لا زلت في الخرطوم... ولا تزال الخرطوم فيّ ......

[خالد الحاج]

المشاركة الأصلية كتبت بواسطة خضر حسين خليل

دة وصف عجيب ياخال
وصف بعكس حال بلد بي حالا

ياهو الحاصل ياخال ياهو والله ليس في الامر عجب !

العزيزة أمال طلبت تثبيت البوست وأنا أثني
دة بوست كشكول
مليان حاجات سمحة وزغني ولحلح
وعييييييييييييييييييك


ياخ عذبتنا والله

الله يقطع طاري الحنين يا خال

العزيز خضر...
يوجد يا صديقي الكثير الجميل.. ليس كل الأمر قبحا..
آسف لعدم تعليق البوست وكذلك بوست عبد الجليل... لا أعلق ما يحمل اسمي
عقدة شيوعيين وشايقية

[خالد الحاج]

المشاركة الأصلية كتبت بواسطة لنا جعفر

خالد تحياتي الحارة
وحمدا لله الف على السلامة
امي ياخالد كانت تكلمني عن لحظات زيارتك للبيت بفرح غااااامر وكانت تشتهي ان ترى جعفر وسارة ونهلة واماني وكلمتها انهم هناك ..
لكن فوجئت طبعا مفاجآت غير سارة فيما يختص بآل زكريا لهم الرحمة
وابراهيم فؤاد والصائغ وهود وطارق .......شباب تلاته الجميل اسعدتني رؤيتهم جدا
لكن طبعا مدركة الصعوبات الفنية الممكن تشوب تصوير ناس شلتنا وكان نفسي اشوف ميرفت واشراقة ومنى قرناص وسارة عبيد ...... وافتقدت هنا برضو آل سيد احمد وخالد ابو الروس وطارق بنسون وضياء وخالد عماشة وعارفه انه خالد نجم الدين في بريطانيا وهندوية في المانيا وفطومة معاها........انا افتقد الجميع وبشدة
طبعا الموضوع طويل لكن خلينا نتذكر بيا واباذر وفرّاج واولاد نمرة اتنين كلهم بدون فرز ياخالد .....جد افتقد الجميع الجميع الجميع
بس فاتك تمشي نادي الخرطوم تلاته .....ياااااااه تلاته ليها وحشة شديدة ياخالد
نادي الاسرة ياخالد صار كما اراد له الاوغاد ....
شكرا ياخالد للكاميرا الذاكرة وشكرا لهذا المهرجان والربط

كل ما أمش تلاتة يا لنا بمش بيتكم والله ..
في أغلب زياراتي أجد حاجة ليلي أما في التقروقة تصلي أو تتوضأ للصلاة
أحس بالراحة وأنا أسلم عليها ..
أل سيد أحمد توزعوا في أنحاء العاصمة... أباذر ميرغني غير موجود ، بابكر بيا أخباره عال رغم أني لم أقابله.. لا يزال عماد عبد الغني يضحك تلك الضحكة العملاقة ويعتصرك في السلام كما يفعل (هولك هوقن)
جمال حسبو حول الكنتين إلي محل موبايلات وطبعا لا يزال القلق حاصل...
الباش فوزي كما هو لم تغيره السنوات..
إسماعيل شاهين لا وجود له ...

الكل عموما بخير... الحاج عبد الوهاب الصافي تعيشي إنتي... ولا يزال المحل مفتوحا والفول كما هو والشطوط مع الطعمية والأجبان .
نادي تلاتة نشط وأحمد فؤاد في إدارته ويتعامل بجدية أركان حرب في الموضوع.

[خالد الحاج]

المشاركة الأصلية كتبت بواسطة عصمت العالم

العزيز باشمهندس خالد الحاج..

كل الامنيات لك بزيارة سعيده تعود لينا بمخزون فيه الكثير من صدى اثرتلك الوشائج وسمات الطيبه والافراح..
سلم كثيرا على الاهل وعلى الجروف والطين.والسواقى..وعفرة ذلك التراب..ثم الاهل والناس..
وعود لينا بشحنات مكثفه..
وعود لينا بذلك الانطباع المستمد من عمق الالفه..واحساس الوطن..وفيمة الصدى ومهب الريح..
واعد لنا ذكريات الايام ..وحقيقتها واتى لنا بكثافة ذلك الحنين الشوق...
العزيز خالد..
سافرت للبلد .ولم يتضمننا اعلان السفر..
لكن يا زول يا طيب..

