تضامناً مع رأفت ميلاد وآخرين ... عايزين تضامن ياخوانا

[زول الله]

المشاركة الأصلية كتبت بواسطة رأفت ميلاد

سلامات يا جماعة...
طلبت مراجعة موضوع (المنتدى الإجتماعى) من الأساس ..
وتمت صهينة تامة (طبعاً ما من الإدارة) .. لأنها ليست مخاطبة بالإقتراح
.. بل (الأعضاء) ..
كان لقيت مثنى وعدد من المؤيدين ..
بطلع الشارع طوالى وأخلى الإدارة فى حيص بيص
عموماً لا زلت مقاطعاً (المنتدى الإجتماعى)

سلامات يامقدس
طبعاً ماشفت موضوعك البتتكلم عنه لكن أُثني وأُثلث
ومتضامن معاك في المقاطعة للطيش من هسه ولي قداااام
وسببي انو الحوار العام هو أول صفحة تقابل الواحد في سودانيات وبعدها مابشوف
بل بعض الأعضاء-وأنا أولهم- يعتبر الحوار العام الصفحة الرئيسية في المتصفح
أول شيء ياخد لفه لفتين في سودانيات ومعاها كباية شاي وبعد داك يشوف شغلو ومشغولياتو

الإجتماعي مهم لكن عدد مرتاديه لايؤهله لمنافسة الحوار كـ صفحة رئيسية في البورد
وبالطريقة دي الناس بتدخل في لوم وتقصير في حق البعض في التهاني والتعازي لاسمح الله

أقترح ضم الإجتماعي مع الحوار في منتدى واحد يُسمى (المنتدى العام)

علينا جاي









اقول قولي هذا واستغفر الله لي ولك ياخالد الحاج..............

[فتحي مسعد حنفي]

أوافق وكفي الله المؤمنين شر القتال..ياخ أنا في الأول فرحت قلت رأفت هسة يكون معلق من كرعيهو وبجلدو فيهو ناس الأمن

[ابرا]

انا معاك الا حكاية متضامن دي عندي فوقا راي يا زول الله

[زول الله]

المشاركة الأصلية كتبت بواسطة زول خرافي

انا معاك الا حكاية متضامن دي عندي فوقا راي يا زول الله

يازول معيتك مقبولة تب إلا رأيك دا قولو لي سيدو

زول خرافي مشكور على الدعم والمساندة
يديك العافية












اقول قولي هذا واستغفر الله لي ولك ياخالد الحاج................

[زول الله]

المشاركة الأصلية كتبت بواسطة فتحي مسعد حنفي

أوافق وكفي الله المؤمنين شر القتال..ياخ أنا في الأول فرحت قلت رأفت هسة يكون معلق من كرعيهو وبجلدو فيهو ناس الأمن

أول تضامن من ركن أساسي يابوالفتوح يديك العافية ياخ
الزول دا قال عايز متضامنين عشان يطلع الشارع
بس ماورانا ياتو شارع لحد هسه ...
يكون خايف من التعليقة دي ؟؟











اقول قولي هذا واستغفر الله لي ولك ياخالد الحاج...............

[الرشيد اسماعيل محمود]

لا أوافق..
فقط أعتقد أنه يجب تحديد الأساس الذي بموجبه يتم نقل البوستات للإجتماعي..
درءاً للتساؤلات المتكررة.
وجود منتدي إجتماعي بالضرورة يصب في مصلحة تطوير منتدي الحوار..
حفظاً لمنتدي الحوار من تغول مساحات الإجتماعيات علي روحه..
ليس مهماً أن يري الآخرون عاطفتنا تجاه بعض..
المهم هو إحساسنا نحن بها.
و..
سلامات زول الله.

[زول الله]

المشاركة الأصلية كتبت بواسطة الرشيد اسماعيل محمود

لا أوافق..
فقط أعتقد أنه يجب تحديد الأساس الذي بموجبه يتم نقل البوستات للإجتماعي..
درءاً للتساؤلات المتكررة.
وجود منتدي إجتماعي بالضرورة يصب في مصلحة تطوير منتدي الحوار..
حفظاً لمنتدي الحوار من تغول مساحات الإجتماعيات علي روحه..
ليس مهماً أن يري الآخرون عاطفتنا تجاه بعض..
المهم هو إحساسنا نحن بها.
و..
سلامات زول الله.

