مُكاجرة

ابوبكر حسن · 15-07-2012, 07:07 AM

المُكاجرة : هى وجه من اوجه التمرد المتعدد , قوة الراس , العِناد , المشى عكس اتجاه السير كلها تعتبر مُكاجرة .
اليوم صباحا وانا بتشمشر على العالم عن طريق الراديو جاء تقرير يشير الى ان هناك حملة واسعة على الانترنت بالا يعرض مسلسل يحكى عن حياة امير المؤمنين سيدنا عمر بن الخطاب رضى الله عنه , فى رمضان ,, لسنا هنا بصدد مناقشة عرض المسلسل او عدم عرضه , مر بخاطرى ان ربما كان لشركات الانتاج وهى ام بى سى وقطر للانتاج يد فى هذه الحمله لانهم عارفين انو المكاجرة طبيعة فى النفس البشرية (سوء ظن منى ساى كده) وانا مثلا قررت ان اتابع المسلسل قدر الامكان رغم عن إنو اخر مرة تابعت فيها مسلسل كان مسلسل بينكى وبرين وانا فى اولى جامعة قبل تاشر سنه كده .. يعنى الجانب المُكاجر فينى قال الا يشوف المسلسل دى عشان يعرف هو زاتو لييه بقولوا ما تحضرها .

ابوبكر حسن · 15-07-2012, 07:13 AM

احد ابناء خالاتى زول مُكاجر وكان عندو غرام إنو يكاجر حبوبتنا لها الرحمة رغم عن إنو كان المفضل لديها بيننا ,, كانت ما ان تراه يريد ان يفعل شى كتعديل شى ليس فى مكانه او جلب غرض له حاجة فى حينه تقول ليه ( عليك الله يا.... جيب معاك الشى دا او اعمل معاك الشى داك) وهو اصلا بيكون ماشى يعمل ما قالت له اعمله , طوااالى يقوم يغير خططه ويمش يعمل شى تانى او يقعد ,, يقول لى والله يابكرى حبوبتى دى ما تتذكر الشى الا تشوفنى ماش اعملو اها ما بعملو .. مكاجرة منو بس

زول الله · 15-07-2012, 07:21 AM

والله يابكري الشغلة كلها ماجايبة حقها
ناس بتقول تجسيد الصحابة لايجوز شرعاً
وطبعاً جابو الادلة الخاصة بيهم والبتتراوح بين الكراهية والحذر والاثنين مالافقات
اها قامت مجموعة من الشيوخ وأفتوا بجواز تجسيد الصحابة عموماً
انا رأيي انها دعاية وتكبير كوم للمسلسل والله اعلم.

اقول قولي هذا واستغفر الله لي................

ابوبكر حسن · 15-07-2012, 07:21 AM

اذكر فى سِمستر ما والشمس حارة حرا شديدة خلاس وانا ماشى من القاعة ولى الكفتيريا وعبر البرندات وضل الشجر رايت احدى زميلاتنا قاعدة ليها فى مقعد فى نص الحوش لا شجرة لا حيطة جمبها , مشيت وجيت ولسه البنية قااااعده فى نص الهجير قلت ياخونا البت دى مالها ؟ مشيت عليها
انا : ازيك يا...
هى : اهلا ابوبكر كيفك
انا : والله شديد انا احسن منك

, مالك يازوله قاعده هنا؟؟ الشمس دى بتكتلك !!
هى : قاعده فى الشمس دى كيتاً لى روحى

..

اها دى عينه البكاجر فى روحو..

ابوبكر حسن · 15-07-2012, 07:30 AM

اقتباس:

المشاركة الأصلية كتبت بواسطة زول الله

ناس بتقول تجسيد الصحابة لايجوز شرعاً

اها قامت مجموعة من الشيوخ وأفتوا بجواز تجسيد الصحابة عموماً

سلامات زول الله
اسه دى برضو موش مُكاجرة
ديل يقولوا يجوز وديل يقولو لا يجوز

ياقول عادل امام انا لا اعتقد

ابوبكر حسن · 15-07-2012, 07:40 AM

حكومة السودان الحالية
هتفت الجماهير وخرج المواطنين مطالبين بتغيير النظام ولكن الحكومة تمارس كل انواع القمع المتاحه من ضرب ,اعتقالاات ,قنابل مسيله للدموع , رصاص حى وقنابل جديدة زى بتاعه اليمنيين بتعمل تشنجات وحالفين ما يخلوها بى اخوى واخوك ,, اها عاد مُكاجرة اكتر من كده ؟

جيجي · 15-07-2012, 07:40 AM

اقتباس:

المشاركة الأصلية كتبت بواسطة بكرى مبلول

اذكر فى سِمستر ما والشمس حارة حرا شديدة خلاس وانا ماشى من القاعة ولى الكفتيريا وعبر البرندات وضل الشجر رايت احدى زميلاتنا قاعدة ليها فى مقعد فى نص الحوش لا شجرة لا حيطة جمبها , مشيت وجيت ولسه البنية قااااعده فى نص الهجير قلت ياخونا البت دى مالها ؟ مشيت عليها
انا : ازيك يا...
هى : اهلا ابوبكر كيفك
انا : والله شديد انا احسن منك

, مالك يازوله قاعده هنا؟؟ الشمس دى بتكتلك !!
هى : قاعده فى الشمس دى كيتاً لى روحى

..

