أمك إسمها منو !!

[همس الشوق]

روفي يا غالي

تغغغغغطس

وتظهر تهيج علينا شجونا
وتتسكع بينا في زقاقات المسالمة

ألف رحمة ونور على الوالد

لك التحيه والتجله

[همس الشوق]

اقتباس:
المشاركة الأصلية كتبت بواسطة Hassan Farah
----------------------------------------------------------
عمتكم نعيمة الله يرحمها ويغفرليها والبركة فيكم يا رأفت
نحن كناساكنين بعد الخور جوارنا ناس عمر اغا ووزير الرى الحالى كمال على وجنبنا ميدان المريخ وبعده مقابر البكرى والراجل الوصقتا بيتو فعلا عمنا اسحق ذكرتنى ياخى-- رجل عالى جسمه مليان اولادو كتار ما شاء الله مرات يلعبوا معانا الدافورى طبعا بعدين نحن ارتحلنا وسكنا عندكبرى شارع كررى مقابل مدرسة ست فلة بجوار عمك احمد اليمانى---
ايام لن تعود يا رأفت

عمو حسن فرح

انت امك اسمها منو

حيرتني عديل كدا

[خالد الصائغ]

أحنّ إلى خبز أمي
و قهوة أمي
و لمسة أمي
و تكبر في الطفولة
يوما على صدر يوم
و أعشق عمري لأني
إذا متّ،
أخجل من دمع أمي!
خذيني ،إذا عدت يوما
وشاحا لهدبك
و غطّي عظامي بعشب
تعمّد من طهر كعبك
و شدّي وثاقي..
بخصلة شعر
بخيط يلوّح في ذيل ثوبك..
عساي أصير إلها
إلها أصير..
إذا ما لمست قرارة قلبك!
ضعيني، إذا ما رجعت
وقودا بتنور نارك..
وحبل غسيل على سطح دارك
لأني فقدت الوقوف
بدون صلاة نهارك
هرمت ،فردّي نجوم الطفولة
حتى أشارك
صغار العصافير
درب الرجوع..
لعشّ انتظارك!


حميمية الحكي المعتق هنا دافية كحضن أمي يا رأفت

أحكينا يا عزيز فكم أجدبت بنا الأيام

[Hassan Farah]

المشاركة الأصلية كتبت بواسطة همس الشوق

عمو حسن فرح

انت امك اسمها منو

حيرتني عديل كدا

----------------------------------------------------------
يا همس الشوق عيدكم سعيد وكل سنة وانتو طيبين...
الظاهر عليكى انتى من الحلة ديك... امى الله يرحمها رحلت زمااان .. لكن وصفى لى بيتكم اقول ليكى انتى بت منو...عندك من دكان العدنى ولحد الشجرة او بى شارع المسالمة وحتى بى شارع الخليفة

[بدر الدين اسحاق احمد]

اقتباس:
المشاركة الأصلية كتبت بواسطة خالد الصائغ
أحنّ إلى خبز أمي
و قهوة أمي
و لمسة أمي
و تكبر في الطفولة
يوما على صدر يوم
و أعشق عمري لأني
إذا متّ،
أخجل من دمع أمي!
خذيني ،إذا عدت يوما
وشاحا لهدبك
و غطّي عظامي بعشب
تعمّد من طهر كعبك
و شدّي وثاقي..
بخصلة شعر
بخيط يلوّح في ذيل ثوبك..
عساي أصير إلها
إلها أصير..
إذا ما لمست قرارة قلبك!
ضعيني، إذا ما رجعت
وقودا بتنور نارك..
وحبل غسيل على سطح دارك
لأني فقدت الوقوف
بدون صلاة نهارك
هرمت ،فردّي نجوم الطفولة
حتى أشارك
صغار العصافير
درب الرجوع..
لعشّ انتظارك!


جدو رأفــت مستمتعين بالحكــى ... علا امك اسمها منو ؟

ما تبقـى لينا ذى ادروب ( امك ما تقول )

[رأفت ميلاد]

المشاركة الأصلية كتبت بواسطة بابكر مخير
محتفظ بي حقي في المداخلة لمن يتم لينا حلقات مسلسل ...
"جدو روفي البازل جهدو في سقط بازل"

أنت حظك محفوظ طوالى يا بوكو .. قصصى دى عارفا بتطلع منك قصص .. وحكاى لامن تسخى ..