رشيدنا كيفنك وعساك فاين ياخ
احترم رؤيتك جداً واخالفك بعضها
اعتقد ان الإجتماعي وأساسيات تغذيته بالبوستات واضحة ومتفقين فيها
لكن الإختلاف في عدد رواد وزوار القسم التي تنعكس على فعاليته في المنتدى
مثلاً اذا كان البوست فيه اقل من ستة مداخلات يمكن لصاحبه طلب حذفه - أو قريبا من هذا
المثال أعلاهـ -كـ تشبيه- ممكن ينطبق على الإجتماعي في حال عدد مشاهداته
اظنك لم تنس بوست نبراس عندما وضعت إيميل للتعازي لغير الأعضاء
البوست دا ممكن يُصنف بإعتبارو إجتماعي بحت
فإذا كان موجود في الإجتماعي - مثلاً - مين من غير الاعضاء كان حيلاحظ وجودو؟؟

كمان أعتقد أن روح الحوار تكمن في البوست وعمق فكرته نفسها وإدارة كاتبه له
وليس مكان وجوده في أقسام المنتدى
وللا شنو ؟؟













اقول قولي هذا واستغفر الله لي ولك ياخالد الحاج.................

[رأفت ميلاد]

المشاركة الأصلية كتبت بواسطة الرشيد اسماعيل محمود
لا أوافق..
فقط أعتقد أنه يجب تحديد الأساس الذي بموجبه يتم نقل البوستات للإجتماعي..
درءاً للتساؤلات المتكررة.
وجود منتدي إجتماعي بالضرورة يصب في مصلحة تطوير منتدي الحوار..
حفظاً لمنتدي الحوار من تغول مساحات الإجتماعيات علي روحه..
ليس مهماً أن يري الآخرون عاطفتنا تجاه بعض..
المهم هو إحساسنا نحن بها.
و..
سلامات زول الله.

سلامات يا زول الله .. مبسوط للدعم والإتفاق .. لكن ختيت إسمى فى العنوان خليتنى عرضة لناس الأمن

طبعاً أخترت الرشيد عشان معارض .. نحاول نقنعو .. وكان ما نفعت القصة .. نقلب عليه ونعمل ليهو تهمة .. إنشاءالله ندس ليه وزنة بنقو تحت كى بوردو أو جريدة الميدان

ياالرشيد الإجتماعى الإجتماعى يعنى تهنئة زواج .. عيد ميلاد .. طهور .. أو تعزية .. زى ما قال عمك فتحى ..(بوستات) تنتهى بإنتهاء المراسم .. وبتنزل تحت .. فى يوم أو تلاتة .. ووجودها فى (منتدى الحوار) مهم .. وهو المنتدى الرئيسى .. وذلك يوافق شعار المنتدى (عالم من التواصل والمحبة) .. وبوستات مثل هذه فى الغالب بتكون مداخلة واحدة من كل عضو .. وغير محتاجة متابعة لقراءة كل ما كُتب ومناقشته .. فسرعان ما تنتهى ..

هناك بوستات تانية (ونسة) لا أعتقد طبيعتا بعيدة من الحوار من القلب للقلب .. فليه ننفيها فى الإجتماعى .. ونصفى منتدى الحوار ليصير (متيبساً) ..

[عابد عقيد]

سلام

بالتاكيد موافق

وقبل كده اقترحت في واحدة من المداخلات انو يكون منتدي واحد بدل التقسيمات دي

لانو بصراحة باقي المنتديات الاخري مستوي القبول عليها ضعيف ..

لكن كل الحاجات لما تتكب هنا بتنال حظ اوفر من القراءة ...


وافر الشكر

[سارة]

المشاركة الأصلية كتبت بواسطة الرشيد اسماعيل محمود

لا أوافق..
فقط أعتقد أنه يجب تحديد الأساس الذي بموجبه يتم نقل البوستات للإجتماعي..
درءاً للتساؤلات المتكررة.
وجود منتدي إجتماعي بالضرورة يصب في مصلحة تطوير منتدي الحوار..
حفظاً لمنتدي الحوار من تغول مساحات الإجتماعيات علي روحه..
ليس مهماً أن يري الآخرون عاطفتنا تجاه بعض..
المهم هو إحساسنا نحن بها.
و..
سلامات زول الله.

