١٠ مليون دولار داخل حقيبة !!!!

[ZEIN ABDALLA]

1) ورقة العملة الامريكية فئة ال ١٠٠ دولار طولها ١٥,٥ سم وعرضها ٦,٦
سم وسمكها ٠,٠١ مليمتر (تقريبآ).
2) مليون دولار من فئة ال ١٠٠ دولار تغطى مساحة ١٠٣ متر مربع.
3)مليون دولار من فئة ال ١٠٠ دولار وزنها ١٠ كيلوجرام.
4) حقيبة السفر (سمسونايت او غيرها) التى يحملها رجال الاعمال داخل
الطائرة مقاس ٥٠ x ٤٠x٢٠ سم تسع اقل من نصف مليون دولار.
5) ١٠ مليون دولار وزنها ١٠٠ كيلوجرام.
.
.
.
يا جماعة الشنطة (صحبة راكب) البتشيل ١٠٠ كيلو دى حتكون قدر
شنو؟
عمار عوض الجاز يكون شايل معاهو ١٠ مليون دولار بياتو طريقة؟



.

[ZEIN ABDALLA]

اوع تكون مشحونة مع العفش

[الجيلى أحمد]

شكلك ماسمعت بالابتكاربتاع الشيكات..

_______

الخبر بأى حال غير مجدى,
فمايحدث من لهف لايحتاج لهكذا أخبار كى يثبته

[ZEIN ABDALLA]

او يكون الجماعة قاصدين ١٠ الف دولار.........
وقامو حسبوها (بالقديم) فصارت ١٠ مليون دولار.

[الجيلى أحمد]

المشاركة الأصلية كتبت بواسطة ZEIN ABDALLA

اوع تكون مشحونة مع العفش

المسألة دى يادوك فى غاية البساطة ,
ممكن تتشحن,
يمكن تتشال فى شنطة برضو..

لكن المهم انها اتسرقت..

بعداك مسألة اتسرقت كيف تسأل منها ناس المطار القبض الزول دا

[الجيلى أحمد]

)مليون دولار من فئة ال 100 دولار وزنها 10 كيلوجرام.

انت شغال بتهرب قروش؟
عرفتا كيف انو وزنها 10 كيلو

الاحصاء بتاعك دا مضروب

[سارة]

الاتسرق اكتر من بلايين الدولارات
بس بيظل خبر الشنطة والمليون دولار بالنسبة لى
ما مبلوعة كلو كلو حتى قبال يا دكتور ما تتحفنا بالمعلومات
القيمة دى انا اول مرة افكر فى حجم وطول ورقة المية دولار

انا فى راى كل ما كتر الكضب بتضعف حجتنا فى مواجهة النظام الفاشى دا

[الجيلى أحمد]

أنا كلو ماواقع لى,
لكن أدهشنى انو الزول دا يقول بكل بساطة انو
العشرة مليون دولار مابتتشال؟

[ZEIN ABDALLA]

المشاركة الأصلية كتبت بواسطة الجيلى أحمد

أنا كلو ماواقع لى,
لكن أدهشنى انو الزول دا يقول بكل بساطة انو
العشرة مليون دولار مابتتشال؟

وكمان يا الجيلي... ال١٠ مليون دى اذا كانت مكونة
من فئة دولار وخمسة دولار و٢٠ دولار(يعنى ما كلها من ورقة الميه)،
فعمار الجاز سيحتاج الى حاوية (container) لشحنها

[ابوبكر حسن]

المشاركة الأصلية كتبت بواسطة ZEIN ABDALLA

اوع تكون مشحونة مع العفش

حسب شخصيه مقربه من بن الجاز , انه فى الخرطوم ولم يغادرها وهذه الحكايه محض اشاعه

[زول الله]

عمار موجود بالخرطوم وشغال في شغلو

التحريش بالكضب بخلي الناس تبقى زي الحكومة واحد

رص الصفوف والمشي لي قداااام مطلوب








اقول قولي هذا واستغفر الله لي...................

