مطر مندس...سماء متواطئة و..طمبجة في شان الله و رسوله

[أميرى]

مذيع نشرة العاشرة لم يجد تعبيرا مناسبا يرافق صور مئات البيوت
المتهدمة عقب الأمطار الأخيرة
إلا أن يقول جعلها الله أمطار خير و بركة...
ورددت آلاف الحناجر النائمة في العراء و المبتلة بي دمع الوجع
آمين..آمين

وأكتفيت بنظرة ساخطة إلي
...السماء

...
أئمة المساجد رفعوا الصوت عاليا يا قوم إنها إبتلاءت من الله لمن يحب فإن الله إن أحب عبدا إبتلاه..ومامن من مصيبة تصيب مؤمن إلا لخير..
و...و...و

والجمعة القادمة سأصليها ظهرا...
ببيتي

و أهو لسة مسلمين
تصدق؟

[أميرى]

فقط نطمع في حب بلا خسائر

كثير هذا الرجاء؟

...
إستغفروا سرا

[أميرى]

اللهم أرزقنا الجنة التي وعدت و لك علينا إنو نظل مسلمين و نصبر
رغم و رغم و رغم أنف دينا الطالع

[جيجي]

اميري وانت ايضا كالمطر
تهطل عند امتلاء الحزن
فتجرف كل حصونات التجلد
تصدق كرهت الخروج من البيت
الدهباية وميري التي ذهب اهلها ومجدي واولاد حاجة عشة
وكثيرون تتشابه ملامحهم
ترى اين ينام اولئك الصبية الصغارالذين كانو يفترشون الرصيف والجداول

اميري
يامجافي

[بابكر مخير]

المشاركة الأصلية كتبت بواسطة جيجي

ترى اين ينام اولئك الصبية الصغارالذين كانو يفترشون الرصيف والجداول

السمك الشلبآ
بيبلعه تمساح العشاري..
والهامور يبلع كل شئ،،
ودي سنة البحار التي تشابه سنة الغاب،،
القوي يغلب الضعيف
وأب سنون ما بصيبه عسر هضم لأنه بيمضغ...
وعسر الهضم يمكن أن يقضي على "أصلآ" قدر ما طالت ويكون السبب فار،
إنبلع....
ربما، ربما يكون سبب أن تلك الصبية لا يجدون ملاذ،،
وربنا يشوف حالهم،،
ويلطف

[ناصر يوسف]

أميري
رمضان كريم

كان في زول بسيييييييط من أصحابنا الساكنين أطراف أطراف العاصمة القالوا عنها إنها (مُثلثَه) دي ،،،
أهااااااااا صاحبي ده كان ،، ما بيصلي صلاة الجمعة دي ،،، إلا في مسجد ( راااااقي وفي حي راقي كمان )
المافي شنو علي قول قيقا ربنا يرد غربته عن هذا البكان يا رب
أهااااااااا وهو ذاتو لا عندو عربية ولا موتر ولا حتي عجله ولا حُماراً يمرقو من بيتو لغاية شارع الظل
ننن
وشووووووووووو صبت المطره مدراره وملت ليك الشوارع في كل مناحي العاصمة المثلثة دي
وهاك يا خُوَاضة طين
شئ كداري وشئ بحافله وشئ إستراحة وووو لغاية ما وصل لمكان المسجد الكان بيصلي فيه ،،،
أهااااااااا يدخلو كيفن هو بي برجوبتو وخبوبو وطينو ؟؟؟

سمي ربو وأقرب ضُل وقع ليه ،،، مشي إنجدع فيه ،،،

بالرغم من إنو شيخ أنصار السُنَه ، قالها لي في يوم من الأيام (أدخل بحذائك يا إبني للمسجد عااااااااادي جداً وما فيها شئ ) ده لما كنت ماشي أصور ليهم إعلان ...

فيا أخوي أدخل بنعلاتك عااااااااااادي ياخ ولا يهمك

[رأفت ميلاد]

يا أميرى الله بريئ من الأتهامات دى والله ..
لامن نزل آدم وحواء الأرض كانوا عندهم فقط أوراق التوت تسترهم .. يعنى مايو بكينى ما عندهم .. أندسوا فى كهوف زى المرافعين وقعدوا يشغلوا فى مخهم شوية شوية .. أكبر غلطة عملوها لامن أخترعوا الفلوس وبقى من غيرا مافى زول قادر يعمل حاجة .. قام أولاد الحرام شالوا الفلوس كلها وما خلوا حاجة لأولاد الحلال .. قام أولاد الحلال أتبهدلوا البهدلة الشايفا دى