يا بابكر كان بينى وبين أبوى حظ كبير فى التفاكر .. رغم خالى الشيوعى زكريا (رئيس نادى الإتحاد فى بورتسودان) الله يرحمو .. كان بقول أبوى أكبر ديمقراطى دكتاتور ..بعرض كل حاجة للتفاكر النقاش .. ويمرر رأيه هو ..

دى ما الحقيقة .. الحقيقة أبوى (غالاط) ولكن يستفيد من أوجه النظر من حوله .. فى المغالطة .. كان عندو عبارات نارية (ما تبقى بليد .. ما تبقى أُمى .. ما تبقى عبقرى .. ما تبقى مودر)

كان عندو إجتماعات معاى شوية فيها خصوصية .. لامن ينادينى بكون الموضوع مهم .. لكن لامن يركب يجينى بكون مهموم .. ما أعتقد كنت أكثر حكمة من الآخرين .. لكن كنت بريحو وأشيل منو الهم ..

يوم جانى وقعد معاى مسافة لامن إتعشى .. بالليل قال لى ودينى .. ركبت العربية ومتوقع أسمع منو لأنو شفقنى .. قال لى البيت 700 متر .. داير أكتب ليكم ولأمكم كل واحد 100 متر .. قلت ليه (بعدين بنطردك طوالى) .. قال لى بقعد فى مية أمكم ما بتطردنى ..

قلت ليه يا حاج أنت ما أكبر مننا كتير .. ونحن بعاميلنا دى نقعد قبالك ونفرتق قبالك .. شايل هم مالك .. قال لى الظروف ما معروفة .. أنا ما خابف أنتو تختلفوا لكن خايف عليكم ..

إستغربت لى كلامو ده .. وما عاش بعدها كتير .. إتذكرت كلامو ده لامن البيت قرب يتصادر من منظمة الشهيد .. وعملنا توكيل لأخوى وسجل لينا البيت مع أن دفعنا ما دفعنا ..

أبوى كان بيقرا البعيد بنظرة ثاقبة .. وبرجع ليك لى قصته مع العقيد ضحوى

[Amin Bushari]

رأفت يا شفيف

والله حكاويك تشهي الواحد يقعد قدامك
ويفنقل عيونو ويسمع ليك
ســرد سهل ممتنع يجذب انتباهك ويسترعيك
عارف حكاية اسم امك منو دي عيب كبير عند البعض وخصوصاً في السعودية
مع انها عادية جدا وفي بعض الدول بتكتب اسم الأم في الوثائق الرسمية
بس عشان يفرقوا بيها بين الاسماء المتشابهة
يعني ممكن يكون هناك اسماء متشابهة لغاية الجد الرابع وما يفرق بينهم الا اسم الام
أول مرة اسافر ســوريا ونحن واقفين في الصف عشان يعملوا لينا تاشيرة الدخول
ولما وصلت العسكري قال لي اسم امك منو؟
اندهشته جدا طبعاً ولكنني اجبته بســــرعة وعندما قابلت السودانيين في سوريا
قالوا لي الموضوع عادي وهم بفرقوا بيهو بين الاسماء المتشابهة
ولو الاسماء بقت متشابهة لغاية الجد الرابع وكمان اسم الام يبقى دا قدر لا مفر منه


تحاياي

[نبراس السيد الدمرداش]

مشتاقين يا جميل
واصل الحكي

[رأفت ميلاد]

المشاركة الأصلية كتبت بواسطة عبدالعزيز خطاب
لي في المسالمة غزال .. ياروفي

جميل أنت والله .. والكلمات لن تفيك وصف جمالك

أها أحكي لينا وثقف مداركنا ..

أنا ها هنا متواجد

ومشتاق والله

سلامات يا عمو عزيز .. وكل سنة وأنت طيب ويخلى ليك الوليدات وأمهم ..

غايتو الكساد البتعرفوا داك محاوط أيامنا .. وبقينا فى دنيا (بأى حال عدت يا عيد) .. بتى نبراس الله يديها العافية نكشتنى من البيات الشتوى ..

بمناسبة البيات ده .. والدى رحمه الله قال زمان زرع الخواجات سلاحف فى النيل .. وهربت كلها وأندست فى قيفة توتى .. وأصبحت عملاقة مع الزمن .. متخصص فى صيدا المورداب .. وفى الموردة أشخاص بى عينم ..

