النساء تحت سطوة الانقاذ

[شوقي بدري]

النساء تحت سطوة الانقاذ

اخذني مجدي الجزولي لزيارة الأخ الهادي صيام في الدنمارك الأحد الماضي ، لأن رامي الهادي صيام قد تعرض لعملية قلب . فلقد ولد بثقب في قلبه . و هو الآن في الثالثة و النصف من عمره . و ذهبنا لتهنئة الابنة فائزة آدم و الدة الطفل بنجاح العملية . و وجدنا رامي قد صار اكثر حيويةً و يتمتع بالصحة و لا يكف عن الكلام و الغلبة و الشيطنة . و سعدنا له .

فترة انتظار العملية قد اخذت اكثر من سنة . و حدد لها يوم 17 ابريل ، اي أقل من شهر . فذهب الهادي صيام الى السودان في اجازة مع ابنه و زوجته في يوم 10 يناير . حتى يكون الابن و امه مع أهلهم . و بعد ان قضى الهادي شهراً مع اسرته في السودان تركهم لكي تعود الابنة فائزة آدم مع ابنها لأجراء العملية . و عاد إلى الدنمارك لأن له متجرا متخصصاً في التلفونات و الكمبيوترات . و عندما اقتربت مواعيد العملية ذهبت الابنة فائزة آدم مع ابنها الى مطار الخرطوم . و الابن مضاف في جوازها السوداني . الا ان له جواز دنماركي منفصل ، لأنه دنماركي بالميلاد و والده يحمل جواز دنماركي . و لكن سلطات المطار رفضت خروج الابنة فائزة و ابنها بدون الوالي ( بدون الزوج ). و لم يشفع لها ان الطفل يحمل جواز سفر دنماركي . و أنه في طريقه الى عملية قلب ، في وطنه الدنمارك .

لم يشفع للأبنة فائزة أن تزاكر السفر مبتاعة في الدنمارك و انها و ابنها قد حضروا من الدنمارك . و كان معهم الزوج الذي ذهب الى الدنمارك و كل هذه المعلومات موجودة في الكمبيوتر . اذا ارادوا ان يجدوها . و لكن ارادوا ان يفرضوا سيطرتهم الذكورية . و وجدت كثير من التشنج و الاستخفاف و المضايقات . و حولوها الى عقيد في الامن . كان يستهزء بها و عندما سألها عن اقامتها اخرجت له الكرت الممغنط ، الذي يستعمل في اوربا و يحمل كل البيانات عن حامله . فقام السيد العقيد بتمرير الكرت على كل الموجودين و كان يقول بأستهزاء : ( شوفوا دي كمان عايزة تلعب علينا . بتقول دي اقامة ) . و تصادف وجود نقيب اكثر تفهماً و أكد انه قد شاهد هذا الكرت كثيراً و انها الطريقة العادية للأقامة الآن في الدول الاوربية . من المحن السودانية أن عقيد مسئول في مطار عالمي لا يعرف هذه الأجراءات .

الحل الوحيد ان الهادي اقفل متجره و اشترى تذكرة الى السودان ، ثم اشترى تذاكر جديدة لزوجته و ابنه لكي يحصل العملية . و عندما أثار المشكلة مع السلطات ، اكتفى المسئول أن طلب من احد مساعدية و قال : ( الراجل دا زعلان جيبوا ليهوا كباية ليمون ) . ( منتهى الكرم ) . المشكلة ان المرأة في السودان التي كانت تعامل باحترام و تقدير و هي الكل في الكل في الأسرة ، قد صارت تابعة ، يتصرف فيها الرجال كما يشاءون و يطالبونها بالمحرم و الوالي .

هذه المشكلة ذكرتني بأخ عرفته لسنين عديدة . و كنت اكن له كثيراً من الود و الأعجاب . و كان من أميز السودانيين في الدنمارك . رجع للسودان و تزوج بأحدى قريباته و بمثابة اخته لأنهم قد نشأوا سوياً . و بعد ان رزقا بطفلين ، اخذها في اجازة الى السودان . ثم تركها هنالك و أخذ ابنائه و ذهب الى انجلترا . هذا بعد ان مزق جوازها . و حظر على خروجها . و ذاقت الامرين . و لم يسأله أي انسان عندما ترك السودان ، أين الأم التي حملت اولئك الاطفال في رحمها .

