سنة اولى ام

[بارعة]

[بارعة]

ازيكم ومشتاقين وطولت منكم وطولتو منى لكن نعمل شنو


هسة انا دخلت ليكم سرقة من غير ما زول يحس بى فى البيت دة

قلت اسلم عليكم وطبعا انا طووولت شدييييييد ولمن نسيت الرقم السرى والايميل

غايتو كدة كدة عافرتا جبتو ولما دخلت قال لى اخر دخول ليك شنو كدى ما عارف الفين وخمسة
قلت واااخجلتك يابارعة .............البارعة ليها شنو انتى.......

.......لكن درب الشنو كدة ما عارفة للحول قريب موش!!

غايتو المهم

لما جيت هسة لقيت الشى مو شى

لقيت سودانيات بقت شى تانى وما عرفت ابدا من وين

وعشان اكتب وانزل الصور دى تعبت جنس تعب


حالتى قلت اجى افرق معاكم/ن لكن تعبتونى ........

........بصراحة.....
....الجديد شديد.............


والله حاجة رهيبة

[منعم ابراهيم]

يا مراحب


بارعة في شكل العلاقات

ربطها ...

بين أهلك ...بعد شراب القهوة
سوف أقرأ لك الفنجان...

سعيد كأول المرحبين


منعم

[ندي عبدالمنعم]

بارعة ..

سنة أولى أم ..ها ..ها ..ها
مبروك الخروج من الكوما الامومية ..

بالله ما حاسة بروحك زى "البعاتى" القام من القبر كدة ؟؟


قلبى معاك و الله .......

[أبو العز الجنوبي]

الف مراحب يا أم.....
كدي ورينا سنة اولى ام ما بها وما عليها؟؟؟
احساسك بيها؟؟؟ خفت منها ام دخلتيها بقلب جامد؟؟؟
وهل الاشياء، اختلفت ام لا؟؟؟

[عالم عباس]

ألا ما أجمل الأمومة
وما أجمل الأم
تهدي للإنسانية ما تؤكد لها بها هذه الإنسانية
وما تجعلها تستمر وتحيا و تعيش وتكون
ألا ما أبهاك من أم
لا حياة بدونك
لاشيء دونك
يا لله
تنحني كل الجباه تقديراً لها
من يستطيع التحدث عن الأم و يوفيها قدرها
ليس جزافاً صارت الجنة تحت أقدام الأمهات!
وإنما عن جدارة واستحقاق
انهضي وافعلي ما بدالك، فهذا حق لك
فأنت أم!
(اقدلي وسكتي الخشامة
وانزلي في العوازل كي)
فأنت أم
يا بختك
أنت أم

[ناصر يوسف]

بارعه ويانعه زي جدول
بتسقي الناس هطول من حليب
وحليب الأم
غذاء الروح
وطفل يكاد لا يري الأشياء
تلوح إبتسامة فجأة وهو غارق في نومه المباح
تلمحينه بطرفة عين
فيقشعر بدنك فرحاً
ههو مولودي قد إبتسم
يا أبانا تعال
لقد إبتسم
عندها الكان لا يسعك
ولا يسع ذاك الفرح الخرافي الغريب
أنتي أم ؟؟ يا لهذا الإحساس الغريب

يقولون أن الإحساس بالأمومة يأتي بعد أن تستفيق الأم
وتعود من بعد موتها في المخاض

ولكنّ إحساس الأبوّةِ يأتي عندما ينطق الطفل بكلمة

بابا

حينها تتقافذ خلجات القلب بالفرح الجميل

وأنتي أمٌ

أوصيك بأبنيك

فطفلك إبنك ووالده أيضاً إبنك

هنيئاً لك بسنه أولي أم

وحباب عودتك هنا ترفرفين مع الجميع في رحاب أمُنا (سودانيات)

[عبدالعزيز خطاب]

[align=center]ده سلم الجير مش كده

وبعدين ده ياتو فيكم المشعلق

هو أنت برضو مقطعنك النفس؟؟؟؟؟؟؟؟؟؟

مرحب بيك وسلمى على خالو وأختى لقاء

عزيز[/align]

[3mk-Tango]

بارعة تحيات وعودا حميدا فعلا طولنا منك والله .. ...

الايه قلبت وبقيتي يرسلوك ولا شنو اختفيتي كدا ؟ . .


.

[بارعة]

استاذ عبد المنعم
انا كمان سعيدة والله انو صاحب تغريدة السنونو والقصايد الجميلة من اول المتداخلين



سعيدة

[بارعة]

المشاركة الأصلية كتبت بواسطة ندي عبدالمنعم

بارعة ..

قلبى معاك و الله .......

ندى عليك الله مش بحنن!!

والله بحنن

[أماني]

[align=center]

[/align]
عقبال لما تفرحي بأخوها يا بارعة
وانت يا دوب بديتي شدي حيلك
ربنا يحفظها ليكم ويفرحكم بيها

[بارعة]

المشاركة الأصلية كتبت بواسطة أبو العز الجنوبي

الف مراحب يا أم.....
كدي ورينا سنة اولى ام ما بها وما عليها؟؟؟
احساسك بيها؟؟؟ خفت منها ام دخلتيها بقلب جامد؟؟؟
وهل الاشياء، اختلفت ام لا؟؟؟

ام لقاء يا ابو العز

اما بالنسبة لى احساسى ................... لا حولااااااااااااااا

دى ما القصة زاتها المخليانى ما عارفة

يمكن هسة لما قريت كلام عالم عباس حسيت فعلا بى كل كلمة هو بقولها

ابو العز ...اسئلتك دى انا بسأل فيها روحى وحتى الحوالى

لكن اقدر اقول ليك انو احساس جميل............ مخيف .............مختلف .........و,,,,,,,,,,لذيذ

[بارعة]

المشاركة الأصلية كتبت بواسطة عالم عباس

ألا ما أجمل الأمومة
وما أجمل الأم

انهضي وافعلي ما بدالك، فهذا حق لك
فأنت أم!
(اقدلي وسكتي الخشامة
وانزلي في العوازل كي)
فأنت أم
يا بختك
أنت أم

كى كى كى





فعلا الامومة شئ جميل
والحمدلله انى ام ........الحمدلله

[بارعة]

ناصر سلام


الوصية للبنت وابوها .......... اوكى ماشى

وانا مافى زول يتوصى بى.......... ماعندى مانع


لكن...............بعد دة كلو اول ما تنطق تقول بابا ........موش؟؟




بضبحها







شكرا ع الكلام اللذيذ