الترشيح لعضوية مجلس إدارة سودانيات دورة 2013-2014

[كيشو]

المشاركة الأصلية كتبت بواسطة شبارقة

أنا غايتو ح أركز على الهدف الرئيسي للبوست ألا وهو ترتيب القوائم بإستمرار وسوف لن أنشغل بالمواضيع الأخرى فمعالجتها متروكة للأخ الأمين العام ومجموعته والتدخل الفوري (حسب اللائحة) من قبل رئيس المجلس (إن إحتاج الأمر)

تعجبني يا شبارقة، كالعهد بك دوماً
بس والله ما عاجبني ليك الحياد اليومين ديل، حليل شارع النميس، وجنينة النميس، وعاصم الأنيق يقف في الأماكن التي يختارها بعناية ليصور المَشاهد
وكمان شمتان في طارق والنور، إنتو اشتغلو ونحن نتفرج، مساكين عاملين زي ناس البوليس في دار الرياضة "ظهورهم للميدان، ووجوههم تتابع ناس ما شغالين بيهم شغلة"

[معتصم الطاهر]

ماجد تاج

و انت تعرف القانون جيدا فى المحاكم والشرطة و فى المنظمات الطوعية ..
و فى النت تعرف جيدا .. هذا الدور ..

اذن يا ماجد
ما تفغله هنا هو ليس لا

دعاية مضادة ..

فلا تدخل فيها دستور وو لائحة سودانيات التى سكتتا عن ذلك ..

[رأفت ميلاد]

يا جماعة زى ما ببقولوا الصراحة راحة .. وما تعودت كرسى المتفرجين

أنا من رشح حسين أحمد حسين وسيكون صوتى له إذا قبل التكليف بإقتناع تام بشخصه ..

ولكن لا أعترض على طعونات ماجد تاج .. كما قال الباش (دعاية مضادة) لا تلغى الترشيح ولا تعارض اللوائح

ولا مزيد

[ماجد تاج]

المشاركة الأصلية كتبت بواسطة معتصم الطاهر

ماجد تاج

و انت تعرف القانون جيدا فى المحاكم والشرطة و فى المنظمات الطوعية ..
و فى النت تعرف جيدا .. هذا الدور ..

اذن يا ماجد
ما تفغله هنا هو ليس لا

دعاية مضادة ..

فلا تدخل فيها دستور وو لائحة سودانيات التى سكتتا عن ذلك ..

ـ


ما عارف لكن يا خال أديتني احساس بأنو المنتدى فيه حرّاس فضيلة



أنا قلت رأي واضح للغاية ما فيه أدنى لبس

قرايتو بجوانب دي ما مسئوليتي خالص أظن

ع العموم ما في دعاية مضادة لأنو ما عندي غرض مباشر من فوز شخص بعينه

عندي مصلحة في فوز من أضمن حياديته وعدم تجاوزه أو تطويعه للوائح لنصرة فكرة يوجدها ذهنه في حالة غضبه وبس

وعندي مصلحة في فوز من أضمن أنه يخاصم بأخلاق عالية وبشرف

ولا ينصرف بسبب الحمى من المكتوب الى الكاتب

وعندي مصلحة في فوز من يناهض فكرتك ، لا من يناهض وجودك نفسه

كدا واضح اظن




ـ

[شبارقة]

المشاركة الأصلية كتبت بواسطة ناصر يوسف

أولاً يا شبارقة ويا ناس القانون ،،،

أها قول جاء توقيت قفل البوست ده ،،، والناس التم ترشيحهم وتمت تثنيتهم ،،، أو ما تمت ،،، ما جوكم هنا وقبلوا أو إعتذرو ذاتو من ترشيح الناس ليهم ،،،
أتوماتيكلي كِده حيتم إستبعادهم من اللستة النهائية للتصويت ؟؟؟ ده سُعالي في الحِتَة دي ياخ

مرحبا ً يا ناصر

لا نريد أن نسبق الأحداث .. لكن من خلال التجربة نجد أنه في الأيام الأخيرة للترشيح سيحدث حراك مميز وهو حراك محمود بالمناسبة (عشان تنجح العملية الإنتخابية) .. سنقوم أنا وأنت والحادبين على مصلحة سودانيات بمناداة أصحاب القائمة الثانية والأعضاء المعتذرين ونحثهم على المشاركة وبالطبع كثير منهم سيستجيب لإرواء هذه التجربة الناجحة في سودانيات .. وسيرتفع عدد الأسماء في القائمة الأولى (المـُرشـَحين) وهي القائمة الوحيدة التي ستبقى بعد قفل باب الترشيح.

