اقتباس:
المشاركة الأصلية كتبت بواسطة طارق الحسن محمد
سلام اميرة
بجى لسوالك بعدين
حاسى انه موضوعك دا
زى الكنت مزنوق
ولقيت حل
بيت الادب
الادبخانة
المستراح
دورة المياه
الكنيف
wc
وهى ترجمة دورة مياه
المهم زول صحبى
دخل واحدة من المسميات
دى
لقا زول عامل لستة
زى حقتك دى فى حيطة المكان
لاسماء المكان
فبعد ان خلص موضوعو
كتب تحت كل هذه المسميات
( كثرة الاسماء تدل على عظم المسمى )
شفتى كيف
سوال : هل ممكن المكان دا يكون
صاحب
؟ ؟
ولا يطرشك
D
لانه فى ناس بيخشوه بجريدة
وطبعا ديل ناس معذباتية من الطراز الاول
لانه سكنت مع زول فى مصر من حلتنا اسمه
جرجس لمن يكون خاشى البتاع دا بيطبق
جريدة الاهالى معاه وبينقطع توووووووش
وبعد كدة نحن نحاول نجد حلول
فالتكنيك اصبح اول ما نشوف جرجسنا
دا شايت على الحمام ولا طابق الاهالى
كلنا جرى الى الكنيف حتى ولو هبوب ( مقل)*
ولمن ندخله قبله بنحس اننا كسبنا المارثون
الاولمبى وهيلا غبرا سيلاسى
ما بياكل عيش معانا
برغم انه موضوعك ريحته
طاقة
ومحتاجة تجيبى معاك ( اتجى )
لكن اهو برضو
فى واد عصاء
واسف والله لكن
سمعت مثل اريترى
معفن جدا بيقول
.... ولا مافى داعى
كفاية ( الاتجى)
ولو غلبتك ( اتجى ) دى
نادى عكود
دائر اقول ليك ارقدى عافية
بس لقيتها صعبة والله
* اسالى منها عكود برضو
|
بلا بلا بلا
طارق الحسن كتب الكلام ده كله ....؟
احمدك يارب .....النزلوا .....
اقصد اولا د ماما ..
واحد اخونا قاعد بفكر فى مشروع تجارى وهوحمامات متنقله ...عباره عن كونتينر نظيف مظبط ...مقسم اوض مركب فيها ...مقاعد للقعاد ....واحواض للناس الوقافى .. وتحت الكونتينر تنك لتجميع الخارج ..ثم تفريغ ما تجمع فى ما بعد فى الخلاء فى اراضى يملكها سعادتو عباره احواض كبيره من الرمال الحمراء النظيفه ...يفرغ فيها ذلك الانتاج وتخلط تلك الرمال ومن ثم تعباء تلك الرمال المخلوطه بالمنتج بعد ان تجف بسبب شمسنا الرائعه ( الله يخليها لينا ) والتى لم تستغل حتى الان ..تتم تعبئه المنتج فى شكارات او اكياس زنه خمسين كيلو ...ثم تباع للمزارع التى تحتاج الى سماد طبيعى...
الم يسبق لحكومتنا ان اشترت شكارات من نفس النوعيه من اليونان بمبلغ 25 مليون دولار ..؟
اطرف مافى الموضوع ان صاحبنا قال انه سيكتب على الكونتينرات الواقفه فى الاسوق
وبخط كبير ...
مشروع زنقه زنقه ..
