الهوس اللا ديني

[نهلة عمر الشيخ]

مش كان افضل ليك ولينا يا حافظ تجي تنتقد الكلام المنقول دا وتورينا انو عميق وللا ما عميق بدل تنطط يمين وشمال من غير ما نفهمك عايز تقول ؟؟؟

[حافظ حسين]

المشاركة الأصلية كتبت بواسطة نهلة عمر الشيخ

اعصابك يا دكتور حافظ
ولمعلومتك انفعالك ما بفيدك الكتبتو كان بايدك
مداخلاتك ما مفيدات و واضح القصد منهن تخريب البوست ودا سلوك ما جميل

صدقيني أعصابي في تلاجة أديييييييل كدا ... و ما تخافي علي , و بعدين إنت مش متخصصة في علم النفس و كدا , يا خي للخوة البينا دي و دق الكيبورد يعني لو أعصابي لا قدر الله تلفت مش ممكن القي منك نصيحة نفسية مجانية؟

مداخلاتي ما مفيدات ممكن, لكن أخرب البوست دا شوية صعبة يا نهلة, البوست يا دكتورة خربان خلقة الله أصلاً ما محتاج لتخريب مني أنا.... عليك النبي بوست النجر الأخضر يخربه تاني كيف؟
أوعي تكوني حاسبة أنت بوست اللتيق دا مفيد؟
أصحي يا بريش

[حافظ حسين]

المشاركة الأصلية كتبت بواسطة نهلة عمر الشيخ

مش كان افضل ليك ولينا يا حافظ تجي تنتقد الكلام المنقول دا وتورينا انو عميق وللا ما عميق بدل تنطط يمين وشمال من غير ما نفهمك عايز تقول ؟؟؟

يا خي مش النطيط يمين و شمال دا من صفات المهوس أو علامات الهوس؟ و تيب يا خي ما تخلونا نطط و تأخدونا قدر عقولنا

يا دكتورة راعي لمرضاك كمان يا خي , أنتقد الكلام المفقوع دا كيف و أنا كزول مهوس علي باب الله.... يا خي أنا ما متخصص في علم النفس و السايكاترك عشان كدا إنتقادي للكلام العميق دا بضحك فيني الدنيا و بخليني أتدخل في خصوصيات العلماء الزيكم ديل يا نهلة..
و تانيا عندك تعالي أنتقد شنو يا نهلة, إنتقد الكلام المطلوق علي الهواء مباشرة دا , كلام يا كافي البلاء و حايد المحن لا فيه مرجع الزول يرجع ليه و لا الزول الملطوش منه معروف ينتقدوه كيف و بعدين يا دكتورة زمانك إنتي فهمك للنقد شنو؟

معليش يا خي عندي سؤال متعلق بمداخلتك الفاتت و نسيت أكتبه لكن ممكن أكتبه ليك هنا, و هو فيما يتعلق بخراب البوست .... عليك النبي و عليك الرسول يا نهلة الزول الفاكيها في روحو زي حالتك دي بتسموه شنو في علم النفس إنتو كناس علماء كدا؟

و الله داير إجابة لوجه الله تعالي ..... و لا حياء في العلم....

غايتو يا نهلة لو وريتني قاعدة وين برسل ليك كتاب إسمه (كيف تختار مراجع يعتمد عليها)

[نهلة عمر الشيخ]

الارهاب وتعمد تخريب البوست يا حافظ ما حل
انا ما عندي مشكلة في انو البوست دا حسب وجهة نظرك خربان ومطلوق في الهواء
دا رايك والمفروض احترمو ليك واناقشك فيهو كمان
بس يا ريت تجي توضح لي وللقراء وين الخراب عشان اصلحو
و وين الكلام المطلوق عشان اراجعو واستفيد
انا جيتك في البوست بتاعك بهناك وانتقدت البوست بتاعك لاسباب محددة وضحتها ليك في البوست --- يعني ما جيتك عشان اخربو ليك --- تخريب البوستات دا كارهاهو عند علا الدين يوسف في سودانيز اونلاين


بالنسبة للمراجع فنصيحتي ليك اتخلص من العقلية النمطية البتخليك ما تقبل كلام الا يتكتب من ناس محددين
اتعود تقبل اي كلام وخلي الفيصل مخك وتفكيرك
ويا زول طالما انت مصر على المراجع هاك شوف كلام ناس الموسوعة الحرة (وكيبيديا) وحتلقى تحت الكلام مجموعة روابط بتوديك للمراجع
http://ar.wikipedia.org/wiki/هوس

[نهلة عمر الشيخ]

ويقولوا ليك نحن ديمقراطيين واختلاف الراي عندنا لا يفسد للباذنجان قضية

[ممدوح أبارو]

الأستاذة نهلة
خليك من حافظ الما أتي لحوار دا ، انا كتبت ليك سؤالين واطمع رد


احترامي

[أبو دعد]

