الطريق الى بروكسل

[الجيلى أحمد]

عثمان حمد كنت أتخيله قصيرآ على الدوام, فله لسان فالت, وذلك اجتهاد منى لتطبيق مقولة "القصير ياحكمة ياعثمان حمد"
أمينة التى أتت متوشحة بالبهاء من النرويج لم يتغير فيها شئ, مابالها كل مرة يصغر عمرها, كأنها فى العشرين
رشيقة, لطيفة كما النسمة تعبرك..
قطعت سارة المسافة من النرويج الى برلين, وتقاسم معها عصمان (طلع شايقى شهادة عربية) بقية الست ساعات حتى وصولهم الى نايمخين, مكللين بالمحبة والارهاق والمكاواة.. فهما لايفسحان لك مجالآ .. مناقرة (زى مصارين البطن)

[الجيلى أحمد]

أمضينا الليلة فى نايمخين, وباكرآ توجهنا الى بروكسل حيث اسامة معاوية
و وفاء, وعمو صبا, وعربية ياسر..

أمينة كانت تتبرم من الموسيقى الغربية, وتبرمت أيضآ من الموسيقى العربية الوحيدة التى وجدناها, فاستعضنا عن ذلك بموسيقى الذاكرة فى الموبايلات, استجابة لرغبة أمينة فى انها تسمع حاجة سودانية, سيل من المكاواة كان ينساب , وأمينة ترفع أصبعها فى وجه عثمان حمد (هوى ياشيطان الجن, لسانك دا اطبقو عليك لمن نصل هناك)
عصمان حمد زول بيعمل ليك توتر بالسواقة بتاعتو.. زول مهذب فى الطريق العام

[الجيلى أحمد]

وقفنا أمام السفارة .. حى لايشبه بقية الاحياء التى عرفتها, فى وسط المدينة,
الأعلام فى الطريق تنبئ عن سفارات ..
دخنا سيجارة أنا والكاشف, قبل أن نكملها ظهر اسامة معاوية بى هدوم الشغل ,
كانت بدلة أجبرت عثمان حمد على اطفاء سيجارته

[الجيلى أحمد]

تحركنا من هناك (حيث طفى عثمان حمد سيجارته) وبقينا مباريين كلام اسامة معاوية

الباقى خلو يتمو ليكم

[أسعد]

المشاركة الأصلية كتبت بواسطة الجيلى أحمد

كانت بدلة أجبرت عثمان حمد على اطفاء سيجارته

شكرا علي الضحكة الاستثنائية دي

[الجيلى أحمد]

الاستثنائية

ود حمد زول استثنائى, لمن عوير

[الجيلى أحمد]

وصلنا ليهم جيعانين تب,
الزول الفضيحة الاسمو عثمان دا, قعد يعوعى فينا .. الاكل لأكل الأكل ,
اسامة وقفنا قدام محل بتاع عيش,
وأنا عارف زولى داير يقرض العيش لكن خجلان..
ياأخى الود دا شكلو أبدآ مالطيف لمن يكون خجلان..
وصلنا هناك, وست الدار قامت بالواجب..
بعد البارد والشاى الهرمونات اشتغلو, اسامة قال: الليلة نتفسح نمشى الغابة
عندهم غابة بس التقول جبل مرة وفيها بحيرة وفسحة بتاعت نجيلة,
دقينا قيم بتاع كورة زى الترتيب ,
وغلبناهم كمان
الحاجة اللطيفة انو فى زول صاحبنا اتشنقل ووقع لمن قطع القاش بتاعو

[عبدالمنعم الطيب حسن]

المشاركة الأصلية كتبت بواسطة الجيلى أحمد

توجهنا الى بروكسل حيث اسامة معاوية

المشاركة الأصلية كتبت بواسطة الجيلى أحمد

وقفنا أمام السفارة .. ,
كانت بدلة أجبرت عثمان حمد على اطفاء سيجارته

قرأت مرة سيرة طويلة نشرها معجب للاستاذ اسامة ،
من ضمن السيرة انه يعمل في السفارة القطرية في دولة قد تكون (بروكسل ) ،

غايتو بعد البدلة الطرمبة دي ،
لن نرضى للاستاذ معاوية اقل من سفير،

[أسامة معاوية الطيب]

شكرًا شباب
سارة
الجيلي وعثمان
على ضيق الوقت كانت لحظات فارقة والله
حا نكررا تاني بترتيب اكبر ووقت أريح
هناك الكثير جداً الذي لم نقله بعد
شكرًا ياخي

[معتصم الطاهر]

اسامة ..
وجيه
و مالى مكانك ..

و رجل جميل بشهادة الجميع ..