أفصل يا سمسم ... خريطة السودان 2011 الأمريكية ...

[أشتر]

المشاركة الأصلية كتبت بواسطة عبداللطيف النقر

عشان كده عافى ليك ما برد ليك تانى الا السلام --

سغافة السلام والوحدة والجاذبة والتعايش السلمي وصلتك يعني ...
دا شي جميل جدا والله ...

[ابرا]

اشتر يا فنان تفصل وتقطع وتلزق انت ترزي والا شنو؟

[أشتر]

[flash=http://www.sudanyat.org/upload/uploads/abyai.swf]WIDTH=530 HEIGHT=590[/flash]

المشاركة الأصلية كتبت بواسطة كيشو

[justify]اشتر يا ظريف
الكدوس دا الملهلبو كدا شنو؟ ومنو؟ وفي شنو؟ وعشان منو؟[/justify]

ملهلبو .. الملهلبو ...
في شنو .. أسال الملهلبو ...
عشان منو .. عشان نعيش في لهيب واصبر كمان يا حبيب ...

[أشتر]

المشاركة الأصلية كتبت بواسطة زول خرافي

اشتر يا فنان تفصل وتقطع وتلزق انت ترزي والا شنو؟

يا ريت لو ترزي ...
كنت فصلتو من زماااان
وكل زول لابس هدمو ومادي كرعينو قدر لحافو ...

[طارق صديق كانديك]

المشاركة الأصلية كتبت بواسطة عبداللطيف النقر

اقتباس:
المشاركة الأصلية كتبت بواسطة طارق صديق كانديك
رغم ان كل المؤشرات تقود الى حقيقة انفصال الجنوب غير أن ذاك في اعتقادي لا يخدم الجنوب ولا الشمال .. بقدر ما أن يؤجج الصراعات وينحو بنا الى المزيد من اراقة الدم والمال والوقت .. !!

اتمنى ( سمسم ) يكون أصم وما يسمع يارب ... !!

اشتر

كل سنة وانت والسودان بخير .. !!

نكشة :

ال ( عاين جاي ) لعبداللطيف في محلها والله

تحياتي



ازييك يا طارق وكل عام وانتا بخير

قلتا لى عاين جاى عجبتك -- تعرف كان فى رد عن مداخلتك فى موضوع حافظ حسين -- عن الضحية و كلامه فى نبينا ابراهيم عليه السلام -- كنت عايز ارد عليك لكن الصباح لقيت الموضوع مافى --

كلامك يا طارق دائما موزون وزنة ماتخر الموية -- مافى زول يقدر يمسك عليك كلمة -- عصاية فى الحلة وعصاية فى النقارة -- لاحظت ان اى موضوع بتبداه بالمسايرة مهما كان السبب الذى قد يدفع احمقا مثلى للملاقطة -- ثم بعد ذلك تدخل فى صلب الموضوع موضحا بعض عيوبه وتنتهى بالمهادنة ثم بالتى هى احسن --

الظاهر عليك محامى -- وديل طبعا أحرف ناس فى السودان -- بخاف منهم عديل الله لا شبكنى فيهم -- قبل كم سنه محامى كرهنى السودان وكرهنى القضاء ذاتو وعشان ما أطول عليك ---

عندى عمارة مؤجرة بالكامل لتاجر فى السوق العربى ( فيلا وشقتين ) التاجر ملياردير وعندو أظن 6 عمائر كلها مؤجرة بالغالى وسكن عندى انا المغفل بى تراب القروش --قدر ما حاولت اطلعو غلبنى -- تصدق المحامى بتاعى يوم النطق بالحكم بغيب عن الجلسة -- بى قدرة قادر عملا صلح مع تحميلى اتعاب التقاضى واداهم 6 شهور انذار بالاخلاء -- كسرو البيت كلو فى ال6 شهور -- خسارتى فى اصلاحه وصلت 70 مليون وقت المليون مليون -- من ضمنها 7 مليون ضرائب لانهم اشتكونى للضرائب وقدمو عقد ايجارهم معى فى اقرارهم الضريبى --شفتا المضرة كيف ؟

عشان كده عافى ليك ما برد ليك تانى الا السلام --

كل عام وانت بخير ياعبداللطيف ..