اريتك انت طيب..

كل قواديس المحبه والاشواق

عصمت يا زول يا سمح سلام
مشتاقين والله يا أبا زينب..
قد أزوركم في لندن الشهر القادم... بعض شغل ومآرب أخري..
كانت سفرية غير معلنة يا عصمت لأني حتى يوم سفري كنت أقدم رجل وأأخر الأخري..
سلام يا صاحب وشوق

[خالد الحاج]

المشاركة الأصلية كتبت بواسطة طارق جبريل

والله العظيم حاسدك
خصوصا لمن شفت صورة قريبتي فتحية محمد الحسن في منتدى البركل
وحات الله العبرة خنقتني

حبابك طارق
فتحية تقوم بعمل عملاق والله في نادي البركل
الله يديها العافية

[خالد الحاج]

المشاركة الأصلية كتبت بواسطة mohammed

سلام استاذ خالد قلنا ندخل ونسلم ونرفع البوست بوست جميل ودمة خفيف

حبابك يا محمد يا أخي
يديك العافية

[خالد الحاج]

المشاركة الأصلية كتبت بواسطة نبيل عبد الرحيم

الأخ خالد الحاج
عودا حميدا

حباب نبيل
يديك العافية يا زول يا زين

[خالد الحاج]

المشاركة الأصلية كتبت بواسطة آمنة عمر

العزيز خالد..
مع القهوة الصباحية تطل جميلاً من الفنجان..فاقرأك.. تتمايل مع دندنات أستير وتذوب في هوى الحبشيات وربما اختمرت سرًا ًبعبق (الجاولي) المتفاغم من مخبر نادلة تحترف السكر بحبيبات(البن) الحلال فأردتنا جميعاً صرعى جلسة المساء الساحرة في حضرة ماركاتو.
ماركاتو..رشوة القدر بمكان جميل وحينها ماكنت أدري أنك تموت في (فنجان) يحمل توقيع أنامل حبشية..بعدها..ثرثرنا كثيراً عن حسن (الأمهريات) وفي صراع جمالي مدهش دافع عبدالجليل عن فتنة نساء(التقراي) ومالا تعرفه ياخالد أن جليلو العزيز قد أنفق كل براعته في (الشوف) صريع محاجرهن الفاتكة..دعه لن تستطيع إنتزاع خنجر (تقراوية) مسموم أصاب فؤاده من قديم.
هناك..إرتشفنا القهوة نخب حضورك بعد أن أنضم الينا الشاب الودود مهند بشير..وعرفناك..جميلاً تفوق الوصف موجعاً بسياط الغربة..تحن الي سودان جميل وكثيراً ماضحكت وعبدالجليل على سخطك من إختراقات المرور في بلاد خلق فيها القانون ليهان!
لدي الكثير ياخال ولصوت أماني المنسرب بلهفة وصولك اليها والصغار صدى جميل..أسعدني صوتها المليان طيبة ومن قبل سعدت بها في حكاياك.
لك ولها الود يازول يارائع

[align=center]

[/align]
إزيك يا آمنة
خالك ممنون..
متخيل جلستك بجوار فائقة.. في ركنكم القصي.. وفي مواجهتكم في الغرفة الأخري يجلس الجميل شعراني (لو عايزة كلمة المرور الخاصة بالكمبيوتر بتاعو قولي لي )
التحية لكل التيم الجميل وسلام كبير للزول الممتاز وجدي الكردي..

ميركاتو يوقظ آلام قديمة .. دمامل من الذكري كلما أظنها دفنت بث فيها الروح لحن شجي
أو شهقة أو قهوة .. أو لثة خضراء "تحتاج منك شرح دي يا جليل "
ذهبت إلي الكنيسة .. عرفتني كنباتها وتماثيلها . وأشجارها العملاقة التي لو قدر لها أن تحكي لقالت الكثير المثير ... لا يزال الرب فيها محبة..
افتقدت العيون ... عساها بخير... سعيدة هي روابي كندا ودفيئا هو بردها لا شك عندي وهو يحتضن عيني سابا...
مالك علي يا بت الناس...

