حق الفطور

[البديري]

المشاركة الأصلية كتبت بواسطة جيجي

الغريبة شايفة لي يافطة في بري في حتة تابعة لوزارة التربية
مكتوب عليها يافطة افطار طالب
لكن هل بتفتكروا الحلول الجزئية دي حل
شوفو من وراءهم في كم اسرة جايعة لانه اكيد مافي اسرة بتودي ولدها اوبتها المدرسة من غير فطور الا تكون معدمة
الحلول الزي دي بتريح الحكومة

ياختى جيجى سلامات
لو تابعنا وناقرنا حكومة السجم والرماد دى٠٠ حانجوع اهلنا ونخلى المرض ينهش فى اجسامهم الهزيلة ، اقلها يا اختى لو فطرنا طالب او طالبة او أسرة باكملة ٠٠ اقلها سنمنع انحراف طالب من السرقة او العياز بالله سنمنع وقوع مراهقة لا تتعدى ال١٥ ربيع فى الرزيلة مع الذئاب الحايمة بالعربات الفارهة فى شوارع الخرطوم باليل او بالنهار
جيجى
الرمانا فى المُر الامرا منه ٠٠٠ نعمل شنو ؟!
حسبى الله ونعما الوكيل فى حكومة الكوارث دى

جيجى ٠٠ حتماً الشمس ستشرق باذن الله
تحياتى لكِ

[أبوبكر عباس]

المشاركة الأصلية كتبت بواسطة البديري

عليك الله ورجاء خاص من اخوك
ابعد المناقرة و الندية السياسية من الاعمال الخيرية ٠٠ عليك الله ياخوى
ماعوزين البوست يتجه لمسار آخر ٠

إزيك يا "بديري"؟
يا أخي والله محبة سودانيات دي مرات قاعدة تحيرني!
يعني هسع أنا لو عاوز أطرق دور العمل المدني الخيري في تغيير الوضع السياسي، أعمل شنو عشان ما أهبش محبتكم دي؟
هامش:
لك مني الحب، التقدير، الإلفة، المودة، التواصل وكل أغاني ود عثمان العائد من حردتو.

[أميرى]

المشاركة الأصلية كتبت بواسطة شليل

وفقا لإفادة وزارة التوجيه والتنمية الإجتماعيه ففي حوالي 140 ألف طالب ، مابيتناولوا وجبة الفطور ، الحاجه الحتؤثر على مستوى تحصيلهم الأكاديمي..
طيب..
رايكم شنو يا جماعه إنو نتشايل سوا ، ونحاول نغطًي أكبر قدر من الطلبه اللي ما عندهم حق الفطور !
بقترح : إيجار دكان ، وتعيين متعهد يقوم بإعداد وجبة الإفطار ، ويقوم بالتنسيق مع مناديب المدارس المختلفة ،ويحرص على إنو إ تحصًلوا على الكوته حقتهم يومياً..
الفكرة بسيطة ، وما حتكلًف الكتير
إيجار دكان+ كهرباء، مويه ، نفايات ، إلخ
راتب شهري لبتاع الدكان
قدرتين تلاته بتاعة فول
كم جركانة زيت
شوية مطايب
- عايزين متطوعين ، يشيلوا وجبة الفطور دي ويوزعوها على المدارس


يللا إيدكم معانا يا ناس جوًه ..

شليل سلامات
عندي فكرة صغيرة كدة ممكن
نتجاوز بيها قصة إيجار الدكان ومنصرفاتو الكتيرة(والله المحلية تولدك فيو ولادة بالرسوم)
الفكرة إنو نختار أسرة فقيرة
في كل محافظات الخرطوم التلاته
يعني أسرة في الخرطوم وواحدة ف بحري وواخدة ف أمدرمان
أسرة يكون عائلها متوفي مثلا
و المرة هي الشايلة الشيلة
نمدها بالمستلزمات و هي تقوم بالعمل مقابل أجر و غذاء
كده نكون سدينا جوع أسرة و مرقنا من سلطة المحلية ورهق الإيجار
بالنسبه للتوزيع الله ما كتر إل الركشات و بي أسعار نقل مهاودة
بس المشكلة الأساسية هي الرقعة الجغرافية الشاسعة للولاية فلو ركزنا في المناطق الأشد فقرا يكون أفضل