يا أخي في الأسافير والذي خلق السماء بلا عمد .. ماعندي معاك قصد يدعوك لتعتقد اني ممكن أكون زي ماقال أبو عركي .. ( تاريك كامن لي بي شيتن كتر ) .. هي الرؤى المتباينة ووجهات النظر .. ليس إلا ... !!

أجد انك أحيانا .. يلازمك الشطط في خصومتك فتفجر الحروف من غضبك تفجيرا .. ومن هنا يبدأ مسلسل التداعي ربما بعبارة لا تلقى لها بالا .. أصبت كثيرين بما يسؤهم .. وتفسير ذلك .. أقول .. ان بعض مداخلاتك .. فيها الكثير من التجني على الاثنيات العرقية في السودان والحديث عنها بمثل ما تكتب مؤجج للصراع ولا يخدم أحد .. كنت أرغب في تناول مداخلتك .. لكني أيضا آثرت أن أكتفى بملاحظة أشتر ( غير الشتراء ) .. !!

أعلم يا أخي انني لا أحمل غير المودة لك وللناس أجمعين .. وغاية أمنياتي أن نتناول شأننا بقليل من السمو على جراحاتنا التي ما انفكت تزيد بعدنا بعدا .. !!

نكشة :

ذكرتني استاذي الجميل مرشد الدين محمد يوسف .. كان حجة في القانون له محبتي أينما وجد .. جاءه أحد موكليه يوم النطق بالحكم فقال :

يا استاذ الليلة النطق بالحكم بالله عايز حكم قوى خلاص .. !!

ولما كانت الساعة السادسة صباحا ( صحاه من النوم عشان يقول ليهو كده ) : غضب استاذي مرشد الدين وقال :

والله يافلان .. حكم قوي ده ما بعرفوا .. انا بعرف .. لقمة قوية .. عرقي قوي .. بنية قوية .. بس حكم قوي ده ما ادونا ليهو ... الله يصبح الواطة ونشوفو ليك .. !!!

اتمنى أن تكون ( مقاطعتك ) مزاح ليس إلا اذ السلام فقط لا يكفي ..

تحياتي

[عبداللطيف النقر]

اقتباس:
المشاركة الأصلية كتبت بواسطة طارق صديق كانديك


كل عام وانت بخير ياعبداللطيف ..

يا أخي في الأسافير والذي خلق السماء بلا عمد .. ماعندي معاك قصد يدعوك لتعتقد اني ممكن أكون زي ماقال أبو عركي .. ( تاريك كامن لي بي شيتن كتر ) .. هي الرؤى المتباينة ووجهات النظر .. ليس إلا ... !!

أجد انك أحيانا .. يلازمك الشطط في خصومتك فتفجر الحروف من غضبك تفجيرا .. ومن هنا يبدأ مسلسل التداعي ربما بعبارة لا تلقى لها بالا .. أصبت كثيرين بما يسؤهم .. وتفسير ذلك .. أقول .. ان بعض مداخلاتك .. فيها الكثير من التجني على الاثنيات العرقية في السودان والحديث عنها بمثل ما تكتب مؤجج للصراع ولا يخدم أحد .. كنت أرغب في تناول مداخلتك .. لكني أيضا آثرت أن أكتفى بملاحظة أشتر ( غير الشتراء ) .. !!

أعلم يا أخي انني لا أحمل غير المودة لك وللناس أجمعين .. وغاية أمنياتي أن نتناول شأننا بقليل من السمو على جراحاتنا التي ما انفكت تزيد بعدنا بعدا .. !!

نكشة :

ذكرتني استاذي الجميل مرشد الدين محمد يوسف .. كان حجة في القانون له محبتي أينما وجد .. جاءه أحد موكليه يوم النطق بالحكم فقال :

يا استاذ الليلة النطق بالحكم بالله عايز حكم قوى خلاص .. !!