أما بخصوص ترشيح الأخ حافظ حسين فقد أستشرت فيه رئيس مجلس الإدارة وبتشاوره مع الأخ الأمين العام وجـِد أن ليس هناك ما يمنع ترشيحه (بالرغم مما قام به من تجاوز صارخ وفي العلن) طالما أن الرجل قد عوقب بالإيقاف وتمت فترة إيقافه وكان أون لاين هنا قبل عدة أيام .. إذا كان إستفاهمك بخصوص الأخ حافظ يرقى إلى مرحلة الطعن فإنى أرى أن موضوع الطعون قد تم حسمه بواسطة الأمين العام ورئيس مجلس الإدارة فيما سبق من مداخلات.

[شبارقة]

المشاركة الأصلية كتبت بواسطة كيشو

تعجبني يا شبارقة، كالعهد بك دوماً
بس والله ما عاجبني ليك الحياد اليومين ديل، حليل شارع النميس، وجنينة النميس، وعاصم الأنيق يقف في الأماكن التي يختارها بعناية ليصور المَشاهد

شهادتك فيني مجروحة ياخ

واحدة من تلك المشاهد يا كيشو التي لم أنساها (من مشاهد العام 1985م) لوحة قماشية كبيرة مربوطة في السور الحديدي بالقرب من بوابة دار إتحاد الطلاب (اللوحة جابوها ناس أسامة الكاشف) ومكتوب عليها بالخط الأحمر العريض : الوحش يقتل ثائرا ً والأرض تنبت ألف ثائر يا كبرياء الجرح لو متنا لحاربت المقابر .. وكنت أقف بقرب تلك اللوحة فإذا بضابط الأمن الشهير وقتها (الضابط مهران *) يقف بجانبي ويعلق متهكما ً مع زميل له على تلك اللوحة.

... يا حليل تلك الأيام ويا حليل الشباب والأناقة يا كيشو ياخ .

سامحونا يا جماعة فكيشو دائما ً يحرك بحيراتنا الساكنة

* الضابط مهران تم إغتياله فيما بعد هو وأبنه وكان ذلك في بداية تسعينيات القرن الماضي بإطلاق الرصاص عليهما وهما بداخل السيارة وقد قرأت الخبر وشاهدت صورته وكان الخبر الرئيسي في معظم الصحف المصرية في ذاك اليوم وقد كنت وقتها في زيارة للقاهرة قادما ً إليها من طرابلس.

[شبارقة]

أهلا ً بكم من جديد

سأقوم دائما ً بإذن الله بتلخيص عام وتحديث للقوائم عشان أسهـّل عليكم المهمة دون الحاجة لرجوعكم للصفحات السابقة ومنعا ً لوقوعكم في تكرار الأسماء والترشيحات التي تمت

القائمة الأولى : أعضاء تم ترشيحهم وتثنيتهم وموافقتهم :-
1- زول خرافي
2- رأفت ميلاد
3- حسين عبد الجليل
4- سارة


القائمة الثانية: أعضاء تم ترشيحهم وتثنيتهم ونحن في إنتظار موافقتهم أو إعتذارهم :-
1- بابكر عباس
2- خالد الصائغ
3- كيشو
4- سماح
5- أسامة عبد الماجد
6- معتصم الطاهر
7- لنا جعفر
8- أمين محمد سليمان
9- د. بابكر مخير
10- نبراس
11- ود عثمان
12- فتحي مسعد
13- حافظ حسين
14- عكود
15- حسين أحمد حسين

القائمة الثالثة: أعضاء يتم ترشيحهم ومن ثم تثنيتهم حتى يتم نقلهم للقائمة الثانية :-
1 -
2-
3-


القائمة الرابعة : أعضاء معتذرون:-
1- ناصر يوسف
2- طارق كانديك
3- فيصل سعد
4- قيس شحاتة
5- جيجي
6- النور يوسف
7- شبارقة
8- ماريل
9- آمال
10- الجيلي أحمد
11- أسمر
12- أحمد محمد زين
13-خالد غالي
14-وجدي الأسعد
15- طيبان
16- زول الله
17- الرشيد
18- رشا
19- تماضر حمزة
20- حجة آمنة
21- محمد علي

لطفا ً:

* أرجو من السادة المتابعين تنبيهي في حال تداخل أسماء القوائم أو عند السهو وشكرا ً

** سيُغلق هذا البوست عند الساعة 18 (بتوقيت قرينتش) من مساء يوم 20/12/2012 بإذن الله.

*** في صباح يوم 21/12/2012 سيُفتح بوست آخر للتصويت والإختيار من القائمة التي إستوفت معايير الترشيح وهي القائمة الأولى في هذه المداخلة.