بالجنب منظمة صناع الحياة قايمة بواجب كبير ف الإفطار دة لدرجة إنو عندها مناديب عديل لصالات الأفراح و الإستفادة من كميات الأكل الذايدة
...
ممكن الناس تتعاون معاها برضو

[ام التيمان]

سلامات شليل
العمل دا اكتر نساء قاعدات اقومن بيهو
امهات صديقات المدارس بمرحلة الاساس
جمعيات خيرية لدعم المدارس و افطار و سداد رسوم الامتحانات للتلاميذ الذين عجزو عن سدادها و الحكومة رفضت اعفائهم من السداد
و جمع الكتب و الزى المدرسى من اهل الخير و توزيعه على التلاميذ الفقراء
و افطار طاقم المعلمين المراقبين اثناء فترة امتحانات الشهادة بالمدرسة
و فى الغالب بتتكون من امهات التلاميذ بالمدرسة

رئيسة صديقات مدرسة سابقآ

[الفاتح]

المشاركة الأصلية كتبت بواسطة ناصر يوسف

البعرفو أنا من سُعالاتك الكتار ديل هسي دي
إنو المدارس في كلها في إجازة
الإجازه الصيفية وأظنها لغاية شهر ستة الجاي
وأظنها فترة كويسة للإعداد الجيد لهكذا مشروع إنساني تكافلي مجتمعي عظيم
وإن كان عندك تاني أَيتُها سُعال أسعلني ليه في شان أشيل كل أسعلتك دي يا بنجي وأوديها لدائرة الإختثاث (مهند الخطيب أنموزجاً)
أنا ربما ألاقيه اليوم بمشيئة الله

الأسئله بتجي تباعاً ياولد أبوك ، مبدئياً إنت مرر الحاجات الإتطرحت دي ، والحاجات البتخطر على بالك ، الهم مشترك يا بنج..
عندنا حوالي 3 شهور نجمًع فيها أكبر عددية من المبادرين للفكرة دي ، ونبتدي نجمًع موادنا.. كإستوك قبل ما يبتدي العام الدراسي ، بعديها حتكون المصاريف بسيطة..

[الفاتح]

المشاركة الأصلية كتبت بواسطة بابكر عباس

في عمل خيري آخر إتصلت بصديقي الشيوعي بالخرطوم للمساعدة والإفادة في مسألة التخليص، قال لي: انتو قاعدين تطولوا في عمر النظام!
تحياتي يا شليل وشكرا على المبادرة

هامش:
قلت لقريبي الوزير قبل يومين: يا أخي، فشلتوا في إدارة البلاد، سلموها
ردّ: نسلمها لي منو؟ البلاد ما فيها رجال

عظيم الشرف..

[الفاتح]

المشاركة الأصلية كتبت بواسطة البديري

سلام للجميع هنا ,
شليل ، ناصر ، بدر
والله انتم رجال تحملون كل الانسانية فى قلوبكم العامرة بالودّ0
اتمنى
ان يرى هذا العمل الخيرى النور وباسرع وقت ، وانا معكم قلباً وقالباً ،ماديا ومعنويا باذن الله ، واهديه لروح أبهاتى الاثنين رحمهم الله رحمة واسعة 00 وهذا اقل ما نفعله لهم ولجميع امواتنا من احباء واصدقاء0

مع تمنيتى لكم بالتوفيق ان شاءالله0

أهلين يا بدر ،كتًر خيرك ، وربنا يتقبًل الحُجاج قبولاً حسناً ،

نعمل أبديت للمشاركين في مشروع وجبة الفطور :
1- بدر الطائف
2- البديري
3- شليل


---
ملحوظة : وردت إشارات طيبة من الإخوة والأخوات في هذا البوست ، لكن ما واضحة بخصوص المشاركة في المشروع ده.. بمجرد ما إتحصًل على تأكيد ، حأضم الأسماء للقائمة ، عشان الشغل يبقى نجيض.

