على أجنحة الحنين.

طارق صديق كانديك · 01-05-2014, 11:33 PM

يقول شاعر العرب الكبير أبو الطيب المتنبي، حين غشيته رياح الحنين الى مراتع شبابه وسوح أيامه الخالدات:

أما الأحبة البيداء دونهمُ فليت دونك بيدا دونها بيدُ

وأجدني على ذات الطريق، الطريق الذي تقودني فيه نفسي الأمارة بحب هذا المكان أنسج على منوال المتنبي طريقاً في الحب يبساً من الفراق والتجاهل وقلب ظهر المجن للذين انسربوا في خاطري حباً ووعداً وأمنيات.

أو كما ينشد أبو فراس الحمداني:

تكاد تضئ النار بين جوانحي إذ هي أذكتها الصبابة والفكر

(أحبكم جت عليكم،وبمناسبة المحبة دي،الواحد قرررب يدخل البورد من مقيل حمد ود الشيخ ( المسروف لي سيرو) أو من شارع الحب بتاع دكتور بابكر،بس روقنا المنقة شوية.

).*

ثم عدتُ للسودان بعد غيابٍ دام أربعة عشر عاماً لأجد نفسي في انشغال دائم لترتيب أوضاعي مما غل يدي عن المشاركة ولو بأجر المناولة لفترة طويلة،فللجميع عذري ومحبتي (حتى مليت ثواني الانتظار) لأجدني الآن بين ظهرانيكم من جديد.

ثم يجمل بي أن أقول أن كثيرين هنا قد طوقوني بمحبتهم ومتابعتهم ودعواتهم،لهم عظيم محبتي وتقديري وامتناني.

ـــــــــــــــ

* ياجماعة لو كورتنا في الكتابة فكت، التمسوا لي العذر

نبراس السيد الدمرداش · 01-05-2014, 11:40 PM

اقتباس:

ياجماعة لو كورتنا في الكتابة فكت، التمسوا لي العذر

اريتا فكة الجنيات لحدهم
ياخي اجمل مساء زاد قلبي شوق
حمدلاالك بالسلامه وجيتك تستاهل الباسم

طارق صديق كانديك · 03-05-2014, 07:49 PM

اقتباس:

المشاركة الأصلية كتبت بواسطة نبراس السيد الدمرداش

اريتا فكة الجنيات لحدهم
ياخي اجمل مساء زاد قلبي شوق
حمدلاالك بالسلامه وجيتك تستاهل الباسم

مساك الله بالخير يا نبراس، وشكرا لاحتفائك

ــــ

الباسم مقبول بس ما بعفيك من الفتة

Osman Hamad · 01-05-2014, 11:53 PM

اقتباس:

المشاركة الأصلية كتبت بواسطة طارق صديق كانديك

(أحبكم جت عليكم،وبمناسبة المحبة دي،الواحد قرررب يدخل البورد من مقيل حمد ود الشيخ ( المسروف لي سيرو) أو من شارع الحب بتاع دكتور بابكر،بس روقنا المنقة شوية.

).*
ـــــــــــــــ
* ياجماعة لو كورتنا في الكتابة فكت، التمسوا لي العذر

يبقي لىّ عصرت علي المنقة شوية

...

ياجماعة هل تعلمون، انو انا ليوم الليلة دي، طارق دا لا حصل شفته ولا لاقيته، لكن الزول الاصيل دا مُفرد ومُجكس الوالدة للطيش واخر حُبكانات وريدة

...
ياخي سودانيات دي جميلة خالص...

ناصر يوسف · 01-05-2014, 11:59 PM

حبابها عودتك لي جميله
يا ابو حمزه ،،، انا لو كنت عارف جيتك لي مع الشباب الليله ، بترجعك كنت عملت لمتكم دي من زماااااااااااااان ياخ

وهو من ناحية إنو كورتك فََّكت ،، فهي قد فَّكت ،،،
النعمنو كدي الليله لقيتك بتفتش علي الظاااااااااااكره ساي ياخ

لوووووووووووول

طارق صديق كانديك · 03-05-2014, 08:12 PM

اقتباس:

المشاركة الأصلية كتبت بواسطة ناصر يوسف

حبابها عودتك لي جميله
يا ابو حمزه ،،، انا لو كنت عارف جيتك لي مع الشباب الليله ، بترجعك كنت عملت لمتكم دي من زماااااااااااااان ياخ

وهو من ناحية إنو كورتك فََّكت ،، فهي قد فَّكت ،،،
النعمنو كدي الليله لقيتك بتفتش علي الظاااااااااااكره ساي ياخ

لوووووووووووول

هكذا يلمس كل من أتيحت له فرصة لقاء ناصر يوسف، ودادٌ مستمر لا يعرف الفتور، ومحبة بلا مقابل سوى المودة .

