الفيديو كليب الثاني للفنان!! علامة الاستفهام.. طه سليمان

[الجيلى أحمد]

المشاركة الأصلية كتبت بواسطة خالد الحاج

.
ولا يزال السي دي في سيارتي أستمع إليه دون ملل .. لكنني عندما تأتي أغنيات مثل (سنتر الخرطوم) و ما شابهها أضغط "تقديم" وأقفذ لما بعدها ..
مؤسف أن تضيع هذه الامكانات الصوتية المهولة في ركاكة الأغنيات "التي يتطلبها السوق" ..

التحية للأستاذ طه سليمان من شخص يطربه الغناء الأصيل ويضرسه "راجل المرا وسنتر الخرطوم" ..

ودالحاج
سلام ياصاحبى
لووووووول
غايتو دا كلام ماوقع لى..

(سنتر الخرطوم) مالا؟؟
نحن فى حوجة لتعريف ماهية الغناء الأصيل وغير الأصيل...

[الجيلى أحمد]

هذه هى كلمات اغنية سنترالخرطوم.



سنتر الخرطوم .. السهر بالكوم
اشتهينا النوم ياعوض دكام
حلوة دنيتنا وكل حاجه تمام
كلام في كلام ياعوض دكام

نحن ماناسيين ..للعهود فاكرين
للوصال طارين ياعوض دكام
حديثك الراقي وجيهك البسام
كلام في كلام ياعوض دكام

جينا نحكي ليك .. نبكي نشكي ليك
العلم بي الشيك ياعوض دكام
جامعه بالدولار والفهم اقسام
كلام في كلام ياعوض دكام

يورب ونايل سات كترو القنوات
الكلام بي الشات ياعوض دكام
كلو دي في دي وخلو بالكم كام
كلام في كلام ياعوض دكام

شوفو الخريجات نصهم بايرات
شوفو الخريجين نصهم عاطلين
شغله مالاقين ياعوض دكام
فتحو روتانا وكملو الافلام
كلام في كلام ياعوض دكام

الرصيد خلصان والشباب فلسان
على العلينا كمان
يجونا مغتربين يهدمو الاحلام
كلام في كلام ياعوض دكام

شوف لعيبتنا
دي الشينه كورتنا
الخمسه ماركتنا ياعوض دكام
شوفو ناس كاكا وشوفو ناس بيكهام
كلام في كلام ياعوض دكام

شوف درامتنا
دي الشينه شاشتنا
السينما غلبتنا ياعوض دكام
شوفو ناس كايرو شوفو ناس الشام
كلام في كلام ياعوض دكام

ومافي ضحاكات اشتقنا للكاشات
ياعوض دكام
هدمو الدنيا وبنوها في ايام
كلام في كلام ياعوض دكام

الاغنية فى مجملها تقديم لفكرة نقدية
لاترفض المجتمع وسلوكه ولكنها تسخر من طرائقه ومحصلاته السلبيه..


الاسلوب ال ’ساركستيك’ المتبع فى الاغنية يعكس درجة السخط فى مجتمعات الشباب..

عن نفسى اجد فى هذه الاغنية بوابة تكفينى عن مئات الكتابات الشارحة والموصفة للخرطوم.

[الجيلى أحمد]

اتمنى ان تجد تجربة هؤلاء الشباب حظها من النقاش المتعمق