[somiaadam]

اقتباس:
المشاركة الأصلية كتبت بواسطة أميرى
مذيع نشرة العاشرة لم يجد تعبيرا مناسبا يرافق صور مئات البيوت
المتهدمة عقب الأمطار الأخيرة
إلا أن يقول جعلها الله أمطار خير و بركة...
ورددت آلاف الحناجر النائمة في العراء و المبتلة بي دمع الوجع
آمين..آمين

وأكتفيت بنظرة ساخطة إلي
...السماء

...
أئمة المساجد رفعوا الصوت عاليا يا قوم إنها إبتلاءت من الله لمن يحب فإن الله إن أحب عبدا إبتلاه..ومامن من مصيبة تصيب مؤمن إلا لخير..
و...و...و

والجمعة القادمة سأصليها ظهرا...
ببيتي

و أهو لسة مسلمين
تصدق؟



اميري
سلاام وزعلانه ورمضان كريم
لا تنظر الي السماء بنظرة ساخطه
فرب السماء اهدانا هبه ورحمه لكنا لم نوظفها كما يجب
ولم نعمل واجبنا تجاهها
..
اكتب لك هذا والالم يعتصرني والدموع لم تجف من عيني علي امرأه شابه صغيرة لها 3 اطفال ليس ببعيده من بيتنا ..في حلتنا
اصغرهم رضيعا وكبيرتهم في الصف الاول اساس تخيل ..ماتت لانو الحيطه وقعت فيها تاني يوم من المطرة .. طوالي
والزول العايز ينقذها الان بالمستشفي في حاله يرثي لها
لكن رغم ذلك اقول
بانو الغلط معروف من وين ؟
الخريف يفاجئ الحكومه سنويا والشوارع تمتلئ حتي تفيض في بيوت الغلابه
ولاحول ولا قوة ال بالله

[كيشو]

المشاركة الأصلية كتبت بواسطة أميرى

اللهم أرزقنا الجنة التي وعدت و لك علينا إنو نظل مسلمين و نصبر
رغم و رغم و رغم أنف دينا الطالع

المشاركة الأصلية كتبت بواسطة رأفت ميلاد

يا أميرى الله بريئ من الأتهامات دى والله ..

[justify]دي متلازمة حافظ يا رأفت
ولا حول ولا قوة إلا بالله
الواحد لو قِدِر يقيف في حدود مسئوليته وقدرته كواحد من بني البشر مش كان ممكن يحافظ على التوازن؟
ذات الحزن العميق لو بقي داخل النفس البشرية الضعيفة المعترفة بالتقصير وتحوّل لانكسار وتذلل أمام عظمة الله وكبريائه ورفع المنكسر يديه سائلاً الله تعالى لكان أدعى للقبول، وإذا قال المنكوب الحمد لله فلنقلها نحن[/justify]

[معتصم الطاهر]

نفغلها بأيدينا

و تقصر الحكومة

و نلوم السماء ..


استغفروا ربكم يجعل لكم مخرجا

و حاجات كتيرة ..

[جيجي]

المشاركة الأصلية كتبت بواسطة رأفت ميلاد

يا أميرى الله بريئ من الأتهامات دى والله ..
لامن نزل آدم وحواء الأرض كانوا عندهم فقط أوراق التوت تسترهم .. يعنى مايو بكينى ما عندهم .. أندسوا فى كهوف زى المرافعين وقعدوا يشغلوا فى مخهم شوية شوية .. أكبر غلطة عملوها لامن أخترعوا الفلوس وبقى من غيرا مافى زول قادر يعمل حاجة .. قام أولاد الحرام شالوا الفلوس كلها وما خلوا حاجة لأولاد الحلال .. قام أولاد الحلال أتبهدلوا البهدلة الشايفا دى

الزول دا فقد الجلد وبالتالي المنطق
قو ليه يعمل حسابه
هسه عليك الله لو جابو لينا مطوعين مالوا مش كان ناس اميري ديل مشوا زي الترتيب

[رأفت ميلاد]

المشاركة الأصلية كتبت بواسطة كيشو
[justify]دي متلازمة حافظ يا رأفت[/justify][justify][/justify][justify][/justify][justify][/justify][justify]
ولا حول ولا قوة إلا بالله
الواحد لو قِدِر يقيف في حدود مسئوليته وقدرته كواحد من بني البشر مش كان ممكن يحافظ على التوازن؟
ذات الحزن العميق لو بقي داخل النفس البشرية الضعيفة المعترفة بالتقصير وتحوّل لانكسار وتذلل أمام عظمة الله وكبريائه ورفع المنكسر يديه سائلاً الله تعالى لكان أدعى للقبول، وإذا قال المنكوب الحمد لله فلنقلها نحن[/justify]