و بعد نضال تمكنت السيدة من الحضور الى الدنمارك . هذا بعد ان تكرم عليها قريبها بالطلاق . الذي لا يأخذ أكثر من ورقة يكتبها الرجل في أي ركن يشاء . تزوجت السيدة بدنماركي ارتبط بالسودان . و رزقت منه بطفل . و تعيش السيدة الآن في الدنمارك . و قامت بالذهاب الى انجلترا . و قامت قاضية بريطانية بسحب جواز صديقي السوداني و منعته من مغادرة انجلترا .

فأوربا ليست السودان . ففي اسكندنافيا مثلا و عند الانفصال يترك الرجل المنزل . و مرتب الاطفال منذ ميلادهم الى بلوغهم الثامنة عشر يكون بأسم المرأة إلا اذا تنازلت عنه للرجل . المؤلم أن الانقاذ قد أرجعت المرأة السودانية و التي كانت لها قيمة غير طبيعية ، قد صارت الآن مضطهدة في ظل الانقاذ .

السنة الماضية عندما ذهبنا كوفد من الجبهة السودانية للتغير لوزارة الخارجية في استوكهولم ، كنّا انا و مجدي الجزولي و أبوبكر ابو البشر من انجلترا و الاخت فريدة شورة ، ركزت المسئولة على وضع المرأة في دول العالم الثالث . و تحدثت عن الوضع المذري للمرأة في تلك الدول . مما اجبر السيدة فريدة شورة تقول لها : ( نحن في السودان ، وضع المرأة ليس بهذا السوء . فالمرأة في المجتمع النوبي منذ الآف السنين لها وضع مميز جداً ) . و هذه حقيقة قد تسيئ اليها الانقاذ . و لكن ستبقى المرأة السودانية مميزة كل الوقت .

السيدة السودانية و زوجها الدنماركي اعضاء لصيقين في الجالية السودانية . و لقد كانوا من المشاركين في المظاهرة أو الوقفة في أكبر ميدان في كوبنهاجن السنة الماضية . و كانت السيدة التي هي عضو في فرع الجبهة السودانية للتغير في الوفد الذي قابل وزارة الخارجية الدنماركية . التحية للمرأة السودانية .

التحية

ع. س. شوقي بدري .

[إحسان عبدالعزيز]

شكراً للرفيق بدرى شوقى لهذا المقال الممتع .. تناول المقال قضية حساسة تناولتها كثير من الاقلام ولكن ما اختلف فيه الاستاذ بدرى طريقة التناول وعرضه لحالات نموذجية، أتفق معك فى تردى أوضاع النساء فى السودان خاصة فى العقدين الاخرين.. نحن أصبحنا نعيش ظروفاً استثنائية، لم تعد للمرأة السودانية تلك المكانة المميزة فى المجتمع تغير كل شئ وفق قوانين أذلت النساء وجعلت منهن فئة مضطهدة وتحول ذلك التمييز الايجابى الذى ظلت تتمتع به النساء فى المجتمع السودانى الى تمييز نوعى يعمل على قهرها وتحجيمها ومحاربة مشاركتها فى المجتمع.. وعن الممارسات ضد السياسيات فحدث بلا حرج..إعتقالات، استجوابات، سجن واقامات جبرية كله يحدث فى السودان الان .. لك التحية ولفريدة شورة الف تحية، وهل هى فريدة شورة خريجة زراعة الزقازيق1983م إذا كانت هى سلم عليها وارجو ان أتحصل على بريدها الالكترونى.. لك الشكر.

