أفصل يا سمسم ... خريطة السودان 2011 الأمريكية ...

[أشتر]

المشاركة الأصلية كتبت بواسطة الوليد عمر

اقتباس:
المشاركة الأصلية كتبت بواسطة أشتر
بعد إدمان شَكَلو ... ناخد على شكلو ...
غايتو جنس مشاكل !!!
الهلال وطار !!!!
[align=center][flash=http://www.sudanyat.org/upload/uploads/new-sudan.swf]WIDTH=500 HEIGHT=600[/flash][/align][align=center]
[/align]

شوقنا من الباسيفيك مرقا فى الأتلانتيك وتم الباقى فتاوى و إستفتاءات و قراطيس تسالى ، معقولة يا محمد ياخ ، تملص لينا بنطلون البلد من صلبو بى كليك فِد واحدة ، شحدتا الله عليكم يا ناس سودانيات ، يكون الأشتر دا عامل ليكم وهمة كدا يحسب بيها عدد الناس العملو (أفصل ياسمسم). و يطلع كل الناس فاصلين و مفصولين وراكبين مع الصفاقصى فى تونسية واحدة.و عليك الله يا فردة تنشر لينا نتيجة إستفتاءك المصغر دا قبال عطاءات السلك الشائك و بارقيت حرس الحدود المنقرط ، دايرين نعرف البيستاهلو الجواز الجديد كمَّهن ، و القابلة عندهم فى المسرات .ليك وحشات قدر حقات أبو عركى أيام العيد

الوليد بن عمر آل نهيان
غايتو جيتي في اليد البتاكلني ...
تثدق المسألة فاتت علي ...
علي باليمين لو بتفصل بكلِك فِد وحيدة كتا عملتها عشان نريّح اتحاد إذاعات الدول العربية وتلفزيونات العالم من الهلمُة دي ..
أصلو ما دايرننا ننعم باستقرار زي بقية الشعوب ..
هو ذاتو احنا قعدنا في حتة لا لامين هنا ولا هنا وجهجهة ألف ردي حكمتو ما بنقدر نقول فيها شي ....
لا ناسنا قادرين يعملو حاجة ولا الروادي والأقمار الصناعية ساكتة ليهم !!!
ولسه ح يقدونا بتصريحات المسؤولين الفشنك من هنا وهناك لغاية يركبونا التونسية ... وبالطريقة دي راكبنها راكبنها وحنهبط في الليق توااالي يا باشا ...
هم لو ما مركبونا برتاحو ؟؟؟
لكن بيني وبيني كدا .. ناس زي الزاندي ديل الجايب ليهم خبر منو أكلو شربو .. بعيدين خلاس وبشاهدو قنوات كمبالا كمان وباقي ليهم يقولو كمّبلت ... وكسافا ساي يرفعو كثافتك ...
ممكن أي واحد فيهم يجي ناطي يقول ليك السودان عمل لي شنو ؟؟؟
ياخ فيهم ناس قريييب دا قايلين الرئيس لسه نميري ...
الوليد ..
كل يوم واتا شديد ولضيض ودامت الأتراح ...
حان الآن موعد صلاة العصر حسب التوقيت المحلي وشكرن

[فتحي مسعد حنفي]

المشاركة الأصلية كتبت بواسطة أشتر

ولو بعد العيد طوالي كدا البخليني أعيّد هنا شنو ؟؟؟
اليوم يا دوب أول يوم شغل بنديها صنة شوية ريثما نجهز محاسيسنا النبيلة يا كنج ..
هوي انا ما معاكم في حاجاتكم دي فما تجيب لينا الهبايب ساي ببتاعة هوا لا هبّت ولا دايرنها تهب ...
كفاية النص الاتقسم دا
وفي رواية أخري .. البنطلون الناصل ...
مع إنو من زمان العورة حاصلة علا غض الطرف عن المساكين رحمة

D
ها...كلام سااااااكت وساعة الجد الرجال بيرجعوا لي أصلهم..ما أصلو ريدم شي عجيب:

[طارق صديق كانديك]

المشاركة الأصلية كتبت بواسطة فتحي مسعد حنفي

D
ها...كلام سااااااكت وساعة الجد الرجال بيرجعوا لي أصلهم..ما أصلو ريدم شي عجيب:

قلت لي ركوب العجلة ماااا بتنسي ... !!!

كل سنة وأنت طيب ياخواجة .. !!

[فتحي مسعد حنفي]

المشاركة الأصلية كتبت بواسطة طارق صديق كانديك

قلت لي ركوب العجلة ماااا بتنسي ... !!!

كل سنة وأنت طيب ياخواجة .. !!

وانت بخير وعافية ياطارق..
قلت لي ركوب العجلة ما بتنسي !!!!!!
طيب وريني ياتو ركوب بيتنسي يازول من طبيعة الانسان انو ما بنسي اللحظات الهو راكب فيها فوق

[رضا]

المشاركة الأصلية كتبت بواسطة فتحي مسعد حنفي

وانت بخير وعافية ياطارق..
قلت لي ركوب العجلة ما بتنسي !!!!!!
طيب وريني ياتو ركوب بيتنسي يازول من طبيعة الانسان انو ما بنسي اللحظات الهو راكب فيها فوق

[أشتر]

[flash=http://www.sudanyat.org/upload/uploads/sudan2.swf]WIDTH=600 HEIGHT=600[/flash]

أسّه يا عمو لو أديتنا رايك في الانفصال وتقوم طوالي تدينا عجاجة كرعينك موش كان أحسن ؟؟ لينا وليك ...
بدل مطباتك الهوائية ومناوراتك البهلوانية البتعمل فيها دي !!!
يعني شايفنا ناقصين ولّ ناقصين أبوي إتا !!!
هو بلا جيلكم دا الورطنا منو !!!!

[أشتر]

مساحة الجنوب أو الأقاليم الجنوبية حوالي ستمية واربعين الف كم مربع ...
واجمالي مساحة السودان حوالي 2.5 مليون كم مربع .. الأكبر أفريقيا والتاسع عالميا (سابقاً طبعا) ... قتا اسبق الحوادث والشينة المرة دي مااااب تتكضّب يا طارق صديق
نطرح مساحة الجنوب ... فاضل عندنا يا حبيب مليون وتمنمية وستين ألف كيلو
كتيرة موش كدا ؟؟؟ كتيرة والله يا أشتر وكما تعلم فإن (القناعة) كنز .. والكنز هنا بترول الجنوب عديل كدا .. يعني تقنعو منو ..
اها قول كتيرة ... الناس مشو خلوها وجو سكنو الخرطوم .. الدافنين صرتم فيها دي
عشان شنو طيب سكنو الخرطوم .. عشان الناس دي قالو بتحب زحمة المواصلات وشوارع الزلط ... والبيتزا الايطالية
قالو اخير ليهم من الخدمات المافي والفرناغة والسموم ...

اهو غايتو الجنوبيون يحرسو لينا حدودنا الجنوبية برضو اخير لينا من الغريب ..
دا لو ما الامريكان اكلو راسم وجابو ليهم شيفرون و بني صهيون
لكن موش راسم الخفيف دا ولّ راسن تاني !!! بتاكل برااااااحة ...
ياخ هي فوضى قالو ليك !!! ولّ اسرائيل خلااااص تخلي الوراها وقداما وتباري لي الدينكا !!!
المصريون ما عندهم قضية في الشغلة دي كوووولها غير تجيهم الموية جارية ويلبسوها في شبط اخضر ...
بكرة بتشوفم عابرين الأجواء السودانية وعدل على هناك مطايبة خواطر ساي ومنها يبيعو ليهم فنايل داخلية وأناتيك ...
أهم حاجة عندهم يرجعو بالشرتيت ما دام الموية جارية في نيل الحياة ...
والحاجة المهمة في الموضوع دا كووولو .. المنتخب القومي ما ح يتأثر بغياب لاعب في مباراتو القادمة مع البلاك استارز ...

