أفراح سودانيات ... جـــاء أوانــها

[سارة]

بكل ما حملت القلوب من محبة لمؤسس هذا المكان وبقدر ما حزنت تلك
القلوب على فقد اعزاء رحلوا عن دنيانا هذه القلوب تجتمع فى احلى
كرنفال بهيج نذف من خلاله اجمل التهانى واحلى التبريكات لنجوم
سودانيات

نبارك خطوبة الحلوين شديييييييييد

جانيت ومحمد مصطفى

والجيلى ووهـــــــــاد

[عكــود]

فلتغسل الأفراح صدأ الأحزان

ألف مبروك
جانيت/محمد
وهاد/الجيلي

و كل الأمنيات العذبة.

[أسامة معاوية الطيب]

وسعيد جدا انا أكون أول المهنئين هنا
هنا دي الرشيد دائما بيخت تحتا خط ما عارف ليه
وربنا يديم الأفراح


أنا أكون اول المهنئين بي وين ؟؟

[عكــود]

أسامة إزيّك،

فاول أوّل: ماك أوّل المهنئين
فاول تاني: الرشيد بيختّها مكان رابط

هسّع خلّيتني أضغط علي ألّتك القاطعا بنزين دي، في الفاضي!

[آيات]

المشاركة الأصلية كتبت بواسطة عكــود

أسامة إزيّك،

فاول أوّل: ماك أوّل المهنئين
فاول تاني: الرشيد بيختّها مكان رابط

هسّع خلّيتني أضغط علي ألّتك القاطعا بنزين دي، في الفاضي!

عكود وأسامة
ههههههه
ياخ والله أنتو أعسل ناس
الف الف مبروك .. وربنا يتمم على خير .. وبالرفاه والبنين

[عكــود]

المشاركة الأصلية كتبت بواسطة آيات

عكود وأسامة
ههههههه
ياخ والله أنتو أعسل ناس
الف الف مبروك .. وربنا يتمم على خير .. وبالرفاه والبنين

سلام يا آيات،

بتعديلك ده فوّتي عليْ باص، مارادونا ما يلعبو.
أريتني كان إقتبستها قبل التعديل و لحّقتها مداخلة أسامة الإتمحرك قبل التعديل!

مرة مش قال الحب دا براهو رابط ؟

الرشيد فتاويهو في الحب كتيرة، لامِن الدكتور منعو البحلقة،
بحلقتو فاحصة ياخ!

[آيات]

المشاركة الأصلية كتبت بواسطة عكــود

سلام يا آيات،

بتعديلك ده فوّتي عليْ باص، مارادونا ما يلعبو.
أريتني كان إقتبستها قبل التعديل و لحّقتها مداخلة أسامة الإتمحرك قبل التعديل!

ههههاههييي غيرك كان أشطر... ياها العرفتها يازول
خيرها في غيرها
لكن مامشكلة دعني أستمتع برؤية الباص

[ام التيمان]

مبرووووووووووووووووووووووووك
الخطوبة لى محمد وجنو
وهاد و الجيلى
الجيلى منو ؟

[بدر الدين اسحاق احمد]

الف مبروك وربنا يتمم على خير ...
وعقبال شاباتنا وشبابنـا

[المليجي]

الف الف مبروك وربنا يتمم ليهم على خير
اريتو حالي

[عبد العظيم الطاهر]

ألف ... الف .... مبروك
ربنا يديم الأفراح والليالي الملاح

تهانينا الصادقة

[الرشيد اسماعيل محمود]

المشاركة الأصلية كتبت بواسطة عكــود

هسّع خلّيتني أضغط علي ألّتك القاطعا بنزين دي، في الفاضي!

العجب أنا يا عمدة..
دست عليها المرّة الأولي أبت تقوم..
قلت يمكن بتقوم دفرة، تاني دُستها..
أتاريها قاطعة بنزين..

[سارة]

ما احلاها هذه الايام وما اسعدنى بها
قبل ايام بكيت وانا اسمع من محمد وجانيت وقبل امس من وهاد وحبيبها
الطافش الولهان......
فليعلم العالم كله اننا فرحين سعيدين مبسوطين ...عاشقين حتى الثمالة

اى زول انا زعلانة منه ولا شاكلتو ولا دايرة اشاكله انا عافية ليهو

وديشكم كلكم من طرف
نظام جعلتية
و
وكدا

عفو عـــــــــــــــــــــــام لله والرسول

[سارة]

البوست دا مفتوح وفى العام لكل الاحتمالات

ممنوع تحويله للخاص قبل الفرحة تعم

شواكيش .مناقرات ..مباركات..خرمجة ..حفلة ورقيص

[أسامة معاوية الطيب]

المشاركة الأصلية كتبت بواسطة عكــود

أسامة إزيّك،

فاول أوّل: ماك أوّل المهنئين
فاول تاني: الرشيد بيختّها مكان رابط

هسّع خلّيتني أضغط علي ألّتك القاطعا بنزين دي، في الفاضي!

فيما يخص الفاول الأول عالجتو في مداخلتي ذاتا ... واكتفى الحكم بالتنبيه الشفاهي ...
اما بخصوص الفاول التاني وانا اقول الرشيد دا بيتكلم في الروابط دي كتير كدا مالو ؟ مرة مش قال الحب دا براهو رابط ؟ تعرف الرشيد بيكون لعب روابط كتير ... وشكلو بيحب الروابط الإقليمية القاعد ليها في الدمازين دي
بعدين ياخ سؤال ؟ انت بترد على المداخلة قبل سيدا ينزلا كيف ؟