مناشدة لدرة سودانيات .. السيدة أمال الشيخ ..

[أبو أماني]

المشاركة الأصلية كتبت بواسطة بابكر مخير

قدر يا الحبيب ما بتجيد إختيار الأحسن في الكلام والأحلى في الحروف!!
هنا ما إتوفقتا؟؟
الدرة ليها جّْمِع..
يعني ليها شبيهات ومثيلات..
دحن متل آمولي دي في ليها الشبيها ولا ليها إخية؟؟

بس قول ليا
يا سيد الكلام
صاحب الفهم
خاتي الغلط والملآم

محبة ليك وإحترام ليها

والحبوبة كمان قالت :-
سطر جديد
انتو جادين
افوت سودانيات امشي وين
قاعده وحاتكم
الدايرني يمشي منتدي الاداره
والماعندو طريقه يدخل عافين ليه
محبتي ياابواماني
ليك وللكل
الناس البتنفسم هنا وبتدفا بيهم
وماببقي بلاهم
وحاه خوتك

* * *
فعلا يا سيد الناس .. ماليها شبيه .. ويخالجني الشك تكون الشخصية أو من سلالة الشخصية القال فوقها .. شعراء الحقيبة ما لم يقله مالك في الخمر .. وبخاصة ذاك الشاعر الذي لا أحضر أسمه صاحب أغنية ..
ملكة وجمالها فريد وخلوقها زي ماتريد ..
في عيونها خلقو الريد ...
وجمالها ليس المقصود به المحيا وحسب بل كل شئ .. وما تريد يقال وعلى ذمة الراوي أن الشاعر أشار بها لإلهة الجمال لدي الرومان .. والله أعلم .. عموما لك حبي يا أبو زنوبة كلما تطاولت لقمة ما .. نظرت إلى أعلى .. وجدتك .. أمال .. بطلي دلال وتعالى بي غادي .. أظهر وبان يا سيد الحبان .. عليك الأمان .. تشاووووو

[قمر دورين]

المشاركة الأصلية كتبت بواسطة AMAL

ما ملاحظين حاجه
انتو شايتين في حته وعمكم ابو اماني شايت في حته تانيه
القصه ما غياب ولا تعزز
ولا خرجت ولم تعد او تكاسلت واحتجبت
اصحو للون واتضامنو معانا شويه
الموضوع انو ابواماني ملك التدقيس في سودانيات
والذي دوخ عتاوله البورد واستدرجم لي كرسيه الساخن جدا
عايز يجر رجلي هناك
الشاب دا بدا بي خالد الحاج
وعرج علي رافت ميلاد
مرورا بي فيصل سعد وسعادتو النور
فطاحله عدييييييل
لا ياعمك
دا شعرا ماعندي لي دقنوس
انا نازله المحطه الجايه
والباقي عفيتو ليك ياعمك

[align=center]
تحيّاتي أبو أماني وكل من مرّ من هنا....

آمال....
تعرفي أنا عملت ب...أنا ما بقطف زهورك وبعاين بس بعيوني...
قلت لحد ما نشوف نهاية البوست شنو والإحتمال الختيتو طلع صاح...

لك الله يا آمال....وأنت لها!!

_______

نعلن تضامننا مُسبقاً !!

[/align]

[أبو أماني]

المشاركة الأصلية كتبت بواسطة قمر دورين

[align=center]
تحيّاتي أبو أماني وكل من مرّ من هنا....

آمال....
تعرفي أنا عملت ب...أنا ما بقطف زهورك وبعاين بس بعيوني...
قلت لحد ما نشوف نهاية البوست شنو والإحتمال الختيتو طلع صاح...

لك الله يا آمال....وأنت لها!!

_______

نعلن تضامننا مُسبقاً !!