[جيجي]

غايتوا يادوك
لوتحسبوها انت ودكتورة نجاة لبكرة
و لو تابوا او ترضو
قبل يومين دي وانا طالعةمن مطار دبي ا لامارتي القاعد في الجهاز بتاع الشنط المحمولة في اليد وانا داخلة البوابة صفرت حاولت ارجع
قال لي وهو ضاحكا-امش امشي ماخلاص قبضنا ليكم الحرامي

[ZEIN ABDALLA]

المشاركة الأصلية كتبت بواسطة جيجي

غايتوا يادوك
لوتحسبوها انت ودكتورة نجاة لبكرة
و لو تابوا او ترضو
قبل يومين دي وانا طالعةمن مطار دبي ا لامارتي القاعد في الجهاز بتاع الشنط المحمولة في اليد وانا داخلة البوابة صفرت حاولت ارجع
قال لي وهو ضاحكا-امش امشي ماخلاص قبضنا ليكم الحرامي

يا جيجى ناس دبي ليه بخلو الزول يشيل شنطته معاه وهو داخل البوابة
البتعمل اسكاننق(البتصفِر)....
ناس اوروبا ما بخلوك تشيل معاك حاجة وجيوبك فاضية من القروش
المعدنية والمفاتيح والتلفون وكمان تقلع الحزام والجكتة وفى بعض الاحيان الجزمة كمان.
اما الامريكان فبينهزروك اذا ما قلعت الجزمة وحتى اذا اشتريت حاجة
من السوق الحر ما بخلوك تشيله في يدك فيقوموا يختوها فى كيس
ويسلموك ليه بعد تدخل جوة الطيارة.
الامريكان ديل بفتشو جنس تفتيش وفى ناس ممكن يخلوهم يقلعو
كل ملابسهم، وحتى اسألى بابكر عباس فيمكن التجربة دى شافها
فى زيارته الاخيرة لامريكا.
لكن يا جيجى حكاية ود الجاز ما بتخش الرأس، فالكيزان من زمااااااان
عندهم قروش وحسابات جارية فى البنوك وعندهم كردت ودبت كاردس
وبيحولوا القروش بواسطة البنوك فليه يخاطروا بشيل قروش معاهم
فى شنط. الولد دا اذا مقبوض فى دُبي الا يكون عمل حاجة تانية.

لوتحسبوها انت ودكتورة نجاة لبكرة

دكتورة نجاة دى منو!!




.

[أبوبكر عباس]

سلام يا زين،
- جيجي لا تقصد إنك بتمر بالشنطة في الإسكانر الخاص بالناس.
- نظام التفتيش الموجود بمطارات الإمارات هو نفسو الموجود بالمطارات الاوربية والامريكية.
- مسألة توقيف زول سوداني يحمل مبلغا كبيرا من المال بمطار دبي في الأيام الفاتن، دي، مؤكدة، الزول منو؟ والمبلغ كم؟ دي، ما متأكد منها.

[Hassan Farah]

اقتباس:
المشاركة الأصلية كتبت بواسطة بابكر عباس
سلام يا زين،
- جيجي لا تقصد إنك بتمر بالشنطة في الإسكانر الخاص بالناس.
- نظام التفتيش الموجود بمطارات الإمارات هو نفسو الموجود بالمطارات الاوربية والامريكية.
- مسألة توقيف زول سوداني يحمل مبلغا كبيرا من المال بمطار دبي في الأيام الفاتن، دي، مؤكدة، الزول منو؟ والمبلغ كم؟ دي، ما متأكد منها.
----------------------------------------------------------------
مؤكد يا دكتور وهاك معلومة اخرى:

كتب محمد مختار جعفر :

Quote: أختنا الدكتورة نجاة ...

لست بصدد التعرض لمسألة الأكاذيب او غيرها ...

رغم ان المتعارف عليه عند الملمات هو هروب اصحاب النفوس الضعيفة و اللصوص بحقائب المال المكدسة ...

و ليس القذافي و ابناء القذافي و صدام و غيرهم و غيرهم الا دليلا علي ذلك ...

ولكني هنا فقط اريد التنبيه ان هنالك في عالم المال فئات اكبر من المئة دولار للورقة الواحدة ...

هناك ورقه ب 500$ .. و 1000$ و 5000$ و 10000$ و ايضا صدقي او لا تصدقي هناك ورقة من فئة ال 100,000$

كل الفئات متداولة ( عدا ال 100,000$ ) فهي تستخدم لمعاملات حكومية محددة ...

ورقة ال 1000$ متواجده في كل البنوك عند الطلب ... والبقية ممكن طلبها باي كميات ...

ولو علمنا ان اصدقاءنا في السودان هم من أصحاب المليارت ... فمن السهل ان يكون في ( معيتهم ) تلك الفئات الأكبر من فئة ال 100$ ( الشعبية ) ...

و بحساب بسيط يمكن حمل الملايين العشره ( إن صحت روياتها ) في جيوب البدل الـــ ( Kiton ) و الــ ( Brioni ) الخاصة بهم !!!

لمزيدا من التفاصيل و ( التصديق ) رجاء مراجعة الرابط التالي :

http://en.m.wikipedia.org/wiki/Large...tates_currency