المشاركة الأصلية كتبت بواسطة نهلة عمر الشيخ

اعصابك يا دكتور حافظ
ولمعلومتك انفعالك ما بفيدك الكتبتو كان بايدك
مداخلاتك ما مفيدات و واضح القصد منهن تخريب البوست ودا سلوك ما جميل

سئل احد العارفين عن اعجب ما رأى قال:
قلب عرف الله ثم عصاه

[أبوبكر عباس]

المشاركة الأصلية كتبت بواسطة نهلة عمر الشيخ

بالنسبة للمراجع فنصيحتي ليك اتخلص من العقلية النمطية البتخليك ما تقبل كلام الا يتكتب من ناس محددين

نصيحة أخوية

[نهلة عمر الشيخ]

المشاركة الأصلية كتبت بواسطة ممدوح أبّارو

الأستاذة نهلة
خليك من حافظ الما أتي لحوار دا ، انا كتبت ليك سؤالين واطمع رد


احترامي

احترامي يا استاذ ممدوح
بخصوص سؤالك فانا اتحدث في هذا البوست عن الدين المنزل من الله ولكن لا مانع لدي من ان تطرح انت وجهة نظرك وستجد عندي كل الاحترام والمناقشة

[نهلة عمر الشيخ]

المشاركة الأصلية كتبت بواسطة أبو دعد

سئل احد العارفين عن اعجب ما رأى قال:
قلب عرف الله ثم عصاه

سلامات يا ابو دعد
ان كنت تقصد بحديثك هذا حافظ حسين فعن نفسي ارفض هذا الحديث جملة وتفصيلا
لا يصح ان ترمي الناس بالمعصية او بالكفر او باي شي من هذا القبيل
ما دار بيني وبين حافظ حسين مجرد حوار واختلاف عادي في وجهات النظر ويجب ان يظل كذلك
تكفير الناس واتهامهم بالمعصية شي ما جميل ويعتبر نوع من انواع الهوس الديني
من يدري فمانراه نحن عاصي قد يكون اكثرنا قربا من الله
وفي النهاية يا ابو دعد صلاح وفساد العباد لا يعلمه الا الله

[مي هاشم]

المشاركة الأصلية كتبت بواسطة نهلة عمر الشيخ

من يدري فمانراه نحن عاصي قد يكون اكثرنا قربا من الله
وفي النهاية يا ابو دعد صلاح وفساد العباد لا يعلمه الا الله

سلام للكل..
ده أعظم كلام أقراه اليوم ...

[حافظ حسين]

المشاركة الأصلية كتبت بواسطة نهلة عمر الشيخ

الارهاب وتعمد تخريب البوست يا حافظ ما حل
انا ما عندي مشكلة في انو البوست دا حسب وجهة نظرك خربان ومطلوق في الهواء
دا رايك والمفروض احترمو ليك واناقشك فيهو كمان
بس يا ريت تجي توضح لي وللقراء وين الخراب عشان اصلحو
و وين الكلام المطلوق عشان اراجعو واستفيد
انا جيتك في البوست بتاعك بهناك وانتقدت البوست بتاعك لاسباب محددة وضحتها ليك في البوست --- يعني ما جيتك عشان اخربو ليك --- تخريب البوستات دا كارهاهو عند علا الدين يوسف في سودانيز اونلاين


بالنسبة للمراجع فنصيحتي ليك اتخلص من العقلية النمطية البتخليك ما تقبل كلام الا يتكتب من ناس محددين
اتعود تقبل اي كلام وخلي الفيصل مخك وتفكيرك
ويا زول طالما انت مصر على المراجع هاك شوف كلام ناس الموسوعة الحرة (وكيبيديا) وحتلقى تحت الكلام مجموعة روابط بتوديك للمراجع
http://ar.wikipedia.org/wiki/هوس

ايوا كدا تمام و ماشة كويس يا دكتورة جبتي لينا ويكبيديا و دي خطوة للأمام شديد
أما نصيحتك الطلعها السيد بابكر عباس أخوية دي , النصايح و الله ما بنابها و كما ورد في الأثر نصف رأيك عند أخيك/أختك (أختك دي ما وردت في النص لكن لزوم جندرة و كدا).
لكن أقول ليك و الله كنت ما بسألك من أي مراجع لو كتبتي خواطر يومية, أو سيرتك الزاتية , لكن وقت تجيبي تنظير متكامل لموضوع زي الهوس قطع شك بسألك عن مراجعك و بحاسب علي الفالدتي بتاعها و بقيمها .....

يا نهلة زول يجي يقول ليك جيبي لينا مراجع تجي تقول ليه خليك منفتح و ما تنمط نفسك بقراية لناس محددين, يا خي دا كلام شنو , و الله لا منمط نفسي علي ناس محددين لا حاجة بقرأ من طرف بدليل إني بقرأ ليك إنتي و بابكر عباس ذاته.

المهم دي أخر لي مداخلة في هذا الخيط المنوط به إجتثاث الهوس من المجتمع , لكن بقرأ ساي من منازلهم .... بس ما في ضمان لو أتكتب أي كلام مطلوق ساي بتداخل...