[أشتر]

غايتو لو السودانيين ما دايرين الجنوب ينفصل هنالك حل وااااحد لا تاني له ...
اللي هو شنو ؟؟؟
يقوم عمر البشير عليه رحمة الله بتعييّن الجنوبيين عن بكرة أبيهم كمستشارين ليو يدرجة وزير بـ فُل بنيفيتس ...
في الحالة دي ممكن الشماليين يشتغلو سواقين لاندكروزرات للجنوبيين وبكدا يكون عالج مشكلة البطالة ..
دا مجرد اقتراح غبي وبس

[جيجي]

ياخ ماتفصلوا جناح ام جكوا وتستريح
على الاقل م ايتعرف قلبته من عدلتوا
وختنا نحن في اي جيب

اخير من بنطلونك الناصل دا
وتكونبقيت ترزي جلاليب معتبر



واحدة قرفانة قرفة السنين(خت ليك دموع بحر)
عازماك مراسم انتحا ر
يوم الخميس
على الاقل تبقى شاهد
ماشفش حاجة --زيد الدموع خليها محيط-

[أشتر]

المشاركة الأصلية كتبت بواسطة جيجي

واحدة قرفانة قرفة السنين(خت ليك دموع بحر)
عازماك مراسم انتحا ر
يوم الخميس
على الاقل تبقى شاهد
ماشفش حاجة --زيد الدموع خليها محيط-

ومنو القال ليك أشتر حمّال أسية ؟؟؟
أغرقو إنتو يا الحلوين .. وابكو براكم .. كفاية الهم الفينا ومطلّع زيتنا !!!

المشاركة الأصلية كتبت بواسطة جيجي

ياخ ماتفصلوا جناح ام جكوا وتستريح
على الاقل م ايتعرف قلبته من عدلتوا
وختنا نحن في اي جيب

جيب تمام الزاوية كيف معاك ؟؟؟
وخلينا بعديها النموت ركن ... ونقوم قطن ... واحتمال ما تقوم لينا قايمة ذاتو
في نفس الزاوية طبعن ...
دا لو التمام ما عندو مانع !!!

!!!
الكارسة الحقيقة يا بت يا جيجي ما انفصال الجنوب عن شمالو إنما منطقة (أب ياي) فعلا حتكون الياي البهبر في وشنا في مقبل الأيام ..
المنطقة تقطنها قبيلة المسيرية بشقيها في الشمال وقبيلة الدينكا في الجنوب وبينهما (كُبب دمّها للرُكب) ...
المهم عندها استفتاء قد يكون براهو واحتمال جنسية مزدوجة .. وحتى لو ادوهم جنسية مزدوجة من زماااان كل زول عارف حدودو وممكن تكلفو حياتو لو اتخطاها ...
اساسا الحدود ظاهرة لكن لكاعة امريكا البقدر عليها منو ؟؟؟ وهم لو ما خلو ليهم بؤرة صراع برتاحو ؟؟؟
حشر انفهم في الموضوع دا بلاقيكم قدام وليه دايما بخلو حتة (للمديدة)
يعني زي الصحراء الغربية والبوليساريو وكشمير وحلايب وكردستان وووووو ..
غايتو ..
ما بعرف عنها حاجة بس مستعد أموت من أجلها ... وعشان فاطنة كمان
ووووو عشان عيون أطفالنا ما تضوق الهزيمة ...

[flash=http://www.sudanyat.org/upload/uploads/abyai.swf]WIDTH=530 HEIGHT=590[/flash]

[عبداللطيف النقر]

اقتباس:
المشاركة الأصلية كتبت بواسطة أشتر
غايتو يا النقر أصلو ما بسألك (وش فالح ثم إنقلب كالح)
عقد نفسية شنو يا ود أمي !!!؟؟؟
يعني نخليو ليكم براكم الوطن الواحد دا .. ما قد كان وما سيكون ؟؟؟
ما تقول لي احنا أسياد بلد وما عارف شنو !!! برُشّك بلنجة

شنو مالك يا أشتر قلبتا الموجة ما أنا معاك فى الخط العقد النفسية قاصد بيها بعض ذوى النزعة الانفصالية كان فى الجنوب كان فى الغرب كان فى الشرق كان فى اى منطقة تدعى التهميش -- اى واحد تناقشوا يقول ليك مهمشين -- وانا ما عارف ليه النقاش معاهم بنتهى بسؤال خطير -- هسع دى انتا بتعرس لى اختك لينتهى النقاش للابد -- بس الان عندى رد جاهز فى أكبر بلد بدعى الديمقراطية واللى هو امريكااوبامااللى هو رئيس امريكا ما ممكن يتزوج من عائلة بوش والا كيندى - وهو معرس من قبيلتو
أها وانا (شافع) في زمن نميري طبعا كنت بسمع بعيد الوحدة الوطنية في مارس من كل عام على ما أعتقد ..
فيا ريت توريني الأحداث الأوجدت هذا العيد على خارطة حياتنا المخستكة من قمنا دي ...

