــاتب نشــط::	التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي أشواق يضحك الفجر لها وتضمها مدائن الفرح اشراق ضرار ستبقي في قلوبنا ابداً يا خال