هترشات إسفيرية

[imported_أزهري سيف الدين]

أغرب ما في علاقات الأسافير، أنك تتعرف أولاً على ما تخطه الكيبوردات ..
ثم تقوم بعد ذلك برسم صورة للشخوص التي تجلس خلف هذه الكيبوردات من خلال مشاركاتهم وآرائهم..
وعند إلتقائك بأحدهم (فيس تو فيس)، تجد نفسك أمام شخص تعرفه ولا تعرفه!
وأثناء السلام وأنت تضع يدك في يده، تنظر إلى أصابعه، باعتبارهم أقرب ما يربطك به إسفيرياً!
وتقول في سرّك:
(بالله ديل الأصابعين الطلع منهم الموضوع السمح داك! ..
بالله ديل الأصابعين الشاكالات ديلك!) ..
ولأخينا العزيز بله محمد الفاضل مقولة جميلة جداً:
"ها قد أتيت وبكفّي سأرقص هنا إصبعاً إصبعاً وحرفاً حرفاً"..
.

[imported_أزهري سيف الدين]

والأصابع في الأسافير خشم بيوت..
منها من يمسك بناصية قلمه (كربون) حتى تزغرد سنّه في كرّاسة البوست ..
وأخرى (تجضّم) الحرف تجضيماً، فيخرج إلى البوست في كامل أدبه ..
.

[imported_الزوول]

واحد قريبنا زول حكيم كلمني
انو الزول دائماً لما يقابلك ...بيعاين ليك حسب مهنتو
يعني الخياط لما يقابلك ... أول حاجة بيعاين لى جلابيتك ..قميصك .. ...خياطتا كيف ..الخ
الحلاق ..أول حاجي بيعاين لى شعرك ..مخنفس ...مصلع ..حالق.. ما حالق ...الخ
النقلتي أو تاجر الأحذية ...يقعد بدل يعاينلك في وشك ينشغل بالمعاينا لى مركوبك ...جزمتك ...الخ
....
اسع قلت لي ... يقعد يعاين لى أصابعك ؟؟
...

[imported_أزهري سيف الدين]

وهناك أصابع تهوى اللعب الخشن في حواراتها، إذ تترك الحرف جانباً وتركز على أصابع الكيبوردات المحاورة ..
لذلك أنصح بإرتداء كدّارات إصبعيّة عند الكتابة في بعض البوستات، بل وشنكارات إذا استدعى الأمر ذلك، أسوةً بكدّارات (أنتي إبرة) للأخوة الترزية *..
والتحكيم يلعب دور هام هنا، فهو المسؤول عن حماية أصابع المتحاورين، وفي حال غيابه قد تسمع بأن فلان فكّا أصبعو في بوست الشكلة..


* بالمناسبة الحاجة البلبسوها الترزية في أصابعم ديك إسمها شنو؟ ..
.

[بابكر عباس]

أزهري سلامات،،
وحات سيدي الحسن يا أزهري، لحدي أول أُمبارح دي أنا كنت معجب بي كتاباتك وبحترمك إحترام شديد. أول أمس لمحت إسمك ضمن لستة فطور النور، يا أخي جاني ليك إحباط شديد! موش عشان فاطرمع النور، لكن عشان عرفت إنك قاعد بالسعودية!
سببك شنو؟ يا أخي شكلك الفي خيالي إتغير! وبعد ما كنت بتخيلك ود نظيف ومفلفل شعرو ولابس T شيرت off white بلياقة purple، طوالي لبستك الجلابية وعملت ليك دقن صغيرة بيضا بأسود!

[imported_نصار الحاج]

المشاركة الأصلية كتبت بواسطة بابكر عباس

أزهري سلامات،،
وحات سيدي الحسن يا أزهري، لحدي أول أُمبارح دي أنا كنت معجب بي كتاباتك وبحترمك إحترام شديد. أول أمس لمحت إسمك ضمن لستة فطور النور، يا أخي جاني ليك إحباط شديد! موش عشان فاطرمع النور، لكن عشان عرفت إنك قاعد بالسعودية!
سببك شنو؟ يا أخي شكلك الفي خيالي إتغير! وبعد ما كنت بتخيلك ود نظيف ومفلفل شعرو ولابس T شيرت off white بلياقة purple، طوالي لبستك الجلابية وعملت ليك دقن صغيرة بيضا بأسود!