معروف السلاحف تضع بيضها فى الرمال خارج النهر .. عندك فكرة عن الموضوع ده .. غايتو أنا ما شفتهم .. بس عارف جدار توتى المائى سكنته أيضاً تماسيح عملاقة ..

تعرف يا عمو لزيز عمك ميلاد هاوى صيد ويعرف دروب النيل ونوع الأسماك وقدامى الصيادين .. وما بعرف يعوم

[بابكر مخير]

اقتباس:
المشاركة الأصلية كتبت بواسطة رأفت ميلاد
أنت حظك محفوظ طوالى يا بوكو .. قصصى دى عارفا بتطلع منك قصص .. وحكاى لامن تسخى ..

يا بابكر كان بينى وبين أبوى حظ كبير فى التفاكر .. رغم خالى الشيوعى زكريا (رئيس نادى الإتحاد فى بورتسودان) الله يرحمو .. كان بقول أبوى أكبر ديمقراطى دكتاتور ..بعرض كل حاجة للتفاكر النقاش .. ويمرر رأيه هو ..

دى ما الحقيقة .. الحقيقة أبوى (غالاط) ولكن يستفيد من أوجه النظر من حوله .. فى المغالطة .. كان عندو عبارات نارية (ما تبقى بليد .. ما تبقى أُمى .. ما تبقى عبقرى .. ما تبقى مودر)

كان عندو إجتماعات معاى شوية فيها خصوصية .. لامن ينادينى بكون الموضوع مهم .. لكن لامن يركب يجينى بكون مهموم .. ما أعتقد كنت أكثر حكمة من الآخرين .. لكن كنت بريحو وأشيل منو الهم ..

يوم جانى وقعد معاى مسافة لامن إتعشى .. بالليل قال لى ودينى .. ركبت العربية ومتوقع أسمع منو لأنو شفقنى .. قال لى البيت 700 متر .. داير أكتب ليكم ولأمكم كل واحد 100 متر .. قلت ليه (بعدين بنطردك طوالى) .. قال لى بقعد فى مية أمكم ما بتطردنى ..

قلت ليه يا حاج أنت ما أكبر مننا كتير .. ونحن بعاميلنا دى نقعد قبالك ونفرتق قبالك .. شايل هم مالك .. قال لى الظروف ما معروفة .. أنا ما خابف أنتو تختلفوا لكن خايف عليكم ..

إستغربت لى كلامو ده .. وما عاش بعدها كتير .. إتذكرت كلامو ده لامن البيت قرب يتصادر من منظمة الشهيد .. وعملنا توكيل لأخوى وسجل لينا البيت مع أن دفعنا ما دفعنا ..

أبوى كان بيقرا البعيد بنظرة ثاقبة .. وبرجع ليك لى قصته مع العقيد ضحوى



قلتا ليك عمك أبراهيم قاسم الله يرحمه، كان بيقول لينا:
قومو إتناقرو بعيد...
عمي ميلاد عليه الرحمة، يظهر أنه كان بيستمتع بي مناقرتكم، عشانها خلاكم معاهو في البيت...
قلتا ليا منظمة الشهيد كانت عايزآ تمحقكم التكتحآ....

[رأفت ميلاد]

المشاركة الأصلية كتبت بواسطة وجيدة
اهو دخلت قلت افقع مرارة عمو رأفت زي مافقع مرارتي بس زاغ ومارد علي
دي حركات فقرا اسم امك قال

سلامات يا وجيدة وكل سنة وأنتى طيبة ..
غلبنى الأكتبو فى اليومين الفاتت .. وفاة سمندلاوى دخلت على بالساحق والماحق .. أتكلم معاى مرة بالتلفون وياريتو ما فعل .. البركة فيكم كلكم .. ماعارف قصة الموت الحايم اليومين ديل شنو ..

تعرفى أبوى يا وجيدة كان أشد منى .. وكان بقول دايماً (ما ماشى أتعبكم فى موتى .. بب برب .. لا رقاد ولا مستشفيات) وقد كان والله ..