اها دى عينه البكاجر فى روحو..

انا بس من العينة دي
لو زعلت من زول بكاجر نفسي
لحدوت مرات قاعد اتخيل لي اني بنتقم منها
منو شنو ماعارفة

تحياتي ياخي

ابوبكر حسن · 15-07-2012, 08:18 AM

اقتباس:

المشاركة الأصلية كتبت بواسطة جيجي

انا بس من العينة دي
لو زعلت من زول بكاجر نفسي
لحدوت مرات قاعد اتخيل لي اني بنتقم منها
منو شنو ماعارفة

تحياتي ياخي

تحياتى اخت جيجى

دا نوع مكاجرة اقل ما يقال عنه انو حمدو فى بطنو ,,,

فى الخدمه الالزاميه كنا سادين خدمة ( يعنى بايتين ومسلحين وحاجه كده عسكريه جدن) اها مفروض الصباح نقوم نكنس الواجهه الكنا بايتين فيها بنقسمها بينا التلاته
معنا واحد مُكاجر جدن لامن جا دور الكنيس مشى جر ليهو كرسى وتكل راسو لى ورا ,, يازول قوم كنس عامل فيها اضان منو ديك طرشا , مكاجرة كده منى قمت ختيت المكنسه وقلت انا زاتى ما بكنس رفيقنا التالت برضو مشى

مكاجرة كان نتيجتها صلعه بى الموس و3 يوم خدمة

كيشو · 15-07-2012, 08:18 AM

اقتباس:

المشاركة الأصلية كتبت بواسطة زول الله

والله يابكري الشغلة كلها ماجايبة حقها
ناس بتقول تجسيد الصحابة لايجوز شرعاً
وطبعاً جابو الادلة الخاصة بيهم والبتتراوح بين الكراهية والحذر والاثنين مالافقات
اها قامت مجموعة من الشيوخ وأفتوا بجواز تجسيد الصحابة عموماً
انا رأيي انها دعاية وتكبير كوم للمسلسل والله اعلم.

اقول قولي هذا واستغفر الله لي................

اقتباس:

وطبعاً جابو الادلة الخاصة بيهم والبتتراوح بين الكراهية والحذر والاثنين مالافقات

هسه دي مكاجرة منك ساكت يا زول الله، هسه أدلة خاصة بيهم كيف يعني، قول فهم خاص بيهم يمكن تكون مقبولة
تحياتي لك ولصاحب البوست وللموجودين

ابوبكر حسن · 17-07-2012, 04:54 AM

مُكاجرة

نادى الوصل الاماراتى يلغى تعاقده مع مديره الفنى دييجو ماردونا لاسباب فنية
ماردونا فى تصريحاته : عقدى لمده سنين وانا ملتزم بعقدى

بابكر مخير · 17-07-2012, 06:45 AM

بكوري
إتا

اقتباس:

المشاركة الأصلية كتبت بواسطة بكرى مبلول

احد ابناء خالاتى ( عليك الله يا.... )

إسمه
بشار
[/COLOR][/B]

ابوبكر حسن · 17-07-2012, 08:46 AM

اقتباس:

المشاركة الأصلية كتبت بواسطة بابكر مخير

بكوري
إتا

مخير حبيبنا نحنا

اقتباس:

المشاركة الأصلية كتبت بواسطة بابكر مخير

إسمه
بشار

الاسد؟

ياسر كبوش · 17-07-2012, 09:28 AM

تحب المكاجرة من يومك

ابوبكر حسن · 17-07-2012, 10:08 AM

اقتباس:

المشاركة الأصلية كتبت بواسطة كيشو

[COLOR="DarkOrange"
تحياتي لك ولصاحب البوست وللموجودين[/COLOR]

ولك من التحايا مثل ما اعطيتنا

ابوبكر حسن · 17-07-2012, 10:17 AM

اقتباس:

المشاركة الأصلية كتبت بواسطة ياسر كبوش

تحب المكاجرة من يومك

كبوش يافرده جناحى التانى

تعرف اول عهدى بى المكاجرة كانت عند حلول الشتاء او بى الاحرى بعد يظهر كم شق كده فى الجضوم والكرعين وظهر الكف , ومع اول ظهور لفتيل الجرسلين فى البيت ,,, دق جرس بكون من امو

اسه لو الجرسلين دا جابو اول ما الشتاء يبدا مالو؟ كان لا بكون فى مكاجرة ولا يحزنون