[عصمت العالم]

يا ادميرال..
انت اعلم بحقيقة ما تحمله الجوانح لك وحولك..من محبه واخاء صادق وملتهب
وانت صفاء صداقة لها ثقلها وزنها..وانت ذلك الوفاء الراسخ الممتد..
لذا نتحسس قليلا ان اخفيت او اعلنت بدون علمنا.ولعل ذلك من همة تلك الجذوه الصداقه والاخوه الحقه..
باسلام يا زول يا طيب..
وتشملك دعواتنا بسياج حرصها..
وتصحبك كل بيض الامنيات..
وتطير بك الحمائم.باجنحتها وترفرف بك على مدى كل ذلك الجمال...
خالد العزيز

وقف البكا.وانت فى زمن طواف سحر الجمال..واحذر بنات الجامعات...انهن السحره

ولن تنفعك عصا موسى..ولا بيان هارون..!!
انا حذرتك..ووعيتك...!!
والعبره بالاحداث..!!!
والله بكره كل القوم هناك...!!
وشد حيلك..
ترجع باسلامه..
وانتظرك فى لندن يا ادميرال...

كثيف المحبه..

[عادل عسوم]

[frame="7 80"]

المشاركة الأصلية كتبت بواسطة آمنة عمر

العزيز خالد..
مع القهوة الصباحية تطل جميلاً من الفنجان..فاقرأك.. تتمايل مع دندنات أستير وتذوب في هوى الحبشيات وربما اختمرت سرًا ًبعبق (الجاولي) المتفاغم من مخبر نادلة تحترف السكر بحبيبات(البن) الحلال فأردتنا جميعاً صرعى جلسة المساء الساحرة في حضرة ماركاتو.
ماركاتو..رشوة القدر بمكان جميل وحينها ماكنت أدري أنك تموت في (فنجان) يحمل توقيع أنامل حبشية..بعدها..ثرثرنا كثيراً عن حسن (الأمهريات) وفي صراع جمالي مدهش دافع عبدالجليل عن فتنة نساء(التقراي) ومالا تعرفه ياخالد أن جليلو العزيز قد أنفق كل براعته في (الشوف) صريع محاجرهن الفاتكة..دعه لن تستطيع إنتزاع خنجر (تقراوية) مسموم أصاب فؤاده من قديم.
هناك..إرتشفنا القهوة نخب حضورك بعد أن أنضم الينا الشاب الودود مهند بشير..وعرفناك..جميلاً تفوق الوصف موجعاً بسياط الغربة..تحن الي سودان جميل وكثيراً ماضحكت وعبدالجليل على سخطك من إختراقات المرور في بلاد خلق فيها القانون ليهان!
لدي الكثير ياخال ولصوت أماني المنسرب بلهفة وصولك اليها والصغار صدى جميل..أسعدني صوتها المليان طيبة ومن قبل سعدت بها في حكاياك.
لك ولها الود يازول يارائع

[/frame]
أجدني دوما أسير الحرف البهي والكلمة المموسقة والسياقات التي تجنّح أنجم الخيال لسوح في الفضاءات العلى!!...
أسمح لي ياخال بأن أحتفي بهذا النص البهي والذي يضئ!
آمنة ...
أنت بصدق رائعة
التحية من بعدك لكل من ذكرت

[معتصم الطاهر]

المشاركة الأصلية كتبت بواسطة عادل عسوم

[frame="7 80"][/frame]
أجدني دوما أسير الحرف البهي والكلمة المموسقة والسياقات التي تجنّح أنجم الخيال لسوح في الفضاءات العلى!!...
أسمح لي ياخال بأن أحتفي بهذا النص البهي والذي يضئ!
آمنة ...
أنت بصدق رائعة
التحية من بعدك لكل من ذكرت

[align=left]I wish I was your tear-drop,
Conceived in your heart,
Born in your eyes,
Lived on ..,
And died ....[/align]

[كيشو]