ولما كانت الساعة السادسة صباحا ( صحاه من النوم عشان يقول ليهو كده ) : غضب استاذي مرشد الدين وقال :

والله يافلان .. حكم قوي ده ما بعرفوا .. انا بعرف .. لقمة قوية .. عرقي قوي .. بنية قوية .. بس حكم قوي ده ما ادونا ليهو ... الله يصبح الواطة ونشوفو ليك .. !!!

اتمنى أن تكون ( مقاطعتك ) مزاح ليس إلا اذ السلام فقط لا يكفي ..

تحياتي



اخى طارق -- اكيد طبعا مزاح والبيناتنا عامرة --

اما عن الشطط فى الخصومة واثارة بعض الكلمات التى يفهم منها التجنى على البعض الاثنيات العرقية -- اى اثنيات تقصد -- فقد (اصبحنا نحن )هسى مخير ينط ليى اضعف حلقات العرقيات الاثنية فى السودان -- وصدقنى انا لم أكن عنصريا فى يوم ما ومازلت -- ولكن يستفزنى الكلام الغير مسئول وأدعاء البعض بالتهميش وليتهم يدركون من هو المهمش الفعلى -- لم تحابينا الحكومة فى يوم من الايام على قدر امكانياتها -- فمنا من يشيل فوق الدبر -- ومنا من شال السلاح -- ونحن الذين شلنا فوق الدبر -- ( وحتى لا تفهم خطأ وتلحقنا عباس الدبر هو الدمل على ظهر الدابة )

ما أن ظهر هذا السائل الاسود النتن حتى طالب الناس بالقسمة والثروة وحملو السلاح ليأخذو حقهم بالقوة -- فى حين كنا مدقعى الفقر كانت البلاد تقتسم اللقمة الحاف حامدين شاكرين وكانت الناس تبيت فى الصفوف لتنال حفنة خبز او غاز او بنزين -- لن اقول انهم كانو عالة علي الكاهل ولكن كانو صابرين كصبر الجميع--

لقد عايشت كثيرا من الاثنيات العرقية وهى تركيبتنا ونحن نفخر بها ولكنها لا تفتخر بنا وتعتبرنا كما قلت عنصريون -- وهذا المفهوم لن يتغير ولن تمحوه السنوات -- ليتنا نمحو نظرة الضفدع تلك -- من الاسفل للاعلى -- ولينظر السودانيون الى بعضهم بنظرة سواء -- وليعلموا اننا كلنا لآدم و آدم من تراب --

[دوت مجاك]

دا لو ما الامريكان اكلو راسم وجابو ليهم شيفرون و بني صهيون
لكن موش راسم الخفيف دا ولّ راسن تاني !!! بتاكل برااااااحة ..

كيفك يا اللخو
عساك بخير
انحنا راسنا ما خفيف ولا شتين
انحنا ناس طيبين وصادقين
عشان كدة بنصدق كلام الزول لمن يقول شئ
لان من صفات الرجال الصدق

بس برضو بنعرفك [COLOR="rgb(0, 100, 0)"]كضاااااااب[/COLOR] وبنديك فرصة اولى وتانية .... الخ
بس لكل شئ حد زى (وحدة السودان)

لا تسخر من من تجهلهم حتى لا يصيبك رشاشات ما تقذفهم بها

ياخ هي فوضى قالو ليك !!! ولّ اسرائيل خلااااص تخلي الوراها وقداما وتباري لي الدينكا !!!

