منو البرجع لينا حاجاتنا

[رأفت ميلاد]

المزاج معكر .. والتركيز مجهجه .. والكلام مشاتر
داير أرجع لصفاء النفس وأتنفس من الجمال وأعود لهدوء كما كنت (بلغة العساكر)
فكرت فى قصيدة مطلعا (قابل للتعديل)

منو البرجع لينا حاجاتنا

طبعاً لغياب الملكة الشاعرية مكلف بكتابتها (أولاً) حبيبنا النور يوسف .. وحرم ما ترد لى طلب ..

[جيجي]

والله كيتا عليك ياخواجة بالرغم من انك
مامصنفني مع الجماعة لكن بكتب فيك قصيدة
ولو ماعجبتك وديها سوق ام دفسوا

بالمناسبة هو سوق ام دفسوا دا وين

[رأفت ميلاد]

المشاركة الأصلية كتبت بواسطة جيجي
والله كيتا عليك ياخواجة بالرغم من انك
مامصنفني مع الجماعة لكن بكتب فيك قصيدة
ولو ماعجبتك وديها سوق ام دفسوا

بالمناسبة هو سوق ام دفسوا دا وين

والله أتلومت شدييد .. أبقى أنتى الكريمة وأكتبى .. جد جد بريد كتابتك شديد (لامن تسخى) فأسخى فى قصيدة عاجبانى مقدماً ..

سوق أم دفسو فى بوست الشفاتيات والشفوت بقيادة عثمان حمد

أتخيل لى فى الأبيض كان ما أخاف الكضب

[Osman Hamad]

المشاركة الأصلية كتبت بواسطة رأفت ميلاد

والله أتلومت شدييد .. أبقى أنتى الكريمة وأكتبى .. جد جد بريد كتابتك شديد (لامن تسخى) فأسخى فى قصيدة عاجبانى مقدماً ..

[COLOR=navy]سوق أم دفسو فى بوست الشفاتيات والشفوت بقيادة عثمان حمد [/COLOR]

أتخيل لى فى الأبيض كان ما أخاف الكضب

ما أنت ذاتك فارش بضاعتك معانا، وكمان راكوبتك ناصية

[خال فاطنة]

مكلف بكتابتها (أولاً) حبيبنا النور يوسف....و حرم ما ترد لي طلب..

رأفت يا جميل...أحب النوستالجيا في كمالها ياخي...

النور يوسف بعد الحرام دا ما عندو سكة، و كان إتأخر شوية أنا بردف معاك حرام و بعكلت إنو يكتب قصيدة باللغة الهيروغلوفية...
يا زول مسكتني في حاجة بنت كلب...علي الدين تاني نجر حرامات و نستكتب البورد دا كلو، و الجرسة لا ينظر فيها

[wadosman]

غاايتو لو داير حااجاتك الفى بوتسودان برسلها ليك...
لكن لو داير حاجاتك الفى المسالمه علا تشوف ناس.....

اقول ليك حااجه..

قوم لف..

[رأفت ميلاد]

المشاركة الأصلية كتبت بواسطة wadosman
غاايتو لو داير حااجاتك الفى بوتسودان برسلها ليك...
لكن لو داير حاجاتك الفى المسالمه علا تشوف ناس.....

اقول ليك حااجه..

قوم لف..

غايتو الأغنية سكتتنى .. ولفتنى بى كرت .. كان ما كده
عليك الله ترجع لى بتاع بورسودان كيف .. هى ذاتا وينا

[رأفت ميلاد]

المشاركة الأصلية كتبت بواسطة خال فاطنة
رأفت يا جميل...أحب النوستالجيا في كمالها ياخي...

النور يوسف بعد الحرام دا ما عندو سكة، و كان إتأخر شوية أنا بردف معاك حرام و بعكلت إنو يكتب قصيدة باللغة الهيروغلوفية...
يا زول مسكتني في حاجة بنت كلب...علي الدين تاني نجر حرامات و نستكتب البورد دا كلو، و الجرسة لا ينظر فيها

يدى فى يدك بس زولك شايفو هدد .. أنا حرامى ما خطير بقى كلو محصل بعضو .. الخلا عليك أنت

[بابكر مخير]

المشاركة الأصلية كتبت بواسطة رأفت ميلاد

المزاج معكر .. والتركيز مجهجه .. والكلام مشاتر
داير أرجع لصفاء النفس وأتنفس من الجمال وأعود لهدوء كما كنت (بلغة العساكر)
فكرت فى قصيدة مطلعا (قابل للتعديل)

منو البرجع لينا حاجاتنا

طبعاً لغياب الملكة الشاعرية مكلف بكتابتها (أولاً) حبيبنا النور يوسف .. وحرم ما ترد لى طلب ..