هل هو نتاج كركبة جنوبية تحت تحت ولّ من إختراع نميري ساي كدا لتوطيد حكمو وسيطرتو على البلد كلها ؟؟؟
بعدين ياخ الحكاية ما وصلت لكدا بعد فما تشرذم الذمم ساي بعدين يحسبونا دويلات لا راحت ولا جات ...

مع طولة الزمن والله ما فاكر اظنو تاريخ توقيع اتفاقية السلام فى اديس ابابا
عاين جاي
دخلاتك دايما عنيفة فهل دا برجع للعقد النفسية عند كثير من السودانيين ولّ حراق روح ساي من الغربة الكدروبية دي ؟؟؟
وشكرن ..




والله حراق الروح فى -- ودخلاتى واقعية وتتماشي مع عنف موضوعك بس انا زدتا ليها شوية توم وشمار للناس الما دايرا السودان وانت أدرى بهم -- ياخ والله بقينا ملطشة -- وما عارفين نعمل شنو -- أحلف ليك بأن بعض المناطق بقوا زاتو ما بتكلمو معانا ولو سلمنا عليهم حتى السلام ما بردوهو -- ويحدرو ليك فى الضلممة


شكرن ليك

[عبداللطيف النقر]

اقتباس:
المشاركة الأصلية كتبت بواسطة بابكر مخير
اقتباس:
المشاركة الأصلية كتبت بواسطة عبداللطيف النقر

-- بس الظاهر العقد النفسية عند كثير من السودانيين اصبحت متفشية -- ودايرة ليها سنيين عشان تتفك شربكتها --
فالاحسن لنا ولجميع الاقليات التى تعتبر نفسها مضهدة مننا نحن الشماليين ان يتلمو على قمايمهم الداير انضم لى تشاد ودعناه الله -- والداير جبال افريقيا الوسطى ربنا يسهل ليهم والداير الجنوب بنزيدو من معارضى الشمال -- والداير ارتريا والحبشة ربنا يوفقوا --

اها الباقى لينا زى ما قالو مثلث حمدى -- بعد ده كلو ان شاءالله عقدتهم مننا تتفكا ويمشو يضوقو الذلة الراجياهم -- بس نبقي رجال ونقفل الباب نهائيا ولا رجعة فيه --

يا إدارة

ازييك يا مخير كل سنة وانتا طيب ياخ

كويس انك لونت بالاحمرللتنبيه وكدة ما أظن عندك سبب تانى --الحمدلله لاحظتا فى كلمة غلط ولازم اصلحها --بدل قمايمهم -- المقصود قومياتهم

مناقرة

يا فتتان

[عبداللطيف النقر]

اقتباس:
المشاركة الأصلية كتبت بواسطة طارق صديق كانديك
رغم ان كل المؤشرات تقود الى حقيقة انفصال الجنوب غير أن ذاك في اعتقادي لا يخدم الجنوب ولا الشمال .. بقدر ما أن يؤجج الصراعات وينحو بنا الى المزيد من اراقة الدم والمال والوقت .. !!

اتمنى ( سمسم ) يكون أصم وما يسمع يارب ... !!

اشتر

كل سنة وانت والسودان بخير .. !!

نكشة :

ال ( عاين جاي ) لعبداللطيف في محلها والله

تحياتي



ازييك يا طارق وكل عام وانتا بخير

قلتا لى عاين جاى عجبتك -- تعرف كان فى رد عن مداخلتك فى موضوع حافظ حسين -- عن الضحية و كلامه فى نبينا ابراهيم عليه السلام -- كنت عايز ارد عليك لكن الصباح لقيت الموضوع مافى --

كلامك يا طارق دائما موزون وزنة ماتخر الموية -- مافى زول يقدر يمسك عليك كلمة -- عصاية فى الحلة وعصاية فى النقارة -- لاحظت ان اى موضوع بتبداه بالمسايرة مهما كان السبب الذى قد يدفع احمقا مثلى للملاقطة -- ثم بعد ذلك تدخل فى صلب الموضوع موضحا بعض عيوبه وتنتهى بالمهادنة ثم بالتى هى احسن --