[معتصم الطاهر]

اقتباس:
المشاركة الأصلية كتبت بواسطة ماجد تاج

ـ


ما عارف لكن يا خال أديتني احساس بأنو المنتدى فيه حرّاس فضيلة



أنا قلت رأي واضح للغاية ما فيه أدنى لبس

قرايتو بجوانب دي ما مسئوليتي خالص أظن

ع العموم ما في دعاية مضادة لأنو ما عندي غرض مباشر من فوز شخص بعينه

عندي مصلحة في فوز من أضمن حياديته وعدم تجاوزه أو تطويعه للوائح لنصرة فكرة يوجدها ذهنه في حالة غضبه وبس

وعندي مصلحة في فوز من أضمن أنه يخاصم بأخلاق عالية وبشرف

ولا ينصرف بسبب الحمى من المكتوب الى الكاتب

وعندي مصلحة في فوز من يناهض فكرتك ، لا من يناهض وجودك نفسه

كدا واضح اظن

ـ





ماجد
سلام

حراس فضيلة دى ما بتقّم مع " تيمس" زيي ..

و منو القال ليك " دعاية مضادة" دى ما جزء من الديمقراطية و الانتخابات ..
تمارس و يجب أن تمارس لتكشف للناخبين سلبيات الآخر ..
يقوم بها الجميع بشتى الأساليب ..
و تبقى الأخلاق فى الممارسة هي الفيصل ..

أذكر أنني أنسحبت من " قائمة" كان- بعض- من فيها يريد استخدام مآخذ شخصية " حقيقية " فى دعايته المضادة على القائمة الأخرى ..
و نزلت وحدى ..
و للحقيقة لم يستخدموها و دعموني ..

كما فى انتخابات رابطة الطب لدورة 83/84 استخدمت دعاية مضادة ضد الطالب " معز عمر بخيت" مستخدمين " جملة " قالها كتحدى فى جلسة غير رسمية أسقطته و كان ذو شعبية نزل كمستقل و يدعمه الاتجاه الاسلامي .. فأسقطته ..

[ناصر يوسف]

المشاركة الأصلية كتبت بواسطة شبارقة

أما بخصوص ترشيح الأخ حافظ حسين فقد أستشرت فيه رئيس مجلس الإدارة وبتشاوره مع الأخ الأمين العام وجـِد أن ليس هناك ما يمنع ترشيحه بالرغم مما قام به من تجاوز صارخ وفي العلن طالما أن الرجل قد عوقب بالإيقاف وتمت فترة إيقافه وكان أون لاين هنا قبل عدة أيام ..

برضو رأي ،،،

إذا كان إستفاهمك بخصوص الأخ حافظ يرقى إلى مرحلة الطعن فإنى أرى أن موضوع الطعون قد تم حسمه بواسطة الأمين العام ورئيس مجلس الإدارة فيما سبق من مداخلات.

أنا زول بفهم في اللوائح بتاعتنا كويس يا شبارقة وما أظني ماشي في ذات الإتجاه ،،، لكن ،،، كان سؤال ،،، وأهولقيت الإجابة منك ومن رئيس مجلس الإدارة ومن الأمين العام ذاتو ياخ ،،،
وحتي مسألة الطعن وما أدريك ما الطعن وشنو شنو البتكلم عنها أخونا ماجد تاج وبقية الشباب هنا شايفهم زي إتحمسوا شديييييييد عليها ياخ ،،،