سليمان أخوى كان صابح ماشى الجنوب .. أبوى ضرب لى وقال أجى بكرة أوديه يودعو .. كان فى البلد مشاكل (فضل الظهر) .. والبوليس والأمن يرغم حتى الملاكى بنقل الناس .. وأنا عربيتى كانت تاكسى على العلى .. شاققت وسط الديم ووسط العمارات .. وقطعت خلا أركويت (قالوا هسة أتبنى) .. المهم شاققت لحدى الطائف .. ومسكت سكة إمتداد ناصر بى ورا .. فى ناس أشروا لى عملت ما شايفم .. أعاين فى المرايا واحد ختف ليه موتر وجا ساكنى .. ما أشتغلت بيه لحدى ما وقف وراى قدام بيت أبوى .. كان أبوى جاهز مستنينى قدام الباب .. جانى زولك بعد ما تكل موترو وقال لى بى (جنصصة) .. (بطاقتك يا مواطن) .. قلت ليهو ليه .. قال لأنى رفضت أقيف لركاب .. قلت ليه ما حصل ..
الوالد بهدوء قال ليه ممكن بطاقتك يا أبنى .. رفض بي إفتراء .. قال له والدى (عايزين نعرف صفتك البتتكلم بيها) .. رد بإفتراء (مواطن) .. هنا أولاد الحلة قاعدين فى كوم رملة متابعين الحوار وفيهم واحد من الأمن .. قام براحة وقال للوالد .. (يا عمى ميلاد أمشوا مشواركم وخلوا لينا المواطن ده) .. ضج الآخرين بالضحك ..

طوال الطريق كان الوالد يحلل الوضع .. يتنبأ بأننا فى طريقنا لللبننة أو الصوملة .. عندما يكون القانون سيف على الرقاب .. سيتولد الظلم وتغيب العدالة .. ولا محالة أن يتفجر الحال يوماً ..

عدنا بعد تناول العشاء مع سليمان .. وأوصلت الوالد الى المنزل حوالى العاشرة مساء ..

من عادتى تناول الفطور مع والدتى صباحاً ويكون الجميع فى أعمالهم وأنا حر نفسى .. ذلك اليوم لم أتمكن من الذهاب .. حوالى الساعة حداشر كنت فى منزلى .. وكان الحر شديد .. أتصلت تلفونياً بوالدتى أعتذر لها .. قالت لى أتصل والدى وأخبرها فور حضورى أذهب لأعيده من العمل لأنه متعب قليلاً .. أردفت (لا عليك لقد أتصلت بأخيك عندما تأخرت وهو فى طريقه إليه)

بعد أن خلعت ملابسى (قلبى أكلنى) ولبست مرة أخرى وذهبت للإطمئنان عليه .. عندما وصلت وجدت سيارة إسعاف مستشفى الشرطة ببرى تغادر بعد أن أتت بجثمانه ..

بنت عمى لم تصدق .. قابلته الساعة تسعة صباحاً وهو يقود سيارة العمل وداعبها وكان فى أحسن حال .. أبن عمته موظف فى بنك السودان .. ضحك عندما أتصل به شقيق الوالد يخبره بالوفاة .. أعتبرها دعابة لأن أبى كان معه يكمل عملاً لمؤسسة القطن .. وكان مرحاً كعادته ..

مات كما وعد (بب برب) ولاحظ شقيقى وهو يقله الى المنزل بأنه فجأة نام الى الوراء .. ناداه وعندما لم يرد .. ذهب الى المستشفى .. أنزلوه وقالوا لأخى (البركة فيكم)

[عكــود]

سلام يا رأفت،

متابع حكيك الطاعم المليان حميميّة حقّة.
ربنا يرحمو يا رأفت وقصّة وفاتو مؤثّرة عند قرايتها . .
فكيف كان وقعها على بنت عمّك وإبن عمّته؟
فقد شاهدوه قبل لحظات من وفاته يضج بالحياة وبالمرح.

واصل يا رأفت وربّنا يرحم سمندلاوي.

[رأفت ميلاد]

المشاركة الأصلية كتبت بواسطة طارق صديق كانديك
رأفت ميلاد .. صباح الجمال يازول يا ( حكاي ) .. !!

أن نستغرق في هكذا ذكريات ريانة نشهد روعة الزمن ونتحسر على الحاضر .. !!

شهدت تهذيباً عجيباً على زميلي وصديقي ( نادر بشاي ) .. محبة عجيبة للناس وان اختلفوا معه ... عليك الله أرجع لي مدني شوية .. !!