انت هنا جيت فى الغلط يا اللخو (اشتر) وكورتك شترا
انت عارف لو الكلام دة انت ما كتبتو فى سودانيات (العزيزة على قلبي بناسا) كان لى كلام تانى خاصة فى هذه المرحلة بالذات
لكن دة بمشيها ليك عشان خاطر ناس حلوين وبتعاشروا
بس التانية بوعدك وعد صادق حيكون بلنتى عديل مش (فاول) بس
يا حبوب الدينكا ما بتقدر تقول فيهم شئ
وخلينا نلعب الكورة بدون خشونة متعمدة

[أشتر]

المشاركة الأصلية كتبت بواسطة دوت مجاك

كيفك يا اللخو
[SIZE="4"]عساك بخير
انحنا راسنا ما خفيف ولا شتين
انحنا ناس طيبين وصادقين
عشان كدة بنصدق كلام الزول لمن يقول شئ
لان من صفات الرجال الصدق

بس برضو بنعرفك [COLOR="rgb(0, 100, 0)"]كضاااااااب[/COLOR] وبنديك فرصة اولى وتانية .... الخ
بس لكل شئ حد زى (وحدة السودان)

تمام يا جوك .. بخير وعافية ..
هسي دا كلام تقولو في ذمتك دي !!!!!!!
إتا بعيد عن الموضوع ولّ شنو ؟؟؟ وبتفهم بياتو راس !!!
وياتو جملن رماك ومشى ؟؟؟
أفهم كلامي كويس وتعال نق نق ...

اللخو دي عندها حد زي وحدة السودان ولّ كمان نفصلها من هسي كتجربة ساكت للتعايش وكدا ؟؟؟
يعني لو قتا ليك انا قبل كدا اكلت راس جنوبي بمجهود بسيط برضو حتقولي كضاب ؟؟؟
حتقولي آيي .. ح أقول ليك لا .. تقول لي آيي .. أقول لع ... واييييييك !!!!!!
ياخوي ذاكر وتعال كدا كدا نخب الانفصال حقي جاهز وكايس لي زول اطقش معاهو كبايتي عشان تكون عارف ...
يعني أنا القدامك دا انفصااااالي راسو عدييييييييل ...
بس بياتو فهم تفتكر ؟؟؟
دا هنا السؤال الما قدرت توصل لاجابتو من خلال سطوري ...
واذا قمت شرحت ليك الحتة دي احتمال ما تصدقني لأني كضاب وأنتم الصديقون دائما
ودي مشكلتك يا دوت ...
انا ذاتي بمشي ليك كلامك دا لكن ما عشان خاطر زول هنا ...
اذا حبيت تفهم أشتر بديك اللنكات تذاكر فيها لغاية ما تقول لي انا آسف وكل واحد فينا بعداك ينفصل عن موجاتو العاملة طناش ...
لكن بيني وبينك .. خفيف ونص دي حقيقة على الأقل لمن تعاملت معهم اذا حبيت تسميها طيبة سميها بطريقتك ...
ومستعدين يتنازلو عن كل شي (لكن لمنو؟) مقابل الحصول على دولة جاتم مقشّرة ولو ما شاتو على الطاير يكونو طُرُش ...

نقزة

المشاركة الأصلية كتبت بواسطة دوت مجاك

انت عارف لو الكلام دة انت ما كتبتو فى سودانيات (العزيزة على قلبي بناسا) كان لى كلام تانى

منطق كسيح .. وطيبة فايتة الحد ... وكلام زول مسكين ساي ... ما استفاد من مساحة الحرية ونهج الديمقراطية المتاح ... ولو مشيت عملت كدا في الجنوب ياهو حق المواطنة في حالو !!!!
نعتبر دي إكرامية منك ولّ شنو ؟؟؟
تحسسكم دا ياهو الجايب ليكم الكفوة من الله خلقكم !!!
فـ ضوقو طعم الحرية لو لقيتوها حلوة أدونا خبر .. وخلونا احنا نضوقا بس متين ما معروف !!!

[أشتر]

المشاركة الأصلية كتبت بواسطة سمراء

الحريقه الذى حفرة الهناى دى شنو يا اشتر !!
ياخ والله انا مبسوطة للجنوبين شديد
فرحااااااااااانين
يا الله ياخ

[rams]http://www.sudanyat.org/upload/uploads/watani-Part4.mp3[/rams]

[أشتر]

كلامي مشى وجا !!!! حانف وشّو حالياً !!!
احتمال الحاجات تبقى كويسة لقدام .. هو نوز !!!