[قيقراوي]

المشاركة الأصلية كتبت بواسطة نهلة عمر الشيخ

سلامات يا ابو دعد
ان كنت تقصد بحديثك هذا حافظ حسين فعن نفسي ارفض هذا الحديث جملة وتفصيلا
لا يصح ان ترمي الناس بالمعصية او بالكفر او باي شي من هذا القبيل
ما دار بيني وبين حافظ حسين مجرد حوار واختلاف عادي في وجهات النظر ويجب ان يظل كذلك
تكفير الناس واتهامهم بالمعصية شي ما جميل ويعتبر نوع من انواع الهوس الديني
من يدري فمانراه نحن عاصي قد يكون اكثرنا قربا من الله
وفي النهاية يا ابو دعد صلاح وفساد العباد لا يعلمه الا الله

المافي شنو هو!؟

انحناءة تليق يا سيدتي

و انها تحية مستحقة - و ليتها تليق - يا حافظ
اتمنى الا تحسبها نكاية





----

و بالجد فكر في المداخلة السابقة للاستاذة نهلة جيداً ..
التمنيط و العقلية النمطية آفة عديييل كدا ..
و بوستك الموسوم بـ قيقراوي يا جابر الخواطر دا زاتو داخل في باب التنميط بالمناسبة السعيدة دي!
شفت كيف!؟
يعني عشان ابديت رائي في مسألة البوست دا، طوالي كرفستني ، و حشرتني في كرتونة ( مسلمي جبر الخواطر) بدون ما تستتيبني ذاتو!
يا زول!؟
هو انت قايل ( الهوس ) دا كيفنو اول!؟

ياخ انا ما كرهني قولة ( شيوعي ) دي الا المهووسين دينياً ديل!
الواحد لمن تقول ليو انا شيوعي، طوالي ملامحو تتغير لوش الشفقة عليك و بئيس مصيرك ..
لأنو في عقل بالو طوالي بكون قتح ليو جنة و نار قطاع خاص .. تخصه تماماً
و أقام نفسو في مقام ليس مخصصاً لبشري، و حكم عليك بحشرك في نار خيالو دي!
يا للهول!! .. هذا لا يطاق! ( او كما قال في مسلسل الاطفال )
الرهيب لو كان ( كوز ) عدييييل ( قاتل و سارق ، و مغتصب محصنات، او على اقل تقدير مؤيد للظلم ) و يدخل نفسو الجنة و انت يكبك في لظى و جحيم من صنع خيالو المهووس!!
فتأمل .. و تجهم..
و ادي ربك العجب!

يا مهووسي الدين تعالوا الى كلمة سواءاً بيننا الا نعبد إلا الله
و ندين له بكامل الربوبية .. و كفوا عن التأله علينا ..
الاله الواحد الذي حرّم الظلم على نفسه .. وحده لا شريك له ..

الدين لله و الوطن للجميع
فكفوا عما انتم فيه من غي!
يرحمكم و يرحمنا الله

[الرشيد اسماعيل محمود]

المشاركة الأصلية كتبت بواسطة قيقراوي

هو انت قايل ( الهوس ) دا كيفنو اول!؟
ياخ انا ما كرهني قولة ( شيوعي ) دي الا المهووسين دينياً ديل!
الواحد لمن تقول ليو انا شيوعي، طوالي ملامحو تتغير لوش الشفقة عليك و بئيس مصيرك ..
لأنو في عقل بالو طوالي بكون قتح ليو جنة و نار قطاع خاص .. تخصه تماماً
و أقام نفسو في مقام ليس مخصصاً لبشري، و حكم عليك بحشرك في نار خيالو دي!
يا للهول!! .. هذا لا يطاق! ( او كما قال في مسلسل الاطفال )
الرهيب لو كان ( كوز ) عدييييل ( قاتل و سارق ، و مغتصب محصنات، او على اقل تقدير مؤيد للظلم ) و يدخل نفسو الجنة و انت يكبك في لظى و جحيم من صنع خيالو المهووس!!
فتأمل .. و تجهم..
و ادي ربك العجب!
يا مهووسي الدين تعالوا الى كلمة سواءاً بيننا الا نعبد إلا الله
و ندين له بكامل الربوبية .. و كفوا عن التأله علينا ..
الاله الواحد الذي حرّم الظلم على نفسه .. وحده لا شريك له ..
الدين لله و الوطن للجميع
فكفوا عما انتم فيه من غي!
يرحمكم و يرحمنا الله

مداخلة تستحق وسام الإمتياز..
تحيّة تليق يا قيقا..

[أبوبكر عباس]

المشاركة الأصلية كتبت بواسطة الرشيد اسماعيل محمود

مداخلة تستحق وسام الإمتياز..
تحيّة تليق يا قيقا..

يا أخي قيقراوي دا من جا سودانيات وساب روابط المعجبات مكرها، بقى مثقف جدا