[الفاتح]

المشاركة الأصلية كتبت بواسطة نولا

شليل ...

يا رسول الآلفه والخير ...

ها هي ايدينا ممدوده لك بيضاء من غير سوء ...

ليرى مشروعك النور ...

ويلا لي قدام ...

أهلين يا نولا..
ده ما مشروعي براي.. ده مشروعنا كلًنا.. يلاك نتشايل سوا..
كتًر خيرك على المبادرة.
المشاركين في مشروع وجبة الفطور :
1- بدر الطائف
2- البديري
3- نولا
4- شليل

[الفاتح]

المشاركة الأصلية كتبت بواسطة جيجي

الغريبة شايفة لي يافطة في بري في حتة تابعة لوزارة التربية
مكتوب عليها يافطة افطار طالب
لكن هل بتفتكروا الحلول الجزئية دي حل
شوفو من وراءهم في كم اسرة جايعة لانه اكيد مافي اسرة بتودي ولدها اوبتها المدرسة من غير فطور الا تكون معدمة
الحلول الزي دي بتريح الحكومة

الحلول الزي دي هي البتخليك أكتر تصالحاً مع نفسك ،
ماظنيت الحكومة دي بترتاح إذا كنت متصالح مع نفسي.

[الفاتح]

المشاركة الأصلية كتبت بواسطة أميرى

شليل سلامات
عندي فكرة صغيرة كدة ممكن
نتجاوز بيها قصة إيجار الدكان ومنصرفاتو الكتيرة(والله المحلية تولدك فيو ولادة بالرسوم)
الفكرة إنو نختار أسرة فقيرة
في كل محافظات الخرطوم التلاته
يعني أسرة في الخرطوم وواحدة ف بحري وواخدة ف أمدرمان
أسرة يكون عائلها متوفي مثلا
و المرة هي الشايلة الشيلة
نمدها بالمستلزمات و هي تقوم بالعمل مقابل أجر و غذاء
كده نكون سدينا جوع أسرة و مرقنا من سلطة المحلية ورهق الإيجار
بالنسبه للتوزيع الله ما كتر إل الركشات و بي أسعار نقل مهاودة
بس المشكلة الأساسية هي الرقعة الجغرافية الشاسعة للولاية فلو ركزنا في المناطق الأشد فقرا يكون أفضل

بالجنب منظمة صناع الحياة قايمة بواجب كبير ف الإفطار دة لدرجة إنو عندها مناديب عديل لصالات الأفراح و الإستفادة من كميات الأكل الذايدة
...
ممكن الناس تتعاون معاها برضو

مقترحك في السلك يا أميري.. لايك للدين (كملت لي لايكاتي اليومين ديل )
بخلاف إنها فكرة إقتصاديه ، قدرت تضرب عصفورين بحجر.. نصل الطلبه ، ونصل الأسر المعدمه.. فكرة جيًدة جداً.
وياناس جوًه .. لو في زول عندو إتصالات بمنظمة صناع الحياه ياريت يصلهم ويطرح ليهم الفكرة دي.

[الفاتح]

المشاركة الأصلية كتبت بواسطة ام التيمان

سلامات شليل
العمل دا اكتر نساء قاعدات اقومن بيهو
امهات صديقات المدارس بمرحلة الاساس
جمعيات خيرية لدعم المدارس و افطار و سداد رسوم الامتحانات للتلاميذ الذين عجزو عن سدادها و الحكومة رفضت اعفائهم من السداد
و جمع الكتب و الزى المدرسى من اهل الخير و توزيعه على التلاميذ الفقراء
و افطار طاقم المعلمين المراقبين اثناء فترة امتحانات الشهادة بالمدرسة
و فى الغالب بتتكون من امهات التلاميذ بالمدرسة

رئيسة صديقات مدرسة سابقآ

أهلين يا أم التيمان..
عليك الله إيدك معانا ، وساعدينا لو بتقدري تشوفي لينا أسر متعففه ، في مناطق الهامش نقدر نوكل ليها المهمه دي

[بدر الطائف]