[أشتر]

[flash=http://www.sudanyat.org/upload/uploads/sudanmap.swf]WIDTH=750 HEIGHT=700[/flash]

[أشتر]

خريطة السودان الجديد …برعاية امريكية
في 1/ نوفمبر 2007 أصدر وزير الخزانة الأمريكي خريطة بتعديل العقوبات الاقتصادية ضد السودان، والتي صدرت ابتداءً في نوفمبر 1997 أي أكملت تلك العقوبات عقدامن الزمان.
جدّد قرار1/ نوفمبر2007 العقوبات الاقتصادية الأمريكية ضد جمهورية السودان، باستثناء بعض المناطق. حيث أسمى القرار جنوب السودان وجنوب كردفان وجنوب النيل الأزرق ودارفور،أسماها (مناطق معينة) .كما أسمى القرار الأمريكي بقية جمهورية السودان ( مناطق أخرى).
بموجب قرار وزارة الخزانة ، رفعت واشنطن الحظر الإقتصادي عن جنوب السودان وجنوب كردفان ( جبال النوبة) وجنوب النيل الأزرق وأبيي ودارفور، وأضافت واشنطن دارفور لأول مرة رسمياً لتصبح ضمن منظومة الجنوب وما يُسمَّى بالمناطق الثلاث، تلك هي منظومة السودان الجديد.
قبل قرن تقريباً رسمت وزارة الدفاع البريطانية حدوداً جديدةً للسودان.بجرّة قلم بيروقراطي انجليزي من القرن التاسع عشر،تمّ تصميم الخريطة الحالية لجمهورية السودان .
قبل ذلك التعديل البريطاني لخريطة السودان, كانت حدود السودان شمالاً تبعد خمسة كيلومترات جنوب مدينة أسوان المصرية. كانت حدود السودان في جزيرة الفيل. وقام اللورد كرومر بإضافة مئات الأميال السودانية الى مصر لتصبح حدود السودان الشمالية في صورتها الحالية.
جنوبا كانت الأراضي السودانية تمتد حتى بحيرة (مهقي) في جمهورية الكونغو.
كان مثلث (أليمي ) ضمن الاأراضي السودانية ،فأصبح وفقا لذلك التعديل البريطاني لخريطة السودان يتبع لكينيا .
في الشمال الغربي من السودان كان ( مثلث سارّة) جزءاً من السودان. وفي ثلاثينيات القرن العشرين كجزء من التسويات بين الدول الغربية المستعمرة أعطت بريطانيا (مثلث سارة ) الى ايطاليا التي كانت تستعمر ليبيا، ومنذئذٍ أصبح (مثلث سارة) السوداني جزء من الاراضي الليبية. ومن ينظر الى الخريطة يرى آثار تلك (القضمة) على الجانب الشمالي الغربي من خريطة السودان.
كانت منطقة( بني شنقول) جزء من السودان إلى أن أضافتها السياسة البريطانية إلى الاراضي الأثيوبية. ولم تزل تيجان العمائم السودانية على الرؤوس السودانية في (بني شنقول).
في منطقة أهل الدرع والسيف أهل السديرية ، رسم قلم التاج البريطاني (حلايب) داخل الأراضي السودانية بمئات الأميال، ولم تكن منطقة نزاع ولا ينزعون.
وهكذا أصبحت التغييرات التي أملتها السياسة البريطانية على خريطة السودان, في نهاية القرن التاسع عشر وجزء من القرن العشرين, واقعاً. أصبحت السودان الجديد!.
قبل السودان بتقليصه وأسقط السياسيون من الذاكرة الوطنية خريطة السودان السابقة،كما أسقطوها من المناهج الدراسية.
سكت السودان عن التفصيلة الجديدة لأراضيه، وقبل بقدره الدولي، خاصة بعد قيام منظمة الوحدة الوطنية في مايو 1963 عندما حسمت قضية الحدود بين الأقطار ،وتمّ اعتماد الحدود بين الأقطار الأفريقية بصورتها التي عليها.
ويلاحظ أن حروب الأفارقة البينيَّة على كثرتها, لم تكن الحدود السياسية بين الدول أحد أسبابها المهمة.
وبعد قرن من الزمان ظهرت أطروحات السودان الجديد مرة أخرى لرسم خريطة جديدة!
في كل قرن جديد توجد خريطة سودان جديد!
ورغم قصقصة بريطانيا السودان ،إلا أن أقصى البقع الحدودية السودانية, في مختلف الاتجاهات ما تزال تحمل في سكون سرمدي، بصمة الثقافة السودانية العربية الساطعة. حيث نجد ( القردود ) وتعني الارض الصلبة ،و(قيسان) وتعني الرجل الوسيم ،و( القرقف) وتعني الأرض الواسعة ذات الهواء الطلق ،وغيرها.
قصقصة السودان عبر تصميم وزارة الدفاع البريطانية خريطته الحالية ،تمَّت عن طريق الاحتلال العسكري المباشر.
كان ذلك (السودان الجديد) موديل القرن العشرين، أما السودان الجديد موديل القرن (21) فتقصقصه أمريكا وترسم خريطته الجديدة، عبر خصخصة التمرد، نظراً لاستحالة صنع حركة تمرد وطنية .عبر خصخصة التمرد، أي عبر تجييش القبائل وعسكرة القبائل ضدّ الدولة شرقاً وغرباً وجنوباً.
قرار الكونغرس الامريكي بتقسيم العراق،وامتلاك البنتاغون (وزارة الدفاع الامريكية) لخرائط تقسيم الكونغو، والتي كشفتها صحيفة (وول ستريت جورنال), وقرار وزير الخزانة الامريكي في 1/ نوفمبر 2007 بتعديل خريطة العقوبات الاقتصادية الامريكية ضد السودان, كل تلك براهين بأننا في حقبة الخرائط الجديدة, هل يحمي السودان وحدته .
هل يحمي تمساح السودان عرشه المضفور من موج الدميرة ؟
أم سيسبح السودان في نهر السياسة الدولية ،من أجل البقاء والحفاظ على النوع, بخريطة جديدة، وفقاً لـ (شريعة) أسماك القرش؟