متابعك ياصاحب ومستمتع جدا

سلامات يا ود كانديك .. ريدتنا ومحبتنا .. وكل سنة أنت والوليدات وأمهم والأهل بخير وعافية ..
نادر بشاى ده منو .. أوع يكون نادر أخو ناهد الساكنين ورا المحطة .. لكن ده دفعتنا وما ظنيتك قاصدوا .. برضو كان زول لطيف ومسالم شديد .. الله يطراه بالخير ..

بمناسبة الأقباط دى .. أبوى أخدااار .. قالوا لامن مشى بورتسودان يطلب يد الوالدة .. عزموه عشاء ومن ضمن المدعوين كان القسيس .. قالوا أبوى شبك ليك الناس (عليك النبى .. عليك النبى) .. فقام القسيس سأل الجماعة بجمبة كدة (الزول ده أتأكدوا منو)

تعرف المدة القضيناها فى مدنى والجزيرة كان والدى مثال (المغترب) فقط عمله والمنزل .. علاقاتة الإجتماعية أسرية .. الذهاب الى مدنى لم يتعدى الدكاترة وأجزخانة الحضرى ودكان الخواجة لمنيوس للمشتريات .. وحيدر الحلاق .. يوم الجمعة يذهب لأم سويقا لشراء الباسم ..

لم يطيب له حال النوادى مثل نادى الموظفين فى بركات أو نادى الجزيرة فى مدنى .. فهو كان لا يحب مجالس الخمر والقمار الذى كان صفة ذلك الزمن .. عندما كان مفتش (غيط) يكون أغلب وقته فى الحواشات ويزلل مصاعب المزارعين بنفسه .. تحده فى مشاركة الأفراح حده (العقد) .. ولا يتخلف عن العزاء ..

بعد ذلك جل ليله على مكتبه فى المنزل يراجع عمله ويكمله .. ويقرأ فيها .. يملك مجلدات لحسن نجيلة وبابكر بدرى .. كان له صورة كبيرة لبابكر بدرى على الجدار .. لا أعرف أين ذهب كل ذلك ..

عندما نكون فى أمدرمان يكون شخص آخر .. يرتاد القهاوى والمطاعم .. ويكون على سجيته وتكثر حكايه وتتعالى ضحكاته مع أبناء جيله ..

[رأفت ميلاد]

المشاركة الأصلية كتبت بواسطة Hassan Farah
----------------------------------------------------------
عمتكم نعيمة الله يرحمها ويغفرليها والبركة فيكم يا رأفت
نحن كناساكنين بعد الخور جوارنا ناس عمر اغا ووزير الرى الحالى كمال على وجنبنا ميدان المريخ وبعده مقابر البكرى والراجل الوصقتا بيتو فعلا عمنا اسحق ذكرتنى ياخى-- رجل عالى جسمه مليان اولادو كتار ما شاء الله مرات يلعبوا معانا الدافورى طبعا بعدين نحن ارتحلنا وسكنا عندكبرى شارع كررى مقابل مدرسة ست فلة بجوار عمك احمد اليمانى---
ايام لن تعود يا رأفت

سلامات يا حسن وكل سنة وأنت طيب وتعود الأيام بالصحة والسلامة على كل الأهل والأحباب ..

ياخ وصفك ده لخبطنى شوية .. ناس عمر أغا موش ناس عمك يوسف أغا الله يرحمو .. غايتو وصفك ده ما بعيد من بيوتنا .. ميدان المريخ فى ضهر بيت ناس القاضى .. أستاذ محمد وأستاذ عبدرالرحيم وجحا ..

ياما حضرنا تمارين المريخ أيام أسامة يوسف أغا .. كانت حاجة تفرح .. لكن ناس عمك أغا بيوتم على بيوت ناس همس الشوق محل ما رحلت .. غايتو العارفو الإشتغلوا فى الحكومة مولانا محمد (ود ناس السكات) زى ما كان بقول أبوى .. وكان رئيس البرلمان زمن الصادق ومهادنتو للجبهجية وآل ليهم البرلمان .. ياخ الصادق ده زول خاين شديد ياخ ..

وبعدين التانى الما متذكر أسمو قريب حمزة وعباس .. وشقيق ياسين بقى وزير فى الحكومة دى .. أها ديل من حلتتنا الأتنين .. كدى رسينى براحة براحة .. واحد فينا طاشى .