[أسعد]

العزيز شوقي
تحية واحترام
في البدء اود ان اطلب منكم مراعاة قنبورنا
اي نعم نحن عندنا قنابير بس ما قدر دا
لمن تفوت فينا تناقض زي دا

قرأت لك في بوست اخر مناشدتك في الفصل بين الكيان و التصرفات الفردية
اسي البخلي مجزرة بيت الضيافة والحزب الشيوعي (رجل) ، وضابط المطار مع الانقاذ (كراع ) شنو؟
سياسة الكيل بمكيالين دي حقو نخليها ياخ

ثم انه ما هي العلاقة بين النموذج الثاني واضطهاد الانقاذ للنساء؟

[البديري]

سلامات شوقى وضيوفة
عارف يا شلاقة ;لو ماقرأت مداخلتك لكنت كتبتا نفس كلامك دا٠٠

قرأت لك في بوست اخر مناشدتك في الفصل بين الكيان و التصرفات الفردية

استاذ شوقى
مع احترامنا لقلمك ورؤيتك ،إلا مثل هذا الكلام (بطلع) المراة فى (رسينا)
بالحق او بالباطل ! والانثى اذا اخدت حرية زيادة عن اللزوم ٠٠ بتكون اسوأ من الشيطان نفسة !
مافى رجل طبيعى بتضهد آى انثى مالم تدفعة هى ٠٠ لذلك

فقام السيد العقيد بتمرير الكرت على كل الموجودين و كان يقول بأستهزاء : ( شوفوا دي كمان عايزة تلعب علينا . بتقول دي اقامة ) . و تصادف وجود نقيب اكثر تفهماً و أكد انه قد شاهد هذا الكرت كثيراً و انها الطريقة العادية للأقامة الآن في الدول الاوربية . من المحن السودانية أن عقيد مسئول في مطار عالمي لا يعرف هذه الأجراءات .

ونفس المنظر دا ياشوقى قابلنى من شابة سودانية فى احدى مطارات من دول العالم التالت ، وحاولت ان تستفز الضابط لمجرد انها تحمل جواز سفر هولندى !! فقرب الضابط ان يشلتها مع جوازة الهولندى لولا لطف وسترالله٠

و تعيش السيدة الآن في الدنمارك . و قامت بالذهاب الى انجلترا . و قامت قاضية بريطانية بسحب جواز صديقي السوداني و منعته من مغادرة انجلترا .

اهه٠٠ كدة كويس ؟! يعنى لو ابو ولا امو مرضو او ماتو مايقدر يصل السودان !!

اتمنا من كل الكُتاب ، ان يكتبو بتانى وتدقيق ، عن المراة ، لانها سلاح ذو حدين !

تحياتى

[عادل عسوم]

المشاركة الأصلية كتبت بواسطة وجدي الأسعد الأسعد

العزيز شوقي
تحية واحترام
في البدء اود ان اطلب منكم مراعاة قنبورنا
اي نعم نحن عندنا قنابير بس ما قدر دا
لمن تفوت فينا تناقض زي دا

قرأت لك في بوست اخر مناشدتك في الفصل بين الكيان و التصرفات الفردية
اسي البخلي مجزرة بيت الضيافة والحزب الشيوعي (رجل) ، وضابط المطار مع الانقاذ (كراع ) شنو؟
سياسة الكيل بمكيالين دي حقو نخليها ياخ

ثم انه ما هي العلاقة بين النموذج الثاني واضطهاد الانقاذ للنساء؟

غايتو (قنبورك) انتا بالذات عينة ياوجدي

[الجيلى أحمد]

المشاركة الأصلية كتبت بواسطة عادل عسوم

غايتو (قنبورك) انتا بالذات عينة ياوجدي

شايفك اليومين ديل مركز مع الاستاذ شوقى بدرى ,(و بى هناك بتشاكس فى الاستاذ الشقلينى بقلة موضوعية وكلام مغتغت وفاضى وخمج)
يازول عمنا دا زول جنتل , ولداحتك دى ماعندو ليها فرقة ,
انت يازول انا لمن قبضتك بى سرقاتك فى بوست محمود زمان مالك بقيت
تتزاوغ ولى هسه كابى الجرسة..

داير تناقش بأدب ياعادل ياعسوم ,
ياهو دا باب النقاش مفتوح..
عايز تتشفتن بدون عرفة , بتقعد فى علبك ..