[/align]

تسلمي يا قمر دورين يا الكلك زين .. علما بأن (زين) عالم جميل زي سودانيات ...
يعني بصراحة كده لو أمال ما إستجابت لقمر دورين تكون بالغت عديييل كده..ناس أبو أماني وود مخير وناصر والجماعة المدقشمين ديل خليهم .. رائيك شنو في كلام قمر دورين تقدري تقولي لأ؟؟
عموما أنا واثق من معزتك لقمر .. لذلك بعد تجاوبي على سؤالي (البيزنطي)! الأول دااااك عاوز إجابة صادقة على هذا السؤال : متى تعــود إلينا أمال الشيخ .. تلك النحلة النشطة ..؟

[ود الطريفي]

يمين بالله يا شباب وما طالبنى حليفة..
جبارتكم وقفت بس بى ظهور أمال..
بالله أنا من ما قريت ليك(قام إتعززالليمون) وجرى على السكين..
أفو..كمان جابت ليها مشاغلة..
لكن بس ربك ستر..
غايتو المرة الجاية أعملوا حسابكم..
وقبل ما أى واحد فيكم إقرر إشاغل أمال دى
إتاوق أول شى عشان يشوفنى فى ولا مافى..
و(خسوساً)
أخونا رأفت..
شنو يا فردة إنت قايل هناك ما بنلحقك ولا شنو..
ولا أقول ليكم..
طالما جابت ليها (مشاغلة)،(فلنشاغل) كلنا
فجحا أولى بلحم ثوره..
أو كما قال المثل..
ولكن ما عساى أن أقول..
فشهادتى فى هذه(الأمال) مجروحة..
فهى بنت خالى..
ثم نديدتى..
ثم صديقتى منذ زمن سحيق..
إنسانة بكل ما تحمل الكلمة من معانى..
مهمومة دوماً بالآخرين..وبعمل الخير
مثقفة..واعية..وراقية
لها محبتى..
ولكم جميعاً مثلها..

[رأفت ميلاد]

ود الطريفى حبابك كتير
شرفت كتير

المشاركة الأصلية كتبت بواسطة ود الطريفى

يمين بالله يا شباب وما طالبنى حليفة..
جبارتكم وقفت بس بى ظهور أمال..
بالله أنا من ما قريت ليك(قام إتعززالليمون) وجرى على السكين..
أفو..كمان جابت ليها مشاغلة..
لكن بس ربك ستر..

هى أمال دى دايرة وصايا .. كان دايرة تقعد ليها زول فى علبه

المشاركة الأصلية كتبت بواسطة ود الطريفى

وقبل ما أى واحد فيكم إقرر إشاغل أمال دى
إتاوق أول شى عشان يشوفنى فى ولا مافى..
و(خسوساً)
أخونا رأفت..
شنو يا فردة إنت قايل هناك ما بنلحقك ولا شنو..

ياخوى رأفت ما براه فى واحد تانى إسمه فتحى وواحد إسمه بكور واحد إسمه أبو أمانى .. ديل مرفوع عنهم الحجاب .. وعلى كيفم الإدارة الفيها أمال زاتا ما قادرة عليهم .. غايتو كان لحقتنى ما بتندم

المشاركة الأصلية كتبت بواسطة ود الطريفى

فشهادتى فى هذه(الأمال) مجروحة..
فهى بنت خالى..
ثم نديدتى..
ثم صديقتى منذ زمن سحيق..
إنسانة بكل ما تحمل الكلمة من معانى..

يا زول شهادة مقدرة وقوية وما قصرت ..
كدى يدك معانا نختها فى الكرسى الساخن .. والله زى ما قال ليك حاتم إلا نسخنه نحن

تحياتى

[AMAL]

المشاركة الأصلية كتبت بواسطة ود الطريفى

يمين بالله يا شباب وما طالبنى حليفة..
جبارتكم وقفت بس بى ظهور أمال..
بالله أنا من ما قريت ليك(قام إتعززالليمون) وجرى على السكين..
أفو..كمان جابت ليها مشاغلة..
لكن بس ربك ستر..
غايتو المرة الجاية أعملوا حسابكم..
وقبل ما أى واحد فيكم إقرر إشاغل أمال دى
إتاوق أول شى عشان يشوفنى فى ولا مافى..
و(خسوساً)
أخونا رأفت..
شنو يا فردة إنت قايل هناك ما بنلحقك ولا شنو..
ولا أقول ليكم..
.