الكلام الفوق دا من جمال البدوي (احتمال كبير هو ذاتو يكون لاطشو !!!!!)
كلام المنتديات أحيانا ما بتعرف ليهو سِيِد !!!!
وأشتر ما بتحمّل مسؤولية نقاط عديدة فيهو

[فطوم]

المشاركة الأصلية كتبت بواسطة أشتر

[flash=http://www.sudanyat.org/upload/uploads/abyai.swf]WIDTH=530 HEIGHT=590[/flash]

ملهلبو .. الملهلبو ...
في شنو .. أسال الملهلبو ...
عشان منو .. عشان نعيش في لهيب واصبر كمان يا حبيب ...

المشاركة الأصلية كتبت بواسطة أشتر

[flash=http://www.sudanyat.org/upload/uploads/sudanmap.swf]WIDTH=700 HEIGHT=750[/flash]

_______________________
عاين يا ود ابو عاقلة...
بعيد عن سوس وساس
و بغض النضر عن التخابت بين تأييد الانفصال ومعارضته
وبرضو بعيد عن فرد صيوانات العزاء او تطاقش الكاسات احتفاء
او حتى تطاقش الرؤس بين هذا وذاك
انا عاوزة اقول الحاجات الانت بتعملا
او بالواضح كدا الرسومات والشخابيط البتسوي فيها دي عاجباني ياخ
الا صراحة كدا بتعقد منها عشان بتحسسني بكمية الامية التقنية الملازماني
فشنو..
راعي الفروقات عليك الله
بس مضطرة اقول ليك وحات الله انت فنان
الفنون جنون
والشتارة هي شعرة بين الفن والجن..ما بتضر لو وزنت المعادلة
نسيت اسعلك يا اشتر
سعال بريييئ والله
تفتكر النوبيين بعد احتفالاتهم دي باليوم النوبي
ممكن يطالبو بدولة نوبية مووونفصلة يا ربي...؟