العم شوقى بدرى رجل محترم وجنتل مان وله رأى يطرحه بكل أدب
وبلغة محترمة ,
فلو انت عندك (قنبور) فهل يتحمل هو تبعات قنبورك هذا؟

الابن عادل عسوم
انت قايل النطيط دا بنفع؟

[AMAL]

المشاركة الأصلية كتبت بواسطة وجدي الأسعد الأسعد

العزيز شوقي
تحية واحترام
في البدء اود ان اطلب منكم مراعاة قنبورنا
اي نعم نحن عندنا قنابير بس ما قدر دا
لمن تفوت فينا تناقض زي دا

قرأت لك في بوست اخر مناشدتك في الفصل بين الكيان و التصرفات الفردية
اسي البخلي مجزرة بيت الضيافة والحزب الشيوعي (رجل) ، وضابط المطار مع الانقاذ (كراع ) شنو؟
سياسة الكيل بمكيالين دي حقو نخليها ياخ

ثم انه ما هي العلاقة بين النموذج الثاني واضطهاد الانقاذ للنساء؟

سلام ياوجدي وتحايا
ماشايفة اصلا في تناقض هنا
ومافي علاقة بين المثالين
اضهاد الانقاذ كنظام للنساء مابرفعوا ليه ضو
ومابتناطحوا فيه اتنين
دي ابدا ماتصرفات فردية
دي قوانين جابا النظام دا ومتبنيها وبرعاها وبغذيها كل يوم
والضباط ديل ماهم الا منفذين للسياسات والقوانين دي
ممكن اجيب ليك مية نموزج زي الفوق دي
بتوري انو دا منهج وسلوك نظام كامل
كفاية انو راس النظام دا كل يوم بضرب نموزج لاضهاد المراة

قبل كم يوم في غمرة فرح النظام باسترداد هجليج
طلع خبر عن واحد اهدي اختو لمقاتلي هجليج
يعني رجع بينا لعصر الجواري والحريم
وواحد تاني نائب البرلمان الاعترض علي جية
الفنانة شيرين للسودان
سالوه صحي انت بتضهد المراة
بكل بجاحة قال لا بدليل اني معرس تلاتة
مش زي واحدين فاتو الستين ومابستحوا ماسكين في واحدة!!!

[الجيلى أحمد]

تحياتى ياوجدى ,

نظام الانقاذ فرغ نفسه تمامآ للمرأة فى قوانينه(قانون النظام العام)

هذا القانون أصلآ يقوم على الشك والتجسس والاتهام المظهرى والشكلى ومسآلة المرأة..
وهى قوانين كرتونية تتيح لمجموعات من الشباب والشفع ملاحقة السيدات والبنات دون وجه حق تحت طائلة قوانين جائرة , مطلوقة فى السهلة بدون رقيب ولا حسيب ..
يعنى ياوجدى أى شافع بتاع أمن أو نظام عام , يمكن يدخل لأى سيدة فى أى شئ يخصها من ملبسها الى حديثها الى وجهها...الخ
ويمكن لو هفت ليهو يقفلا حبس أو يبهدلا فى شارع الله دا ويجلدا ذاتو..
الدولة حين تكون شكلية فيما يختص بالتشريعات والقوانين و ولاتهتم بقيم المجتمع, فتأكد بأن المرأة هى من يدفع الثمن نقدآ وكاش داون , من حياتها وحريتها وخصوصيتها ..

[AMAL]

[youtube]http://www.youtube.com/watch?v=DCwMtRKqfiQ[/youtube]


للتذكير

[AMAL]

هذا النظام يطارد النساء ويحاربن في رزقن
حتي الموت
هل دا سلوك فردي!!!

صحيفة الوطن"

كتب: عادل سيد أحمد
الكشة هي أداة ظُلم.. فلا تدفعوا النساء إلى الخمور والبغاء..!.
زيارة حزينة لأُسرة الشهيدة.. وأبنتها الطالبة« قسمة» تبكي ليلاً ونهاراً.
كسائر خلق الله... الباحثون عن الرزق الحلال..
وهم لا يبحثون عن ثروة..
ولا يحلمون بـ «حوض سباحة» في البيت.
ولا يرغبون في العنب أو التفاح أو بيض السمك..!.
وإنما... أقصى ما يطمحون هو مال السترة الحلال...