انا مع الرشيد
وين ما تمشى واميش ما تقبل
تبقى متضامن نتضامن معاك لكن رافت ميلاد كلو كلو ما بمشى معاهو
اها شنو ليك

[رأفت ميلاد]

المشاركة الأصلية كتبت بواسطة سارة
انا مع الرشيد
وين ما تمشى واميش ما تقبل
تبقى متضامن نتضامن معاك لكن رافت ميلاد كلو كلو ما بمشى معاهو
اها شنو ليك

المشتهى الحينيطير (9)

[فتحي مسعد حنفي]

المشاركة الأصلية كتبت بواسطة زول الله

أول تضامن من ركن أساسي يابوالفتوح يديك العافية ياخ
الزول دا قال عايز متضامنين عشان يطلع الشارع
بس ماورانا ياتو شارع لحد هسه ...
يكون خايف من التعليقة دي ؟؟

اقول قولي هذا واستغفر الله لي ولك ياخالد الحاج...............

تعرف أنا مشترك في منتدي عاملين فيهو السياسي منفصل عن العام واحنا طالبنا يكون في العام وأنا كتبت ليهم : انتو قايلين دا منتدي نادي الخريجين

[زول الله]

المشاركة الأصلية كتبت بواسطة فتحي مسعد حنفي

تعرف أنا مشترك في منتدي عاملين فيهو السياسي منفصل عن العام واحنا طالبنا يكون في العام وأنا كتبت ليهم : انتو قايلين دا منتدي نادي الخريجين

دي بسيطة ياعمنا
يعني ممكن تمشي بي هناك تلابع وتفلق وتجي تتونس بي جاي
الطريف في واحد من الزقاقات المجاورة منتدى ممنوع فيه منعاً باتاً المواضيع السياسية
يعني لو جبت سيرة أي مسئول حتى لوكان غفير وزارة يتم حظرك فوراً
لحد الآن محتفظ بعضويتي فيه .. للظروف وكدا












اقول قولي هذا واستغفر الله لي ولك ياخالد الحاج..............

[tariqosman]

أقترح ضم الإجتماعي مع الحوار في منتدى واحد يُسمى (المنتدى العام)

علينا جاي



وانا اثني على هذا الاقتراح

فعلا مرات كتيرة ما تبدخل الاجتماعي وتفوتك بعض الاشياء


وعلشان ما تدخل الادارة في حرج كل مرة انا عندي بوست مشى وين

وتحصل بعض الاشياء المحرجة

الافضل انو يتم ضمو وكدا نكون وفرا كتير من الطاقة

والجهد في الاقناع

ونكون قريبين للاحداث

[زول الله]

المشاركة الأصلية كتبت بواسطة tariqosman

أقترح ضم الإجتماعي مع الحوار في منتدى واحد يُسمى (المنتدى العام)

علينا جاي



وانا اثني على هذا الاقتراح

فعلا مرات كتيرة ما تبدخل الاجتماعي وتفوتك بعض الاشياء
وعلشان ما تدخل الادارة في حرج كل مرة انا عندي بوست مشى وين
وتحصل بعض الاشياء المحرجة
الافضل انو يتم ضمو وكدا نكون وفرا كتير من الطاقة
والجهد في الاقناع
ونكون قريبين للاحداث

الإدارة -أي إدارة-ياطارق عثمان أحياناً تطبق اللوائح دون مراعاة لمآلات تطبيقها
وأحياناً دي هي البتجيب لينا المشاكل والمعوقات
ودونك اليوم والأمس
حيث تم نقل عديد من البوستات ومن ضمنها البوست سبب المشكلة الحالية
الليلة عزيزخطاب وبكرة مامعروف منو ... ركائز هذا المنبر
لذلك اتى الإقتراح درءاً لإحتمالية ماسيكون حسب رؤية بسيطة
شكراً كثيراً على التضامن














اقول قولي هذا واستغفر الله لي ولك ياخالد الحاج................