سلامات ياسمراء
ولعلك بخير ياحبيبة
عندي رأي محدد في مسألة القروب دي ..خلاصتها انو ما بعتقد انو كتل المنتدى ولا وارد انو يعمل كدة
وشايفة فيهو ميزة كمان: انو بيتم جوة موقع التواصل الاجتماعي ال(فيس بوك) ، يعني جات وونسة وكثير من الهزل - ال في رأيي الشخصي - ما مناسب انو يتقدم جوة منبر الحوار.. فممكن يكون نافذة للحوارات الشخصية الما بتقدم للقارئ في المنتدى
فحتى شعار التواصل والمحبة عندو مساحة بتاعت إحتمال أضيق من الممكن يسمح بيها قروب إجتماعي جوة الفيس بوك.
عموما المسألة تعتمد على مسئوليتنا في التعامل مع المنبر والمواد المفروض تتقدم وتتناقش فيهو والبشوف انها بتختلف تماما عن الذي يتم تناوله في أي لقاء أو مساحة تواصل إجتماعي.
قروب (حبايب) برئ براءة الذئب من دم ابن يعقوب من اتهامك ده ياسمورة
لكن ده ما بينفي انو المنتدى بيعاني شئ من ال(موات) والأسبابو كتيرة ومتباينة لكن نظل نحنا (كلنا) جزء أصيل منها ، وحقو نشحذ هممنا ونسن أقلامنا لحوارات هادفة ومفيدة.
محبة أكيدة
وسلام للجميع