الظاهر عليك محامى -- وديل طبعا أحرف ناس فى السودان -- بخاف منهم عديل الله لا شبكنى فيهم -- قبل كم سنه محامى كرهنى السودان وكرهنى القضاء ذاتو وعشان ما أطول عليك ---

عندى عمارة مؤجرة بالكامل لتاجر فى السوق العربى ( فيلا وشقتين ) التاجر ملياردير وعندو أظن 6 عمائر كلها مؤجرة بالغالى وسكن عندى انا المغفل بى تراب القروش --قدر ما حاولت اطلعو غلبنى -- تصدق المحامى بتاعى يوم النطق بالحكم بغيب عن الجلسة -- بى قدرة قادر عملا صلح مع تحميلى اتعاب التقاضى واداهم 6 شهور انذار بالاخلاء -- كسرو البيت كلو فى ال6 شهور -- خسارتى فى اصلاحه وصلت 70 مليون وقت المليون مليون -- من ضمنها 7 مليون ضرائب لانهم اشتكونى للضرائب وقدمو عقد ايجارهم معى فى اقرارهم الضريبى --شفتا المضرة كيف ؟

عشان كده عافى ليك ما برد ليك تانى الا السلام --

[كيشو]

المشاركة الأصلية كتبت بواسطة أشتر

ومنو القال ليك أشتر حمّال أسية ؟؟؟
أغرقو إنتو يا الحلوين .. وابكو براكم .. كفاية الهم الفينا ومطلّع زيتنا !!!



جيب تمام الزاوية كيف معاك ؟؟؟
وخلينا بعديها النموت ركن ... ونقوم قطن ... واحتمال ما تقوم لينا قايمة ذاتو
في نفس الزاوية طبعن ...
دا لو التمام ما عندو مانع !!!

!!!
الكارسة الحقيقة يا بت يا جيجي ما انفصال الجنوب عن شمالو إنما منطقة (أب ياي) فعلا حتكون الياي البهبر في وشنا في مقبل الأيام ..
المنطقة تقطنها قبيلة المسيرية بشقيها في الشمال وقبيلة الدينكا في الجنوب وبينهما (كُبب دمّها للرُكب) ...
المهم عندها استفتاء قد يكون براهو واحتمال جنسية مزدوجة .. وحتى لو ادوهم جنسية مزدوجة من زماااان كل زول عارف حدودو وممكن تكلفو حياتو لو اتخطاها ...
اساسا الحدود ظاهرة لكن لكاعة امريكا البقدر عليها منو ؟؟؟ وهم لو ما خلو ليهم بؤرة صراع برتاحو ؟؟؟
حشر انفهم في الموضوع دا بلاقيكم قدام وليه دايما بخلو حتة (للمديدة)
يعني زي الصحراء الغربية والبوليساريو وكشمير وحلايب وكردستان وووووو ..
غايتو ..
ما بعرف عنها حاجة بس مستعد أموت من أجلها ... وعشان فاطنة كمان
ووووو عشان عيون أطفالنا ما تضوق الهزيمة ...

[flash=http://www.sudanyat.org/upload/uploads/abyai.swf]WIDTH=530 HEIGHT=590[/flash]

[justify]اشتر يا ظريف
الكدوس دا الملهلبو كدا شنو؟ ومنو؟ وفي شنو؟ وعشان منو؟[/justify]

[أشتر]

المشاركة الأصلية كتبت بواسطة عبداللطيف النقر

اقتباس:
المشاركة الأصلية كتبت بواسطة أشتر


غايتو يا النقر أصلو ما بسألك (وش فالح ثم إنقلب كالح)
عقد نفسية شنو يا ود أمي !!!؟؟؟
يعني نخليو ليكم براكم الوطن الواحد دا .. ما قد كان وما سيكون ؟؟؟
ما تقول لي احنا أسياد بلد وما عارف شنو !!! برُشّك بلنجة