يا جماعه هووووي
المحامي بتاعي وصل
شيل شيلتك يا ابواماني
واخد بالك ياروفي
الاستاذ ازهري الطريفي
زميلك في القريه المجاوره
المحامي الناشط
والمتسدر ومتصدر لكل القضايا
شيال التقيله
ود عمتي ام المصباح
ياخ دا بوست مبروك عديل
الجابك لينا يابوالزهور
اها ياناس سودانيات
اعملو حسابكم
حاتم وقمر
القصه جابت ليها محامين وحقوق انسان
فياشباب ابعدو دمكم وخلو الاستاذ يشوف شغلو
قايلني هامله ولا هامله
بالله ابدا لي بي ابواماني دا قريب جنبك
اقل حاجه اعدام
والعجب كان جاك لابس بنطلون
بالله النظام العام عدِل
40 جلده مع الرأفه تاني قولو لي الكرسي الكهربائي

شكرا ازهري
واهلا بي جيتك شرفت ونورت سودانيات
الناس الجميله هنا والقلوب الصافيه والمحبه المبذوله والود الموصول
بابكر وفتحي ورافت وحاتم وقمر وكيشو وامينا العام عكود وسيد الناس ابواماني

اعزازي لكم جميعا




ياناس ياعسل

[لنا جعفر]

آمال يازااااااااااااااااايغة
تعالي هنا ياخ أبو اماني ده نصب ليك فخ محكم من عدة وجوه
فخ الكرسي الساخن وفخ زوغتك مني يابتاعت النعوش....
وطبعا انتي اتخيلتي اني نسيت وجاية تقدلي؟
انا زي الابل مابنسى خااااااالص
بالذات لو بقى فيها نعوش
والله لكن حريفة ......
بس مابتفلتي مني كلو كلو
شايفاك غايتو مقاطعة بوستات الكورة ياشابة فياريت لو عرفنا السبب؟
ده طبعا سؤالي الحاابدء بيهو لو مشروع ابو اماني مشى لي قدام
عاملة فيها مشغولة؟؟؟
انتي زايغة ياختي من يومها
الساعة خممممممممسة ياحبيب ماتنسى !
باقي انتي طالباني يازميلة..
يللا وضحي لي عزيزك المشاهد انتي زايغة من غلب الهلال ولا زايغة من الكرسي الساخن
الشكية لي الله غايتو بقيت طريدة عدالة عدييييييل كده
وفي الحالتين انا الشااااامت ترلم ترلم ترلم
اصلي بقيت ملك الشماتة
في يوم المباراة كتبتي لي ود عصمان اظن حسا تجينا لنا جعفر اللهم كاااامل الشماتة؟؟؟
اها ليه ماانتظرتيني؟؟؟؟
احيييييييييييييييييييييييييييييييا من عدم الروح الرياضية
------
شوف هنا ياابو اماني انا بثني اقتراحك وآمال هي الضيفة الجااااية
وخلي لي الباقي بس
باقي انا مطلوبة
فتحو ليك بوست ياآمال عدييييييييييل كده
جرسة شديدة
----------
وين انتي بالجد ياآمال؟
بالمناسبة
تشااااو انا برضو

[لنا جعفر]

آمال والله خايفة منك عديييل كده
لكن باقي لي بعرف ازهري الطريفي ده
وخايفة اتسرع وكده
اها كيف الشورة؟؟؟؟
اقول ولا اسكت؟؟؟؟؟

[AMAL]

ماقلنا البوست دا بركه
اهو جاب لنا جعفر شخشيا
لذيذه حتي وهي في حالتا الشماتيه الانتقاميه
الله يرحمك يا عبد القيوم
اها اطمئني
مشروع ابواماني اجهضناهو بالتلاته
بناء علي نصيحه ود عمتي ازهري ود قانون
ان التزم الصمت تماما
لانو الدنيا ما معروفه
واي معلومات قد تؤخذ ضدي
فيابت امي زمااااان
غلطت وقلت لي صاحبك كيشو
معلومه عن خط قرينتش
طلعت غلط وحاتك متلحني لي حسا
تقول غلطتا في البخاري
اها البوديني بيوت الموامير شنو ياعملات الشول بت الخليفه رحمه الله عليها

بخصوص مستشارنا القانوني ووكيلنا العام
عزيزنا ابوالزهور
سمحنا ليك قولي
ود اي حاجه
ان شالله ود الهندسه قسم القانون زاتو

[أبو أماني]

[color=#0000FF][frame="7 90"][QUOTE=ود الطريفى;164998]يمين بالله يا شباب وما طالبنى حليفة..
جبارتكم وقفت بس بى ظهور أمال..
بالله أنا من ما قريت ليك(قام إتعززالليمون) وجرى على السكين..
أفو..كمان جابت ليها مشاغلة..
لكن بس ربك ستر..
غايتو المرة الجاية أعملوا حسابكم..
وقبل ما أى واحد فيكم إقرر إشاغل أمال دى
إتاوق أول شى عشان يشوفنى فى ولا مافى..
و(خسوساً)
أخونا رأفت..
شنو يا فردة إنت قايل هناك ما بنلحقك ولا شنو..
ولا أقول ليكم..
طالما جابت ليها (مشاغلة)،(فلنشاغل) كلنا
فجحا أولى بلحم ثوره..
أو كما قال المثل..
ولكن ما عساى أن أقول..
فشهادتى فى هذه(الأمال) مجروحة..
فهى بنت خالى..
ثم نديدتى..
ثم صديقتى منذ زمن سحيق..
إنسانة بكل ما تحمل الكلمة من معانى..
مهمومة دوماً بالآخرين..وبعمل الخير
مثقفة..واعية..وراقية
لها محبتى..
ولكم جميعاً مثلها..[/frame][/color]
[font=Times New Roman]
والله يا الغالي يا الطريفي يا أخوي .. طلتك البهية دي وبعد غيبة دامت شهور في البوستر حقي ده شرف لا يدانيه آخر .. وعليه ياسعادة الأفوكاتو الشهير .. حررررررم كان قلت نصدر العفوء عن مؤكلتك غيابيا ونشطب الدعوة .. إكراما ليك نحميها من المثول في مائدة سودانيات العامرة ولو إني كنت متفق مع (كزام) للمناسبات إكراما لها.. وضابحين إكراما ليها ستة قصدي (خمسة) خرفان وعجلين !! كمان ..!.
بس لاكين يا فردة .. دقست في حق بت خالتك لما قلت المفردة دي :-
وقال الطريفي من مجمل ما قال وفي لحظة غفلة :-
فشهادتى فى هذه(الأمال) مجروحة..
فهى بنت خالى..
ثم نديدتى..
ثم صديقتى منذ زمن سحيق..***

اصبري يا بت أمي ..! إتي برضك طلعتي كضابة زي إخوك (أبو أماني)؟ .. هي (بيس)! قصدي زي أخوك فتحي مسعد؟! في مسعلة العمر دي .. وكده ؟ تقنعيني إنك يا دوووووبك كم وتلاتين! .. وأنا شابكك يا إيمولا .. ويا صغيرتي .. ويا تلميذتي النجيبة وما جايييب خبر؟ .. عادل عسوم .. أحمد زين .. دحين شفتوا الإعترافات الضمنية الفوق دي؟ نديدة سعادة الأستاذ الأفوكاتو الضليع والذي نعلم يقينا بأنه .. دوّخ معظم القضاة وترافع في معظم المحاكم العالمية وكمان نسعل الله السلامة من ناس الزمن السحيق؟
الرسول عليك .. يا بابكر مخير يا أخوي الزمن السحيق ده كان فكوه في الدكان الناصية الحمبنا ده بجيب ليو كم سنة كده؟ .. غايتو يا إيمولا .. (وبقولها ليك كيتن في خطيبتي منال) أصلها بتغير على أوي أوي لما أكلم الجنس اللطيف بإسم الدلع .. غايتو يا أختي ود خالتك ده جاء يكحلها عماها .. وانا حالف .. ما تظهري لي في المائدة حقتي.. عيلا .. انزل نسخة من شهادة الميلاد الأصلية اللتك واللت ود خالتك الظريف ده .. وكمان معاهن شهادة (التسنين) اللتي .. عشان ناس سودانيات كلهم يتأكدو إني أزغر زول فيكم كلكم ..يعني بالعقل كدي لو ولدي الكبير فادي عمره ستة قصدي (خمسة)!! وعشرين سنة وأنا عرسوني قصدي عرست صغيير يعني أكان إطناشر كان طلطاشر كدي!! نقول يا ستي عشان خاطر مشاعر ناس هناية ديك 48 سنة .. وغير كدي وحاة خووتك ما بتخارج معاي .. أها بتجي الكرسي الساخن .. بيتين؟ شايف ود ميلاد ما قصر .. قاعد يسخن ليك في الكرسي .. أنبوبة الغاز لما خلصت مد ليو خرتوش من الجيران .. واللللليلاااااا .. أمال جاتكم .. شايفها بتسخن على الخط .. وأنا ملللي.. أنا بررررره ... تشاوووو [/font]