والله لكن دي لغه غريبه ياناس سودانيات

[كيشو]

تبقى مصيبة لو الجماعة ديل اتمردو ودخلوا المعارضة وحصلوا الانتخابات

[أبو خليفه]

المشاركة الأصلية كتبت بواسطة مجذوب عباس مجذوب

صديك .... مافى معلوم يكتب انا.... انت لازم سوى شوى قرقر

شئ عجيب والله ...

أولاً مرحب بيك ياحبيب في سودانيات ..
قرقر كتير مافي .. سودان سنه آخر خلاص كل نفر خلي يولي ..

لك الود ..

[أبو خليفه]

المشاركة الأصلية كتبت بواسطة ناصر يوسف

[align=right]ترجمة ما جاء عاليه

علي هذا الإعلان:
فضلاً ممنوع رمي الأوساخ
بالقرب من الباب
أرموها في برميل البلدية
لو سمحتم
التوقيع: صاحب عمارة أبو الشُرّاب


وفي ترجمة أُخري:

ممنووووووع البــ .... { نُقَط نُقَط }

هُنَا يا حمااااااااااااااار [/align]

الظريف في الأمر يا ناصر (فضلاً) أدب جم

الترجمه واحده واحده يا ناصر ماكده يااخ

جباله : جبل يجبل ركب وأعتلى سطح الجبل ..
باب جنب : جنب يجنب أو من حقت ناصر التحت دي ....

[align=right]
ممنووووووع البــ .... { نُقَط نُقَط }
هُنَا يا حمااااااااااااااار [/align]

والبقية تأتي ..

[أبو خليفه]

المشاركة الأصلية كتبت بواسطة شليل

أبو خليفة إزيك
أبو الشراب دي زكرتني أبو سروال عند إخواننا الحبش
لمن اللواحد يعرس بيغنوا ليهو
وسداتو : أخدا
وسداتي : أخدتو
جقنا : القوي
بعل : أبو
سراي : سروال

ــــــــــــــــــــــــــــ
كافة الحقوق محفوظة للأريتريين قبال ما يعجب بيهاً مرشح إنتخابي ما عندو برنامج ولا زباين وتكون دعايتو الإعلامية :
رشًحوا القوي أبو سروال

أهلين ياشليل ..

السروال ياشليل
بالله في شعب يغني للسروال ..
.. وكمان مرشح ..

بس ما يجوك ناس هناي وهناي ديل زعلانين على الحبش
لك الود ..

[ود البدوي]

المشاركة الأصلية كتبت بواسطة مجذوب عباس مجذوب

صديك .... مافى معلوم يكتب انا.... انت لازم سوى شوى قرقر

شئ عجيب والله ...

والله فعلاً كلام عجيب.
ذكرتني حاجة كبيرة سودانية مشت لصاحبتها عشان تحمدل ليها سلامة ولدها الكان عيان وعاوزة تقول ليها أنا السنة الفاتت برضو ولدي استحم وطلع في البرد جاتو ملاريا قالت:
داكي الليلة هنيتنية كسح كسح اتبرد عقباتن ورد. والمعني واضح

[أبو خليفه]

المشاركة الأصلية كتبت بواسطة كيشو

[align=justify]أبو خليفة
إنت سودانيات دي ما عندها مجلس إدارة
ولّ في لكين ما شايف شغلو
[/align]

فاكين اللعب

تحيه وود ياكيشو

[أبو خليفه]

المشاركة الأصلية كتبت بواسطة كيشو

تبقى مصيبة لو الجماعة ديل اتمردو ودخلوا المعارضة وحصلوا الانتخابات

كمان ما تقول الجنسية السودانيه مرميه في شارع الله ده ..
تدفع تكسب


تفتكر حا يصوتو لي منو ؟؟؟؟