شنو مالك يا أشتر قلبتا الموجة ما أنا معاك فى الخط العقد النفسية قاصد بيها بعض ذوى النزعة الانفصالية كان فى الجنوب كان فى الغرب كان فى الشرق كان فى اى منطقة تدعى التهميش -- اى واحد تناقشوا يقول ليك مهمشين -- وانا ما عارف ليه النقاش معاهم بنتهى بسؤال خطير -- هسع دى انتا بتعرس لى اختك لينتهى النقاش للابد -- بس الان عندى رد جاهز فى أكبر بلد بدعى الديمقراطية واللى هو امريكااوبامااللى هو رئيس امريكا ما ممكن يتزوج من عائلة بوش والا كيندى - وهو معرس من قبيلتو
أها وانا (شافع) في زمن نميري طبعا كنت بسمع بعيد الوحدة الوطنية في مارس من كل عام على ما أعتقد ..
فيا ريت توريني الأحداث الأوجدت هذا العيد على خارطة حياتنا المخستكة من قمنا دي ...

هل هو نتاج كركبة جنوبية تحت تحت ولّ من إختراع نميري ساي كدا لتوطيد حكمو وسيطرتو على البلد كلها ؟؟؟
بعدين ياخ الحكاية ما وصلت لكدا بعد فما تشرذم الذمم ساي بعدين يحسبونا دويلات لا راحت ولا جات ...

مع طولة الزمن والله ما فاكر اظنو تاريخ توقيع اتفاقية السلام فى اديس ابابا
عاين جاي
دخلاتك دايما عنيفة فهل دا برجع للعقد النفسية عند كثير من السودانيين ولّ حراق روح ساي من الغربة الكدروبية دي ؟؟؟
وشكرن ..




والله حراق الروح فى -- ودخلاتى واقعية وتتماشي مع عنف موضوعك بس انا زدتا ليها شوية توم وشمار للناس الما دايرا السودان وانت أدرى بهم -- ياخ والله بقينا ملطشة -- وما عارفين نعمل شنو -- أحلف ليك بأن بعض المناطق بقوا زاتو ما بتكلمو معانا ولو سلمنا عليهم حتى السلام ما بردوهو -- ويحدرو ليك فى الضلممة


شكرن ليك

السلام عليكم دار قوم بقو لينا في رقبتنا ... وكايسين للطريقة التفكنا منهم ...
هسي العنف في موضوعي دا وين يا عبدو ؟؟؟ وأعتقد ما فهمت قصدي كويس
كان روحك محرقاك اتنجض بعيد بعيد ... لأنو شنو .. سوف أنجضك معاي لا ايدك لا رقبتك
اها إتا وطارق دا رافعين زيت مالكم ؟؟ والطراطيم فوق كم ؟؟
القصة قومية ياخ وسمات عامة فـ عادي تلاقي زول تحبو وزول تسبو وزول تريدو وزول يجدعك والتاني يصبّك وزول يسوقك وزول تجيبو ويعني كان صارحت مالك ونحنا ما بينا (الصراخ)
اها ردك دا تِطِقّس ولّ سنس ساي ؟؟؟
على ما أعتقد هو شاميك شمة شماشي للسلسيون وبتعامل معاك على هذا الأساس ..
ختوها واطة ياخ هي الواطة النقصت دي ما كفتكم ؟؟؟ !!!
صعب على الواحد يعمم كلامك دا فـ تقوم تعمل شنو أقول ليك .. تبسمك في وش أخيك صدقة لو عملتها ماااب ترقد سلطة ... وحتى لا يطير الدخان ...
هو شنو عليك الله الما فضل تحت الرماد ؟؟؟
ياخ بلدنا دا لا من الدول المتقدمة ولا المتحضرة واحتمال كلنا مهمشين من المجتمع الدولي ...
بلد مستوى خدماتها فيييي نص خرطومك دي اسكت خليها ساي
دايرا تعمل شنو مع الناس الفي أطراف البلد ...
اصلا التهميش نوعين : نوع مهمشنو والتاني مهمش روحو .. والخرطوم دي الملاها منو غير النوع الأول ...
فـ جو يكابسو مع خلق الله البتكابس عسى ولعل يبتسم ليها الحظ ... أو تسفسف من المسفسفين !!!
وخلو لينا احنا سفاسف الأمور ... بنسفها ليكم بدون جردقة وعطرون
أحييييينا من القرض الكِمِل