خالد الحاج
تحيات
اسعدتني سعادتك في إجازتك
كنت عايزك تمشي لي سد مروي الموقع أو الإدارة بالخرطوم كأضعف الإيمان لترسم لنا صورة عن قرب
ــــــــــــــــــــــــــــــــــــــــــــــ
لكين تعال
معتصم دا سويتو ليهو شنو؟
جا لابشوف (اقراها ذي الأسماء الروسية) لابشوف لابسمع
قبل ايام مر الريس معتصم أمامي مستعجلاً ونظر إلي ولم يرني (اي والله لم يرني) وناديت عليه ولكنه لم يسمعني، كان مهرولاً إلى خارج الشيراتون، لم استطع اللحاق به لأنني كنت محبوساً بين يدي رجل مهذب تعرف عليَّ للتو
ــــــــــــــــــــــــــــــــــــــــــــ
كنا نمني نفوسنا بـ كونكشن منك العين تشوف العين والإيد تصافح لزوم زيادة المودة ولتأمين مسار آمن لحروفنا في المستقبل
ـــــــــــــــــــــــــــــــــــــــــــ
ودام عليك الهنا والسرور

[خالد الحاج]

المشاركة الأصلية كتبت بواسطة عادل عسوم

[frame="7 80"][/frame]
أجدني دوما أسير الحرف البهي والكلمة المموسقة والسياقات التي تجنّح أنجم الخيال لسوح في الفضاءات العلى!!...
أسمح لي ياخال بأن أحتفي بهذا النص البهي والذي يضئ!
آمنة ...
أنت بصدق رائعة
التحية من بعدك لكل من ذكرت

نعم يا عادل... هي آمنة ...
ستكشف لك الأيام المزيد.. هي إنسانة لي بكرة .. هي نفسها نص يستحق الإحتفاء..

[خالد الحاج]

المشاركة الأصلية كتبت بواسطة كيشو

خالد الحاج
تحيات
اسعدتني سعادتك في إجازتك
كنت عايزك تمشي لي سد مروي الموقع أو الإدارة بالخرطوم كأضعف الإيمان لترسم لنا صورة عن قرب
ــــــــــــــــــــــــــــــــــــــــــــــ
لكين تعال
معتصم دا سويتو ليهو شنو؟
جا لابشوف (اقراها ذي الأسماء الروسية) لابشوف لابسمع
قبل ايام مر الريس معتصم أمامي مستعجلاً ونظر إلي ولم يرني (اي والله لم يرني) وناديت عليه ولكنه لم يسمعني، كان مهرولاً إلى خارج الشيراتون، لم استطع اللحاق به لأنني كنت محبوساً بين يدي رجل مهذب تعرف عليَّ للتو
ــــــــــــــــــــــــــــــــــــــــــــ
كنا نمني نفوسنا بـ كونكشن منك العين تشوف العين والإيد تصافح لزوم زيادة المودة ولتأمين مسار آمن لحروفنا في المستقبل
ـــــــــــــــــــــــــــــــــــــــــــ
ودام عليك الهنا والسرور

كيشو حبابك يا صاحب
هنالك بوست منفصل لزيارة الشمال بما فيه سد مروي..
الباش العليه ما شوية ويقتله الحنين كما قتل أخيه الكاشف
المودة حبابة يا كيشو ولا تخف علي مسار حروفك فقد صارت سودانيات أكبر من الأفراد وستبقي طويلا بعد ذهاب ود الحاج ...

[معتصم الطاهر]

المشاركة الأصلية كتبت بواسطة كيشو

ــــــــــــــــــــــــــــــــــــــــــــــ
لكين تعال
معتصم دا سويتو ليهو شنو؟
جا لابشوف (اقراها ذي الأسماء الروسية) لابشوف لابسمع
قبل ايام مر الريس معتصم أمامي مستعجلاً ونظر إلي ولم يرني (اي والله لم يرني) وناديت عليه ولكنه لم يسمعني، كان مهرولاً إلى خارج الشيراتون، لم استطع اللحاق به لأنني كنت محبوساً بين يدي رجل مهذب تعرف عليَّ للتو
ــــــــــــــــــــــــــــــــــــــــــــ

سلام .. كيشو

يا خوى ..داك مكان سمع

شوف ساى ..
عذرا ربما جهرنى ضوؤكم ..
جر السلك يا حبيب ..

[Ali Awad Ali]

انتظرتك وصديقاتي الورود والاولاد الجدعين
على الارصفة لتبشرنا بالتغيير والتجديد ولكن
...................................!!؟؟