للحردانين والحردانات

[أبوبكر عباس]

صاحبت لي هندي بتاع IT وفي اليوم التاني حكيت ليهو مشكلتي مع الحردانين بالمنتدى وقلت ليهو: داير أعرف هل الحردانين ديل، قاعدين يشوفوا المنتدى ولّ لا؟ وأديتو أسماء عشرة حردانين وحردانات (ففتي ففتي) ووريتو يترصدم لمان يوقعوا ويعرف لي الIP Address بتاعم ويشوفم قاعدين يجوا يتاوقوا ولّ لا؟

[أبوبكر عباس]

قال لي: ولا يهمك رفيق، هاذي سيم سيم موية.

[أبوبكر عباس]

في زولة كانت معانا هنا إسمها منال، حردت في إحدى حروب الصيف الزمان ديك، الزولة دي مرة بلتني بل شديد وهي الوحيدة المستعد أحنسها بتلفون مُباشر
ينوبكم ثواب لموني في تلفونا

[أبوبكر عباس]

الناس السقطوا في الإنتخابات، صعب خلاص أحنسهم

[أبوبكر عباس]

كوثر أُختي، مرة زمان كنا بنتغدى وفي نص الغداء في زول زعلها قامت حردانة، قبل ما أي زول يحنسها قلت بصوت عالي:
أبدا ما حردت، بس هي ماشة تغسل يدها للتحلية
تش تش غسلت يدها وجات قعدت لهطت البطيخ كلو

[أبوبكر عباس]

سمرا، قالوا بتحب الشعرية المترتر فوقها طحنية
بجيبها ليها
قصرت؟!