[أشتر]

المشاركة الأصلية كتبت بواسطة فطوم

_______________________
عاين يا ود ابو عاقلة...
بعيد عن سوس وساس
و بغض النضر عن التخابت بين تأييد الانفصال ومعارضته
وبرضو بعيد عن فرد صيوانات العزاء او تطاقش الكاسات احتفاء
او حتى تطاقش الرؤوس بين هذا وذاك
بغض النظر دي ما أعتقد موفّقة فيها ...
لأنو لو غضيتي الطرف عن الحاصل ما كان حتشوفي الشخبتة دي ...
في الأول مفروض نشكر مآسينا البتمرق مننا حاجة كدا ...
ودي واحدة من محاسن ألمك على وطن .. وفرحك لى ناسو في آن ..
معادلة تافهة ختوها قدامنا حنعمل شنو يعني !!!! إنعل أبو كدا !!!!!
أي نعم عندي كرعين لكن ما نعامة ... النعامة التزوزي بيك
انا عاوزة اقول الحاجات الانت بتعملا
او بالواضح كدا الرسومات والشخابيط البتسوي فيها دي عاجباني ياخ
يعجبك السمح يا بت أمي ..
الا صراحة كدا بتعقد منها عشان بتحسسني بكمية الامية التقنية الملازماني
هو الزول منا لازم يكون بعرف أي حاجة ؟؟
حسي لو قلتي لي شغالة سكرتيرة بقول ليك بيني وبينك مية سنة ضوئية واحتمال أكتر ما لم تكوني مصممة أو عندك علاقة بالحاجة السمحة حقتنا دي ..
فشنو..
راعي الفروقات عليك الله
بس مضطرة اقول ليك وحات الله انت فنان
فنان ونص أكضب عليك ؟؟ .. عارف روحي وما جبتي حاجة من عندك أستفيد منها
الفنون جنون وأحلى جنون
والشتارة هي شعرة بين الفن والجن..ما بتضر لو وزنت المعادلة
الشتارة منطقة وسطى ياخ بين الجن والأجنّ منو فـ الفنون دي بتحتاج لى زول فيهو مس (مرهم يعني) حتى تروا الحقيقة قاعدة في حتات كدا غريبة ليس باستطاعتك تشوفيها ببساطة .. ما تعقيدات لكن عيونكم كعبة إسوو ليها شنو
نسيت اسعلك يا اشتر
سعال بريييئ والله
تفتكر النوبيين بعد احتفالاتهم دي باليوم النوبي
ممكن يطالبو بدولة نوبية مووونفصلة يا ربي...؟

الأقليات من حقها الحفاظ على إرثها الثقافي بإقامة ما تراه من ليال تشد عضدهم لتنفخ فيهم أواصر المودة روحها ولكن لا على حساب وطن وكيانات أخر لها نفس الحق في إظهار ما تراه ملائما لمجتمع يعترف بتعددية مفاهيم وتباين آراء تحت سقف تاريخ مشترك .. ودم ...
وقولي إنفصلو ؟؟ مع إنو انفاصلم قاسي خلاس الناس ديل ...
عاملين كدا زي الساق المطعّم في شدرتين !!!
قولي اديناهم حق تقرير المصير ...
مصر حتديهم ؟؟؟
مجرد الكلام عن حاجة زي دي ما مقبول عندي وفتح جبهات من هذا النوع تقوّض حرصنا على بلد بنحاول نخليهو يبقى كويس ...
يبقى كويس كيفن ؟؟؟ هنا السؤال ..
دحين ما تفتحي لينا طاقة لا نعرف نسدّها لا نعاين بيها لمستقبل حلو ...
حلو ؟!!!!!

[علي طاهر]

ياخي انت عامل افصل يا سمسم بس ليه ،،،
أعمل لينا زر تاني أكتب عليهو وَحِّدْ يا سمسم ،،
عشان لمن ما يعجبنا شكل الصورة على الأقل
نعيدها صورتها الأولى ،،،
على الأقل بيني و بين نفسي داير أغش نفسي ياخ