شكرا ياناصر على ضيافتك واهتمامك الدائم بسودانيات منبراً وعضوية.

ــــــــ

الكلام الفوق ده ياقول مهند الخطيب مابمنع اني استمتعت جدا بالخمسينات

سجمان · 02-05-2014, 10:44 AM

اقتباس:

المشاركة الأصلية كتبت بواسطة طارق صديق كانديك

يقول شاعر العرب الكبير أبو الطيب المتنبي، حين غشيته رياح الحنين الى مراتع شبابه وسوح أيامه الخالدات:
smile:

غشيته رياح الحنين
ياخ نحن رياح الحنين دي ساكنة معانا سكنة..

ثم بعض الشوق يُرهق؛؛
يعلم الله زرعناه سرابات..

ودي الذي تعلم؛؛

طارق صديق كانديك · 03-05-2014, 08:27 PM

اقتباس:

المشاركة الأصلية كتبت بواسطة سجمان

غشيته رياح الحنين
ياخ نحن رياح الحنين دي ساكنة معانا سكنة..

ثم بعض الشوق يُرهق؛؛
يعلم الله زرعناه سرابات..

ودي الذي تعلم؛؛

يقول صديق ود رانفي:-

كَـرْ يـا قُـمري الدَّمـاس لا تغـرِّدْ
لا تذَكِّرني آخـر الليل براي مِتمرِّضْ
الخلاَّني ألاقي المِحـن الكُبار مِتعرِّضْ
أسبابي المعرجن وكلُّ يـوم مِتحرِّضْ

فيا صديقي الجميل (غشيته بس) فانهمر الغمام، أما مع الاستيطان الذي ذكرته فلا يفل حديده سوى مثل ماذكره الصديق ود رانفي بعاليه.

ثم إن للشوق سكراتٌ وعبرات (يزدادن) كلما غتى المغني أو أنشد المنشدون.

ــــــــ

كان الله مدّ في الآجال جاينك في الراكوبة أنا وود الزين قريبا جدا عسى ولعل نحفف من غلواء ( الكل يوم متحرض )

كل المحبة

عكــود · 02-05-2014, 10:56 AM

يا سلام يا كانديك!

طلتك ولا القمر والله، ومكانك لم يبني عليه العنكبوت ولا باضت عليه الحمائم. ظلّ كما هو، مفروشة عليه ملاءات الأمل معطّر بسيرتك العطرة.

يا طارق أبقى داخل.

جيجي · 02-05-2014, 11:26 AM

اقتباس:

المشاركة الأصلية كتبت بواسطة عكــود

يا سلام يا كانديك!

طلتك ولا القمر والله، ومكانك لم يبني عليه العنكبوت ولا باضت عليه الحمائم. ظلّ كما هو، مفروشة عليه ملاءات الأمل معطّر بسيرتك العطرة.

يا طارق أبقى داخل.

ما دا الامير
ياهوووو الامير
مااصلو زي غيمة الخريف
يغسل وجيهك بي نسيم هادي ولطيف

انا غايتو حارحب بكانديك بطريقتي وطريقة احمد شاويش
وبنقول ليه ادخل بي رجلينك الشمين
ولا نقول ليك ياخ نط نط

مهند الخطيب · 02-05-2014, 12:10 PM

ولمثل هذا الحضور يكون النزول للسوح ، لا بل يُتبع بجلوس مهيب وعقد سواعدنا .....!

احترام وتجلة فأنت الشامخ والباذل فينا ....

طارق الكاديلاك وكفى!!

_ _ _ _ _ _ _ _ _ _ _ _ _ _

بالجمبة كده:

الكلام الرومنسي الفوق ده ما بحلك من الغُلب في الكوشتينة الليلة...

معتصم الطاهر · 02-05-2014, 01:35 PM

مستطاب ..

طارق صديق كانديك · 04-05-2014, 04:20 PM

اقتباس:

المشاركة الأصلية كتبت بواسطة معتصم الطاهر

مستطاب ..

المستطاب،تعليقاتك المختصرة الذكية ياباش.

لك تقديري ومودتي

طارق صديق كانديك · 04-05-2014, 04:17 PM

اقتباس:

المشاركة الأصلية كتبت بواسطة مهند الخطيب

بالجمبة كده:

الكلام الرومنسي الفوق ده ما بحلك من الغُلب في الكوشتينة الليلة...

الكلام ده تقولو لي زول ما جاري خمسينات

ــــــــــ

شكرا ياريس على ماتفضلت به في حقي ، أنت تعلم كيف يستقر هذا المكان في وجداني متمنيا له التوفيق على الدوام.