يا كيشو أنت زعلت منى ولً شنو

ياخ دنيتنا دى وااااسعة وما مفاهيم محددة .. والناس عايشة زى الترتيب .. وكلو قدرة الله .. قدرة الله ما متفاوتة من مكان لى مكان .. قدرات الناس هى المتفاوتة .. المطرة الضرت الناس دي موش ضربت الناس كلهم ولّ الفقراء البيوتم تعبانة بس .. ما أظن كانت منشنة .. قامت كده وأنبهلت .. والمشكلة موش عشان ما عندهم راعى مسئول منهم .. ياخ ديل مسلطين عليهم ناس لا بساعدوهم بعد المطرة ولا قبلها .. ده ما مهم البلد ما عندها قدرة قدر ده .. المشكلة ناقين فى راسم دى قسمتكم ونصيبكم والبعترض الله بخفس بيهو الواطة .. ما شفتو أيوب دقه مرتو كيف .. قبلوا على نسوانكم ديل بجيبوا ليكم الفقر .. ده شنو ده أنا سرحت وين

قصة النسوان دى أحكى ليك قصة حصلت الليلة أتعجبت ليها شديد خلاس .. فى الشغل سايق العربية ومعاى ولد إيطالى .. أصلو هنا لامن الواحد يكون شغال مدير مديرية بشغلوا سواق الله يرحمك يا بوى .. الشاهد .. قطعت قدامنا بت لابسة شورت جكسا فى خط صفر شنو ده -1 .. وعليهو بلوزة مغطية الشورت ومفتوحة بالجمبتين .. بقى عليها مثل (عريان بى شنو كده ما عارف ولابسلو سديرى) .. وبعدين الساقين أجارك الله .. تحيرك فى خلق الله لامن تشوفم وتشوف كرعين توحة .. تشوفم شنو .. والله أنت كان شفتهم تعمل عمرتين ويمكن تجاور .. طبعاً أخوك رجال كبير فى الحالات بعمل صامد قدام الولد طبعاً .. قمت قلت ليهو (حسة البت دى ما شكلها زى العريانة .. بتستفيد شنو من منظر زى ده) .. فاجأنى وقال لى (ده منظر سيئ وخاصة فى حقها) .. أخوك ما بفوت الفرصة وداير أعرف الناس دى بتفكر كيف .. فجرجرتو فى الكلام .. فقال لى كلام كبير خلاس .. قال (لامن المرأة تتطلع مفاتنا بطريقة صارخة كده .. بضيع منها ده "وخت يدو فى قلبو" كل البشوفا يشتهى معاها نص ساعة وبعدها تبقى خرقة بالية) .. ده كوم والمثل الضربو لى كوم .. قال لى(البت الشفناها هسة دى زى "الفرارى" الما عندها موتور .. تتفرج فيها وتلمسا وتفوت فى دربك .. تلقى ليك "فيات" نضيفة وبسيطة وموتورا سنين "خت يدو فى قلبو تانى للموتور" تسلما روحك وتخليها تسوقك العمر كلو) ..

شفت الناس بتتفق كيف رغم أخلاف الزمان والمكان .. طبعاُ المكان دى معروفة .. لكن الزمان دى عويصة شوية ..

وقع ليك .. ولّ أحكى ليك قصة اليوغسلافية الكنت قايلا روسية .. نسيت أسمها .. أصلها كانت فرارى

[طارق صديق كانديك]

المشاركة الأصلية كتبت بواسطة رأفت ميلاد

[B][SIZE=5][COLOR=navy]


وقع ليك .. ولّ أحكى ليك قصة اليوغسلافية الكنت قايلا روسية .. نسيت أسمها .. أصلها كانت فرارى

غايتو أنا ما وقع لي كلو كلو

[كيشو]

المشاركة الأصلية كتبت بواسطة طارق صديق كانديك

غايتو أنا ما وقع لي كلو كلو

[justify]انت عشان العمرة ساااهلة ليك
يا زول وقع لينا كلنا خلاس كفاك[/justify]

[رأفت ميلاد]

المشاركة الأصلية كتبت بواسطة طارق صديق كانديك

غايتو أنا ما وقع لي كلو كلو

دى بعد رمضان وأنت طيب .. ولّ نخليها عيدية
المصيبة قريت كلام كيشو تانى .. لقيتو ما زعلان منى الراجل .. أهو رشيناهو .. بس ما مشكلة .. يكون قسمتو ونصيبو الكاتبو ليهو الله