يقال أنه واحد سوداني عآآآآآآآآآآآتي بث مسالم،،
صحبانه عندهم مشكلة مع واحد وعايزين "يكسرهو" لكن ما عندهم "الملكة"، مرة العآتي والمطلوب "كسوره" كانوا مجتمعين ومعاهم الجماعة،،
واحد من الجماعة خبط العآتي دون يلاحظ وطوآلي الجماعة أشرو على المراد "كسره".... العآتي ولا كضب، خبط ليك الراجل وطرحه أرضأ..
حسي نشوف لينا شيتن يزعل الزول الرزين دآ عشان يكون في حالتك ويشعرنا

[رأفت ميلاد]

المشاركة الأصلية كتبت بواسطة بابكر مخير
يقال أنه واحد سوداني عآآآآآآآآآآآتي بث مسالم،،
صحبانه عندهم مشكلة مع واحد وعايزين "يكسرهو" لكن ما عندهم "الملكة"، مرة العآتي والمطلوب "كسوره" كانوا مجتمعين ومعاهم الجماعة،،
واحد من الجماعة خبط العآتي دون يلاحظ وطوآلي الجماعة أشرو على المراد "كسره".... العآتي ولا كضب، خبط ليك الراجل وطرحه أرضأ..
حسي نشوف لينا شيتن يزعل الزول الرزين دآ عشان يكون في حالتك ويشعرنا

والله يا بكور أنا خايف إلا نلكزو بى دربكين .. خرمانيين ليهو وهو عامل علينا أبو الهول ..

[النور يوسف محمد]

المشاركة الأصلية كتبت بواسطة رأفت ميلاد

المزاج معكر .. والتركيز مجهجه .. والكلام مشاتر
داير أرجع لصفاء النفس وأتنفس من الجمال وأعود لهدوء كما كنت (بلغة العساكر)
فكرت فى قصيدة مطلعا (قابل للتعديل)

منو البرجع لينا حاجاتنا

طبعاً لغياب الملكة الشاعرية مكلف بكتابتها (أولاً) حبيبنا النور يوسف .. وحرم ما ترد لى طلب ..

بسم الله الرحمن الرحيم

صديقى الكائن المنتدياتى ..

عجبتنى ( اولاً ) دى
حاسى إنها مرقتنى من خانة (اليك ) ..
وجهجهت الــ ( حرم ) ديك ذاتا ..
هو نحنا بلا حرم ما بتقدر نرد ليك طلب ياخ ..

غايتو فكرة القصيدة مستفزة ..
والفضاء بتاعا بشبه ود العالم ..
يعنى ( بستعين بى صديق ) ..

ـــــ

ويا خالا ما صدقت .. عجبتك الحليفة دى ..
يا زول الحرام الإسفيرى ده حد السايقن آوت
ثم ذاتو من ود ميلاد مضروب ..


شكراً يا رأفت

وزى ما قلت والله الأجواء قلقة ..
وفى الذاكرة تلك الأيام الأديبة ..
حين كنا نرتاح على جوانب الشجن الأيمن
ونغنى للوجد المعتق ..

نحن شعب لا يحتفظ بالجمال كثيراً ..

تحايا عطرة للأسرة ..

[النور يوسف محمد]

بسم الله الرحمن الرحيم

لا أدرى لماذا تذكرت هذه الكلمات
وأنا استعرض عنوانك المستفز ( منو البرجع لينا حاجاتنا )
الكلمات للشاعر التيجانى حاج موسى ..
وسمعها الناس من النور الجيلانى كاصدق ما يكون الحزن
ومن كابلى كأروع ما ترسم الرصانة لوحة باكية ..

ـــــــــــــــــــــ

ساعة النسمة ترتاح
على هدب الدغش وتنوم
ياهاجر
يا آسر
أنا مساهر
أنا والليل ومر جفاك
مساهرين نحكى للأفلاك
لا كملت حكاوينا .. ولا لقينا البداوينا

يا مشهيني طعم النوم
وطيفك في خيالي يحوم
سنين مرّت ومرو سنين
براك عارف وبي أدرى
وجُرحك يا غرام الروح
لا طاب لا بيدور يبرا
ده جُرحك مهما طوّل وغار
مطبوع فيني بالفطرة

وبين الذكرى والنسيان
المسافة قريبه يا إنسان

ـــــــــــــــــــــــــــــــــــ

[wadosman]

المشاركة الأصلية كتبت بواسطة النور يوسف محمد

بسم الله الرحمن الرحيم

لا أدرى لماذا تذكرت هذه الكلمات
وأنا استعرض عنوانك المستفز ( منو البرجع لينا حاجاتنا )
الكلمات للشاعر التيجانى حاج موسى ..
وسمعها الناس من النور الجيلانى كاصدق ما يكون الحزن
ومن كابلى كأروع ما ترسم الرصانة لوحة باكية ..

