حبيت سيد اللبن

مها عبدالمنعم · 25-05-2013, 07:53 AM

من اسمع حس الحمار تجيني حمي ووجع كرعين ووجع بطن وقدامي ما اشوف اقوم اداعي الله ياخدك قلبي الاهبل يرد ياخدك انتي دي!
في الاول كنت امي لمن تكورك جيبي اللبن من تسمع ضرب العصا علي الباب انق وانق حتي امشي واقول ليه انت الباب دا كتل ابوك!
يضحك واليوم التاني يخبت اقوي من القبله
الايام دي من يقرب المغرب اقول المس شعيراتي وامسحن بمويه اشان يرقدن واتمسح سمح واول مايدق اشيل جكي الالمون وامشي يكب اللبن ويغمز في عيني ويرفع في حواجبه

يتبع

مها عبدالمنعم · 25-05-2013, 08:23 AM

يوم ورا التاني الشغله بقت زياده الولد اخوي الصغير في سنه سادسه !من يسمع نقريطة الحمار ينط علي طوله عمو علي جا
وانا مع نطته قلبي يقرررب ينط لفوق ..لمن الشغله بقت اربعه يوم الولد صاحب سيد اللبن وقلت فرصتي في روياه خطر لي اليوم الخامس فكره قريب المغرب وناديت الولد تعال يا اخوي الصغير
اها اكيييد دايره شي عاوزه شنو
عاوزه اجيب اللبن
شنو
لا عاوزه لي لبن بدره من الدكان
بس القريب دا مافيه
امش البقاله
سمح بس تشتري لي
اي
الحمدلله عدت وهو كانه راجيني سلم وقال
لايغرك بيعي للبن دا تحسبيني هوين
لالا انت ماك هوين بس
بس الشافع اخوك دا اقهري لا تخلي ياخد اللبن

واحة · 25-05-2013, 10:33 AM

نتابع بجد الواحد كايس شبح ابتسامة

شاكرة ..النبى كملى بسرعه ما بحب

المسلسلات

تسلمى يا مها
واحة

اشرف السر · 25-05-2013, 04:50 PM

يا مها الحقينا بالباقي
قبال اللبن الفي "التُمَن" دا يقّطِع...

نبراس السيد الدمرداش · 25-05-2013, 05:19 PM

مهويه يا حبيبه
يتبع دي ما بدورها ياخي
فشنو الحقينا بالباقي

غايتو اهديك اغنية ترباس اللبن ابو لي بي

مها عبدالمنعم · 26-05-2013, 07:03 AM

وعزمت ازيح الشافع من سكتي مامعقول يدافرني في جيب اللبن وكمان عمو علي!الولد التقول موصينه قبال حادثة الحب دي حلقي ينقرش من الكوراك ياولد ...يازفت ...ويشيل الجك ويطنطن انتي مالك ماتجيبي محننه والا مقعده بس والشكله تدور مرات امي الحجاز ومرات سيد اللبن يفوت تبيت القوا ومرات كمان تعدي علي خيرواخونا الكبير يكون في هو لسانه بنقطع
اها من يوم بقيت اكون عاوزه اجيب اللبن بقي يتصيدني ليك يوم بنشوف في المسلسل وبلاا مناسبه قال
ها والله الناس الكبار ديل هبل هباله هسه دي شنو العواره دي حبيتك وشنو امي قالت هوي اسكت خلينا نشوف والا امرق بره
تطرديني عشان التركي الكضاب دا اريتني ما ضحكت الساعه اللانفجر والله مأخليك تضحكي فيني اصبري بس اصبري بجي عمو علي وبتحنسيني تجيبي اللبن وسكن الكلام اشان امي تحديدا تفرزو

مها عبدالمنعم · 26-05-2013, 08:19 AM

اقتباس:

المشاركة الأصلية كتبت بواسطة نبراس السيد الدمرداش

مهويه يا حبيبه
يتبع دي ما بدورها ياخي
فشنو الحقينا بالباقي

غايتو اهديك اغنية ترباس اللبن ابو لي بي

بعض التشويق لايضر

لا مابكون قاصده بكون بعمل في شي اها يتبع دي لمن اخلص الفي يدي
تعرفي غنية ترباس دي دي بتغنيها انصاف مدني اها في اخره في كلام جميل كدي عن
الدقو منو ياناس الدقو منه

اسمعيها حتضحكي لمن تنبسطي والله
تسلمي كتير

مها عبدالمنعم · 26-05-2013, 08:14 AM

اقتباس:

المشاركة الأصلية كتبت بواسطة اشرف السر

يا مها الحقينا بالباقي
قبال اللبن الفي "التُمَن" دا يقّطِع...