و«نادية الأمين»... تخرج يومياً، بعد أنْ تصلي الفجر.. وقد اختارت موقعاً، في قلب الخرطوم... لتعطي من هم في مكاتبهم ودكاكينهم... وحتى المارة.. تعطيهم «الشاي والقهوة.. والنعناع والحرجل والكركدي».
ومقابلها ضعيف...
وتؤثر على نفسها، رغم الخصاصة..
فتعفي مَنْ ليس معه «حق الشاي»... وتبرهن أنَّ «فاقد الشيء»، من الممكن أنْ يعطيه.

وفي صباح يوم كريه... وفي تعقب المحليات لذوي الدخول الضعيفة...
لاحقتهم الكشات الجائرة، وهم «تحت خط الفقر»..!.

في صباح ذلك اليوم.. جاءت «نادية» إلى موقعها.. عشان تجمع «قرشين».. لتواجه معايش الحياة ومصاريف ابنتها التمليذة قسمة.

ولكن سلطات الكشة.. قامت بحملتها، في ذاك اليوم..
وقد نما لعلم «نادية»، خبر الحملات.. فحملت أدوات رزقها، حتى تجعل سحابة السواد، تمر..!.
وأثناء «العكة»... و«نادية» تجري، مثل ستنا هاجر،، بين «الكافتيرة»، و«البرندة»..!.
وإذا بها تسقط... ثم تصاب، اصابة بالغة.. ثم تسقط ميتة..!.

«الوطن» ذهبت إلى دار السلام «الفردوس» بامدرمان.. وعزت الوالدة المكلومة كلتوم« مصابة بجلطة». وبقية أفراد الأسرة.

مَنْ الذي تسبب في موت «نادية»؟؟!..

أيها الوالي الجديد... تحقق بنفسك... وإنْ لم تفعل، فإنَّ دم «نادية»، سيكون برقبتك إلى أنْ تلقى الله.

وهذا من صميم عملك.. ذلك لأنه «لو عثرت بغلة بالعراق، لسألني الله عنها: لِمَ لمْ تصلح لها الطريق يا عمر»..!.

لقد عثرت وماتت امرأة بالخرطوم، يا خضر..!!.
«أقرأ أنفاس بأنفاس».

http://www.sudaneseonline.com/ar2/pu...ws_A1577.shtml

[الجيلى أحمد]

هل نحن بشر أم حيوانات تساق الى الجلد والترويض ,
هل نحن بهائم ليجلدنا صبية الجبهة قليلين الأدب والحياء والعلم والمعرفة ..

تبآ
ثم تبآ

ثم يأتى مستر عسوم ليحدثنا عن القنابير..

تبآ لأى قانون جائر يهدر كرامة الانسان
ويمرغ انفه بالتراب..

تبآ للجبهة الاسلامية ولقوانينها المهينة للمواطنات والمواطنين..

هؤلاء مواطنات لهن الحق فى هذا الوطن ,
ولا يحق لكم ياصعاليك أن تعتدوا عليهن باسم الله..

تبآ لكم ياصعاليك آخر الزمان

[رأفت ميلاد]

المشاركة الأصلية كتبت بواسطة وجدي الأسعد الأسعد
العزيز شوقي
تحية واحترام
في البدء اود ان اطلب منكم مراعاة قنبورنا
اي نعم نحن عندنا قنابير بس ما قدر دا
لمن تفوت فينا تناقض زي دا

قرأت لك في بوست اخر مناشدتك في الفصل بين الكيان و التصرفات الفردية
اسي البخلي مجزرة بيت الضيافة والحزب الشيوعي (رجل) ، وضابط المطار مع الانقاذ (كراع ) شنو؟
سياسة الكيل بمكيالين دي حقو نخليها ياخ

ثم انه ما هي العلاقة بين النموذج الثاني واضطهاد الانقاذ للنساء؟

يا أبو قمبور شن جاب لى جاب .. الأهانة هنا بقوة القانون .. ما تصرف فردى ..