ـــــــــــــــــــــ

ساعة النسمة ترتاح
على هدب الدغش وتنوم
ياهاجر
يا آسر
أنا مساهر
أنا والليل ومر جفاك
مساهرين نحكى للأفلاك
لا كملت حكاوينا .. ولا لقينا البداوينا

يا مشهيني طعم النوم
وطيفك في خيالي يحوم
سنين مرّت ومرو سنين
براك عارف وبي أدرى
وجُرحك يا غرام الروح
لا طاب لا بيدور يبرا
ده جُرحك مهما طوّل وغار
مطبوع فيني بالفطرة

وبين الذكرى والنسيان
المسافة قريبه يا إنسان

ـــــــــــــــــــــــــــــــــــ

[youtube]http://www.youtube.com/watch?v=ZgWu96BBIew[/youtube]

[رأفت ميلاد]

اقتباس:
المشاركة الأصلية كتبت بواسطة النور يوسف محمد
بسم الله الرحمن الرحيم

صديقى الكائن المنتدياتى ..

عجبتنى ( اولاً ) دى
حاسى إنها مرقتنى من خانة (اليك ) ..
وجهجهت الــ ( حرم ) ديك ذاتا ..
هو نحنا بلا حرم ما بتقدر نرد ليك طلب ياخ ..

غايتو فكرة القصيدة مستفزة ..
والفضاء بتاعا بشبه ود العالم ..
يعنى ( بستعين بى صديق ) ..

ـــــ

ويا خالا ما صدقت .. عجبتك الحليفة دى ..
يا زول الحرام الإسفيرى ده حد السايقن آوت
ثم ذاتو من ود ميلاد مضروب ..


شكراً يا رأفت

وزى ما قلت والله الأجواء قلقة ..
وفى الذاكرة تلك الأيام الأديبة ..
حين كنا نرتاح على جوانب الشجن الأيمن
ونغنى للوجد المعتق ..

نحن شعب لا يحتفظ بالجمال كثيراً ..

تحايا عطرة للأسرة ..

ما بحلك يا جنابو الكلام السمح ده .. وأسرة شنو البتسلم عليها بعد مارميت على المرة اليمين

يا جنابو أكرمنا أنشاء نمة بأربعة بيوت .. نحلل بيها ياخ

عارف الأجواء شكلها كيف بس نحاول نهزم الزمن ..

باركا يباركو ليك السمح

[bayan]