تحياتي ومودتي

Osman Hamad · 02-05-2014, 03:23 PM

اقتباس:

المشاركة الأصلية كتبت بواسطة جيجي

ما دا الامير
ياهوووو الامير
مااصلو زي غيمة الخريف
يغسل وجيهك بي نسيم هادي ولطيف

انا غايتو حارحب بكانديك بطريقتي وطريقة احمد شاويش
وبنقول ليه ادخل بي رجلينك الشمين
ولا نقول ليك ياخ نط نط

والله ياجيجي، انا كان قلتي لي الكلام السمح دا والغني الجميل دا، كان شيلنا المهر وجيناك عديل، وإذا طلعتي ذات بعل، ممكن عادي ندفع ليهو خُلو رِجِل

.
وكلامي دا مسؤل منو الباش معتصم

01-05-2014, 11:33 PM	#[1]
طارق صديق كانديك :: كــاتب نشــط::	على أجنحة الحنين. يقول شاعر العرب الكبير أبو الطيب المتنبي، حين غشيته رياح الحنين الى مراتع شبابه وسوح أيامه الخالدات: أما الأحبة البيداء دونهمُ فليت دونك بيدا دونها بيدُ وأجدني على ذات الطريق، الطريق الذي تقودني فيه نفسي الأمارة بحب هذا المكان أنسج على منوال المتنبي طريقاً في الحب يبساً من الفراق والتجاهل وقلب ظهر المجن للذين انسربوا في خاطري حباً ووعداً وأمنيات. أو كما ينشد أبو فراس الحمداني: تكاد تضئ النار بين جوانحي إذ هي أذكتها الصبابة والفكر (أحبكم جت عليكم،وبمناسبة المحبة دي،الواحد قرررب يدخل البورد من مقيل حمد ود الشيخ ( المسروف لي سيرو) أو من شارع الحب بتاع دكتور بابكر،بس روقنا المنقة شوية.).* ثم عدتُ للسودان بعد غيابٍ دام أربعة عشر عاماً لأجد نفسي في انشغال دائم لترتيب أوضاعي مما غل يدي عن المشاركة ولو بأجر المناولة لفترة طويلة،فللجميع عذري ومحبتي (حتى مليت ثواني الانتظار) لأجدني الآن بين ظهرانيكم من جديد. ثم يجمل بي أن أقول أن كثيرين هنا قد طوقوني بمحبتهم ومتابعتهم ودعواتهم،لهم عظيم محبتي وتقديري وامتناني. ـــــــــــــــ * ياجماعة لو كورتنا في الكتابة فكت، التمسوا لي العذر
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

01-05-2014, 11:59 PM	#[5]
ناصر يوسف :: كــاتب نشــط::	حبابها عودتك لي جميله يا ابو حمزه ،،، انا لو كنت عارف جيتك لي مع الشباب الليله ، بترجعك كنت عملت لمتكم دي من زماااااااااااااان ياخ وهو من ناحية إنو كورتك فََّكت ،، فهي قد فَّكت ،،، النعمنو كدي الليله لقيتك بتفتش علي الظاااااااااااكره ساي ياخ لوووووووووووول
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

02-05-2014, 10:56 AM	#[9]
عكــود Administrator	يا سلام يا كانديك! طلتك ولا القمر والله، ومكانك لم يبني عليه العنكبوت ولا باضت عليه الحمائم. ظلّ كما هو، مفروشة عليه ملاءات الأمل معطّر بسيرتك العطرة. يا طارق أبقى داخل.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

02-05-2014, 12:10 PM	#[11]
مهند الخطيب :: كــاتب نشــط::	ولمثل هذا الحضور يكون النزول للسوح ، لا بل يُتبع بجلوس مهيب وعقد سواعدنا .....! احترام وتجلة فأنت الشامخ والباذل فينا .... طارق الكاديلاك وكفى!! _ _ _ _ _ _ _ _ _ _ _ _ _ _ بالجمبة كده: الكلام الرومنسي الفوق ده ما بحلك من الغُلب في الكوشتينة الليلة...
مهند الخطيب :: كــاتب نشــط::	التوقيع: "أتعرفين ماهو الوطن؟ الوطن هو ألّا يحدث ذلك كلّه...!" غسّان كنفاني

02-05-2014, 01:35 PM	#[12]
معتصم الطاهر :: كــاتب نشــط::	مستطاب ..
معتصم الطاهر :: كــاتب نشــط::	التوقيع: أنــــا صف الحبايب فيك .. و كـــــــــــل العاشقين خلفي