نحن وحوار دافئ

[حافظ حسين]

المشاركة الأصلية كتبت بواسطة بابكر عباس

يا حافظ الزولة دي قالت: من أرقى و ليست أرقى

بالله حنين دي بت؟
تسلمي

بابكر عباس سلام و محبة .... ما في أي مشكلة نقول من أرقي طيب ترتيبهم كم؟
و أتوصلوا للنتيجة دي كيف؟
هل في دراسة إتعملت في الموضوع دا؟

و الله يا بابكر عارف أنو حنين دي بت .... أها يعني كونها بنت دي ما نستفسر منها و لا كيف؟
كامل إحترامي لكل النساء

[رأفت ميلاد]

حنين كل سنة وأنتى طيبة ..

كلامك جميل وعلى العين والراس .. لكن زى ما قال ليك الجيلى .. الموضوع بضيع لامن يبقى تقريرى .. المشكلة (مرة وراجل) = 1 (زوج) .. لامن ترمى الموضوع فى طرف واحد .. بضيع مر واحدة .. رجال كتار بشتكوا من غياب توأمة الزواج .. وإنشغال النساء بأمور أنثوية .. قطيعة وهدوم وستاير ولمات حنة ودخان وصناديق ومفاخرة دهب .. ونساء يشتكين من غياب وسهر للرجال .. كان كشتينة وكان سكر وكان ذكر

المضوع مهم ويا ريت يصلو الناس بحتة حوار محايد .. عشان سيمفونية آخر الليل ذاتا بتتعدل كان حوار النهار كان دافئ .. ولّ رأيك شنو ..

[رأفت ميلاد]

اقتباس:
المشاركة الأصلية كتبت بواسطة حافظ حسين
بابكر عباس سلام و محبة .... ما في أي مشكلة نقول من أرقي طيب ترتيبهم كم؟
و أتوصلوا للنتيجة دي كيف؟
هل في دراسة إتعملت في الموضوع دا؟

و الله يا بابكر عارف أنو حنين دي بت .... أها يعني كونها بنت دي ما نستفسر منها و لا كيف؟
كامل إحترامي لكل النساء



يا حافظ بابكر هو الماكان عارفا أنثى .. مالك جليت دى .. باين الرويعى ده لبعك فى حتة حارقاك .. كلم ليه فتحى بظبطو ليك تووووش

معليش يا حنين حتة جغمسة ما بتضر

[حنين سلمان]

سلام ياسيدي
جغمس زي ماعاوز ولايهمك وعلى راسي من فوق0000

كفاية بس انك قلت رأيك في الموضوع
أسم حنين شكله كده حيغلبني والظاهر اني حأغيروا
المهم:
يمكن أنا حملت طرف فعلا أكتر من التاني لكن زي ما قلت الحوار مهم جدا بين الطرفين والظاهر كدا ان الحوار اللي احنا عاوزينو ما حيجي في القريب العاجل ....