نخلي هاشم صديق يكتب عنك

(1)
ها قد استرد الساده
الخلفاء والامراء
املاكهم واسلابهم
قصور المدائن حدائق بابل
ايوان كسري وبيت المزارة
ولكن متي يعيدون لبيتك اشياءه
فأنت تباعا لتسكت جوعك
بعت الاثاث بارض الدلاله
وجل الاواني وراديو الاغاني
صور الجدار لعب الصغار
وحتي الاماني بثمن خساره(2)
ها قد استردوا جميعهم اشياءهم
فمتي يعيدون لحمك فوق العظام
بامر النظام وختم الامارة ؟؟
وكيف يعود ابنك طائرا
بعد ان صار اجنبيا
من جليد الاقاصي
لدف الديار بفيزا السفارة ؟؟
وكيف يعود لحلقك
بعد ان صادروه ومزقوه
غناء البشارة ؟؟
وكيف يعود من سنين الهوان
لهذا المكان وتلك الحواري
بامر الطواري غشاء البكارة ؟؟(3)
يخرجون باسمنا سرا
من ظلام الحدود
ويعودون جهرا باسمنا
تحت ضوء المطار
يستردون في كل مرة اشياءهم
فمن يعيد لدولابك بعض الملابس
ومن يعيد لبيتك ضحك الصغار ؟؟
ومن سيفتح منهم باب صدرك
ليشهد هذا الدمار ؟؟
ومن سيعيد ظلك يافعا
في عيون الجدار ؟؟
ومن يملك منهم بعض الشطارة
لينزع من قلب البيوت نصل المرارة ؟؟(4)
جميعهم امطرونا
جوا وبحرا وبرا بحمم الخطابة
كلما جاء منهم نبي
مزق اوراق السالفين وحاكم اياتهم
واعلن في المذياع عصر الغلابة
ثم رويدا رويدا
يخرج الزيف من خبئه
ويسوم الامنيات صفع الحقارة
من جاء منهم
ولم ينافح من اجل امك
وثار عزة
ثم ادار للايتام ظهره
واقام علي الفجر حد الحرابة ؟؟
من منهم لم يبشر بعدل المصاحف
وسنن الرسول وشمس الطهارة
ثم صادر من الشمس زيتها
واسمي الافول ازدواج الادارة(5)
رضعنا الطفولة لبن الكلام
اكلنا الخطابة بعد الفطام
سقتنا الرجولة لهب الصدام
وعند الكهولة عز الادام
وكانوا جميعا ملوكا دعاة
وكانوا جميعا ولاة حواة
يدخلون ويخرجون
يخرجون ويدخلون
(يقولون ما لا يفعلون)
يخاصمون يصالحون
يستردون في كل مرة
اشياءهم وتيجانهم
فمن يعيد لحمك فوق العظام؟؟
ومن يجفف
من ثقب اذنك لغو الكلام ؟؟
ومن يعيد لصدرك بعض الهواء ؟؟
وكيف يعود لجيبك حق الدواء ؟؟
ومن ينفض
عن اسمك رمل الحرابة
وينزع من حلق عمرك شوك الكابة ؟؟
ويقطع من حول عودك حبل الرتابة ؟؟
ومتي تسترد اشياءك
بامر الاله وليس الامارة ؟؟
ومن ينفخ في جسد المقابر روح الجسارة ؟؟(6)
جميعهم يتشابهون مثل التوائم
بغتة يتعاركون مثل الصغور
فجاة يتعانقون مثل الحمائم
يعلنون باسمنا
الحروب علي بعضهم
ثم يتلون باسمنا بيان السلام
تمزقنا بين ادبارهم واقبالهم
واكلنا وشربنا من حصاد الكلام
هل جاء منهم يوما نبي ؟؟
وهل عرف الخليفة ذل الطعام؟؟
كان رمضان شهرا واحدا
ثم صار العام شهرا للصيام
وهم يطيرون ويهبطون
يصرحون ويخطبون
يستعيدون في كل مرة
اشياءهم واحلامهم
فمن يعيد لحلمك طير البشارة ؟؟
ويرفع عن ثوب صمتك اثر القذارة ؟؟
ويغسل عزمك بماء الطهارة ؟؟(7)
هل رايت ؟؟
تنهب الايات من حلق الماذن
توضع الثورات في جب المخازن
وكان اسد الله حمزة
ثم اصبح ابن لادن
تبعث السنن الجميلة
فوق ساحات الفداء
تشرب الغابات من فيض الدماء
وخلف نار الحرب رقص الاغنياء
صاروا شحما من شقاء التعساء
فكوا عهد الله في عكس الهواء
ليس عدلا يا رسول الله ابدا
ان يصير الدين كل الدين في غرر الجباه
وان يصير السوق كعبة والمصارف كربلاء
من لي بافعال الصحابة ؟؟
من لي بسيف مثل ايمان الغلابة ؟؟
من لي بقبس من منارة
يرسل الضوء الي قلب المغارة ؟؟(
عــــــــــــــفـوا
فهذي الارض اضحت
من بيات الحلم جرزا
لم تزل تهفو الي نيل ينافح
منذ هولاكو وكسري تعزف الشمس
علي وتر المذابح
بعد فجر القادسيه
لم يقف نجم علي خشب المسارح
كل زيد جاء ليلا او بصبح
كان مشروخ الملامح
يدخلون ويخرجون
من اليمين وبالاواسط واليسار
يحرقون الوعد
في حمم التناحر والشجار
كل طاؤوس تطاول
كان فحلا في الخطابة
ينحر الافعال جهرا
في التناقض والغرابة
من يصدق يا الهي وانت جاهي
انهم قد خصخصوا الحب الالهي
من لي بفيزا من سفارة
او بعقد تحت وضع اليد او رهن الاشارة(9)
اتبكي وتضحك
وانت تغادر كرسي الوظيفة؟
ياتي الصغار لكرسي الكبار
بامر الوزير وختم الخليفة
كانك تدفع مهر الجدارة
قبض السراب ولسع المرارة
وتجني التزام الايادي النظيفة
واليوم تسال اين الغذاء
وحق الدواء
وتركض لهثا لارض الدلالة
لتسكت جوعك بعت الاثاث
تمهل وانظر
يغني الملوك لكرسي الامامة
وينسوا اقتراب صهيل القيامة
وانت تصلي لرب السماء
وتدعو بصوت شفيف البكاء
وترنو صبورا ليوم الحساب
وطير البشارة(10)
لا زال جل القوم
في شبق التناطح والحرابة
كل طاؤوس تطاول
كان فحلا في الخطابة
كلهم يطأوون احلام الحواري
وكل كسري يدعي طهر الايادي
وكل قيصر يدعي غسل الجنابة
هل رايت
تنهب الايات من حلق الماذن
توضع الثورات في جب المخازن
وكان اسد حمزة ثم ابن لادن
كل التحايا والحب للاستاذ
هاشم صديق (1/3/2000م)[/size]