[أبوبكر عباس]

المشاركة الأصلية كتبت بواسطة رأفت ميلاد

هنا بقوة القانون .. ما تصرف فردى ..

المشاركة الأصلية كتبت بواسطة رأفت ميلاد

مافى علاقة بفكرة البوست على الإطلاق .. القصة ما مرقوهم أو مرقوهم

القصة شنو؟
القانون؟
القانون دا، موجود في أمريكا إتسيلف وأعتقد انو موجود بأوربا.
أوعة يا الجيلي، تجي جاري تقول لي: هناك ما في Check عند الخروج!
صحيح
لكن القانون دا، مشغلنوا بضرورة موافقة الزوج والزوجة على إستخراج جواز السفر للقصر.

[الجيلى أحمد]

المشاركة الأصلية كتبت بواسطة بابكر عباس

أوعة يا الجيلي، تجي جاري تقول لي: هناك ما في Check عند الخروج!
.

بابكر شايفك بقيت تحب الطقطقة

زى ماقال ليك عم رأفت ,
انت برا الموضوع تمامآ وقاعد تنقز فى رتم قاطعو من راسك دا..

عمنا شوقى يتحدث هنا عن الاهانة للمرأة والتعنت فى حركتها, مقارنة بالرجل ..
حكاية ال check دى مسالة مختلفة ..
فخليك صاحى لموضوع البوست, وماتجوبك القصة, وتمسك طرف الكلام كف كرف..
بطل اللفحى دا يازول..

_____________

أما عن ال check واللى هو خارج اطار الطرح , فأنا يابابكر مشقق الواطة دى كلها بى جوازى السودانى العفين دا..

وحين اكون مغادرآ من اوروبا لايدققون فى الجواز او اى شئ الا فى تاريخ الصلاحية فقط , يحدث التدقيق حين تكون مسافرآ الى أمريكا او استراليا أو انجلترا التى خارج الاتحاد الأوروبى أو حين تكون مسافرآ الى دولة أوروبية أخرى بالطيران, يعنى انت طالع منهم ماشى على العالم الثالث دا , هم ماعندهم معاك شغلة ..لكن لم تنجيهم راجع بعملو ليك جيك للتأكد من اقامتك ويمكن يطرحوا عليك أسئلة ,(لم أواجه بهذا الأمر الا فى مطار القاهرة الكئيب, ياأخى ديل خاتين خواجة عديل كدا.. وتلك قصة هذا ليس بمكانها )

مايهم فى الأمر انه فى كل هذه المراجعات لم يتم التعرض لامرأة على أساس الجندر ,
وقع ليك يابابكر .. يعنى الموضوع ما check , الموضوع بتعلق بالاضطهاد للمراة ..

بطل شتارة ياأخى ,
مرات المسألة دى بتبقى مملة

[رأفت ميلاد]

المشاركة الأصلية كتبت بواسطة بابكر عباس
القصة شنو؟
القانون؟
القانون دا، موجود في أمريكا إتسيلف وأعتقد انو موجود بأوربا.
أوعة يا الجيلي، تجي جاري تقول لي: هناك ما في Check عند الخروج!
صحيح
لكن القانون دا، مشغلنوا بضرورة موافقة الزوج والزوجة على إستخراج جواز السفر للقصر.

ياخ الطفل بطلع جوازو قبال شهادة الميلاد .. وبعدين أدينى المادة البتظبط الزوجة قوام .. مرتى سارحة بين ألمانيا وفرنسا وسويسرا بالبطاقة الشخصية .. ياخ نحن الجواز ده بقينا نسمع بيهو سمع

تعرف يا بابكر أول ما دخلنا سويسرا وده سنة 95 الحالة .. أخوك ملطوع ساعة لامن أتصففت علىّ .. لامن جانى بتاع الأمن يستفسر .. قلت ليهو راجى الجوازات والجمارك .. قال لى أنت عديت من قبيل .. قربت أحرن وأحتج .. أنا كان ما بهدلونى وشتتوا شنطتنى السفرة ما بتتحسب لى

كدى أسأل ناصر وهو قدقدا .. شوف فى زول سألو من جواز