ضحكتني خااالص يا بابكر
بس كضباً كاضب ... .
وبعدين يا بابكر يعني بس أزهري ؟
والباقين ؟ شايف إنهم عادي بيشبهوا السعودية بالكروكي بتاعك ... خلينا نحن، مثلاً وجدي الأسعد

[imported_أزهري سيف الدين]

المشاركة الأصلية كتبت بواسطة بابكر عباس

أزهري سلامات،،
وحات سيدي الحسن يا أزهري، لحدي أول أُمبارح دي أنا كنت معجب بي كتاباتك وبحترمك إحترام شديد. أول أمس لمحت إسمك ضمن لستة فطور النور، يا أخي جاني ليك إحباط شديد! موش عشان فاطرمع النور، لكن عشان عرفت إنك قاعد بالسعودية!
سببك شنو؟ يا أخي شكلك الفي خيالي إتغير! وبعد ما كنت بتخيلك ود نظيف ومفلفل شعرو ولابس T شيرت off white بلياقة purple، طوالي لبستك الجلابية وعملت ليك دقن صغيرة بيضا بأسود!

مرحب ببابكر عباس ..
خطوة عزيزة .. وأضحك الله سنك ياخي ..
كلامك دا أكد لي مبدأ الإنطباعية الإسفيرية زيادة..
شكلو لون خطي الـpurple لوّن لياقة الـT شيرت في خيالك ..
يعني لو كان فطور النور دا إتأخّر شوية كان ممكن الـT شيرت كلو يبقى purple ..
أنا عازمك زيارة للرياض يا بابكر عشان تشوفا بي عيوني، ممكن تغير رايك و تديها لون زاهي شوية ..

المشاركة الأصلية كتبت بواسطة بابكر عباس

كُستبان

كتّر خيرك ...ما قصرتا تب ..


_____

أعفي لي لو ما إلتزمتا بعلامات الترقيم* في المشاركة دي ..
* بوست سمح و مفيد ..

.

[اسمر]

المشاركة الأصلية كتبت بواسطة بابكر عباس

أزهري سلامات،،
وحات سيدي الحسن يا أزهري، لحدي أول أُمبارح دي أنا كنت معجب بي كتاباتك وبحترمك إحترام شديد. أول أمس لمحت إسمك ضمن لستة فطور النور، يا أخي جاني ليك إحباط شديد! موش عشان فاطرمع النور، لكن عشان عرفت إنك قاعد بالسعودية!
سببك شنو؟ يا أخي شكلك الفي خيالي إتغير! وبعد ما كنت بتخيلك ود نظيف ومفلفل شعرو ولابس T شيرت off white بلياقة purple، طوالي لبستك الجلابية وعملت ليك دقن صغيرة بيضا بأسود!

بابكر سلام

تصدق يا بابكر ازهري ود خالتي في المرة الوحيدة اللاقيتو فيها كان لابس جلابية
لكن ما عندو دقن.

تحياتي

[بابكر عباس]

المشاركة الأصلية كتبت بواسطة أزهري سيف الدين

* بالمناسبة الحاجة البلبسوها الترزية في أصابعم ديك إسمها شنو؟ ...

كُستبان

[imported_أزهري سيف الدين]

المشاركة الأصلية كتبت بواسطة الزوول

واحد قريبنا زول حكيم كلمني
انو الزول دائماً لما يقابلك ...بيعاين ليك حسب مهنتو
يعني الخياط لما يقابلك ... أول حاجة بيعاين لى جلابيتك ..قميصك .. ...خياطتا كيف ..الخ
الحلاق ..أول حاجي بيعاين لى شعرك ..مخنفس ...مصلع ..حالق.. ما حالق ...الخ
النقلتي أو تاجر الأحذية ...يقعد بدل يعاينلك في وشك ينشغل بالمعاينا لى مركوبك ...جزمتك ...الخ
....
اسع قلت لي ... يقعد يعاين لى أصابعك ؟؟
...