اها يااشرف انتهيت
قطع؟

مها عبدالمنعم · 26-05-2013, 08:12 AM

اقتباس:

المشاركة الأصلية كتبت بواسطة واحة

نتابع بجد الواحد كايس شبح ابتسامة

شاكرة ..النبى كملى بسرعه ما بحب

المسلسلات

تسلمى يا مها
واحة

سلامات ياواحه
شكرا اها كملت حتي جيت اسلم

25-05-2013, 07:53 AM	#[1]
مها عبدالمنعم :: كــاتب نشــط::	حبيت سيد اللبن من اسمع حس الحمار تجيني حمي ووجع كرعين ووجع بطن وقدامي ما اشوف اقوم اداعي الله ياخدك قلبي الاهبل يرد ياخدك انتي دي! في الاول كنت امي لمن تكورك جيبي اللبن من تسمع ضرب العصا علي الباب انق وانق حتي امشي واقول ليه انت الباب دا كتل ابوك! يضحك واليوم التاني يخبت اقوي من القبله الايام دي من يقرب المغرب اقول المس شعيراتي وامسحن بمويه اشان يرقدن واتمسح سمح واول مايدق اشيل جكي الالمون وامشي يكب اللبن ويغمز في عيني ويرفع في حواجبه يتبع
مها عبدالمنعم :: كــاتب نشــط::

25-05-2013, 08:23 AM	#[2]
مها عبدالمنعم :: كــاتب نشــط::	يوم ورا التاني الشغله بقت زياده الولد اخوي الصغير في سنه سادسه !من يسمع نقريطة الحمار ينط علي طوله عمو علي جا وانا مع نطته قلبي يقرررب ينط لفوق ..لمن الشغله بقت اربعه يوم الولد صاحب سيد اللبن وقلت فرصتي في روياه خطر لي اليوم الخامس فكره قريب المغرب وناديت الولد تعال يا اخوي الصغير اها اكيييد دايره شي عاوزه شنو عاوزه اجيب اللبن شنو لا عاوزه لي لبن بدره من الدكان بس القريب دا مافيه امش البقاله سمح بس تشتري لي اي الحمدلله عدت وهو كانه راجيني سلم وقال لايغرك بيعي للبن دا تحسبيني هوين لالا انت ماك هوين بس بس الشافع اخوك دا اقهري لا تخلي ياخد اللبن
مها عبدالمنعم :: كــاتب نشــط::

25-05-2013, 10:33 AM	#[3]
واحة :: كــاتب نشــط::	نتابع بجد الواحد كايس شبح ابتسامة شاكرة ..النبى كملى بسرعه ما بحب المسلسلات تسلمى يا مها واحة
واحة :: كــاتب نشــط::	التوقيع: حال الدنيا تسرق منيه فى لحظة عشم

25-05-2013, 04:50 PM	#[4]
اشرف السر :: كــاتب نشــط::	يا مها الحقينا بالباقي قبال اللبن الفي "التُمَن" دا يقّطِع...
اشرف السر :: كــاتب نشــط::	التوقيع:

25-05-2013, 05:19 PM	#[5]
نبراس السيد الدمرداش :: كــاتب نشــط::	مهويه يا حبيبه يتبع دي ما بدورها ياخي فشنو الحقينا بالباقي غايتو اهديك اغنية ترباس اللبن ابو لي بي
نبراس السيد الدمرداش :: كــاتب نشــط::	التوقيع: اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام

26-05-2013, 07:03 AM	#[6]
مها عبدالمنعم :: كــاتب نشــط::	وعزمت ازيح الشافع من سكتي مامعقول يدافرني في جيب اللبن وكمان عمو علي!الولد التقول موصينه قبال حادثة الحب دي حلقي ينقرش من الكوراك ياولد ...يازفت ...ويشيل الجك ويطنطن انتي مالك ماتجيبي محننه والا مقعده بس والشكله تدور مرات امي الحجاز ومرات سيد اللبن يفوت تبيت القوا ومرات كمان تعدي علي خيرواخونا الكبير يكون في هو لسانه بنقطع اها من يوم بقيت اكون عاوزه اجيب اللبن بقي يتصيدني ليك يوم بنشوف في المسلسل وبلاا مناسبه قال ها والله الناس الكبار ديل هبل هباله هسه دي شنو العواره دي حبيتك وشنو امي قالت هوي اسكت خلينا نشوف والا امرق بره تطرديني عشان التركي الكضاب دا اريتني ما ضحكت الساعه اللانفجر والله مأخليك تضحكي فيني اصبري بس اصبري بجي عمو علي وبتحنسيني تجيبي اللبن وسكن الكلام اشان امي تحديدا تفرزو
مها عبدالمنعم :: كــاتب نشــط::