15-07-2012, 07:07 AM	#[1]
ابوبكر حسن :: كــاتب نشــط::	مُكاجرة المُكاجرة : هى وجه من اوجه التمرد المتعدد , قوة الراس , العِناد , المشى عكس اتجاه السير كلها تعتبر مُكاجرة . اليوم صباحا وانا بتشمشر على العالم عن طريق الراديو جاء تقرير يشير الى ان هناك حملة واسعة على الانترنت بالا يعرض مسلسل يحكى عن حياة امير المؤمنين سيدنا عمر بن الخطاب رضى الله عنه , فى رمضان ,, لسنا هنا بصدد مناقشة عرض المسلسل او عدم عرضه , مر بخاطرى ان ربما كان لشركات الانتاج وهى ام بى سى وقطر للانتاج يد فى هذه الحمله لانهم عارفين انو المكاجرة طبيعة فى النفس البشرية (سوء ظن منى ساى كده) وانا مثلا قررت ان اتابع المسلسل قدر الامكان رغم عن إنو اخر مرة تابعت فيها مسلسل كان مسلسل بينكى وبرين وانا فى اولى جامعة قبل تاشر سنه كده .. يعنى الجانب المُكاجر فينى قال الا يشوف المسلسل دى عشان يعرف هو زاتو لييه بقولوا ما تحضرها .
ابوبكر حسن :: كــاتب نشــط::

15-07-2012, 07:13 AM	#[2]
ابوبكر حسن :: كــاتب نشــط::	احد ابناء خالاتى زول مُكاجر وكان عندو غرام إنو يكاجر حبوبتنا لها الرحمة رغم عن إنو كان المفضل لديها بيننا ,, كانت ما ان تراه يريد ان يفعل شى كتعديل شى ليس فى مكانه او جلب غرض له حاجة فى حينه تقول ليه ( عليك الله يا.... جيب معاك الشى دا او اعمل معاك الشى داك) وهو اصلا بيكون ماشى يعمل ما قالت له اعمله , طوااالى يقوم يغير خططه ويمش يعمل شى تانى او يقعد ,, يقول لى والله يابكرى حبوبتى دى ما تتذكر الشى الا تشوفنى ماش اعملو اها ما بعملو .. مكاجرة منو بس
ابوبكر حسن :: كــاتب نشــط::

15-07-2012, 07:21 AM	#[3]
زول الله :: كــاتب نشــط::	والله يابكري الشغلة كلها ماجايبة حقها ناس بتقول تجسيد الصحابة لايجوز شرعاً وطبعاً جابو الادلة الخاصة بيهم والبتتراوح بين الكراهية والحذر والاثنين مالافقات اها قامت مجموعة من الشيوخ وأفتوا بجواز تجسيد الصحابة عموماً انا رأيي انها دعاية وتكبير كوم للمسلسل والله اعلم. اقول قولي هذا واستغفر الله لي................
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا

15-07-2012, 07:21 AM	#[4]
ابوبكر حسن :: كــاتب نشــط::	اذكر فى سِمستر ما والشمس حارة حرا شديدة خلاس وانا ماشى من القاعة ولى الكفتيريا وعبر البرندات وضل الشجر رايت احدى زميلاتنا قاعدة ليها فى مقعد فى نص الحوش لا شجرة لا حيطة جمبها , مشيت وجيت ولسه البنية قااااعده فى نص الهجير قلت ياخونا البت دى مالها ؟ مشيت عليها انا : ازيك يا... هى : اهلا ابوبكر كيفك انا : والله شديد انا احسن منك , مالك يازوله قاعده هنا؟؟ الشمس دى بتكتلك !! هى : قاعده فى الشمس دى كيتاً لى روحى .. اها دى عينه البكاجر فى روحو..
ابوبكر حسن :: كــاتب نشــط::

15-07-2012, 07:40 AM	#[6]
ابوبكر حسن :: كــاتب نشــط::	حكومة السودان الحالية هتفت الجماهير وخرج المواطنين مطالبين بتغيير النظام ولكن الحكومة تمارس كل انواع القمع المتاحه من ضرب ,اعتقالاات ,قنابل مسيله للدموع , رصاص حى وقنابل جديدة زى بتاعه اليمنيين بتعمل تشنجات وحالفين ما يخلوها بى اخوى واخوك ,, اها عاد مُكاجرة اكتر من كده ؟
ابوبكر حسن :: كــاتب نشــط::

17-07-2012, 04:54 AM	#[10]
ابوبكر حسن :: كــاتب نشــط::	مُكاجرة نادى الوصل الاماراتى يلغى تعاقده مع مديره الفنى دييجو ماردونا لاسباب فنية ماردونا فى تصريحاته : عقدى لمده سنين وانا ملتزم بعقدى
ابوبكر حسن :: كــاتب نشــط::

17-07-2012, 09:28 AM	#[13]
ياسر كبوش :: كــاتب نشــط::	تحب المكاجرة من يومك
ياسر كبوش :: كــاتب نشــط::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري