راكوبة المجادعات.. النمة والدوباي

[سمورية]

اهل الراكوبة سلام
يسعد صباحكم يارب زى ما اسعدتو صباحى

[سجمان]

المشاركة الأصلية كتبت بواسطة سارة

طارق كانديك كتب :-

درب الرجعة خلو وورينا شورتك كيف

بين ضامر الحشا والصدرو طامح قيف

ولع قلبى صده بقى زى سموم الصيف

نرجى يحن علينا... جودا بلا تكليف

يالسارة مبروم الحشا الفينا خالف كيو
معدوم في الخلوق ما شفنا شبهاً زيو
النهار بقضيهو هايم دوام في حيّو
سهران ليلي لامن منادينا صاح بـ حيو

[سجمان]

المشاركة الأصلية كتبت بواسطة أحمد محمد زين حسين

درب الرجعة يا ابوالسارة تب عارفنو
وضهبان الطريق ما بوجهو التابعنو
يا السجمان اخوي نحن الكلام سامعنو
بس قلنا النقيف لما الجماعة يصِنّو

ما بضهب معاك سرباً بقيت حاديهو
وماب مل الطريق زولاً مسك راديهو
السجمان أخوك عارف براك واديهو
كلما تلقى صنة أسرع عليو ناديهو

[مي هاشم]

المشاركة الأصلية كتبت بواسطة طارق صديق كانديك

مي هاشم

انا القيتك ما ساهلة .. والله ..

أمسكي :

نحن العزانا بنعزو ونجل مقدارو
والمابينا حرّم ناسو القبيل يضارو
قومتنا الخلا والليل بعد هبارو
زولنا نفرتقو يصبح يكوس نجارو

صباحكم زين جميعاً..
طارق..يديك العافية
صُب دي



نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو




ابقى مارق..

[طارق صديق كانديك]

المشاركة الأصلية كتبت بواسطة سارة

طارق كانديك كتب :-








درب الرجعة خلو وورينا شورتك كيف

بين ضامر الحشا والصدرو طامح قيف

ولع قلبى صده بقى زى سموم الصيف

نرجى يحن علينا... جودا بلا تكليف

يرخيلك سدولو وقليبو عندورهيف
يقدل في المشى جايبو لي صوت حفحيف
ياضامر الحشا أرحم قلوبنا أقيف
فايتنك صبر والوجعه ما تقول كيف

[سجمان]

المشاركة الأصلية كتبت بواسطة مي هاشم

درب الرجعة هيّن..خابرِنّو..ما شارِعنا
وضهبان الطريق يبرانا هو التّابعنا
وخلونا النّنادي العُمده أكان سامِعنا
الفرُرجه ما بندورا أمرق تعال جادِعنا

كان سامع نداك يا خيتي ما بتفرّج
أنا الفي النضم لا بخاف ولا بتحرّج
كان عارفة العلي تدعيلي كان تتفرّج
يشفي الفي القلب ساكن هواهو مدرّج

[طارق صديق كانديك]

المشاركة الأصلية كتبت بواسطة سجمان

الجيد خيزران ماح بالصدير الفتّق
لي عرو الزراير ونفساً عبيرو معتّق
يا شتيل المطور الشال نوارو وبتّق
ألفيهو الدِرِك في ريدو قلبو اتهتق

الصدر القبيل قام بي هناك وفرتق
لمن ديكي صاح أنا في وحيحي مهتق
يابرق الضحى العوعايو بقا ونتق
جيب لي من عبيرو نفساً حنين ومحدق

[طارق صديق كانديك]

المشاركة الأصلية كتبت بواسطة مي هاشم

صباحكم زين جميعاً..
طارق..يديك العافية
صُب دي


نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو

ابقى مارق..

صباحك زين يا مي


الزول كان بخاف عقب النضم شن كترو
قولت كف كواريكو وبكاهو يدفرو
هاك نضماً عدييل حاشانا ما بنشترو
لايكين الصبر وبي هناك عدونا نكسرو


الليلة إلا تجري ..

[سجمان]

المشاركة الأصلية كتبت بواسطة أحمد محمد زين حسين

يا ست البنات العمدة قال مشغول
والنم والغنا دايرلو زول ممهول
داخرنك يمين للحارة وسديد القول
يا عمدتنا ياخ عذرك معاك يا زول

نغلت نحن ديمة وتشوفلنا الأعذار
يالأصلك عتيق أهلك بخودو النار
قول للبكوس في العمدة ما تحتار
الصايد الفكر شاغلني ليل ونهار

[طارق صديق كانديك]

المشاركة الأصلية كتبت بواسطة سمورية

اهل الراكوبة سلام
يسعد صباحكم يارب زى ما اسعدتو صباحى

صباحك خير وفال أختنا سمورية

دائماً يارب

تحياتي

[مي هاشم]

المشاركة الأصلية كتبت بواسطة سجمان

كان سامع نداك يا خيتي ما بتفرّج
أنا الفي النضم لا بخاف ولا بتحرّج
كان عارفة العلي تدعيلي كان تتفرّج
يشفي الفي القلب ساكن هواهو مدرّج

وحاتك يا خوي هداااااااك..سعِعنا الكامل
جادِعنا آالحبيب خليك لينا مجامل
الله يفرج العليك فرجاً شامل
ومن كل العلل يديك شفاياً كامل

[سجمان]

طارق ومي..
ثنائية جميلة والله..
إبداع..

خلونا نحلحل ديونا في
الصفحات الفاتت ونجي
نعبيها معاكم بي جاي..
ودي؛؛

[طارق صديق كانديك]

ناس مي والمعاها الليلة إلا يطيرو
شاربين النضم غرفاً يمين من زيرو
كايسين للغلات شايلين معانا كبيرو
البنمسكو يا قال أح يا فرشولو سريرو

هههههه ...

[مي هاشم]

المشاركة الأصلية كتبت بواسطة طارق صديق كانديك

صباحك زين يا مي


الزول كان بخاف عقب النضم شن كترو
قولت كف كواريكو وبكاهو يدفرو
هاك نضماً عدييل حاشانا ما بنشترو
لايكين الصبر وبي هناك عدونا نكسرو


الليلة إلا تجري ..

أنا بت الرجال..حاشاني تب ما بجري
بركز للقتل وزغرودتي فوق لي قبري
هاك نضماً موزّن مفافيه تب الشّتري
بداقرك في الحديس وإلا إنت التّجري

[احمد زين]

المشاركة الأصلية كتبت بواسطة مي هاشم

صباحكم زين جميعاً..
طارق..يديك العافية
صُب دي



نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو

نحن عزااااااز..والدُّرنا والله بَخْتو
والمابينا حرّم نَدَاعي نَسَخْتو
بندواس الهبشنا والعلينا بيخْتو
والشّكرنا يمين نعرّس أخْتو

عملتي لينا وجع شوف ياخ وزغللة في العيون.... نحن عجايز ونظرنا ضعيف