الزوول الوسيم في طبعو دايما هادي ..
صاحب الحرف الأخضر .. الله يخضّر أصبعك كمان و كمان..
زولك دا فعلاً حكيم..
بالإضافة للملاحظات المرتبطة بي مهنتو، صاحب المهنة دايماً بيتأثر بي مصطلحات مهنتو ..
يعني مثلاً النقلتي يجي يشاغل ليهو بت يقوم يقول ليها (أحبك داير ما يدور) ..
والترزي يقول ليها (أموت عمود) ..

حكمة إسفيرية:
أصبعك حصانك، إن صنتو صانك، و إن هنتو هانك ..
.

[اسمر]

المشاركة الأصلية كتبت بواسطة أزهري سيف الدين

أغرب ما في علاقات الأسافير، أنك تتعرف أولاً على ما تخطه الكيبوردات ..
ثم تقوم بعد ذلك برسم صورة للشخوص التي تجلس خلف هذه الكيبوردات من خلال مشاركاتهم وآرائهم..
وعند إلتقائك بأحدهم (فيس تو فيس)، تجد نفسك أمام شخص تعرفه ولا تعرفه!
وأثناء السلام وأنت تضع يدك في يده، تنظر إلى أصابعه، باعتبارهم أقرب ما يربطك به إسفيرياً!
وتقول في سرّك:
(بالله ديل الأصابعين الطلع منهم الموضوع السمح داك! ..
بالله ديل الأصابعين الشاكالات ديلك!) ..
ولأخينا العزيز بله محمد الفاضل مقولة جميلة جداً:
"ها قد أتيت وبكفّي سأرقص هنا إصبعاً إصبعاً وحرفاً حرفاً"..
.

ازهري سلامات

دايما الناس البتجمعك بيهم الاسافير بترسم ليهم اشكال معينة
وغالبا عند اللقاء بهم بتلقى الشكل مختلف اختلاف كامل عن ما رسمته في خيالك
وايضا تتخيل صوتهم واول ما تسمعه في الهاتف تجه ايضا مختلف
فمثلاً مهند الخطيب تخيلت صوته قوياً وعندما اتصلت به وجدته صوت هادي جداً.

تحياتي

[imported_أزهري سيف الدين]

المشاركة الأصلية كتبت بواسطة اسمر

ازهري سلامات

دايما الناس البتجمعك بيهم الاسافير بترسم ليهم اشكال معينة
وغالبا عند اللقاء بهم بتلقى الشكل مختلف اختلاف كامل عن ما رسمته في خيالك
وايضا تتخيل صوتهم واول ما تسمعه في الهاتف تجه ايضا مختلف
فمثلاً مهند الخطيب تخيلت صوته قوياً وعندما اتصلت به وجدته صوت هادي جداً.

تحياتي

أسمر تحياتي ..

علاقات الأسافير أمرها عجيب ..
في عام 99، كانت ثقافة علاقات الأسافير في بداياتها ..
صديقنا البرلوم كان مهووس بالـ MIRC، وهو برنامج دردشة كتابية جماعية، مع إمكانية الدردشة في غرف خاصة، يعني حاجة قريبة من الفيسبوك كدا ..
كان يقضي ما لا يقل عن 10 ساعات يومياً خلف الكيبورد، ثم يأتينا في آخر الليل ممتلئاً بها، حتى كدنا نغازله (بحسب دكتور بشرى الفاضل).
بعد مرور شهر تقريباً لاحظنا أن صديقنا هذا حارب الإنترنت مرّة وحدة، إتضح لنا لاحقاً أنه اكتشف أن ميناكير الأصابع التي كانت تغازله من خلف الكيبورد مزيفاً، فقد كان كميناً نصبته له أصابع أصدقائه الإسفيريين!



________

ومن سخرية الأسافير أن تلتقي بإبن خالتك صدفة ..
كدي تعال في الخاص ..
.