أظرف حاجة سمعتها على لسان زميل بكتب معانا هنا .. أسامة يوسف كان داير يسجل للهلال .. عمك يوسف أغا قال ليه .. إذا سجلت فى الهلال .. تسيب البيت وتشيل أمك معاك

[Hassan Farah]

المشاركة الأصلية كتبت بواسطة رأفت ميلاد

سلامات يا حسن وكل سنة وأنت طيب وتعود الأيام بالصحة والسلامة على كل الأهل والأحباب ..

ياخ وصفك ده لخبطنى شوية .. ناس عمر أغا موش ناس عمك يوسف أغا الله يرحمو .. غايتو وصفك ده ما بعيد من بيوتنا .. ميدان المريخ فى ضهر بيت ناس القاضى .. أستاذ محمد وأستاذ عبدرالرحيم وجحا ..

ياما حضرنا تمارين المريخ أيام أسامة يوسف أغا .. كانت حاجة تفرح .. لكن ناس عمك أغا بيوتم على بيوت ناس همس الشوق محل ما رحلت .. غايتو العارفو الإشتغلوا فى الحكومة مولانا محمد (ود ناس السكات) زى ما كان بقول أبوى .. وكان رئيس البرلمان زمن الصادق ومهادنتو للجبهجية وآل ليهم البرلمان .. ياخ الصادق ده زول خاين شديد ياخ ..

وبعدين التانى الما متذكر أسمو قريب حمزة وعباس .. وشقيق ياسين بقى وزير فى الحكومة دى .. أها ديل من حلتتنا الأتنين .. كدى رسينى براحة براحة .. واحد فينا طاشى .

أظرف حاجة سمعتها على لسان زميل بكتب معانا هنا .. أسامة يوسف كان داير يسجل للهلال .. عمك يوسف أغا قال ليه .. إذا سجلت فى الهلال .. تسيب البيت وتشيل أمك معاك

----------------------------------------------------------
جدو رأفت صباحاتك بالخير وان شاء الله البرد ما دخل عليكم ...
والله مش عارف ابدأ ليك من وين؟ خلينا نتفق حكايتنا كلها تدور بين شارعين او 3 بالكتير: عندك شارع الكنيسة يبدأ من السوق وينتهى عند الخور الكبير وشارع مدرسةكمبونى للبنات وايضا يبدأ من السوق مرورا ببيت ناس عبدو بتاع رفع الاثقال ثم نادى المريخ القديم وينتهى ببيت ناس اسامة... اولاد اغا اتنين عمنا يوسف ويجاوره عمنا عمر .. ابنه محمود كان صديق الروح لشقيقى عمر سكرتير نادى الزهور...نحن فى الاول كنا مأجرين بيت يوسف الخليفة عبدالرحمن ميدان المريخ الحيطة بالحيطة.. ناس جحا بالجوار ايامها كان تمارين المريخ يشترك فيها ناس عمك طلب وحسن العبد وعمك شرفى.. وعمنا شرفى كان تخين لكنه شوات ويقال مرة شات الكرة فى المرمى الشرقى فقد الشبكة وفى نفس الوكت انقطعت التكة .. فقام جارى وانقطع فى احد البيوت ومن داك صارت عليه
شرفى ابتكات قد الشبكات الوقت داك ناس اسامة ووزة والاستاذ هاشم محمد عثمان لم يصلوا مرحلة النجومية
عمنا يوسف الخليفة الله يرحمه كان من خريجى الازهر راجل له نشاط واسع وكان يعمل فى مدرسة وادى سيدنا مرة تلقاهو لابس اللبسة الازهرية بالقفطان والطربوش ومرة يغيرها ويلبس بدلة افرنجى... الطلبة اولاد حرام اطلقوا عليه لقبين على حسب اللبسة: يوسف افندى والفتيل!!
اخوك والحمد لله حكومات الصادق تقريبا كلها ماحضرتها فى السودان بعد اكتوبر انا كنت فى روسيا وبعد نميرى انا فى الجزائر وبالتالى ناس عباس ديل ما عرفتهم ...لكن فى عباس اخر ..تاجر اقمشةمشهور اشترى بيت اسرة يهودية هاجرت ..ناس صلاح ماندل... بالقرب من مدرسة عثمان صالح للبنات
همس الشوق انا عرفتها بت حلتنا لكن مش عاوزة تقول لى ابوها او اخوهااو حتى جدها منو...
بينى وبينك حكاوى امدرمان دى طاعمةعند سيدها...