المشاركة الأصلية كتبت بواسطة أميرى

شليل سلامات
عندي فكرة صغيرة كدة ممكن
نتجاوز بيها قصة إيجار الدكان ومنصرفاتو الكتيرة(والله المحلية تولدك فيو ولادة بالرسوم)
الفكرة إنو نختار أسرة فقيرة
في كل محافظات الخرطوم التلاته
يعني أسرة في الخرطوم وواحدة ف بحري وواخدة ف أمدرمان
أسرة يكون عائلها متوفي مثلا
و المرة هي الشايلة الشيلة
نمدها بالمستلزمات و هي تقوم بالعمل مقابل أجر و غذاء
كده نكون سدينا جوع أسرة و مرقنا من سلطة المحلية ورهق الإيجار
بالنسبه للتوزيع الله ما كتر إل الركشات و بي أسعار نقل مهاودة
بس المشكلة الأساسية هي الرقعة الجغرافية الشاسعة للولاية فلو ركزنا في المناطق الأشد فقرا يكون أفضل

بالجنب منظمة صناع الحياة قايمة بواجب كبير ف الإفطار دة لدرجة إنو عندها مناديب عديل لصالات الأفراح و الإستفادة من كميات الأكل الذايدة
...
ممكن الناس تتعاون معاها برضو

فكرة جيدة جدا وكده فتحنا باب مساعدة الاسر المحتاجه.

[طارق صديق كانديك]

امسك عندك طارق كانديك يا شليل .

وعندي ملاحظة :

جمع الجهود بالضرورة بقود لنتيجة أكبر وأفضل فياريت لو لقينا طريقة تنسيق بين فكرة حافظ حسين وفكرة شليل، وفي تقديري الهدف واحد والاشخاص المعنيين بالمبادرة هم نفس الاشخاص ( العضوية والقراء لسودانيات ) وكذلك الفئة المستهدفة بالمجهود ده واحدة.

لذلك رأي أن نحاول ايجاد صيغة تجمع كل هذا العمل تحت اشراف واحد ان كان ذلك ممكناً.

تحياتي للجميع

[الفاتح]

المشاركة الأصلية كتبت بواسطة طارق صديق كانديك

امسك عندك طارق كانديك يا شليل .

وعندي ملاحظة :

جمع الجهود بالضرورة بقود لنتيجة أكبر وأفضل فياريت لو لقينا طريقة تنسيق بين فكرة حافظ حسين وفكرة شليل، وفي تقديري الهدف واحد والاشخاص المعنيين بالمبادرة هم نفس الاشخاص ( العضوية والقراء لسودانيات ) وكذلك الفئة المستهدفة بالمجهود ده واحدة.

لذلك رأي أن نحاول ايجاد صيغة تجمع كل هذا العمل تحت اشراف واحد ان كان ذلك ممكناً.

تحياتي للجميع

مسكت يا طارق ..
وحأحاول أنسًق مع ولد أمي عملاً بمقترح أميري ، بس عايزين العددية تزيد شويه..
تحياتي.

أبديت للمشاركين :
1- بدر الطائف
2- البديري
3- نولا
4- طارق صديق
5- شليل

[سارة]

معاكم معاكم بدون تحفظ
عجبتنى فكرة اميرى جدا بس برضو المحلية ما بتخليهو
خلونا نضرب تلاتة عصافير بطوبة واحدة
فكرة الاسرة الفقيرة ممتازة جدا بس لو ما بقت رسمية
يعنى بترصيح ورسوم حتواجه مشاكل زى كشات ست الشاى
ليه ما يكون بيت الاسرة نفسه هو الدكان بمعنى لا نحتاج لدفع الايجار ولكن
نحتاج لاستخراج التصاريح ولو المحلية بقى فيهم ود حلال يعفوا العمل من الرسوم
والضرايب بس شهادة الصحة والاوراق الرسمية تحسبا لاى طارىء
وبى كدا يكون وجد مصدر دخل واعاشة لاسرة وتخفيف النفقات حتى تكون الفائدة
اكبر ويتم افطار الطلاب ودا الهدف الاساسى