أظنو في فرق في مسألة العملية الإنتخابية دي ما بين أي تنظيم أو جمعية أو حزب وما بين تجربتنا هنا ( سودانيات البيت الوسيع ووهيط ) ،،، في الأولي حق الترشيح والتصويت وحق المشاركة في العملية الإنتخابية ،،، مرهون بشكل أساااااااااااااسي في دفع الإشتراكات ،،، وهنا الإشتراكات المالية ،،، فهل من الممكن إننا نماثل ما بين دفع القريشات هناك ،،، بدفع الحروف المنثورة عبر صفحات المنبر هنا ؟؟؟
النعمنو كدي يعني مافي زول فينا قاعد يدفع أي إِتراك مالي هنا ياخ
مي ياها حروفنا الممكن تكون أغلي من القريشات دي ؟؟؟ حبابها حروفنا المنثورة هنا والله ،،، ومِتِل ما قال القول السوداني الظريييف داك ( كتاب الله ما بناباه علا الفيكم إنعرفت ترا )
يا شبارقة أنا شاكر ومقدر لسعة صدرك وشاكر ومقدر لوقتك المبذول لأجل هذا البكان ولأجل هذه الممارسة الديمقراطية الحقة ،،، ياخ شكراً ليك كتير ياخ

[شبارقة]

المشاركة الأصلية كتبت بواسطة ناصر يوسف

يا شبارقة أنا شاكر ومقدر لسعة صدرك وشاكر ومقدر لوقتك المبذول لأجل هذا البكان ولأجل هذه الممارسة الديمقراطية الحقة ،،، ياخ شكراً ليك كتير ياخ

شكرا ً ليك يا ناصر على تقديرك وعلى حـُسن ظنك .. وربنا يقدرنا على خدمتكم .

[معتصم الطاهر]

شبارقة ممكن أشكرك قبل النهاية على مجهوداتك

الزمن + الصبر + المراقبة + الاجابات و الاجتهاد ..

و علينا .. كلنا ..

[أمين محمد سليمان]

سلام للجميع ..والله ما عرفت بقصة الترشيحات و من ضمنها إنو أنا مرشح إلا ليلة أمس ....
الحاصل في البوست ده يدعو للسعادة و يبعد الكثير من الاحباط .... شكرا لمن رشح و لمن ثني و شكر خاص لمن قبل الترشح ...
بالنسبة لي، بعتذر عن قبول الترشيح ما تهربا من المسؤلية، لكني عضو جديد ما بعرف الناس و كتاباتها عشان أقدر اقرأها قراية صحيحة و بالتالي لا أصلح لهذه المهمة، علي الأقل الان ...
الشكر موصول لآمال و لطارق و لكل أبرق معزيا ...
و لو عندي حق ترشيح زول برشح أختنا في الله "نغم" .......

[AMAL]

المشاركة الأصلية كتبت بواسطة أمين محمد سليمان

سلام للجميع ..والله ما عرفت بقصة الترشيحات و من ضمنها إنو أنا مرشح إلا ليلة أمس ....
الحاصل في البوست ده يدعو للسعادة و يبعد الكثير من الاحباط .... شكرا لمن رشح و لمن ثني و شكر خاص لمن قبل الترشح ...
بالنسبة لي، بعتذر عن قبول الترشيح ما تهربا من المسؤلية، لكني عضو جديد ما بعرف الناس و كتاباتها عشان أقدر اقرأها قراية صحيحة و بالتالي لا أصلح لهذه المهمة، علي الأقل الان ...
الشكر موصول لآمال و لطارق و لكل أبرق معزيا ...
و لو عندي حق ترشيح زول برشح أختنا في الله "نغم" .......

ماصاح منك اوالله الحكاية تمشدق ساااي ولاشنو
think about it man please

[معتصم الطاهر]

اقتباس:
المشاركة الأصلية كتبت بواسطة AMAL

ماصاح منك اوالله الحكاية تمشدق ساااي ولاشنو
think about it man please

أمين
ياخ أنا ما بعرفك كويس
لكن بعرف آمال ..
و احترم رأيك
لكن مسألة إدارة منتدى هي ما ستقدمه للمنتدى .. من تطور و تقدم ..

[الجيلى أحمد]

نقاش صحى ومفيد

تابعو فيهو ياشباب, لأنو دى أهم فوائد التجربة
تصحيح الأخطاء ومعالجتها..
بس ياريت أن يتم ذلك فى بوست منفصل وتركيز الهم فى هذا الخيط
على العملية الانتخابية التى تضمنتها اللائحة..

بقية القصور فى الللائحة يمكننا مناقشته فى مفترع أو مفترعات منفصلة,
ومن ثم رفع التوصيات للمجلس وصياغتها قانونيآ ومن ثم عرضها للنقاش
ثم اجازتها آخيرآ فى استفتاء..
____________

ياماجد ياأخى ماتشخصن القضايا,
بطل تطرف يارجل..

ولنحصر الهم هنا في العام, وتطوير التجربة..
ياأخى دى أصلو ماساحة بتاعت تصفية حسابات